العودة   مجتمع ريلاكس | للحياة نكهتنا الخاصه َ > •»|[ رِحلہْ لِصَفآء آلذِهنْ وِ الرُوِحْ ]|«• > قصص - روآيات - قصص ؤآقعيةة - قصص خيآليةة




المواضيع الجديدة في قصص - روآيات - قصص ؤآقعيةة - قصص خيآليةة


إضافة رد
 
LinkBack أدوات الموضوع انواع عرض الموضوع
قديم منذ /02-10-2013   #61 (permalink)

MeM
 
الصورة الرمزية MeM

عُضويتيّ 4110
الجِنسْ women
مُشآركاتيَ 25,070
تـَمَ شٌـكٌريَ 247
شكَرتَ 309
حلاُليٍ 0
آلدوُلة السعوديه
هناَ سأكونُ twitter 






MeM غير متواجد حالياً
افتراضي




************

راحوا بيت عمهم لأن البنات مجتمعين هناك...

سلموا ع بعض وركبوا السياره "صالون...جمس"..

أما ريم ولميس دخلوا علشان
يسلمون ع عمهم...

ريم:بروح أشوف أمل...تقول سديم إنها جايه..وبغرفتها..تاخذ
أغراضها اللي تبغاها...

لميس:ماتستغنى عن أغراضها
القديمه....روحي وأنا بنتظر عمي ينزل بس بسرعه...

صعدت ريم فوق وظلت لميس
واقفه في الصاله...تحاول تبعد
رعد عن تفكيرها....

إنتبهت لرنا اللي لماشافتها ماسلمت عليها تناظرها ببرود...

جت الخدامه:مدام رنا...

رنا إستغربت لماشافت الظرف الكبير اللي مدته لها الخدامه:هزا
مان برى في إعطي أنا هزا ..يقول هق بابا خالد...

خذته منها :خلاص أنا أعطيه
إياه...روحي...

غصب عنها إيديها فتحت وطلعت
اللي داخله..

توسعت عيونها بصدمه لماشافت صورها مع بندر..

طاحت من يدها لماسمعت صوت خالد...اللي وقف قلبها...

تحركت بسرعه لميس اللي إنصدمت لماشافت الصور وجمعتهاكلها وخبتها ورى ظهرها وتغطت لمادخل خالد...

خالد:السلام عليكم...كيفك بنت العم..

لميس بشكل طبيعي:هـ هلا
خالد..الحمدلله إنت كيفك..

خالد:بخير الله يسلمك...

ناظر في رنامستغرب:شفيك حبيبتي..

رنا بارتباك :مـ مافيني شـ شئ

خالد إبتسم:ماراح تغيرين رايك
وتروحين معاي..

لميس قالت بسرعه قبل تفضحهم رنا:لا خالد خلها تروح
معانا ..البنات كلهم بيجتمعون..

خالد:أوك...

طلع لماسمع صوت رائد يناديه
ورنا مومصدقه إن خالد ماعرف
شئ وإن الصور ماوصلت له...قبلها...لكن...

التفتت تناظر في لميس بصدمه
...

***************

نزلت عيونها للصور بهدوء
وقالت:أنا بحرقهم..

وتوجهت للمطبخ تاركه رنا واقفه بجمود وعيونها مثبته ع
باب المطبخ...

لميس أنقذتها ..أنقذتها من اللي
راح يصير لها لوخالد شاف الصور ..بتخسره..وتخسر حبه..
بتخسر كل شئ حتى حياتها..

لكن لميس أنقذتها وسترت عليها
..
لميس بنت عمها اللي تبرأت منها
وضايقتها بحياتها حتى شرفها
طعنت فيه وهي حتى ماتعرف
الحقيقه...حسدها من مميزات
لميس اللي تفوقها بكل شئ
وغرورها أعمى عيونها...

كان ممكن لميس تنتقم من هذا
كله وتتركها تنفضح...كان الفرصه قدامها لكنها أخفت الصور ولافضحتها ...ليـــــه...

دخلت المطبخ وشافتها واقفه
قدام حوض الغسيل ..وتناظر
في الصور اللي أكلتها النار...

رنا:ليه...

ناظرتها لميس وقالت:لأنك بنت
عمي...

وطلعت من المطبخ تاركه رنا
واقفه بصدمه وندم...

***

طلعت من المطبخ وشافت عمها نازل من الدرج اللي إبتسم لماشافها وسلمت عليه
..
سلمت ع أمل اللي مقهوره لأنها
ماتقدر تروح معاهم لأن طيارتهم
بعد ساعتين ..وطلعت..

طلعت معاه برى بعد ماتغطت
لماسمعت أصوات الشباب...

شافت البنات كلهم راكبين جوا
السياره وراحت لهم وقبل توصل للسيارة..سمعت صوت
سميه وريم يتخانقون ع المكان
اللي جنب الشباك..

قالت سديم:لا إنتي ولا هي لميس تجلس فيه..

جلست لميس جنب الباب وجنبها ريم وبعدها تولين وجنبها سديم
..وبالخلف جلست لمياء و
سميه..وساره..وداليا

لفت لميس وجهها للشباك
يناظرون في الشباب اللي واقفين يسولفون وطاحت نظراتها ع رعد اللي جاي من بعيد..لابس بنطلون أسود وقميص أسود فاتح أزاريره الثنين ونظاراته السود ع شعره
وماسك جواله بإيده ومفتاح سيارته وخلفه واحد من الحرس
شايل شنطته وشنطة اللاب توب
..

قال رائد لماشافه بصوت عالي: ‏the black man‏ وصل

ضحكوا الشباب وقال رائد وهو
يشوف رعد يسلم ع الشباب:
ماأشوفه إلا لابس أسود جابلي
الكآبه موكفايه علي سميه..

شهقت سميه اللي سمعته:حمار

وقالت سديم:الله يفضح إبليسه

همست لمياء لساره بصوت واطي:شوفيه يجنن ولد اللذ...آآه

لكزتها ساره يعني إسكتي وهي
تقول:إنطمي وإستحي زوجته
معانا لاتسمعك..

لمياء:ماقلت شئ غلط...

ساره:ولو إنطمي وغضي بصرك ..

لمياء بتريقه:علشانك متزوجه
يعني تقولي غضي بصرك

ساره:لاحبيبتي المتزوجه واللي
ماتزوجت كلهم سواء(وقل للمؤمنت يغضضن من أبصارهن)..

زفرت سديم بقوه وهي تتأفف:أففف اللحين متى يتحركون ذولا بنموت من الحر..

سميه:إكشفي ماحد شايفك..
السياره مظلله..

كشفت وجهها وطاحت عيونها
بعيون رائد اللي واقف يحكي
مع ماجد..وحست بقشعريره
بجسمها ورجعت تغطت...
وهي تلف وجهها للجهه الثانيه..

رفعت عيونها عن شنطتها وتعلقت بعيونه السود واقف يحكي في جواله..لابس بنطلون
جينز وقميص بيج ..
حست بشعور غريب يسري بجسدها وهي تتذكر اللي صار
لماراحت بيت أهلها..
غمضت عيونهابقوه لماتذكرت
اللي صار...حضنه الدافي لما إحتواها..وحسسها بالأمان وإن
ريان لايمكن يقرب لها وفيصل
معاها...
ماكانت تبغاه يعرف إن ريان
كان يحاول يضيعها...ماتبغاه
يكرهها أو يشيل فكره عنها..

فتحت عيونها لماسمعت أصوات
البنات وهم يشوفون الشباب
يتناقشون من اللي راح يسوق
الجمس..

شافوا رائد أخذ مفتاح الجمس
وإبتسامته شاقه وجهه من الفرحه...

صرخت داخلها سديم لماشافته
متجه للسياره...لا ا ا ا ا ا ا ا ا ا
لاياربي ..مو را ا ا ائد...إيش بسوي اللحين...أنزل..أنزل...بنت
عيب إيش تنزلين علشان يشكون بشئ....إييييش يشكون
أنا إيش قاعده أقول...خلا ا اص
..

حبست أنفاسها لماشافته يجلس
في مكانه وهو يعدل كابه الأسود...وهويقول:السسسلام
عليكم...كيفكم بنات...

ردوا البنات بصوت واطي ...
وشافوا فيصل ركب جنبه...وسيارة فيصل أخذها واحد من
رجاله .....

أما بقية الشباب ركبوا مع رعد اللي ناظر في فيصل بنظره غريبه ونقل بصره للخلف...ثم
أبعد عيونه وكأنه موعاجبه الوضع..
..
وطبعالميس لاحظت نظرته
اللي آلمتها...

وأبورعد مع أم رعد وركبت معاهم رنا..لأن خالد مع رعد...

حركوا السيارات وطلعوا من القصر ولاقوا السيارات الثانيه...

***************

عدل جلسته وإنتبه لها لأنها جالسه خلف رائد..
مسنده راسها ع الشباك..

لف وجهه لقدام وهو يطلع جواله من جيب بنطلونه ويكتب
مسج...

رفعت راسها لماحست بجوالها
يهتز لأنها حاطته ع الصامت وفتحت المسج...

رفعت راسها لماقرته تناظر فيه
لقته يطالع قدامه وجواله بيده..

بعدت نظراتها لجوالها تناظر فيه
وإبتسمت بحزن...للحين مهتم
فيها حتى بعد ماعرف عن حياتها واللي صار لها وماكرهها..

فتح جواله لما جاله مسج منها
.."أنا بخير ....."

:إحم إحم...

رفع راسه لرائد اللي يناظره بتسليه وهو يحط جواله :خير..

رائد بتسليه:ياخي كان رحت بسيارتك أريح لك...

كبح إبتسامته وعطاه نظره ..
بسم الله كيف إنتبه...

ضحك رائد وهو يرفع عيونه
للمرايه وتعلقت بعيونها ..

مانتبهت ع نفسها لأنها كانت سرحانه فيه لماسمعت صوته

إنتبهت وسحبت الغطا ع عيونها
وهي تلف وجهها لريم ..
وهي تسب نفسها ع غبائها..

اللحين إيش بيقول...أففف عاد
هو لله شايف نفسه...

أححح ..غمضت عيونها لماحست بضربه ع راسها من الخلف ..ولفت وجهها للخلف شافت سميه اللي قربت وهمست:ماتحبينه ها..

فتحت عيونها بوسعها هذي كيف
إنتبهت...الدبه..

التفتت لماحست بالسياره تهدي
عند المحطه..

فتح رائد الباب وقال:تبغون شئ
بنات..

ماحد رد عليه ..رفع حاجبه وقال:ترى فيصل متزوج وزوجته
موجوده يعني ماراح يعطيكم
وجه...

إبتسم فيصل ونزل من السياره

كل البنات تشاوروا إيش يبغون
إلا سديم ساكته ومو لمهم..

رائد :بس ماتبغوون شئ ثاني...
فيه ناس يبغون شئ..

كان يقصد سديم اللي إنقهرت
والبنات يقولون له لا وهو متجمد
مكانه إلا يبغاها تحكي...
وسديم عصبت ووضح عليها...

شهقت لما جتها ضربه ع راسها
من سميه وهي تقول:قولي
إيش تبغين خلصينا...

ضحكوا البنات اللي عرفوا قصدها ...

سديم همست بعصبيه:وجع مابغى شئ...

سمعها رائد وقال:فكري..

البنات ماسكين ضحكتهم ع رائد
اللي لسى واقف...

حس بأحد مسكه من تيشيرته
بقوه وسحبه ع ورى :تعا ا ا ا ا ا ال إنت..أشوف حلت لك الوقفه..

عدل تيشيرته بضيق:وإنت شــ..

شهق لماشاف الأكياس اللي في يد فيصل:ليـــــه..

مشى فيصل :لوبخليك مامشينا
إلا الليل..

كشر بضيق:دب..

ركب السياره وهو يسمع ضحك
البنات..

ناظر في فيصل بغيظ وفيصل
إبتسم وهي يعطي ريم الأكياس
لأنها أقرب...

همست سديم:أححسن...

***********

رشا جلست:ليـــــه...

دلال كشرت:عبودوه مارضى..

رشا:قهر ليه...البنات كلهم راحوا
في سياره وحده..وإحنا نروح لوحدنا..

دلال سكرت شنطتها:عاد اللي
ميتين علينا..مالت عليهم..

رشا:ولو..

دلال رفعت راسها:بس ها هذي
فرصتك وفيصل بيصير قدامك
أربع وعشرين ساعه..

رشا إبتسمت:عارفه..

دخلت أم عبدالله:دقيتي ع أخوك

دلال:أيوه دقيت..وشكل بعد
مو صاحي...يعني يالله نمشي
العصر...

تأففت أم عبدالله وطلعت..

رشا:وهذا للحين ماترك السم
اللي يشربه..

دلال:لا..أحسن خلي ريم تبتلش
فيه...

************

لفت وجهها للشباك لماتذكرت
اللي صار...وقلبها يدق بقوه من
الرعب...لوخالد شاف الصور..

غمضت عيونها بقهر...توها تفكر
في سمعة أهلها...

بس مين اللي أرسل الصور
معقوله بندر ...بس هي سمعت
إن رعد بلغ عنه الشرطه بتهمه
ماتدري إيش بالضبط..بعد ماسافر ..علشان يمنعه يرجع
لأنه لو رجع بتقبض عليه الشرطه وينسجن...

بس أكيد موصعبه عليه يرسل
أحد يعرفه...النـــــذل..

بس اللي صدمها أكثر تصرف
لميس معاها...

عمرها ماتوقعت إن لميس تسوي اللي سوته لها...

بعد ماكانت تسعى تخرب حياتها...

إنتبهت ع صوت أبوها يحاكيها
وإنقطعت أفكارها...

*************

دخلوا داخل المزرعه ...وعيونها
تدور مبهوره باللي تشوفه..طبعا
هذي أول مره تشوف فيها مزرعه مع إن عند أبوها بس ما
كانوا ياخذونها معاهم...

التفتت لفيصل اللي سايح بجسمه ع الكرسي ومنزل الكاب ع وجهه ونايم...

نزل رائد وهو يتمغط من التعب
وإيده ع رقبته ..

وأبعد عن السياره شوي علشان
البنات ينزلون..

حس بيد ع كتفه وفتح عيونه
وهو يرفع الكاب عن وجهه..

سحبت يدها لماشافته صحى
والتفت عليها..

تولين همست:وصلنا..

إنتبه إنهم داخل المزرعه...

إبتسم وهو يرجع راسه ع ورى
وإيده ع رقبته يدلكها وهو يشوفها نزلت بسرعه...

أخذت شنطتها ونزلت وهي تحاكي ريم...اللي ضاق صدرها
لماعرفت إن عبدالله بيجي اليوم
ومعاه خالتها وخواته...

قطعت حكيها لماشافت رعد من بعيد ينزل من سيارته ..

شافته رفع راسه يناظر فيها..
رمشت بعيونها وتحس رجولها
جمدت مكانها..مع إنها ماكانت
تشوف نظرة عيونه لأنه لابس
نظارته..
لفت وجهها بهدوء ومشت مع
ريم ...

شال نظارته عن عيونه اللي تلاحقها بنظراتها بضيق..يعني
للحين زعلانه و مومسامحته...
تنهد بضيق والتفت خلفه لماسمع خطوات رائد السريعه
ومر من جنبه بسرعه وبإيده جواله...

إبتسم ع شكله وراح للشباب ...

وصل للسياره وفتح باب السياره الأماميه بسرعه يبحث
عن شاحن جواله لأنه نسى يشحنه وينتظر مكالمه..

قطع بحثه السريع صوت نغمة
جوال جايه من السيت الثاني..

إستغرب لماشاف شنطه صغيره
بيضاء فتح الجيب الخارجي وطلع الجوال ناظر في شاشة الجوال بعد ماإنقطع الإتصال
وإتسعت عيونه لماشاف الوضع
"سدووومه وكلي عذووبه"...

إبتسم وهو يرفع حاجبه وحس
بخطوات خلفه..

التفت وشافها جايه تمشي بسرعه..

حط نفسه منشغل ..والتفت لها
لماشافها متنحه مكانها ..

