العودة   مجتمع ريلاكس | للحياة نكهتنا الخاصه َ > •»|[ رِحلہْ لِصَفآء آلذِهنْ وِ الرُوِحْ ]|«• > خيمة الشعر




المواضيع الجديدة في خيمة الشعر


إضافة رد
 
LinkBack أدوات الموضوع انواع عرض الموضوع
  #1 (permalink)  
قديم 09-13-2015
الصورة الرمزية E B T H A J
E B T H A J
 الأوسمة و الجوائز
 آخر مواضيعي
 بينات الاتصال بالعضو
 My MMS
8
 رقم العضوية : 6085
 تاريخ التسجيل : Sep 2015
 الجنس : women
 المكان : الرياض الجميله
 الدولة : السعوديه
 المشاركات : المشاركات 1,570 [ + ]
  : لااله الا الله
  : الهلاللل*

E B T H A J غير متواجد حالياً
افتراضي الحلم


()*



بوقت من البطا و بليل تترقص شياطينه
بعد شفت الضيا ينزع من ثياب المسا ثلثين
تحايلت المنام اللي مثل بيتك تمرينه
و انا اللي من تفارقنا و أنا ما غمضت لي عين
غريبة كل حلم يمر في رقادي تزورينه
و الاغرب كيف أحلم الحلم و ارجع و احلمه بعدين
قبل يومين شفتك بالمنام و قمت من حينه
و نمت أمس و أرجع نفس المنام اللي قبل يومين
أنا اللي قبل اسافر شلت قلبي من شرايينه
تركته في يدك مثل الأمانه و احفظيها زين
ترى حفظ الأمانه دين مجبورة تردينه
أجل ما فيه أحد قد قال لك حفظ الأمانة دين
مرد المقفي بيلفي و يستوفي و توفينه
بعد ليله ثلاثه أربعه عشره شهر شهرين
إذا انتي ما انتي بقد الكلام اللي تقولينه
حرام استامنك حاجة و إذا جيت اطلبك تنسين
تخونين و تبين أرضى و احد يرضى تخونينه
أنا لاجيت أخونك مع حبيبة ثانيه ترضين
من أول مارجعت من السفر ماشفت لك بينه
و أنا اللي كنت أحسبك قبل ادوس ارض المطار تجين
تكونين أنتي أول شخص عيني تحتضن عينه
وكنت أتخيلك من زود فرحة رجعتي تبكين
و أشوف بدمعتك حكيك و أعرفه قبل تحكينه
و اجيب أحلى من اللي بتحكينه و أتركك تحكين
تقولين : الوطن نور و أقول : بنور مضوينه
تقولي لي : غديت أحلى و أقول : عيونك الحلوين
كلام نام بشفاهك و خفتي لا تصحينه
ذخرتيه لغرام للي ينام و يترك تصحين
تغانمتي غيابي لين رجحتي موازينه
تعلم من يدك لمس الكفوف و علمك تجفين
و ليتك لاقيه به شي فيني ما تلاقينه
مهو بغرور لكن خابرك مالك أمل تلقين
تغافلك بغلا و الا الحلا مهوب من زينه
تزينه الصور بس الصحيح ابن الحلال زوين
و أنا ماني بنقاص عنه يوم أنك تبدينه
نصيبي هو نصيبي لو يسددها من الصوبين
قنوع بمظهري و السم ما يذبح ثعابينه
على قول المثل ماني حلو لكني ماني شين
إذا أهداك الزهر مره فأنا اهديتك بساتينه
و إذا ألهاك بفرح ليله فانا تهت لبكاك سنين
وإذا استضعفتك أملاكه و شتتك ملايينه
أنا حتى فتات الخبزة أقسمها معك نصين
طموحي بس أجي و أظفر بشي تستحقينه
تدينته تسلفته سرقته مو مهم منين
كأني من كثر ما ارضى بكل اللي تمنينه
لو انك تطلبين الله يعنيني بقول آمين
أنا ما العب على الحبلين وقت الطيش و سنينه
تبين الحين يوم أني كبرت العب على الحبلين
ترى عند البدو بالذات عيب اللي تسوينه
حلاتك لا عشقتي تعشقيني ليوم الدين
غرامٍ نسكن ضلوعه حشيمه من مجانينه
جفا يجمع معزتنا و لاعشق يذل أثنين
كثار اللي تحدوني و قالولي : تحبينه
امانه لاتخليني صغير بعينهم تكفين
لاني كل ما قالوا تخون اقول : مسكينه
عليك الله و أمانه علميهم منهو المسكين
أنا خايف لياطاح الجمل تكثر سكاكينه
وأنا ماعاد بضلوعي مكان لطعنة السكين
مثل ماقالوا المكتوب واضح من عناوينه
لو ارحل منك للغربه بسافر من ظلامك وين
كفايه كل حلم يمر برقادي تزورينه
كفاية من تفارقنا وأنا ما غمضت لي عين
قبل يومين شفتك بالمنام و قمت من حينه
و نمت أمس و أرجع نفس المنام اللي قبل يومين

سعوطآليي معجب بهذا .
__________________
_







استغفر الله لي ولوالدي ووالد والدي والمسلمين والمسلمات ' والمؤمنين والمؤمنات 'الأحياء منهم والأموات
رد مع اقتباس
قديم منذ /01-18-2016   #2 (permalink)

غلآويشن
* مشـرفَ .. !
 
الصورة الرمزية غلآويشن

عُضويتيّ 6084
مُشآركاتيَ 8,553
تـَمَ شٌـكٌريَ 2317
شكَرتَ 2893
حلاُليٍ 5246



الأوسمة المركز الاول ف فعآلية عآلم الوآتس آب وسام الالفيه السابعه مميز بقسم الطبخ كنق ريلآكس ألمركز الثآني العضو المميز خلال الاسبوع مميز بقسم الخواطر مميز القسم الرياضي المركز الاول ف فعالية امتحان مجتمع ريلاكس وسام المركز الاول بـ مسابقة تصوير المركز الاول 



غلآويشن غير متواجد حالياً
افتراضي رد: الحلم


طرح جميل و رائع
يعطيك العافية







  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

الانتقال السريع


الساعة الآن 09:51 AM


Powered by vBulletin® Version 3.8.8 .Copyright ©2000 - 2016, Jelsoft Enterprises Ltd
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012