رائد:تبغين شئ..

قالت وهي تأشر ع السيت الخلفي بتردد وإرتباك:شـ...شنطتي..

سكر الباب وقال وهو يعطيها
ظهره مبتعد:خذي راحتك يالعذوبه كلها

ماستوعبت اللي قاله كل همها
تاخذ شنطتها وتبتعد..فتح الباب
وسحبت شنطتها ورجعت بسرعه..

دخلت عند البنات في الغرفه اللي كانوا كل وحده متمدده ع
سريرها بينامون من تعب السياره...

دخلت لميس عليها بيجامتها وقالت لريم تفسح لها مكان
بتنام جنبها ..

ريم:اللحين إنتي عند غرفه وسرير إيش كبره وجايه تزاحميني ع سريري..

ماردت عليها لميس وتمددت جنبها معطيتها ظهرها...
كانت هربانه من الغرفه علشان
رعد...

:جوا ا ا ا ا ا ا ا ا الــــــــــي...

التفتوا كلهم ع شهقة سديم اللي
فرغت شنطتها كلها وهي تبحث
عن جوالها:جوالي جوالي وينه

قالت سميه اللي يالله تفتح عيونها تخاف يطير النوم منها:بسم الله دوري عليه زين يعني
وين بيروح...

سديم التفت بخوف:مالقيته وين راح...

داليا:يمكن طايح في السياره

أخذت جوال سميه ودقت ع
ماجد اللي كان جالس مع الشباب وقالت له يدور ع جوالها
في السياره...

رجع دق عليها وقال لها إنه مالقاه فيها..

سديم بخوف :يعني وينه...

ماجد:إنتي متأكده إنك جايبته
معك من البيت

سديم:أيوه متأكده...طيب إرجع
دوره ودق عليه...

سكرت منه..وقالت:ياويلي بنات
مالقاه...

شهقت :لايكون طاح من السياره عند المحطه....ياويلي
صوري فيه

سميه شهقت وهي تقوم:إنتي من جدك

داليا:مجنوونه..أناكم مره قلتلكم
لاأحد يصور في جواله..خطرالصور في الجوال لوضاع
رحتي فيها..

شدت قبضة يدها بخوف لمجرد
إنهافكرت إن جوالها يكون ضاع
وإنتشرت صورها..

شهقت فجأه:را ا ائـــــد

سميه بحيره:إيش

قامت بسرعه:رائد..أكيد معاه

سميه:ياسلام وإنتي إيش عرفك
إنه هو أخذه وليش أصلا

سديم:إلا هو لماجيت للسياره
باخذ شنطتي كان هو موجود
ولما راح قالي يا العذوبه كلها
يعني أكيد شايف الوضع في جوالي

داليا:عذوبه؟؟؟من وين جايبه
هالكلمه إنتي

سديم:هذا وقتك إنتي...اللحين كيف بخليه يرجع جوالي يووه ياليت أمل موجوده..

وكملت بعصبيه:وأصلا لييييش ياخذه الدووب

ضحكت سميه:اللحين إنتي واثقه إن هو اللي ماخذه

دخلت الغرفه معها مخدتها:السلام

شهقت سديم وهي تنط:ســـــاره

رجعت خلفها بفجعه:يمه بسم
الله شفيك

البنات ماتوا ضحك ع شكلها وسديم لاصقه فيها تترجاها تحاكي أخوها يرجع لها جوالها
وساره مفهيه موفاهمه شئ...

ساره طلعت جوالها ودقت ع أخوها :هلا رائد..

رائد ماسك ضحكته لأنه عارف
سبب إتصالها:ياأهليين

ساره بشك :إنت معاك جوال سديم

رائد:مين سديم

ساره عصبت لأنها عارفه أسلوب
أخوها:رويد لاتستغبي تراني عارفه حركاتك ...رجع جوال البنت

رائد:أي بنت

ساره :ر ا ا ا ا ا ا ا اائـــــد

ماقدر يمسك نفسه وضحك:ههههههههههههههههههه

ساره زاد غيظها منه:حما ا ا ا ار
حرام عليك البنت بتموووت عندنا
وإنت قاعد تضحك

رائد سكت فجأه:والله

ساره:ياسلام يعني ماتبغاها تبكي تبغاها تضحك..

رائد عدل جلسته :تبكي...ليش

ساره:شنو اللي ليش...شوف راح أعد لين عشره إذا ماجيت ترجع الجوال ياويلك...

سكرت بوجهه وقالت لسديم
:خلاص سدومه ...اللحين بيجيبه

سميه مقهوره:أخوك مزحه زي
وجهه..

سديم مسحت دموعها:أبي جوالي

ردت ساره ع جوالها :جبته

مشت للشباك وطلت شافته واقف يأشر لها بجوال سديم..

شهقت:جوالك

راحت سديم بسرعه عندها وشافته رافعه علشان تشوفه..

رائد بهدوء:خليها تشوفه ماله داعي تبكي

إستغربت ساره من نبرة صوته
بس رائد رجع قال بسرعه :إذا
تبغى جوالها تقول لي

ساره:شنو

رائد رفع حاجبه بضحكه:عطيها
الجوال وخليها تقول لي أرجعه
وإلا ماراح تشوفه

قالت لهم وسديم إنصدمت:نعم

سميه إستانست بس قالت بعصبيه تخفي وناستها:لاوالله
ترا بكلم ماجد وأعلمه

ضحك رائد لأنه سمع صوتها العالي:خليها تعلمه عاد اللي
بيصدق إني ماخذه

ساره:خذي كلميه وإلا ماراح تشوفي جوالك أخوي وأعرفه

أخذت سديم الجوال غصب لماتذكرت صورها..

إبتسم لما سمع صوتها الهامس
وقال:أيوه إيش تبغين..

سديم مقهوره منه داخلها قالت:أبغى جوالي..

رائد إبتسم:شفتي كيف غصب عنك بتحاكيني مو تتجاهليني

مافهمت عليه وتذكرت تجاهلها
وتطنيشها له في السياره..وعصبت بس إنصدمت لماسمعت همسه الهادي والغريب: لاعاد تصوري في جوالك....

صنمت وعيونها عليه وهو واقف
ومنزل راسه ..ودقات قلبها إرتفعت..

سمعته مره ثانيه وهوينزل النظاره من شعره لعيونه:ولاعاد تبكين...

شدت قبضتها ع الجوال ونظرات البنات عليها..

مدت الجوال لساره وقلبها تحس
البنات سمعوا دقاته ..

سميه:شفيك ..

سديم :ها مـ مافيني شئ..

التفتت لساره وقالت:جيبي جوالي

وطلعت من الغرفه..

ناظروا البنات في بعض باستغراب ..

إنتبهت ع نفسها واقفه وسط الممر لها دقايق ..وماتسمع غير
صوته اللي في راسها..عصبت وقالت:حتى ماعتذر الدب..

التفتت لماسمعت صوت ضحكه
وشافت سميه واقفه عند باب الغرفه وتضحك:لك ساعه تحاكينه ولاإعتذر أجل إيش كان
يقولك ها ومخليك واقفه زي الهبله هنا وتحاكي روحك

عصبت سديم وقالت:مالي خلقك إنتي بعد..

وشهقت فجأه تحاكي نفسها:إيش عرفه إني مصوره في جوالي....لا ا ايكون
فتحه لا لا لا أنا حاطه رمز قفل
أجل إيش عرفه

رفعت راسها لسميه اللي قالت
مفجوعه:لا هذا أكيد هبل في إختي..

صرخت مقهوره:سميــــــــــه

****************

طلعوا البنات برى عند الحريم
وجلسوا معاهم...

سديم كانت تحاكي أمها لما التفتت للبنات وإنصدمت لماشافت نظراتهم مصوبه عليها
كأنه شئ غريب قدامهم..

قالت بقوه:خيــــــر..

ضحكوا البنات ...وسديم عصبت
منهم لأنها فهمت قصدهم..

وشهد مبحلقه عيونها فيها تبغى
تعرف إيش السالفه:شفييكم..

ناظرت فيهاسديم براحه..الحمدلله إنها ماتعرف وإلا كان فضحتهم...

جتهم دلال تمشي بدلع :ها ا اي

الجده بتكشيره:وعليكم السلام
وشو هذي هاي..سلمي سلام
المسلمين..

البنات كتموا ضحكتهم ع شكلها.

دلال كشرت بضيق من هالعجوز اللي كل شوي مفشلتها...

ناظرت في المكان تدور لها مكان تجلس فيه وطاحت نظراتها ع لميس...
ناظرت فيها بنظره غريبه
وبغرور ..كشرت لما مالقت مكان إلا عند الجده وإضطرت تجلس فيه...

بين سوالفهم ..دق جوال الجده
قعدت تحوس لين طلعته من جيبها..بعد ماسكرت..

الجده وهي تتلفت حولها:رعد يبغى الشنطه بقيس سكر أبومحمد الظاهر إنه نسى حقته

دلال ماصدقت وخطفت الشنطه من جنب الجده قبل توصل لها يدها:أنا بعطيها له..

وقامت مشت مبسوطه لأنها لقت شئ يخليها تقابله وتقهر لميس...

وقفت لما أعترضت طريقها لميس وهي تاخذ الشنطه من يد
دلال:أعتقد إن رعد متزووج ...

وناظرتها نظره قويه وراحت...

الكل قاعد يطالع الموقف وعجبهم ردة فعل لميس....

أما دلال كانت مصدومه ماتوقعت لميس بتسوي كذا..و
مفتشله وميته قهر...

الجده:إجلسي يادلال...وإنتي يا
ام عبدالله المفروض ماتخلين
بنتك تطلع كذا عند الرجال ..هو
مومحرم لها...

أم عبدالله إنقهرت من تصرف لميس وكلام أم محمد وماتدري
إيش تقول...:إ..إيه عادي مافيها
شئ ..كانت قريبه من عندك وإخذته ..وبعدين رعد متعود عليها وهي متعوده عليه...مافيها
شئ...

الجده:لا فيها..الرجال متزوج ..زوجته فيه وخواته فيه...وعيب
تطلعه ولايجوز بنتك كبيره مو بزر ...مثل ماتغطت عن غيره
تتغطى عنه وإلا الغطا ع كيفها...

أ م عبدالله تفشلت وفضلت تسكت لا تطيح وجهها زياده..
دلال نفسها تخنقها ..وضاع وجهها قدامه...قامت من مكانها
بغرور وراحت ...

البنات يناظرون بعض ويتبسمون
بردت كبودهم الجده...

سميه تهمس بحماس:وه بس
كفوو أم محمد...بردت كبدي...
ودي أقوم أبووس راسها...

ضحكت ريم وهي تقول:إهجدي
بس ...

**

لميس مقهوره من دلال بس تبغى ترز روحها عنده...وزين
إنها ماسكتت لها...

قطعت أفكارها لماشافته واقف
بثوب أسود وشماغه لافه ع راسه زي الحمدانيه ولابس نظاره سودا وفي إيد جواله...

رفع راسه لماحس بوجود أحد
وحسته تفاجأ لماشافها...

شدت قبضتها ع الشنطه ومشت
له بتردد..وهي تشوف إبتسامته
..
مدت له الشنطه :تفضل...

لما طول ما أخذها رفعت راسها
لقته يطالع فيها ماقدرت تشوف عيونه من النظاره...

أخذها من يدها ..كان بيتكلم
لكنها عطتها ظهرها بسرعه وراحت...

شد قبضته ع الشنطه بقهر..لأنها
ماعطته فرصه يتكلم ..هو حتى
موقادر يفكر بلومها..زين إنه قدر يشوفها وماطلعت له...

************











 توقيع : MeM




سوف يأتي يوم لا اكون معكم ,
وسوف تدخلون لـ تقرأو ما كتبت
فان وجدتم ما يؤجرني انشروه
وان وجدتم ما يؤثمني اتركوه
  رد مع اقتباس
قديم منذ /02-10-2013   #62 (permalink)

MeM
 
الصورة الرمزية MeM

عُضويتيّ 4110
الجِنسْ women
مُشآركاتيَ 25,070
تـَمَ شٌـكٌريَ 247
شكَرتَ 309
حلاُليٍ 0
آلدوُلة السعوديه
هناَ سأكونُ twitter 






MeM غير متواجد حالياً
افتراضي



:وا ا ا او يجنن شكلهم لايقين ع
بعض

فار دمها بقهر وغضب وحقد
وإبتعدت تمشي مقهوره ورفعت
جوالها ودقت الرقم وقالت بعصبيه:نفذ اللي قلتلك عليه بسرعه.....مالي دخل تنفذ يعني
تنفذ أناخلاص موقادره أتحمل
أبغى طلاقهم يوصلني بسرعه
سامــــــــــع..

سكرت الجوال بقهر:هيـــــــن
يالميس إتهنــــــــــي هالدقيقتين في حضنه وبعدها
بتشوفي كيف بسوي وأنا اللي
بيكون حضنه لها...

ضمها له بقوه وقال:إمسكي فيني كويس

فتحت عيونها لماحست نفسها
طايره في الهواء..

قفز الحصان السياج وطلع برى
الساحه وركض جوا المزرعه...

بعدت عن حضنه تناظر حولها
يجنن منظر المزرعه..

رفعت نظراتها له شافته يناظر
قدامه ...

سندت راسها بحضنه ودموعها
غرقت عيونها..ماهي قادره
تفهمه .. ماهي قادره تفهم
تصرافته معاها...
أحيانا تحس إنه يحبها وأحيانا لا
تحسه يكرهها وبيذبحها...

غمضت عيونها ..حتى نفسها
صارت ماهي فاهمتها.. ماهي
فاهمه مشاعرها اللي تحسها
معاه ......
هل هي حب وإلا كره...
تحبــــــــــه وتكرهــــــــــه
بنفس الوقت...

آآ آ آ آه ياربي ماني قادره أفهم
شئ...

مابــــــــــي أحبــــــــــه
مابــــــــــي أحبــــــــــه ثم
يجرحنــــــــــي ويعذبنـــــــــي

آ آ آ آ آ آ آه ياربــــــــــي

حست بيد رعد ع ظهرها وضمها
له...

شهقت وهي تدفن وجهها في
حضنه وتبكـــــــي.....

رجع ظهره ع ورى وإيده ع كتفها علشان يشوف وجهها و
هو عاقد حواجبه:لميس..شفيك

ماردت عليه وهي منزله راسها
وشعرها مغطي وجهها...

وقف الحصان ونزل ..
نزلها من خصرها ..وأبعد شعرها عن وجهها:ليه تبكيـــن...

لفت وجهها وهي تمسح دموعها:مافيني شئ خلاص..

رفعت راسها وناظرته لقته يناظر فيها ثم رفع راسه يناظر قدامه وحوله...

إستغربت ومسك يدها وبالإيد
الثانيه لجام الحصان:تعالي..

مشت معاه دخلوا بين شجر ووقفت بصدمه تشوف اللي
قدامها..

المكان روعه يجنن...الأرض
خضرا ومليانه ورد بألوان مختلفه
ولفتها شلال كبير نفس الشلال
اللي في بيتهم بس هذا واضح
إن أنواره أكثر...

وبأحجار ملونه بألوان روعه...

مشت قدامه تناظر في المكان
لين وصلت للشلال...

لميس:هذا نفس اللي في بيتنا

رعد وهو يجلس جنبها ع طرف
الشلال:أيوه عجبني شكله وحطيت نفسه في البيت..

لفت وجهها تناظر حولها وهي تبعد خصل شعر ورا إذنها:إيش
هالمكان...

التفتت تناظره وهو يدخل يده
في المويه ويبتسم بدون مايطالعها:هذا المكان أنا مسويه خاص فيني ماحد يعرفه غيري...

كانت تناظره بحيره...خاص فيه
وماحد يعرفه غيره..ليه جابني
له وليه يبغاني أعرفه أنا...
آآآه يارعد الله يخليك فهمني
ماني قادره أفهمك..

اليوم متغير معاها كليا ليـــــه...

لميس:متى مسويه..

وقف وعيونه تدور في المكان:
من زمان من قبل لاأسافر..كنت
أجي هنا لما أكون متضايق من
شئ أو حتى مبسوط ...

"ياترا اللحين أي وحده فيهم"

قربت من الورد وهي تتلمسه
بأناملها الناعمه ..وريحته تفوح
في المكان..

فجـــــأه جا ع بالها صورتها
اللي في جواله ..

عقدت حاجبها بتفكير للحين
الصوره محيرتها...

رفعت راسها تناظره وهو واقف
عند الحصان يداعبه ..وشعره
يحركه الهوا...

أسألـــــه عنها وإلا لا...

لفت وجهها..لا لا مارح أسأله

رجعت تناظر فيه متردده...

رعد بالنسبه لها لغز كبير
غامض غموضه يقهرها...

لفتها شكل الحصان كان أبيض
وشعره ع ذهبي..مرره حلو
شكله ...

قربت منه ولمست شعره..ورعد
يناظر فيها...

لميس:إيش إسمه...

التفتت تناظره وهوإبتسم وقال:
الرعد...

رفعت حاجبها:الرعد....

ضحك وقال:عارف مستغربه..

طار عقلها لماضحك أول مره
يضحك في وجهها...

رعد:جدي اللي مسميه..

لميس:جدي..

رعد:أيوه...الرعد إنولد بعد ولادتي بيومين وجدي سماه
الرعد ع إسمي وأهداني إياه
من كنت طفل وهو لي...

كانت تناظره وهي يحكي ماكان يناظرها كان يطالع الرعد ويمسح ع شعره وإبتسامته الجذابه ع وجهه...

قلبها يدق بقوه لمجرد إنها تناظر
فيه كانت واقفه جنبه وقريبه منه ..

التفت يناظرها وإختفت إبتسامته
لماتعلقت عيونه بعيونها وقلبه يدق بقوه...

مدإيده وأبعد خصل شعرهااللي حركها الهوا عن
وجهها وظلت إيده ع شعرها..

قرب منها و......

**************

كانت واقفه وعيونها اللي مليانه
حقد وغل تترقبهم...

جتها إختها وقالت:للحين تنتظرينهم ..

لفت عليها والقهر ياكلها:بمووت
يارشا بمووت...لمجرد إني أتذكر
شكلهم وإنه راح معاها وللحين
مارجعوا أنقهر أحس بمووت..

رشا:عادي لاتنسين إنهازوجته

دلال عصبت:عارفه إنها زوجته
وهذا اللي قاهرني...

رشا:أجل لاتتعبين نفسك وتعبين عمرك ع الفاضي...

دلال:ماحد حاس بالنار اللي داخلي...كنت ممكن أكون مكانها
بس شوفي كيف هي اللي خذته

رشا:وبتتركينه لها عقب هالحب والإنتظار لثلاث سنوات أو أكثر
تخلينها تاخذه بالساهل وهي
ماعرفته إلا من كم شهر

دلال:طبعا لا ومستحيل..إصبري
علي..بتسمعين طلاقهم وبتشوفين....

***************

أبعــد عنهـــا لماسمع جواله
وعطاها ظهره وهو يغمض عيونه بقوه ويطلع جواله..

غطت وجهها اللي يشتعل حراره
وقلبها تتسارع دقاته...
بعدما إستوعبت اللي صار..

رفعت راسها لماسمعت صوته
المصدوم: إيـــــش....

**************

البنات جالسين في الغرفه يسولفون ..

دخل عليهم ياسر يركض وفجعهم شكله المخطوف...

أمل بخوف:ياسر شفيك

ياسروهو يلهث:مـ ماجد طاح
من النخله...

شهقت داليا وإيدها ع فمها..

سديم وقفت:ماجد..وينـــــه

ياسر :أخذه رعد وخالد للمستشفى..

البنات ناظروا داليا اللي دموعها
بدت تنزل ووجهها مرعوب..

طلعت تركض مع سديم وخلفها
البنات..

وصلوا عندالحريم لقوا أم ماجد
تبكي والحريم يهدونها..

سديم بخوف ودموعها مغرقه عيونها:يمه يمه ماجد شفيه

مسكتها لميس تهديها وسديم
ضمتها وبكت..

أم محمد:إذكروا الله إن شاءالله مافيه شئ..

أم ماجد تبكي:شلون مافيه شئ
ويقولون الطيحه قويه ومايتحرك
آآآه ياربي رحمتك يارب..

داليا قلبها يضرب ودموعها ماوقفت ضمتها ريم تهديها وأبعدتها عن الحريم..

سميه ماسكه نفسها علشان
أمها :خلاص يمه إن شاءالله
مافيه شئ..اللحين أدق ع رعد وأطمنك..

أخذت جوالها ودقت ع رعد

*************

في المستشفى...

جاهم أبوماجد لأنه ماعرف إلا
متأخر لأنه كان خارج المزرعه

أبوماجد:طمنوني..

رعد وخالد وقفوا:إن شاءالله
خير

طلع الدكتور وطمنهم إنها جت سليمه وراسه ماتضرر بس رجله إنكسرت و كتفه صار فيه خلع بسيط...

دخلوا لغرفته شافوه متمدد ع
السرير ورجله مرفوعه ومجبسه
وكتفه ملفوف ..

رعد:سلامات ماتشوف شر

ماجد:الله يسلمك

أبو ماجد باس راس ولده وماجد
علطول باس إيد أبوه

أبوماجد:الحمدلله ع السلامه ياولدي

ماجد:الله يسلمك..

خالد:الحمدلله ع السلامه ياطرزان

ضحك ماجد:الله يسلمك..

عاتبه أبوه لأنه كم مره
يحذره ويمنعه يتسلق بس هو
عنيد وراسه يابس من كان صغير واستغل الفرصه إن أبوه
موموجود وتسلق مع رائد...

دق جوال رعد وكانت سميه
طمنها وحاكى أمه أم ماجد يطمنها وعطاها تحاكي ماجد ...

*****************

رجعوا من المزرعه علشان أم
ماجد اللي أصرت تروح تشوف
ولدها..

لميس راحت لبيت عمها لأن
رعد في المستشفى مع ماجد..
وداليا من رجعت وهي تبكي
وتبغى تزور ماجد بس أمها قالت
لها مواللحين لأن الرجال عنده

************

في الليل...

كانت جالسه مقهوره ..دخلت
عليها ريم:شفيك..

لميس:أخوك سافر..

ريم تفاجأت :رعد متى

لميس :قبل شوي

ريم:عادي هو كذا أحيانا تجيه
سفرات مفاجأه ويسافر بدون
لانعرف يعني عادي بتتعودين..

تنهدت لميس بضيق..وقالت ريم:
بكره بنروح نزور ماجد..

لميس:متى

ريم:أكيد العصرأو المغرب..

لميس:أووو وداليا شخبارها

ريم:ياعمري ضايق صدرها وتبكي بس لما قالت لها عمتي
إن بكره بنروح نشوفه إرتاحت

صرخت ريم فجأه:وا ا ا ا ا ا ا ا ا ا ا ا ا او بتنامين عندددي

لميس ضحكت...

*************

العصر..

إجتمعوا دلال وهدى ورنا في بيت دلال....

هدى إنقهرت لماسمعت عن لميس:.عساها ماتتهنى

دلال:وأنا ماراح أتركها تتهنى
وبتشوفون....

هدى:إيش بتسوين..

قالت لهم اللي سوته وإنها كلفت
واحد من الشباب اللي تعرفت عليهم يدق ع لميس من جوالها
وتلفون البيت علشان تشككه
فيها ويطلقها..

هدى:مانتي هينه

رنا إبتسمت:من وين جايبه هالأفكار...

ضحكت دلال وقالت هدى:ياليتها إحترقت مع أهلها وفكتنا
من شرها..

رنا تفاجأت:إحترقوا

هدى إستغربت:ليه إنتوا ماتدرون

دلال:لا

قالت لهم هدى اللي صار لأمها وأخوها..

دلال:وأخوها كبير

هدى:أيوه..

لمعت فكره خبيثه في راسها
وقالت:عندك صورته

هدى:لا بس ليه

دلال ناظرت في رنا:رعد يعرف
اللي صار لأهلها..

رنا باستغراب:لا ماحد منا يعرف

دلال:ولا يعرف إن عندها أخو

رنا:ماأعتقد

هدى:أكيد يعرف زوجته أكيد
يعرف عن عمه وولده

دلال:إسمحي لي يارنا أخوك رعد مغرور ومتكبر ومايهمه
يعرف عن أحد ...

رنا:طيب والمعنى

دلال:ماراح أقول شئ لين
ألقى صوره لأخوها

هدى:بدور لك عليها في غرفتها
يمكن ناسيه له صوره...

***********

:أفف متى أطلع طفشت

سديم:هههههه توك هذا أول يوم وإنت ملان شلون عاد بعد
أسبوع وش بتسوي

ماجد:لاياقلبي بطلع مارح أجلس هنا

سميه تفتح حبة شوكلاته:إذا سمحوا لك

ماجد:أقول بس خلي عنك البلع
خلصتي السله..

سميه:قول ماشاءالله...

سمعوا دق ع الباب ودخلت
أم محمد (أم داليا) ومعاها داليا وأبومحمد

ماجد فز قلبه لماشافها..
والبنات ناظروا بعض وضحكوا
وطلعوا من الغرفه..

سلم ع أبومحمد وأم محمد وتحمدوا له بالسلامه..

ناظر في داليا اللي قربت منه بحيا وصافحته وصوتها يالله يسمعه من الخجل:الحمدلله ع السلامه..

إبتسم:الله يسلمك..

جلسوا وجلست داليا جنب أمها
سولفوا شوي وطلع أبومحمد وأم محمد علشان ياخذوا راحتهم وقالوا لداليا إن محمد بيمر يسلم وياخذها...

ماجد تشقق من الفرحه وشوي
يبوس راسهم..

طلعوا..وداليا منحرجه وضامه إيدها..

ماجد يناظرها بابتسامه ويأشر ع طرف السرير جنبه:تعالي جنبي ليه جالسه بعيد

ماردت عليها"إيه هين أجي جنبك"

ماجد:ترا إذا ماجيتي بتخليني
أنزل وأجي جنبك..وأتعور..

خافت يسويها لماشافته مستعد بيتحرك وشكل كتفه آلمه..مجنون ويسويها...

قامت وجلست جنبه بس بعيد بحيث تصير قدامه ع طرف السرير..

مسكها من يده السليمه وقربها
وباس خدها:سلمي زين

إنحرجت ووجهها ولع ولفت وجهها....

ضحك لماشاف شكلها يمووت
فيها وبحياها...

دخلوا البنات :مرحبا

قامت داليا وبعدت عنه منحرجه
وماجد عفس وجهه:أففف تكفون خلوني أجلس مع زوجتي دقيقتين بس

ضحكوا البنات لأن واضح إنه متضايق...

الكل كان موجود والبنات جالسين بجهه جنب الحريم لأن الشباب كانوا جالسين عنده...

سديم همست لداليا:خلاص أكلتي أخوي بنظراتك

إنحرجت داليا لأن البنات إنتبهوا
لهم وضحكوا..

سديم:ياحلوك وإنتي مستحيه

داليا:سديم وبعدين معاك إسكتي

دخل رائد:السلام عليكم

داليا همست:جاكي اللي يسكتك

سديم:إنطمي..

سلم عليهم وجلس جنب ماجد:شخبار رجلك

ماجد:أحسن

رائد:شفت كيف هذا اللي مايسمع النصايح قايل لك لا تسلق بس إنت ماسمعت الحكي

ماجد بنص عين:إحلف عاد موكأنك متسلق معي..

رائد يتصنع البراءه وشهق:أنـــــا
متـــــى

الجده رفعت عصاها وضربته:تحسبن نسيت ها ..شوف ماجد
وش صار له إحمدربك ماجاك شئ أنا حالفه ماترك أدري إنه منك الهبال كله وإلا ماجد مهوب لمه...

رائد شهق...وماجد مسك ضحكته ويحرك حواجبه...

رائد ضربه من كتفه:والله البلا كلــ.....

قطع حكيه لماشاف ماجد آلمه
كتفه...

أم محمد تأشر بعصاها:قم قم عن الولد عساك للي مانيب قايله

قام رائد:سوري سوري مجود
نسيت

داليا ناظرته بخوف ورفع راسه
وطاحت نظراته عليها وإبتسم يطمنها وحواجبه لانت:لامافيني
شئ

*****************

نزل من غرفته وقابلته البندري
طالعه من المطبخ..مر من جنبها ولا التفت لها...

لحقته :بسام..بسام

بسام التفت:نعم

البندري راحت عنده:شفيك
ليه متغير

بسام لف وجهه بضيق:مافيني شئ

البندري تأشر ع وجهه:شفت كيف وجهك

بسام:مافيني شئ تعبان شوي

مشى وتركها وهي لحقته:بسام
إصبر بقولك شئ

بسام خاف يكون هالشئ عن
ريم وآلمه قلبه ولا لف لها وكمل
طريقه وطلع..

لحقته للباركنق وشافته يركب
سيارته راحت عنده وفتحت الباب
وجلست:بسام إسمعني

بسام شغل السياره: أسمعك

البندري:دريت إن ماجد مكسوره رجله وهوفي المستشفى...

بسام التفت بصدمه:ماجد

البندري:أيوه دقت علي ريم وقالت لي

بسام غمض عيونه بألم لماسمع إسمها..وحس بغضب
يفور داخله وقلبه يعتصر وهو
يتذكر لماشاف ريم طالعه من
نفس الغرفه اللي فيها عبدالله

البندري :بسام شفيك

بسام ماسك نفسه:انزلي بسرعه

البندري:ماتبغى تعرف في أي
مستشفى..

بسام عصب:لامابي أعرف إنزلي

خافت منه ونزلت وركضت داخل..

كان ماسك الدركسون بكل قوته وضاغط عليه ومنقهر من
اللي صار...

ليـــــه ياريم ليـــــه..

كان مسرع في طريقه وماانتبه
ع نفسه إلا وهو عندالبحر..

نزل من السياره وجلس ع الأرض

ويفكر في ريم اللي قتلت حبه

غمض عيونه بقهر وسمع صوت
جواله طنشه لأن عارف إنها البندري دق ثاني مره وثالثه و
أخيرا رد:ألو

فيصل:هلا بو نواف

إبتسم لماسمع صوت صديق عمره:هلافيصل شخبارك

فيصل:تمام إنت كيفك وينك ياخي لاتدق ولا تمر

بسام:ماعليه يافيصل أدري غلطان ومقصر بس إنشغلت هالأيام

فيصل ضحك:لايكون تزوجت بس

غمض عيونه بألم لماتذكر ريم

فيصل:ألـــــو و و و و

بسام:هلامعاك

فيصل ضحك:لايكون الحكي صحيح

بسام:لامو صحيح لاتخاف مستحيل أتزوج من غيرك ..إنت وين اللحين

فيصل:في المستشفى عند ماجد

بسام تذكر:سلامته مايشوف شر توه يجيني الخبر والله
شخباره

فيصل:لاماعليك أنا الغلطان المفروض أخبرك بس تعرف
حوسة الأهل لماعرفوا

بسام:في أي مستشفى

فيصل:مستشفى ال...

بسام: أوك أنا جاي اللحين

*************

دخلوا للمستشفى وقابلوا بسام
سلم ع فيصل

وريم انتبهت له وتناظره من زمان ماشافته إشتاقت له

سلم ع عادل ورمى السلام ع
أم رعد

طاحت نظراته ع ريم وقلبه صار
ينبض في حبها للحين يحبها وموقادر ينساها أو يكرهها..

نزل عيونه ومشى مع فيصل

دخلوا الحريم قبل وسلموا
ثم دخلوا الشباب

قام رائد وأخذ الباقه من بسام يشمها:إممم هذي لي مشكور
يابعدي

فيصل ضحك:أقول حطها بس إذا دخلت للمستشفى جبنا لك
مثلها

رائد شهق:تفـــــاول علـــــي

فيصل:هههههه مادري عنك

حط الباقه:بسوي نفسي ماسمعت شئ

فيصل:كل هالشهقه وماسمعت شئ

:هههههههههه

بسام:سلامات ماجد ماتشوف شر

ماجد:الله يسلمك

ماحب يطول عنده لأن أهله موجودين وإستأذن ولف بيطلع
شاف عبدالله داخل..

ناظره بحقد وشوي يخنقه ويفش غله...

لمح ريم تناظرعبدالله وقبض
إيده بقوه..

عبدالله إبتسم بسخريه ومد إيده
يصافحه:كيفك بسام

بسام ناظره بحقد ووده يكسر
إيده صافحه وطلع

أماريم تناظر عبدالله بحقد وقهر
وله عين يجي بعد اللي سواه..

رائد جالس ع طرف السرير
جنب ماجد ومعاه ورده من الباقه يشمها...

عادل:خلاص راحت ريحة الورد
وإنت حاطها عند خشمك

:هههههههه

رائديشمها:إمممم ماأجمل رائحة الورود وخصوصا إذا كانت حمراء..

عادل:ليه الأخ يحب..

رائد تنهد:إسكت بس

فيصل وماجد:أو و و و و و الأخ
غرقان

سديم همست لسميه:ببنات الشرقيه كلهم

ضحكت سميه ورائد ناظر فيها وجنبها سديم ثم قام :ولابعد معطيها ورد

الجده:آها بس

:ههههههه

فيصل:وتعرف تقدم ورد إنت وذا الخشه

رائد وقف في الوسط:طبعا أعرف

وقعد يمثل لهم والكل يراقبه

رائد سوى نفسه راح لمحل وإختار ورده حمرا أخذها من الباقه..

فيصل:هههههه وبعدين

رائد:بعدين قدمت الورده للحبيبه
شوفوا كيف وتعلموا..

جلس ع ركبته والرجل الثانيه ناصبها مثل حركة اللي بيقدموا
ورد أو خاتم خطوبه يعني مثل
الأفلام...

ومد الورده باتجاه سديم اللي كانت جالسه قدامه..

رائد وهو مغمض عيونه وبكل
رومانسيه:أحلى ورد لأجمل ورده في حياتي

الكل انفجر ضحك..وسديم انصدمـــــت ووجهها ولع حراره

والبنات يضحكون ع شكلها ويغمزون لها...

إنقهرت مووت ورائد ظل بحركته..

عادل بضحكه:شفيه الأخ
شكله نام من الرومانسيه

رائد فتح عين وحده:أنتظرالبوكس اللي بيجيني اللحين

الكل ضحك لماعرفوا قصدهوفيصل موقادر يتنفس من الضحك والجده تهاوش عليه...

سديم شوي تبكي ومقهوره منه


**************

منسدحه ع سريرها وتناظر في
سديم اللي كسرت الدروج وهي
تسكرهم بقوه من الغيظ..

سميه:شوي شوي كسرتي الدروج

سديم :كيفي دروجي وأنا حره فيهم

سميه ضحكت وسديم:خير

سميه:تذكرت اللي صار..

سديم تتطنز:وتضحكين إنتي و
وجهك

سميه:ههههه بصراحه رائد هذا
خطيـيـيـيــر

سديم بانفعال:والله ماأترك له
اللي سواه أحرجني قدام الكل

سميه بحماس:سديم

سديم:نعم

سميه:ليه ماأخذتي الورده

سديم فتحت عيونهابوسعها:نــعــعــعــعــم

سميه:مين يحصل له رائداللي البنات خاقين عنده ع قولتك
يعطيك ورده ولابعد حمراء

سديم تذكرت شكله وهو يمد لها
الورده كان مره عجيب..نفضت الأفكار ومشاعرها وإنتبهت لسميه اللي حاطه إيدها ع خدها وتناظرها

سديم:خيــــر

سميه تتنهد:أعد قلوب الحب اللي
ملت الغرفه

رمت عليها المخده:إنطمـــــي يابايخه

ضحكت سميه..وسديم قالت:عاد ماحبيت إلا رائد..

سميه:بصراحه أشك إنه يحبك

سديم انهبلت:إيـــــش

سميه:أيوه من حركاته تقول كذا

سديم توترت وقالت بغيظ:تلاقينه هذي حركاته مع البنات يحب ويترك ع كيفه..

سميه ماسكه ضحكتها:طيب
إنتي ليه معصبه كذا

سديم ماعطتها وجه:تصبحي ع خير..

**********

رجع من السفر ومر ع بيت خالته أم عبدالله لأنها دقت عليه..

ماحب يقول لها لا مع إنه تعبان

دخل عندهم وتقهوى عندها
وسولفت عليه وتسأله عن لميس كيفها إستغرب منها لأنها
جابت طاريها وماهتم يمكن صفت نفسها عليه والدليل إنها
نادته...

بس إستغرب لماماشاف دلال
غريبه...

لماراح بيطلع مرمن عند المجلس ووقف لماسمع إسمه وإسم لميس وصوت دلال تحكي مع وحده ماعرفها...








 توقيع : MeM




سوف يأتي يوم لا اكون معكم ,
وسوف تدخلون لـ تقرأو ما كتبت
فان وجدتم ما يؤجرني انشروه
وان وجدتم ما يؤثمني اتركوه
  رد مع اقتباس
قديم منذ /02-10-2013   #63 (permalink)

MeM
 
الصورة الرمزية MeM

عُضويتيّ 4110
الجِنسْ women
مُشآركاتيَ 25,070
تـَمَ شٌـكٌريَ 247
شكَرتَ 309
حلاُليٍ 0
آلدوُلة السعوديه
هناَ سأكونُ twitter 






MeM غير متواجد حالياً
افتراضي


‏*‏
رجع من السفر ومر ع بيت خالته أم عبدالله لأنها دقت عليه..

ماحب يقول لها لا مع إنه تعبان

دخل عندهم وتقهوى عندها
وسولفت عليه وتسأله عن لميس كيفها إستغرب منها لأنها
جابت طاريها وماهتم يمكن صفت نفسها عليه والدليل إنها
نادته...

بس إستغرب لماماشاف دلال
غريبه...

لماراح بيطلع مرمن عند المجلس ووقف لماسمع إسمه وإسم لميس وصوت دلال تحكي مع وحده ماعرفها...

**********

:والله

دلال:أيوه

:لميس زوجة رعد ولدخالتك اللي كنتي مخطوبه له
يطلع منهاهذا كله

دلال:أيوه حتى أناماصدقت في
البدايه وقلت أكيدإشاعات بس لماسمعتها بآذاني إنصدمت منها

:معقوله وإنتي كيف سمعتيها
تحاكيه..

دلال:كنت في بيت خالتي وبعدين فكرت أروح لها زياره
وأصفي النفوس يعني أعتذر لها
وبغيتها تسامحني..

:وليه تروحي تعتذري لها إنتي نسيتي إنها أخذت رعد منك..

دلال:طبعامانسيت..بس فكرت
فيها وقلت خلاص الرجال تزوج
وإختارها هي ليش أجلس أنتظره طول عمري وهو مادرى
عني وأضيع مستقبلي علشانه
صحيح أحبه بس بعد مستحيل أقضي عمري في حب واحد مايبادلني الحب ولابعد متزوج
بصراحه أنا كثير رديت خطاب
خطبوني علشانه إلى متى يعني
لين أعنس وأجلس في بيت أبوي
لاحبيبتي أنا بشوف حياتي وأتزوج هو مو أحسن مني

:يعني خلاص ماتبغينه وبتتزوجي غيره..

دلال:طبعا أبيه بس إذا هو يبغاني أما إذا مايبيني بشوف حياتي..

:آها طيب كملي

دلال:أيوه لمارحت لها سمعتها
تحكي في التلفون وتتغزل..

:طيب يمكن زوجها

دلال:أنا فكرت كذا بس لماسمعت إسمه إنصدمت

:إيش إسمه

دلال:نايــــف...أنابصراحه إنصدمت ماتوقعتها أبدا تخون رعد..يعني بصراحه تحمدربها
اللي عندها واحدمثل رعد..

:يووووه وش سويتي..

دلال:رجعت مادخلت عندها خفت تعرف إني سمعتها ورجعت...

......************

زفرت بضيق لماسمعت صوت
التلفون..كانت عارفه إن هو اللي
داق وقررت ماترد..

شغلت نفسها بتنظيف المطبخ
متجاهله صوت التلفون..

كان يرن باصرار لدرجه مزعجه
خلتها تعتقد إن ممكن يكون مو
هو...

راحت له ورفعت السماعه جاها
صوته الملهوف ووقف قلبها ...

رفعت بصرها وشافته واقف قدامها عند باب المدخل ..

تغير وجهها وتجمد الدم بعروقها من الخوف وخصوصا
نظرة عيونه اللي وقفت قلبها..

سكرت السماعه بخوف واضح
خلاه يعقد حاجبه بطريقه خوفتها..

حاولت تهدي ضربات قلبها وقالت
بدون ماتتحرك من مكانها :الحمد لله ع السلامه...

كان تفكيرها إن لو هو اللي رد
ع التلفون وقال المتصل إسمها
مرعبها ماهي قادره تتخيل ردة
فعله وخوفها من تأكيد شكوكه
فيها لو خبرته عن المزعج اللي
يلاحقها مارح يصدقها هو لله فاكرها دايره ع حل شعرها وصاحبة علاقات كيف لوقالت له عنه...ماكانت عارفه إن تفكيرها هذاوخوفها أثر ع تصرفاتها...

سمعت صوته الحاد :مين كنتي
تحاكين...

ألجمها سؤاله مع صوت التلفون
اللي رجع يدق...

حبست أنفاسها لماشافته يتقدم
ويرفع السماعه ..

رفع نظره لها بقوه وهو ينزل السماعه ويسكرها...

وإيده تنمد ويمسك إيدها بقوه
وهويعيد سؤاله بحده أكثر من قبل:سألتك مين كنت تحاكين...

غمضت عيونها بألم وهي تحس
إن إيدها بتنكسر من قوة قبضته
وقالت بصوت مرتجف:آآه كنت أحاكي داليا..

إضطرت إنها تكذب ولاتقوله عنه وإلا بيذبحها مارح يصدقها...

قال وهو يطلع كل قهره وغضبه
من اللي سمعه في يدها:داليا ها

ماهي قادره تتحمل ألم يدها
رفعت عيونها الدامعه وقالت بألم:آآه إتركني يدي تآلمني

دفها من قدامه وطاحت ع الأرض ويدها ضربت في الطاوله صرخت صرخة مكتومه
وهي تمسك يدها وتسمع صوت الباب اللي تسكر بقوه ودموعها تفجرت...

*************

نزلت تركض ع الدرج وهي تصارخ:يمــــــــــه يمــــــــــه

دخلت للصاله وأمها حاطه إيدها
ع قلبها:شفيك

سميه بفرحه:يمـــــه مـــــي ولدت

إنهبلت أمها:وشو

سميه:مي ولدت وجابت ولد

أمها دمعت عيونها:الحمدلله يارب وإختك شلونها..

سميه:بخير الحمدلله

أمها:متى ولدت وليه ماقالنا زوجها أروح معاها للمستشفى

سميه ضحكت:يمه مايبي يخوفك وأنتظر لين تولد ويتطمن
عليها..

أمها وهي طالعه من الصاله:ماجد وينه.... قوليله ياخذني لها..

ضحكت سميه لماشافت فرحة أمها وراحت تصحي ماجد...

*************

دخلت الغرفه مبسوطه:كللللللللللللللللللللو و و و و وش

إبتسمت بخجل وقالت تخفي خجلها:خير

ضمتها وباست خدودها:ألف ألف
مبرو و وك سوسو..

:ع إيش إن شاءالله..

جلست جنبها:ويـــــي تسوين
نفسك ماتدرين يعني...

جمدت ملامحها وقالت بلامبالاه
وهي تقلب في الكتاب اللي في
يدها بهدوء:ماصارشئ للحين
وبعدين أناماوافقت للحين...

شهقت:خيـــــر نعم نعم
وإن شاءالله بعد ماراح توافقين

ناظرتها ببرود:وليه يعني لازم أوافق..

قالت بحماس:لاحبيبتي بتوافقين
الولد أخلاق ودين وملح وماشاءالله عليه دكتور في الجامعه وماخذ الماجستير والأهم إنه مايدخن ومحافظ ع الصلاة شتبغين بعد أكثرمن كذا...

ضحكت:خلاص خذيه إنتي..

شهقت:لاحبيبتي أنا ماآخذ فضلة أحد وبعدين هو خطبك إنتي وقال بالحرف الواحد أبغى ساره ع سنة الله ورسوله..

ضحكت ساره:طبعا ماتاخذينه
والقلب محجوز..

أبعدت شعرها عن وجهها و
إختفت إبتسامتها لماتذكرت فيصل وقلبها يدق بقوه...

حركت إيدها قدام وجهها:يا هـــــو و و وه وين رحتي
وإلا لحبيب القلب..

ضحكت بتغيرالموضوع:أقول
لاتغيرين الموضوع

التفت لكتابها وقالت بهدوء:مادري..

عصبت وهي تسحب الكتاب عنها:والله ماراح تفكرين
وإنتي خامه هالكتب..الظاهر
بكره زوجك يدورك يلاقيك غايصه بين الكتب..

ضحكت وقالت:مادري بستخير
والله يقدم اللي فيه الخير..

رفعت إيدها بحماس:آميـــــن
وأشوفك عروسه وتفرحي ألبي

ضحكت ع هبال إختها وقلبها
يرقع داخلها شعور مخيف تحس
فيه..قبل لماكانت في الثانوي تدرس كانت تخطب بس ماكانت
تحس بشئ لأنها واثقه إنها مارح
توافق وأهلها بعد بس لماجا وقت الجد أرعبها....

************

صحت وهي تحس بألم يدها
غسلت بصعوبه لأن يدها ماتساعدها..

سوت لها نسكافيه وحاولت ماتحرك يدها كثير وجلست في
الصاله ..وتفكيرها راح للي صار
حاولت تشغل تفكيرها بشئ
ثاني لماحست بدموعها تغرق
عيونها..تنهدت تضيع غصتها...

تمددت ع الصوفا وعيونها تطالع
التلفزيون لين نامت...

صحت ونست نفسها وهي تقوم
وإتكت ع يدها غمضت عيونها
وهي تمسكها بألم:آآآآه..

انتبهت ع رعد واقف يناظرها ثم
قرب منها وجلس ع الأرض قدامها وهي جالسه ع الصوفا
ومسك يدها وسحبها له وهي سحبتها لماآلمتها..

وانصدمت لماشافتها متورمه..
بشكل يخوف..

رجع ومسكها بخفه وهو يتلمسها:شفيها...

حست برعشه بجسمها ودموعها
غرقت عيونها وهمست بألم:تآلمني..

ضغط عليها وصرخت وهي تسحبها ..شافته يناظرفيها بنظرات مافهمتها وحاجبه إنعقد وقام دخل غرفتها وطلع ..شافت معاه
عبايتها مدها لها وقال:البسيها
بآخذك ع المستشفى..

ماقدرت ترفض لأنها فعلا مو
قادره تتحمل ألمها...

قامت وساعدها بلبسها وطلعوا...

في السياره...

كانت جالسه وماسكه يدها وساكته وهي تحس بنظرات رعد ليدها ولها...

لفت وجهها للشباك بصمت ...

**************

ماسكه ضحكتها معاه وهم
يطالعوا فيها وهي جالسه وماده
بوزها شبرين وتناظر في سرير الطفل

همس لها بضحكه:الله يسترمنها

ضحكت:شوف نظراتها له يممه
تخوف الله يبعد عنه شر غيرتها..

ضحك:اللحين لنا وهي في بيت وذي في بيت ومايشوفن بعض إلاقليل ماسلمت من غيرتها تبغين هالبزر اللي أربع وعشرين ساعه قدامها يسلم إلا قولي الله يعينه...

:ماجد

التفت لأمه:هلا يمه

أم ماجد: دق ع أبوك شوف ليه
تأخر...

ماجد:بيمر ع عمي ناصر ياخذه
معاه تلاقينهم اللحين بالطريق

أم ماجد:سميه سكري القهوه
لاتبرد قبل يجي عمك

سميه:إن شاءالله

ماجد:إلا ميمي إيش بتسمون الحلو..

ناظرت فيه شهد بغيظ...وقالت
مي:إن شاءالله عبدالعزيز

ماجد حرك الكرسي المتحرك اللي جالس عليه علشان رجله
لسى مجبره ومايقدر يستخدم
العكاز علشان كتفه اللي لسى
يحس بألم فيه لمايشيل شئ
أو يضغط عليه راح للسرير الصغير وناظر في عزوز اللي كان مغمض عيونه
ووجهه أحمر وشعره خفيف:قلبو عزوز حبيب خاله...

كشرت شهد بغيظ وناظرت في
عزوز:وععع شكله وع أنا أحلى منه

مي تجاريها:أيوه حبيبتي إنتي القمر والحلا كله تعالي

تشققت من الفرحه وصعدت السرير بصعوبه وضمت أمها...

ماجد بنذاله:وععع ياشين الدلع
اللي مايلبق أبد ...والله عزوز الرجال اللي مافي مثله جاي ع
خاله..

التفتت تناظره بدلع وهي لازالت
حاضنه أمها:غيران لأن أمي تدلعن وتضمن وأنت لا أمك ماتدلعك...

رفع حاجبه وراح لأمه بابتسامه
وحضنها بدلع بيده السليمه:هذي مامي حلوة اللبن

ضحكت أمه وضربت كتفه السليم بخفه لأنه ماشاءالله عريض وجسمه ثقيل وخنقها:قوم عني خنقتني
وشوي شوي ع كتفك

أبعد وناظرفيها بدلع:تخافين علي.. تحبيني يمه

ضحكت أمه ع ولدها:أيوه أحبك

ناظر في شهد وحرك حواجبه:شفتي كيف

سميه كشرت:وععع ياشين الدلع ع الرجال مايلبق أبد ما ا ا ا اصخ

دخل أبوماجد وأبو خالد الغرفه
وسلموا ع مي..
وتحمدوا لها بالسلامه...

مي:ماجد تعال خذ عزوزي لعمي

ماجدببلاهه:أنا

مي ضحكت لماتذكرت إن كتفه مايساعده:سوري ..سميه تعالي
خذيه

قرب من سرير عزوز ناظره بخوف:أصلاهذا كيف أشيله مره صغير لا الله يعافيك أخاف يطيح مني..

ضحكت سميه:ويـــــي مايعرف
يشيل طفل أجل كيف بتشيل عيالك ها

إنحرج ماجد وإبتسم لماجت في
باله داليا...

قامت سميه:ويـــــي راح الولد

ضحك الكل وشالته سميه وهي
تسمي عليه وعطته عمها..

أبوخالد:بسم الله ماشاءالله..

أبوماجد:إلا وين سدوم

ضحكت سميه وأشرت ع الستاره المسكره :نايمه

أبو ماجد متعجب:نايمه

سميه بضحكه:أيوه أمي مجرجرتها من سريرها غصب
وهي فيها نوم وماصدقت لماشافت الجناح فيه سرير صغير ونامت فيه..

ضحك أبوماجد وأبوخالد عطاه
عزوز يشوفه..

دخلت الممرضه وأول ماشافها
ماجد كشر لأنهاتبغاه يرجع لغرفته يرتاح..

أم ماجد:روح يمه إرتاح موزين
عليك تطول وإنت جالس

ماجد ماوده:يمه مليت من السرير ماصدقت إسمحولي أطلع

أبوماجد:روح يبه معاها إرتاح
كيف تبغى كتفك ورجلك تطيب
وأنت مجهدهم

إنقهر ماجد واضطر يروح وراحت
معاه سميه....

**************

واقفه قدام المرايا تمشط شعرها البني الواصل لنص ظهرها بنعومه ولمعان كان شعرها كثيف ومقصص فرواله
معطيه شكل جذاب وعليها بيجامتها السماويه ...

وتفكيرها في دوامة فيصل ورشا ...

معقوله يكون بينهم شئ...لا لا
أكيد لا فيصل يحبني أنا مايحبها

دخلت عليها ساره ووجهها أحمر
وباين إنها خجلانه...

إنتبهت من تفكيرها وناظرت في
إنعكاس صورةإختها في المرايا باستغراب وهي تلم شعرها ذيل حصان:شفيك

جلست ساره باحراج:وافقت

شهقت بفرحه وهي تلف ع إختها وتضمها:مبرو و وك

ضحكت ساره:الله يبارك فيك وعقبالك

أمل جلست جنبها:قلتي لأمي وأبوي

حطت إيديها ع خدودها بخجل:إحرا ا ا اج أبوي سألني قدام إخوانييييي وأمييييي

إنفجرت أمل تضحك:هههههههه

ضربتها من كتفها:وووجع لاتضحكين حرام عليك حسي

وأخذت إيد أمل وحطتها ع قلبها
اللي يضرب:شوفي كيف قلبي

ضحكت أمل وهي تسحب يدها:
عادي عادي شئ طبيعي

ساره بقهر ووجههايشتعل:ورائد
النذل لمامارديت ع أبوي قام
يتمسخر علي وأحرجني يعني
غصب أقول أيوه ماقدر..أستحي

أمل ضحكت:عاد رائد والنذاله
والتمسخر إخوان مايصدق يلقى
يشئ يعلق عليه...تعالي أبوي
إيش سوى..

ساره بشماته ممزوجه بضحكه:عطاه ذيك النظره اللي خلته يبلع لسانه..

أمل:هههههههه

*****************

متمدده ع بطنها ع السرير وضامه مخدتها وشعرها الأسود
الليلي متبعثره خصلاته ع المخده وظهرها..

فتحت عيونها النجلا برموشها السود الكثيفه اللي لامست جفنها وتسمرت ع الدفتر الصغير اللي جنبها وعليه رسومات بقلم أسود زي عالمها
يحكي وحدتها وآلمها ..
يحكي معاناتها وضعفها...

إقتحم سكونها وعقلها ذاك الشاب الغريب اللي شافته في
الحديقه في يوم الحفله...

عيونه الواسعه السود الحاده وحواجبه المعقوده اللي بمثل سواد عيونه
وكأنه شايف شئ غريب ..

إبتسمت بسخريه وهي تقلب ع
ظهرها..أنا الشئ الغريب أنا
أنا النكره اللي وجودها زي عدمه..

إختفت إبتسامتها وتعلقت عيونها
ع السقف..

ماتدري هي تشوف عيونه صدق
وإلاتتخيل ..عيونه جذابه وغريبه بعثت فيها إحساس أول مره تحسه شئ عطاها سكون ..هدوء.~ شئ وقف تفكيرها شئ حسسها بشئ إسمه أمان مع رهبه~~

غمضت عيونها ..وفتحتها لماسمعت صوت تحت في الحديقه..

قامت وقربت من الشباك أبعدت
الستاره الشيفون البيضا وطاحت
عيونها عليه..

واقف بطوله الفارع ببنطلون
جينز فاتح وتيشيرت ليموني بكتابات بيضا ..

شعره الأسود اللي أصابع يده
الطويله تلعب فيه وهو متسند
ع الجدار جنب حوض الورد
ويحكي في الجوال..

غصب عنها إبتسمت .. من زمان ماشافته..

إختفت إبتسامتها لمارفع راسه
كأنه حس بوجودها وطاحت نظراته ع عيونها ولمعت ..

إبتسم إبتسامه جذابه وعيونه
متعلقه في عيونها

ماقدرت تتحرك من مكانها وتبعد
شئ خلاها متجمده مكانها
وبروده تعصف داخلها..

نزل جواله لجيبه وعيونه لازالت
تناظرها وإبتسامه جذابه تلمع منهاعيونه...


رجعت خطواتها لما شافت مرام
وريان طلعوا للحديقه...

جلست ع سريرها وماتدري إيش فيها ...

ظلت نظراتها متسمره ع الشباك
وبرود يعصفها ويحول كل خليه
فيها لقالب ثلج ....

غمضت عيونها تطرد صورته عن بالها.....

..***************

جالسه في الصاله ومتسنده تطالع التلفزيون بملل لأن أمها وإختها طالعين وإخوانها كلهم برى ..

سمعت صوت باب المدخل و
تفاجــــأت لماشافت رعد ولميس داخلين..

شهقت لماشافت يدها: سلامات شفيهايدك

لميس إغتصبت إبتسامه :
الله يسلمك طحت عليها

ريم:بسم الله عليك ماتشوفي شر

جلست لميس وهي ماسكه يدها وتحاول ماتحط عينها في
عينه ومتجاهلته...

سمعته يسولف مع ريم بإجابات
مختصره ..

رفعت راسها لماسمعت صوت
ريم تحاكيها وطاحت عيونها بعيونه...

مافهمت نظرته بس هي ناظرته
بنظرات معبره عن اللي داخلها

وحولت نظراتها لريم ترد عليها..

لمحته يقوم وإستأذن وطلع..

لميس تحس إن ريم لاحظت شئ وقالت بسرعه تسكر الموضوع:وين خالتي..

ريم سندت ظهرها :كلهم طالعين مافيه إلا أنا

لميس:وليه ماطلعت معاهم

ريم:راحوا للمستشفى رنا تزور
وحده من صاحباتها وراحت معاها أمي

لميس:ورغد ماجت اليوم

ريم:لا ياقلبي شكلهامرره تعبانه
وودها تولد بسرعه

لميس:الله يسهل عليها

ريم:دريتي إن مي ولدت

لميس:ماشاءالله إيش جابت

ريم:ولد

لميس:ماشاءالله رحتي تشوفينها

ريم:لا متفقين نروح لها في البيت إذا طلعت من المستشفى
لأنها خلاص بتطلع بكره...

رفعت ريم جوالها لما سمعت يدق وردت:هلا بندري

لميس غمزت لها بضحكه وريم
أشرت لها وهي تبتسم يعني لا
تضحكين وسولفت معاها شوي
وسمعت صوت بسام يحاكي
البندري وسمعتها تقوله إنها تحاكي ريم بس ماسمعت رده

البندري:هلا

ريم بتردد:هذا بسام

البندري:أيوه بس مادري شفيه
لماقلتله إني أحاكيك حسيته مو
طبيعي وراح

ريم بخوف:ليه

البندري بصدق:مادري من جا من المزرعه ذاك اليوم وهو متغير
مادري شفيه أحسه متضايق.
حتى ماصاريجيب طاريك قبل
كان دايم يسأل عنك واللحين
لا مادري إيش اللي مضايقه

ريم قلبها يضرب خايفه يكون
ماعاد يحبها خايفه يكون حبه
لها مجرد نزوه وراحت...
لا لا لا مستحيل لايمكن هي تحبه تحبــــه..
ماجا ع بالها أبدا إنه يكون شافها
مع عبدالله..

قالت بخوف:البندري حاولي تعرفي شفيه

البندري:أوك ولايهمك بحاول أعرف

سكرت منها وهي سرحانه فيه..

لميس:ريم شفيك..

ريم دموعها غرقت عيونها بخوف مستحيل يكون نساها..

قالت لها السالفه ولميس حست بخوفها ورق قلبها لها صحيح خافت يكون نسى ريم
وحبه لها صار مو حب لأن ريم
واضح إنها تحبه وتعشقه..

لميس إبتسمت تطمنها:يمكن متضايق من شئ

ريم:مادري مادري أناخايفه..

لميس:لاتخافين وقومي ضيفيني
من جلست ماشفت لاعصيرولا
غيره من إيديك الحلوه

ريم ضحكت وهي تقوم:إن شاءالله..

طلعت ريم ولميس ناظرت إيدها بضيق ...لمستها بأصابعها
الناعمه وعقلها يغوص في حياتها..ورعد..

****************

الكل إجتمع في بيت أبوماجد
عند مي اللي بتقضي الأربعين عند أهلها...

البنات جالسين عند سرير عزوز
ومنهبلين عليه كل وحده تاخذه
شوي من زمان ماصار عندهم
طفل صغير ومبسوطين عليه

سميه قرصت خدوده وشوي تاكله عاد هي تموت في الأطفال الصغار...

بكى عزوز والجده رفعت عصاها ع سميه تهوش عليها:إتركي الولد جعلتس للي مانيب
قايله إعنبوكن ذبحتن الولد ..تراه
آدمي ماغير تنقلنه بينكن تسنه
لعبه ..

لفت ع مي تهوشها:خوذي ولدتس لا يذبحنه هالمهبل لابارك الله فيهن...

البنات ضحكوا ع عصبية جدتهم
وخوفها وهي تناظر عزوز اللي
شايلته سديم تعطيه مي خايفه
يطيح منها....

دلال كشرت ماعجبها دعوة جدتها عليها..وهي تناظر في يد
لميس وتفكر لايكون اللي في
بالها صار ورعد ضرب لميس
وكسر لها يدها ..هي عارفه إن رعد يصير نار إذا عصب وأكيد هو اللي كسرها...

رقص قلبها فرحه لهالفكره لو
صح ...هين يالميس مابعد شفتي شئ...

قالت بدلع وهي تحط رجل ع رجل وتناظر في لميس بقصد:سلامات شفيها يدك...

إستغربت لميس منها وش عندها تسأل عنها ...وش قصدها
بنظراتها...

ريم رفعت حاجبها يعني فاهمه
عليها ...

لميس:الله يسلمك...

دلال رفعت حاجبها:كيف تعورتي

لميس:طحت عليها واللتوت

دلال مامشت عليها ومصره إلا
رعد في الموضوع:يعني معقوله من مجرد طيحه اللتوت
ومو واضح إنها مجرد اللتواء شكلها كسر....

لميس رفعت حاجبها يعني وش
تبغين بالضبط..

ريم:قالت لك اللتوت وبعدين أهم شئ إنها بخير..

دلال بقصد:يوووه عاد مانكسرت إلا يوم جا رعد غريبه
أنا قبل كم يوم شايفتك مافيك شئ ويوم جا رعد إنكسرت لايكون بس رعد السبب عاد أنا
عارفه ولدخالتي عصبي مره إذا
عصب مايعرف أمه من أبوه

إنصدمت لميس .. إيش قصدها
هذي ...

ريم إنقهرت مره وقالت:عاد ما
بغيتي رعد يعصب إلا ع لميس
مستحيل رعد يعصب ع الكل
إلالموس حبيبته إنتي ماشفتي
كيف إنهبل لماطاحت لميس ع
يدها والله إني خفت ع أخوي
لايجيه شئ من خوفه عليها..

دلال قلب لونها أحمر من القهر
ومن ريم اللي تخرب عليها كل
شئ ...نفسها تستفرد في لميس لوحدهم علشان تاخذ راحتها بس ريم واقفه في طريقها ...لازم تشوف حل ...
والحل لمع في راسها مع إنها كارهته بس بجيب راس ريم
لأنها عارفه إنها رافضته وتكرهه...

أمل تحاكي سميه:وش عندها
شهد لاصقه في أمها من اليوم

سميه ضحكت:ذابحتها الغيره
والله حسرت في أمها وفي عزوز من تشوف أمه شايلته
تنقهر وتقول ليه شايلته حطيه في سريرها ومي ياعمري تطيعها ماتبغاها تكره عزوز
ولابعد إذا شافت مي تدلعه وتلاعبه تبكي وتقول ليه ماتدلعيني وتلعبين معي...

أمل:يمه منها هالشهد ماتخلي
حقها يروح

ضحكت سميه ... وبعدها طلعوا
الكل مابقى غير أم رعد والجده
وأم عبدالله إللي كانت بتطلع بس دلال عاندت إلابتشوف رعد..

دخل رعد وأبورعد اللي من شاف دلال عصب وتغيروجهه
يعني للحين ع حالها....وتضايق
مره لماشاف يد لميس...

أبورعدبكل حنيه قهرت دلال:سلامتك يبه ماتشوفي شر

إبتسمت لميس في وجه عمها
اللي تحبه:الله يسلمك ياعمي
الشرمايجيك

مسك يدها يشوفها ويسألها عنها
وهي غصب عنها ناظرت في رعد اللي كان يسولف مع جدتها
ولاناظرفيها.....

دلال مشتغله برج مراقبه تراقب
تصرفات رعد مع لميس وتتأكد

قام رعد لسرير عزوز:وينه ولي
العهد

شاله من سريره بخفه وباس خده :ياحليله يامي مايشبهك

ضحكت مي:إصبر عليه لين يكبر
شوي وتبان ملامحه

ضمه له وهو يلاعبه وجلس جنب لميس...

الجده:ياجعلي أشوف ولدك بين
يديك إن شاءالله...

لميس غاصت في مكانها وخصوصا إن كل الأنظار صارت عليهم ...ماتدري ليه ودها تشوف ردة فعل رعد بس ماتجرأت تناظر فيه....

دلال فار دمها لماشافت إبتسامة رعد وخجل لميس...

شهد بحماس:أيه أصلا ولدكم
بيطلع حلو أحلى من عزيز لأن
أمه حلوه..

مي:شوفوا البنت يعني أنا مو حلوه ست شهد

ضحك رعد ومسك شهد وقربها منه:وليه بس ع أمه وأنا يعني
موعاجبك..

شهد:إلا إنت حلو بس لميس حلوه شعرها حلو ...

وقربت من إذن رعد وهمست ولميس سمعتها:أحسن من دلال هذيك أم كشه صفرا وعع

إبتسمت لميس ورعد كبح إبتسامته وكملت حكيها:شعرها
حلو وعيونها زرقا حلوه

لميس شافت رعد يبتسم وقرب
شهد منه وهمس بإذنها كلام
عرفت لميس من نظرات شهد
إن الحكي عنها ...وإنقهرت ودها
تعرف وش قال عنها...

شهد إبتسمت إبتسامه واسعه

سميه:من حشيت فيه ها

سديم:وش قالك شهد

شهد:مايصلح أقول هوقالي بإذني علشان مايبي أحد يسمعه

دلال طرطعت من الغيض نفسها تمسك هالبزر وتحوسها..

دق جواله وعلطول طلع
من جيبه وهو يعطي لميس عزوز وإنتبه من ملامحها إن إيدها آلمتها لأنه حطه علطول
في حضنها مع إن عزوز خفيف

جت سميه وأخذته منه ...
لميس لاحظت ضيق عيونه و
هويطالع إيدها ويرد ع جواله وهو يطلع برى....

***************

دخلت للبيت وهي قرفانه من
الحر والتعب ورمت شنطتها ع الكنب وسلمت:السلام عليكم.....

أم خالد:هلايمه روحي بدلي وتعالي تغدي بنحط الغداء اللحين...

أمل:لايمه مابي غدا بنام علطول

خالد ومعاه الجريده يناظرفيها:
شفيك تافله العافيه ...هذا و
هو أول يوم لك في الجامعه أجل الأيام الجايه وش بتسوين

أمل:الله يعين مره تعب رجولي
تكسرت من المشي بهالحر يازين المدرسه بس

ضحك خالد وهو يرجع يقرا الجريده:عاد تحملي هذي الجامعه وهذا تعبها ...

أمل:إلا غريبه إنت في البيت ماداومت في المستشفى...

خالد وعيونه ع الجريده:بداوم
العصر...

صعدت أمل لغرفتها ومرت غرفة ساره ماشافتها موجوده
يعني للحين مارجعت ...

**************

رجعت من الجامعه ودخلت البيت ماشافت أحد في الصاله
إستغربت وصعدت فوق وشافت
عادل طالع من غرفته مستعجل وأول ماشاف ريم
شق الإبتسامه ...

ريم:أهلين وش عندك

عادل بفرحه:عندي لك خبر بمليون

أمل:وشو

عادل:رغوده ولدت وجابت توأم
ولد وبنت

صرخت ريم من الفرحه:
وا ا ا ا ا ا ا ا ا ا ا ا ا ا ا ا ا ا ا ا
إحلـــــــــــــــف

ضحك عادل:والله اليوم الصباح ولدت وأمي وأبوي راحوا لها
وأنا اللحين بروح أشوفها..

رمت شنطتها وركضت لغرفتها
وهي تصارخ:لا ا ا ا ا اتروووح
برووووح معا ا ا اك إنتظرنـــــي

نزل تحت ينتظرها وريم دخلت
غرفتها ميته من الوناسه أخذت
شور سريع ولبست أول لبس قدامها وأخذت عباتها ونزلت بسرعه......

*************

قامت من ع السرير وهي مثبته الجوال بين كتفها وإذنها وبإيدها المناكير
:لا حبيبي شدعوه

حطت المناكير ع الطاوله وهي
تسمع صوته العتبان:يعني توعديني إنك تطلعين معي
وآخرتها تسحبين علي يعني هذا
قدر حبك لي

إبتسمت بحب:إنت عارف إنك
أموت فيك وأحبك ومومتخيله
حياتي من غيرك وتقول هالحكي

إبتسم:طيب إثبتي لي حبك وخليني أشوفك ..حرام عليك
يابنت بتذبحيني من الشوق

ضحكت :بسم الله عليك ياعمري
خلاص ولايهمك أصلا أنا بعد مشتاقه لك وأتمنى أشوفك

إبتسم:حلو...طيب متى ياقلبي..

جلست ع السرير وهي تناظر في أظافيرها المصبوغه بمناكير
أحمر:الوقت اللي تحب أنا حاضره كم عندي بندر أنا واحد
وأحبه وماقدر ع زعله....

إبتسم:يابعد هلي كلهم خلاص
يعني أشوفك اليوم....

عقدت حاجبها:لا حبيبي إعذرني
أختي اليوم والده وبنروح لها كلنا اليوم وماقدر ماروح ..شرايك
بكره أحسن ...

بندر:أوك بكره بكره بس هااا مو بعدين تسحبين علي وتقولين
ماقدر

رنا ضحكت:لا خلاص بكره

***************

سكر الجوال وهو يلعب فيه
وإبتسامته شاقه وجهه وعيونه
تلمع بتوعد.....

:ها شصار عليك متى....

بندر غمز له:بكره

:موتقولي بكره وتخلف

بندر قام:لابكره وجهز كل شئ

:طيب إنت عارف كيف تجيبهم

بندربثقه:طبعا...

طلع مفتاح ومده له:وهذا مفتاح
الشقه جاهز...

أخذ ودخله في جيبه:حلو....

****************

دخلت الغرفه وبإيدها كتابها
وشافت إختها جالسه وحايسه
بين أكياسها....

دانه:متى جيتي من السوق...

داليا وهي تفرغ كيس:قبل شوي

دانه جلست ع طرف السرير:ما
خلصتي من جهازك

داليا:لا لسى باقي...

دانه:الله يعينك ...وشخبار مجود

داليا ناظرتها:نعم قولي ماجد خير مجود

دانه:تغارين بعد

داليا:طبعا حبيبتي

دانه:ماشوفه جا يزورك زي الناس

داليا ضحكت:وده يجي بس أنا
موراضيه قلتله زواجنا قرب ومايصير يجي...

دانه بدهشه:حرام عليك ويـــن
زواجكم قرب لسى

ضحكت داليا:عارفه بس أنا مابغاه يجي ياإختي ماجد جرئ
وأخاف يفضحني عند أهلي

ضحكت دانه:ههههه آها علشان
كذا

قطع عليهم صوت جوال داليا
اللي نطت من مكانها له وأخذته
وإبتسامتها ع وجهها..

دانه ضحكت: شوي شوي والله الخوف منك مو منه

أخذت المخده ورمتها عليها ووجهها يحمر:إنقلعـــــي وإطلعي وسكري الباب...

ضحكت وطلعت وسكرت الباب خلفها......

جلست ع سريرها وردت عليه
وجاها صوته العشقان:هلا حبيبتي...

*****************

جالسه ع سريرها بعد مابدلت
لبس الجامعه وأخذت شور بعد
التعب والحر اللي أرهقها وزاد
عليها ألم يدها ...

ماسكه يدها ومنزله راسها وشعرها الكستنائي المبلول
مغطي وجهها ومخفي ملامحها
المجهده ...وعليها بيجامتها البيضا
الحرير...

رفعت راسها للباب وإيدها تبعد
شعرها المبلل عن وجهها لما
حست بوجود أحد...

شافته واقف يناظر فيها ومشى
ناحيتها وهو يقول:شفيها يدك

ماردت عليه ومالقت نفسها إلا
توقف وتضم يدها...

وجوده قربها وصوته الهادي
يلجمها الحروف تتبخر لما تحط
عينهابعيونه الناعسه اللي تربكها
...

حست بأصابعه ع يدها يرفعها
ويناظر فيها وأصابعه تتلمسها:
للحين تآلمك...

ناظرت في يده اللي حاضنه يدها ودفاها تحس فيه وهمست:أيوه

رفع عينه يناظرها:شكلك مجهدتها اليوم ...

سحبت يدها من يده وعينها تعلقت بعيونه للحظات ...

تحس نفسها ودها تقوله شئ
داخلها حكي وحروف ماقدرت
تصفها وتعبر عنه...ومشكلتها
ماتدري وشو...

بس تحس إن ودها تقوله حكي
بس إيش هو ماتدري...

دقات قلبها مومخليتها تركز
وتعرف إيش...

شافته يلتفت للباب يناظره وإيده
داخل جيب بنطلونه ثم التفت
يناظرها:لبسي عباتك باخذك ع
المستشفى يشوفون يدك ومنها
نمر ع رغد...

قالت بحيره:رغد

إبتسم وقال:أيوه اليوم الصباح
ولدت وجابت توأم...

شهقت بفرحه ماقدرت تكبتها
وتعلقت بذراعه:
إحلــــــــــــــــــــف...

تفاجأ منها و إبتسم وقال:والله...

إنتبهت ع نفسها وإنحرجت وبان
ع وجهها وأبعدت عنه...

زادت إبتسامته وعيونه تتأمل
وجهها الفاتن...

فجأه إختفت إبتسامته ولف طالع وهو يقول بجمود وصرامه:بسرعه

ظلت واقفه مكانه وعيونها ع
ظهره وهو طالع ...

تعودت ع أسلوبه وتصرفاته معاها مرات يحن عليها وتشوفه
غير كل شئ فيه غير نظرته..
حكيه..إبتسامته لها... بس دقايق
وتختفي وكأنه ندم ع تصرفه
وينقلب عليها...

وهذا شئ يقهرها يحطمها...
والأهم شعور الحزن صار يتولد
داخلها إذا جافاها وخانقها...

طردت الأفكار عنها وبدلت لبسها
ولبست عباتها وطلعت...

************







 توقيع : MeM




سوف يأتي يوم لا اكون معكم ,
وسوف تدخلون لـ تقرأو ما كتبت
فان وجدتم ما يؤجرني انشروه
وان وجدتم ما يؤثمني اتركوه
  رد مع اقتباس
قديم منذ /02-10-2013   #64 (permalink)

MeM
 
الصورة الرمزية MeM

عُضويتيّ 4110
الجِنسْ women
مُشآركاتيَ 25,070
تـَمَ شٌـكٌريَ 247
شكَرتَ 309
حلاُليٍ 0
آلدوُلة السعوديه
هناَ سأكونُ twitter 






MeM غير متواجد حالياً
افتراضي



*
*
*
*
*
*
*
*
*
*
*
*
*
*
*
*
*

************

:وه وه يا ا ا ا ا انا ا ا اس

ضربها ع جبينها :و و و وجع قصري حسك إحنا في مستشفى

قربت من سرير البنت:تجنن
يالبى هالطله أحلى من الولد

شد شعرها بخفه:هــــــي أحترمي نفسك لاتغلطين الولد
أحلى شبيه خاله عادل

كشرت وهي تمسك شعرها:
ومن قال إنه يشبه لك روووح زين

عادل:غصب عنك أجل البنت اللي تشبه لك

:طبعا تشبه لي ماتشوفها تخبل

عادل:وعع بسم الله عليهامنك
يا شبيهة شمس

شهقت بروعه:أنـــــــــــا

عادل ببرود:أيوه إنتي

رغد:خلاا ا ا اص تراكم صجيتوا
راسي أنا تعبانه وأنتو قاعدين
تتعاندون عندي

ريم مدت بوزها:هو اللي بدا
مو أنا

إنفتح الباب ودخلوا:السلام عليكم

شهقت:ميســـــــــــو

ضمتها بقوه ومسكها رعد من
ظهرها وسحبها:إبعدي ماتشوفين يدها

ضحكت:سوري نسيت بس والله واحشتني

عادل بتريقه:عاد إنتي لو تطلع
لميس اللحين دقيقه وترجع إنهبلتي وقلتي إشتقت لها....

سلموا ع رغد وتحمدوا لها بالسلامه وباركوا لها...

رغد:سلامات ميسو

لميس:الله يسلمك

ريم:كيفها يدك

لميس:أحسن

رغد:داومتي اليوم في الجامعه

لميس:أيوه داومت

رغد:ليه كان مارحتي

ريم:قلتلها بس ماتسمع إلا بتروح

لميس إبتسمت....

قام رعد يشوف التوأم :ماشاء
الله ياحليلهم

ريم:البنت تشبه لي صح

عادل:أناعاد الولد شبيهي

رعدضحك:ولاواحد فيكم


****************

"أيوه أحبه أحبه وأكرهـــــك أكرهـــــــك إنت ماتفهم خل عندك كرامك أكرهــــــــك "

ضم راسه بإيديه بقهر وصوتها
يتردد في راسه..

نظراتهم العشقانه لبعض ..إبتسامته لها لماكانوا في السوق
زادت النار في جوفه...

تحبيه ياريم تحبي بساموه ..وتكرهيني..
وترمينها في وجهي بعد وتهينيني

وأنا اللي طول عمري ماشوف
غيرك وماحبيت غيرك..

وآخرتها تهينيني بهالشكل ..

رفع راسه وعيونه تشتعل حقد
كلماتذكر لماراح لبيت خالته ...

وسمعها تحاكي البنات وتهينه..

:أكرهه وماأطيق أشوف رقعة
وجهه أنا يالله متحمله خواته يجيني هو بعد.......أصلا هو ماعنده كرامه فاكرني بناظر فيه
وإلا بهتم له لمايتلزق فيني ويلاحقني ويقول أحبك حبه برص إن شاءالله........أنا لايمكن أناظرفيه هوحي الله ولد خالتي لاأكثر ولاأقل...

ضرب قارورة المشروب اللي قدامه وإنكب السائل الأصفر اللي داخلها ...

وجاله صوت صاحبه اللي مرمي
جنبه بثقل:ششـ ـ ـ ففيـك إنت
تتراه بـ ـ ـففلوس

ناظرفي والصداع يضرب في
راسه والحقد والنار اللي في
قلبه تتفجرداخله:مافيني شئ

ضحك صاحبه بشكل مقزز:ههههههههههه عـ عـبـ ـ ود لا
لا يكوون تتفكر في ريـ ـ ـمك

شرب الكاس دفعه وحده ورماه ع الأرض وهومطنش صاحبه اللي قاعد يهذر عليه
وقام وهو يمشي بثقل وطلع
من الغرفه وشاف ريان جالس
ع الكنبه والكاسات قدامه وعقله مو معاه وجنبه وحده رايح عقلها معاه بلبس فاضح
ولاصقه فيه وأصوات الأغاني
تصدح في الشقه ...<<والعياذ بالله...

مشى للباب وفتحه وطلع وسكره....

*************

جالسه في الصاله وعيونها تناظر في الدرج بحقد وقهر
كلما تذكرت زياد لما جا بيودع
تولين لأنه بيسافر ...

والقهر ذابحها تذكر إنه ماناظر
فيها ولاعطاها وجه وكأنها تمثال قدامه...

لماقربت منه بتلفت إنتباهه وتحاكيه صدها ودفها عنه بقرف
وخانقها ليه تقرب منه....

للحين تحس بالنار داخلها إذا
تذكرت حكيه ونظرات الكره
والإشمئزاز لمايشوفها.....

وحنانه وحبه لمايشوف تولين...

فجـــــــأه....

إبتسمت بفرحه وحقد لماتذكرت
إن البيت فاضي والجو فضى لها
ومافيه غيرها واللي أخذت منها
اللي تمنته ....

***************

دخل للبيت وشاف أمه وإخته
جالسين في الصاله:السلام عليكم....

قرب من أخته وسلم عليها:هلا
رهوف كيفك

رهف:تمام الحمدلله

باس راس أمه وجلس:وشخبار
زوجك صرنا مانشوفه

إبتسمت:كان هنا قبل شوي مع
أبوي

دخلت أمل:السلام عليكم

سولفوا شوي وقالت أمل:ها يمه بتروحين للزواج اليوم...

خالد:أي زواج

أمل:زواج منصور ولد أم منصور
ال...

خالد:ماشاءالله

أم خالد:وإنت يمه متى بفرح فيك

دخل أبوخالد :السلام عليكم

باس راس أبوهم وجلسوا...

أم خالد:ها يمه ماودك تفرحني
وتفرح أبوك

خالد إبتسم:قريب يمه

أبوخالد بلهجه لاتقبل النقاش:
خلاص إخطبي له رنا بنت أخوي

خالد انصدم...وأمل موأقل من
صدمته تضايقت مره صحيح ماتبغى أخوها ياخذ
رنا المغروره بعد اللي شافته منها بس ماتقدر تقول شئ....

أم خالد إبتسمت:والله والنعم
ها يمه

خالد منصدم مايدري إيش يقول
الفرحه مو سايعته ...صحيح كان
يبغى يصبر شوي لين يتأكد من
مشاعر رنا له بس دامها جته من أبوه مستحيل بضيعها من إيده.....

خالد:اللي تشوفه يبه والوالده..رنا بنت عمي ومابلقى مثلها...

أبوخالد:خلاص ع البركه بكره
نروح ونخطبها لك من عمك ..

***************

واقفه عند شباك غرفتها وتناظر
الحديقه وعقلها معاه لما جا
لها يودعها تذكر نظرة عيونه وحكيه يوصيها ع نفسها وإنها تحاول ماتحتك في إختها وتقابلها
تظل في غرفتها ....كان واضح إنه ماوده يسافر ....

تنهدت بضيق ولفت للباب لماانفتح نسيت تقفله وشافت
إختها واقفه قدامها وعيونها اللي
مليانه شر تطالع فيها...

تجمد مكانها برعب لماشافت إختها تدخل وخلفها صاحباتها اللي كانوا معاها قبل...

لصقت بالجدار بخوف لماأشرت
إختها ع صاحباتها يمسكوها...

مسكوها وصفعتها كف بكل قوتها ورفستها برجلها وصرخات
تولين تتردد بالغرفه وتترجاها
تتركها بس مرام الحقد والكره
عمى قلبها وإنتزع منها الرحمه

كانت تضربها بحقد وبكل قوتها
تطفي النار اللي داخلها وهي
تصارخ عليها:أكرهـــــــك أكرهـــــــك ...ليـــــــه يحبك
ليـــــــه إيش شايف فيك مايشوفه فيني أكرهـــــــك
إنتـــــــي بتحطمي حياتي بتاخذيه مني ليتك تموتي وأفتك
منك ليـــــــت...أكرهـــــــك


صاحباتها إنصدموا من إنهيارها
ودموعها وهي تضرب تولين
اللي مرميه ع الأرض وآنينها و
صراخها مختلط بصراخ مرام
يتردد بالغرفه....

قفلت عليها باب الغرفه وطلعت
فلوس من جيب بنطلونها ورمتها
ع صاحباتها اللي إنبسطوا لما
شافوا إن المبلغ كبير ..

دخلت غرفتها وهي يالله تتنفس
ناظرت وجهها الأصفر اللي مليان
دموع والحقد اللي للحين في عيونها...

حطت إيدها ع بطنها ورفعت بلوزتها وشافت الإنتفاخ البسيط
في بطنها ...

رمت كل شئ ع التسريحه :مستحيــــل لا لا ... موأنا اللي يصير فيها لا المفروض تولين هي اللي تتعذب مو أنا.....

مسكت جوالها ودقت ع رقمه
هذا عاشر إتصال تتصل عليه
مايرد ...

رمت الجوال بقوه ع الأرض ..

*************

كانت جالسه في الصاله تفكر
كيف تقول لرعد إنها تبغى تروح
تشوف هند وتبارك لها ع خطوبتها ..أكيد بيعصب وبيقول
لا....

إنتبهت ع صوته :السلام عليكم

راح لغرفته ..وهي ظلت جالسه
تنتظره لين يطلع من الغرفه وتقوله...

إنتظرته بس ماطلع..قامت وراحت لغرفته ..دقت الباب ماسمعت رد بس غصب عنه
بتقوله...

دخلت وماشافته...

التفتت وشافته طالع من الحمام
وشكله تفاجأ لماشافها..

إنحرجت لأن شكله ماخذ شور عليه منشفه ع خصره ..

صدت بوجهها ورجعت بتطلع و
هي تلوم نفسها دايم تطيح في
هالموقف..

رعد وقفها بصوته:إذا تبغين شئ
قوليه لأني بنام..

ودخل غرفة الملابس ..

لميس:أبغى أروح لهند اليوم

طلع رعد عليه بنطلون أسود
بدون بلوزه :لا مارح تروحين

لميس:ليه

رعد:مو إنتي سألتيني وأنا قلت
لا خلاص من غير ليه..

لميس برجا:طيب ليه أبي أفهم

رعد تمدد ع سريره:تبين تشوفينها تجيك عندك لكن تروحين لها لا وإنتهى الموضوع

إنقهرت لأنهاعرفت السبب وطلعت من الغرفه معصبه ..

************

صرخ بعصبيه:إنتي مالك دخل
إسكتي أحسن..

قالت بقهر:إلا لي دخل..تبغى تتزوج ريموه اللي أخوها أهان إختك وتجيبها عندنا مستحيل..

:والله عاد أخوها هذا اللي ع قولتك أهانك للحين تحبينه وتبغينه ياخذك...

:دلال عبدالله بس عاد تراكم صجيتوا راسي...

دلال ودموعها ع خدهاصرخت
فيه:أيوه أحبه وباخذه غصب عن
اللي مايرضى..فاهـــم

وركضت لغرفتها تبكي..

أم عبدالله:ليه ياعبدالله حرام
عليك

عبدالله:يمه هي الغلطانه والمفروض إنها تنسى هالرعد
اللي ذبحتنا فيه....

جلس عند أمه:واللحين متى بتحاكين خالتي وتخطبينها...

أم عبدالله:مواللحين تونا إصبر
شوي لين تنخطب رنا وبعدها يصير خير

عبدالله وقف مقهور:يمه إذا ما
خطبتيها أنا بخطبها...

***************

دخل للصاله وشاف إخته جالسه عند التلفون وتحكي...

جلس عندها وأخذ الريموت وشغل الt.v....

جمدت إيده لماسمع إسم سديم والتفت لأخته يناظرها...

أمل:كيفك .....الحمدلله....ههههه
حرام عليها للحين محسره فيه......ياعمري ....طيب مادخلتوها الروضه.......ههههههههههههههه خطيـــــره

نظراته متسمره ع إخته ويحس
وده يسمع صوتها ....

رفع جواله لماسمعه يدق وشاف المتصل فـــرح ...

ناظر في الشاشه للحظه وهو
يجهل مشاعره ...

حطه ع الصامت ورجع يدق ورجع حطه ع الصامت ورماه
جنبه ع الكنبه...

أمل : رائـــد ليه ماترد

التفت لإخته:مالي خلق بعدين

رفعت حاجبها وقالت بحماس:شفت شهد بنت مي بنت عمتي

رائد إبتسم لماتذكرها:أيوه شفيها

أمل ضحكت:والله ياهي خطيره..دخلتها أمها للروضه
وأول يوم رجعت منها وهي معصبه ورمت الشنطه ع امها وقالت(تقلد صوت شهد)مانيييييب
را ا ا ايحه
ولماسألتها أمها ليه قالت :بزا ا ارينن صجوا راسي...

رائد مات ضحك:هههههههههههههههههههههه لايالكبيره

أمل:ههههه وقسم بالله فضيعه
هالبنت

سكت رائد وتنحنح يضيع ضحكته وقال مع إنه عارف مين:مين قالك

أمل:سدوم بنت عمتي

رائد إبتسم وطلع من الصاله

أمل:وجوالك...

أخذت جواله وبتعطيه إياه ودق
بإيدها شافت المتصل ولقته
فيصل....

وقفت وعيونها ع صورته الله
نورت الشاشه بابتسامته اللي
جمدتها تحسه يبتسم لها هي...

إبتسمت وإختفت صورته لما سكن صوت الجوال ......

*************

جالسه في الصاله معصبه ومقهوره لأن رعد رفض إنها
تروح لهند...واللي زاد قهرها السبب...

سمعت صوت غرفته وعرفت
إنه صحى ..

قررت تطنشه وتسفهه لأنها لو
حكت معاه بتنفجرمن القهر...

سمعت صوته يقول وهويجلس
ع الكنبه:قومي إجهزي بنروح لخالتي...

إنقهرت وقالت وهي تحط رجل ع رجل:مارح أروح...

رعد:وليش إن شاءالله مارح تروحين..

لميس قامت بتروح غرفتها:كذا
مابي...

مقهوره منه لماقالت له بتروح
لهند يرفض واللحين يقول لها
روحي لخالتي...

حست بيده تمسكها بقوه وتلفها
له:لما أحاكيك ماتعطين ظهرك
وتمشين

حاولت تفك ذراعها من يده
وهي حابسه دموعها:إترك يدي
مابي أروح مابي..

رفع صوته بعصبيه وانتفضت من
صوته:أنا ماطلبت رايك أنا قررت
ولامحتاج رايك بتروحين يعني
بتروحين...

لميس نزلت دموعها:مابي مو ع كيفك متى مابغيتني أطلع طلعت
للي تبغاه و...

قطع حكيها صوت ضحكته الساخره وشد قبضته ع ذراعها:تصدقين زين إنك قلتي لي....أنا
زوجك وكيفي آخذك للي أبغاه
إلاصاحبتك هذي اللي مسويه
المناحه هذي علشانها هذا إذا
علشانها موعلشان غيرها....

إنصدمت منه لأنه يقصد بدر...

فلتت يدها منه وقالت ببكا:قلتلك
مافي شئ بيني وبينه إنت ليه مو
مصدقني....

دخلت غرفتها وسكرت الباب بقوه وقهر......

**************

إبتسمت بضيق لماشافت أخوها
واقف عند المرايه يعدل غترته
وإبتسامته ع وجهه ...

التفت لها وقال بابتسامه:ها شرايك

إبتسمت:أحلى عريس ....مبروك
ياخوي

إبتسم:الله يبارك فيك

قربت منه أمه تبخره وهي تدعيله بفرح....

:كللللوش وأخيرا أعتقنا

ضحك خالد لماشاف رائد نازل
من ع الدرج لابس ثوب وشماغ
وكاشخ...

رائد:عاد يمه بخريني أنا بعد
تراني أنا اللي بشرفه وبروح أخطبه له...

أمل:مو إنت أبوي الله يخليه لنا

قربت منه أمه وبخرته:عقبال ماأفرح فيك إنت بعد

رائد:آميـــن

نزل أبوخالد وطلعوا ...
وأم خالد تدعي لولدها...

ناظرت أمل في أخوها خالد
وهو طالع والفرحه في عيونه
كانت شاكه إنه يحب رنا واللحين
تأكدت....

بس خايفه رنا تكسر قلبه وتخرب فرحته وترفضه....ماراح
تسامحها لو سوتها....مو متخيله
ردت فعل أخوها....

****************

طلعت فستان نعوم تلبسه إذا
راحت مع حبيبها بندر وهي فرحانه باقي كم ساعه وتشوفه

زينت وجهها بالميك أب ناعم
أبرز جمالها...

وتركت شعرها منسدل ع أكتافها
بشكل جذاب...

التفت للباب وشافت ريم داخله:السلام...

تفاجأت لماشافتها متزينه:بتطلعين

رنا:أيوه بس مو اللحين معزومه
ع خطوبة صاحبتي..

ريم:آها إممم عمي ناصر وعياله تحت

رنا رفعت حاجبها:طيب

ريم:غريبه مو عادتهم يجونا اللحين

رنا:عادي

دخلت أم رعد بفرحه:مبروك يمه

رنا إستغربت:ع إيش

أم رعد:عمك تحت مع أبوك يخطبك لخالدولدعمك

شهقت رنا:إيـــــــش

ريم فرحت:مبرووك رنو

رنا ناظرتها بقهر:ع إيش إنتي
بعد....

التفتت لأمها:أنا موموافقه

أم رعد:ليش...

رنا بغرور:تبغيني أنا رنا آخذ خلودولدعمي

ريم:إيش فيه خالد ..دكتور كل
بنت تتمنها وولدعمك

رنا بتكبر:لاحبيبتي أنا مستواي
أعلى من مستواه هه وله عين
يجي يخطب

ريم إنقهرت من غرور إختها وتكبرها:أي مستوى اللي قاعده تحكي عنه ..إنتي إلى متى بتشوفين نفسك ع الناس ترا غرورك ماراح ينفعك وبتندمين...

رنا بلامبالاه:يمه قولي لأبوي
إني مستحيل أوافق

أم رعد:طيب إستخيري وفكري
زين ولاتردين اللحين

رنا :قلتلكم لا يعني لا

:وليش لا..

التفتت للباب بخوف لماسمعت صوته وشافته واقف عند الباب...
وعاقد حاجبه وكأنه موعاجبه
رفضها...

رنا:رعد..

دخل للغرفه:ليش رافضه خالد

رنا إرتبكت:أ..مابغاه

رعد:وليه ماتبغينه شايفه عليه
شئ

رنا:لا

رعد:أجل ليه رافضه... خالد ولدعمك وعارفينه زين رجال والنعم فيه

رنا خافت رعد يغصبها عليه عارفته إذاقال كلمه مستحيل تناقشه فيها..:مابغى أتزوج توني
صغيره ووأبغى أكمل دراستي..

رعد:إيش هالحكي الفاضي
تقدري تكملي دراستك وإنتي
متزوجه وخالد ماراح يمنعك

رنا:بس أنا مابغى خالد موغصب

رعدعصب:إلا غصب إذا ماعندك
سبب ليه رافضته إنتي حتى ما
عطيتني نفسك فرصه تفكري
وتستخيري علطول رفضتي..

رنا مقهوره مستحيل تاخذ غير
بندر ...من وين طلعتي ياخويلد
بس مستحيل آخذك...أنالبندر حبيبي وبس ..وماراح أتزوج غيره

****************

فتحت عيونها ورفعت راسها عن
الأرض الرخام البارده..

وحطت إيدها ع بطنها اللي آلمها
وإيدها...

إنسابت دموعها ع خدها بألم
وحاولت تقوم بس الألم اللي
في جسمها مو مخليها تتحرك...

تحاملت ع نفسها وجلست ع سريرها وتمددت بأنين...

بكت بإحساس الظلم والألم والعذاب والوحده...

دفنت وجهها ع المخده وبكاها
يزيد وشهقاتها تعلى ...

ليه يكرهوها..ليه يعذبوها..ليه
يتمنوا موتها...

إيش غلطت فيه؟؟..إيش الذنب
اللي إرتكبته علشان يجازوها
بالحقد والكره والتعذيب؟؟...

تبغى يوم واحد بس تقضيه بدون دموع ..بدون ألم...

تبغى يوم واحد بس تبتسم فيه
تحس إنها إنسانه مو حيوان..

يوم واحد بس تفرح فيه ..

يوم واحد بس تعيش زي الناس
تعيش بأسره تحبها موتضطهدها
..
يوم واحد بس تنام فيه بدون دموع...

لكـــــــن متـــــــى هاليـــــــوم ؟؟؟؟؟؟

هـــــــل بتعيشـــــــه أو بتموت
وهي تحلـــــــم فيه؟؟؟؟؟

*************

لبست فستانها وعدلت مكياجها
وشعرها وتعطرت...

حمدت ربها إن أبوها تدخل وقالت له إنها ماتبغى تتزوج ولا
غصبها صحيح شكله مارضى
بس بعد ماغصبها

أخذت عباتها ولبستها وطلعت
مع السواق....

نزلت عند بيت صاحبتها وخلت
السواق يروح وركبت مع بندر
اللي كان ينتظرها...

بندر:وأخيـــــــرا ياقلبي ماصدق

ضحكت بدلع:لاصدق حبيبي..

بندر:ها حبيبتي آمري تدللي وين
تبغينا نروح..

رنا:مادري أي مكان تحب...

بندر:شرايك نلف في السياره
شوي وبعدها آخذك ع أحلى مطعم نتعشى فيه..

رنا:أوك اللي تشوفه..

لفوا شوي في السياره وهم
يسولفون وطبعا لازم يتغزل فيها وهي مبسوطه...

رنا:بندر

بندر:هلاحبيبتي

رنا:إممم أبوك متى يرجع من السفر

بندر:ليه...

رنا:علشان تخطبني من أبوي

إبتسم بسخريه:قريب إن شاءالله باقي له شهر ويرجع

رنا:لأن خالد ولد عمي خطبني
وأخاف أبوي يغصبني عليه وأنا
مابغاه أبغاك إنت..

تفاجأ:متى

رنا بضيق:اليوم

بندر:لاحبيبتي إنتي لي أنا بس
وماراح تكوني لغيري وعلشان أثبت لك أنا بخلي أبوي يدق ع أبوك ويفاتحه في الموضوع

رنا بفرحه:متى

بندر:إن بغيتي اللحين

رنا:لاحبيبي لماترجع للبيت

بندر رفع جواله علشان تثق فيه
وتظاهر إنه يحاكي أبوه..

رنا مبسوطه:وافق

بندر:طبعا وافق وإنبسط إنك
بنت مشاري ال...لأن يعرف أبوك وقال اللحين بيدق ع أبوك

رنا الفرحه مو سايعتها..يعني خلاص بتصير له...

بندر:و ع فكره مهرك جاهز
وحتى بيتنا جاهز وإذا تحبي
نروح اللحين وتشوفينه

أخذها لفله كبيره أنوارها كلها
مفتوحه إنبهرت فيها
:وا ا او هذي بتصير بيتنا...

بندر:طبعا بس تراها من داخل
أحلى بكثير من الخارج...تعالي
شوفيها...

نزلت معاه بدون تردد ودخلت
الفله...

بندر:ها شرايك في الحديقه

رنا بانبهار:تجنن

بندر:حبيبتي ليه لابسه عباتك خذي راحتك البيت هذا بيتك
وبعدين أنا بشوف زوجتي زين

إبتسمت لماسعت كلمة زوجتي
وفسخت عباتها وطرحتها وعدلت
شكلها وضحكت لماشافت نظراته المبهوره فيها كان فستانها قصير ونعوم

بندر قرب منها:قمرياقلبي قمر

مسك يدها:تعالي أفرجيك ع داخل

مسكت يدها ومشت معاه حست بإيده تشد ع يدها وهو
يقرب منها...

رفعت راسها وشافته يناظر فيها
ويبتسم. . .

إبتسمت والتفتت قدامها لمادخلوا

تجمدت مكانها وتوسعت عيونها بصدمه وقلبها وصل لحلقها من الرعب لماشافت اللي قدامها....

رعــــــــــــــد .....فيصــــــــل..

**************








 توقيع : MeM




سوف يأتي يوم لا اكون معكم ,
وسوف تدخلون لـ تقرأو ما كتبت
فان وجدتم ما يؤجرني انشروه
وان وجدتم ما يؤثمني اتركوه
  رد مع اقتباس
قديم منذ /02-10-2013   #65 (permalink)

MeM
 
الصورة الرمزية MeM

عُضويتيّ 4110
الجِنسْ women
مُشآركاتيَ 25,070
تـَمَ شٌـكٌريَ 247
شكَرتَ 309
حلاُليٍ 0
آلدوُلة السعوديه
هناَ سأكونُ twitter 






MeM غير متواجد حالياً
افتراضي


وقفــــــــــوا بصدمــــــــــه و
عدم تصديق وعيونهم شاخصه
في المنظراللي قدامهم...
إختهــــــــــم داخله فله مع
واحد غريب وفي هاللبس..
مستحيــــــــــل...
إنطلق فيصل من مكانه زي الأسد إذا إنقض ع فريسته وإنقض ع بندر اللي كان واقف ويناظرهم بشماته وإنتصار وحقد...
:أيا الحيــــــــــوا ا ا ا ا ا ا ا ان
رنا غطت فمها بإيدها ورجعت
ع ورا برعب...
مستحيــــــــــل اللي قاعد يصير قدامها مستحيل...
ماوعت إلا ع الكف القوي اللي
كان بيخلع فكها من قوته وطاحت ع الأرض ....
رفعت راسها وشافت رعد واقف
قدامها وعيونه نار بياكل اللي قدامه...
مسكها من شعرها وصفعها كف أقوى من اللي قبله وهي
تصارخ:آ آ آ آ آه رعــــــــــد
الله يخلييييييك إتركنيييي آآآآهئ
مسكها من شعرها وصرخ عليها
وأصابعه بتخلع فكها من قوة ضغطه عليها:أنا حلال فيني أشرب من دمك ....
سكتــــــــــي مابي أسمع صوتك سكتــــــــــي...
رماها ع الأرض ورمى عباتها عليها وصرخ عليها:لبسيــــــــــها
أخذت عباتها وهي تبكي وتحس
بطعم الدم في فمها ..للحين مو
قادره تستوعب اللي صار..تحس
إنها تحلم..
التفت رعد لفيصل اللي كانت ركبته مثبته بندر ع الأرض ويسدد
له لكمات ع وجهه بشكل جنوني ويسبه...
مسكه وأبعده عن بندر اللي رفع جسمه وتفل الدم اللي طلع من فمه وهويمسحه بكفه
ويناظرهم بتشفي:ها شفتوا
التربيه اللي فرحانين فيها..هههه
إختكم بنت مشاري ال... تطلع
بنت ليل و....
صرخ عليه فيصل وهو يهجم عليه :جــــــــــب يال####
سحبه رعد وأبعده عنه :فيصــــــل
ضحك بندر بألم:ههههههه وع فكره تراها مو أول مره تطلع معي ههههه مو حبيبها وإلا...
وغمز لهم بوقاحه خلت شياطين
رعد تنط قدامه ...
مسكه من ياقة ثوبه ولكمه ع
وجهه بكل قوته أكثر من مره خلت بندر يفقد وعيه ورماه ع الأرض وهو يالله يتنفس...
ورفع جواله ودق ع رقم معين...
************
نزلت تحت معاها عباتها ودخلت
للصاله :ماجد
ماشافت إلا شهد جالسه ع الأرض وتلعب بالبلاي ستيشن
سميه:شهد وين ماجد...
شهد:ماجد برى في المجلس عنده راكان..
طاحت شنطتها من يدها لماسمعت إسمه وظلت نظراتها
مثبته ع شهد...وقلبها تسارعت دقاته...
شهد:شفيتس
رفعت شنطتها عن الأرض بإيد
مرتجفه وطلعت ...
رجولها قادتها للمجلس ووقفت
لماسمعت صوته...
غرقت عيونها دموع وصوته ع
مسمع منها ببحته المميزه...
إشتاقت له كثير...وكل يوم يزيد
شوقها له ...
كانت فاكره نفسها خلاص نسته
لكنها غلطانه عمرها مانسته ولا
دقيقه ...
حطت إيدها ع قلبها نفسها تخلع حبه منه من ذاك اليوم اللي باعها فيه وحطمها...
إنسابت دموعها ع خدها لماتذكرت ذاك اليوم....
ودها تدخل عليه اللحين وتصرخ
فيه ليــــــــــش تركها ليــــــــــش باعهــــــــــا..
هل عمره ماحبهــــــــــا وكان
يوهمهــــــــــا ....
:سميــــــــــه...
فتحت عيونها وشافت أخوها واقف عند باب المجلس ويناظر
فيها بصدمه...
شهقت تبكي وراحت ركض لغرفتها...
آلمه قلبه عليها والتفت بقهر لراكان اللي نزل راسه وطلع من
البيت ...
مسح شعره بإيده وزفر بقهر..
إخته تذبل قدامه ومو قادر يسوي شئ ...
لاهو قادر يطلع حرته في راكان
ولاهوقادر ينسيها...
صاحبه من صغره ورفيق عمره
اللي رافقه بفرحه وحزنه..من جهه...
وإخته حبيبته من جهه...
***************
غمض عيونه بقهر وإيده تشد
شعره وقلبه يدق بقوه ويآلم صدره....
طلعت منه آآهه من قلب..
وصوت بكاها يتردد في راسه
حبيبته وعمره تبكي وتذرف دموعها بسببه...
يا ا ا ا ا ا ا ا ا ا ا ا ا ا ارب...
*************
تأففت بملل ورمت كتابها ع سريرها وصوت سعود ولد إختها
رغد ببكاه مو مخليها تركز ...
طلعت من غرفتها ودخلت غرفة إختها:يا ا ا ا انا ا ا اس يا عا ا الم
نبي نذاكر نبي ننام نبي نعيش بهدوء طفي صفارة الإنذار حقتك..
رغد وبحضنها سعود اللي يبكي
تحاول تهديه:بس ياماما بس
ريم:أففف شفيه
رغد:مادري عنه
ناظرت ريم في رند :ياحبيلها رنوده اللي صوتها ماينسمع في
البيت
رغد:الحمدلله إنها موراعية بكا
مثل أخوها كان طلعوا فيني الشيب..
ريم:طيب يمكن جوعان..
رغد:توني مرضعتهم
ريم:طيب يمكن فيه نوم
رغد:مادري شكله بس مو راضي ينام..
ريم مالها خلق:طيب حاولي تسكتيه أبي أذاكر شوي..
طلعت من الغرفه رايحه لغرفتها
وإنهبلت لماسمعت صراخ تحت
نزلت ركض وإنفجعت لما شافت اللي قدامها...
رعد ماسك رنا من شعرها و
يسحبها للدرج وهي تصارخ وتحاول تتمسك بدرابزين الدرج
وإيديهاغصب تفلت من قوة شده لها ودموعها مغرقه وجهها
واللي فجعها أكثر شكل رعد اللي أرعبها وألجمها وماقدرت تفتح فمها بكلمه وحده..
كل اللي سوته إنها ابتعدت عن
طريقه راجعه خلفها وإيدها ع
فمها...
دخلها الغرفه ورماها ع السرير
وسكرالباب وقفله..
قرب منها ومسكها من شعرها
وهو يصارخ عليها:هذي آخرتها
ياال#### توطي روسنا في التراب...هذي آخرت الدلع ...
صفعها كف :علشان هالواطي
رافضه خالد علشانــــــــــه...من وين عرفتيه وليــــــــــه..
كان بكاها يزيد وخوفها منه مو
مخليها تفتح فمها وتترجاه يتركها..
شافت عروق وجهه واضحه
من الغضب وعيونه العسليه توسعت بخوف وهو يهمس:لمسك..
صرخ بصوت مكتوم وهويهزها:إحكي هالواطي لمسك...
قالت ببكا وصوت مخنوق:لا لا
والله مالمسني والله آآه...
رماها ع الصوفا وجلس ع طرف السرير وإيديه ع وجهه ويالله يتنفس...
ضمت نفسها وهي تبكي بألم
وإيدها ع شعرها اللي تحسه
تقطع من قوة شده...
مسح وجهه بإيديه ورفع راسه يناظر فيها ..
قام من مكانه وراح لها وهي إنكمشت ع نفسها بخوف....
سمعت صوته الحاد:والله لو أشوفك معتبه باب الغرفه أو باب
البيت لأذبحك وأشرب من دمك
سامعــــــــــه...
إنتفضت وهي تقول:سامعه سامعه آآهئ...
رعد:وبتتزوجيــــــن خالد غصب
عنك وبتقولي لأبوي إنك موافقه
سامعه...
رفعت راسها بتعترض بس بلعت
لسانها لماصرخ:جــــــــــب ولا
كلمه ولا كلمه إنتي تحمدي ربك
إن قبل فيك غيره...بتتزوجين
غصب عنك وإنتي منكتمه..فاهمه..
هزت راسها بأيوه وهي تشاهق
..
طلع من الغرفه وسكر الباب وقفله..
وشاف رغد وريم اللي من الخوف راحت تنادي رغد ..
واقفين بقلق قدامه..
رغد:رعد إيش صاير رنا شفيها
رعد زفر:مابي أحد يعرف باللي
صار سامعين لا أمي ولاأبوي ولا *** مخلوق سامعيــــــــــن
إنتفضوا من عصبيته وصوته وقالت رغد:طيب طيب بس قول
شفيها رنا وليه ضاربها وحابسها..
رعد:ولاشئ مابي أحد يسأل ليش ولا كأن شئ صار فاهمه
نزل تحت وهو يحكي بجواله
..
ناظروا بعض بقلق وحيره ودخلوا غرفة رغد..
ريم بخوف:يمه والله خايفه
إيش صاير
رغد بهدوء:خلاص ريم..رعد لو
بيقول كان قال..سكتي ولاتسألين عن شئ وأمي وأبوي
لايعرفوا بشئ..
ريم:ورنا
رغد تنهدت:مانقدر نعرف شئ
رعد قافل الباب إصبري شوي
لين يهدى الوضع ونشوفها.<
ريم:لاحول ولاقوة إلابالله الله يستر....
***************
مسحت دموعها اللي مغرقه وجهها بإيديها المرتجفه...
وألأم اللي ينبض في راسها يزيد..
للحين مومصدقه اللي صار لها
مومصدقه إن بندر يسوي فيها
كذا ..مومصدقه إنه خان حبها
وكان يستخدمها وسيله للإنتقام
مومصدقه إن الحب اللي مغرقها
فيه كان مجرد سراب ..
شهقت بقوه ودموعها تنزل بغزاره وهي تضم نفسها وشهقاتها تزيد...
ليــــــــــه سوى فيها كذا...
تأوهت لماحست بالألم في جسمها من الضرب اللي نالته
وخدها للحين يحرقها...
تذكرت شكل بندر المرمي ع
الأرض وكله دم من قوة الضرب
اللي ناله من إخوانها..
وشكله والحرس يسحبونه ع الأرض ويرمونه داخل السياره..
وأخذوه معاهم بس ماتدري وين...
صرخت داخل نفسها..يستاهــــــــــل اللي جاه يستاهــــــــــل..
بكت بحرقه وهي تحمد ربها إن
علاقتها معاه ماتعدت لشئ ثاني
أعظم ...
لكــــــــــن إيش اللي جاب إخوانها للفله؟؟؟؟؟؟؟
خايفــــــــــه رعد يخبر أبوها والله ليذبحها بإيديه ..
تذكرت إن رعد بيزوجها لخالد و
زاد بكاها ..
*************
ناظرت في الساعه ولقتها تعدت
وحده في الليل ورعد لسى مارجع...
مو عادته يسهر لوقت متأخر حتى قبل لاتتزوجه ماكان يسهر
لهالوقت ...وخصوصا إن بكره عنده دوام..
حاولت تدعي اللامبالاه لأنه ما
يستاهل بعد اللي سواه إنها تهتم له...
قامت لغرفتها وجلست ع سريرها وغصب عنها ماقدرت تنام وعيونها ع الساعه..
ظلت كذا ع حالها لين صارت الساعه ثنتين ونص وهي موقادره تنام..
وغصب عنها خافت عليه وإنتابها
القلق...
ناظرت في جوالها حتى رقمه ما
تعرفه...
طلعت في الصاله وجلست ع الكنبه وشغلت الT.V
تشغل نفسها لين غفت....
*************
فتحت عيونها وناظرت المكان اللي نايمه فيه واستغربت....
رعــــــــــد....
قام بسرعه لماتذكرت ودخلت
غرفته مالقته حتى سريره مرتب
يعني مارجع للبيت...
معقوله يكون سافر ...لالا
شكله لماطلع من البيت ماطمنها
تذكر جاله إتصال وطلع بسرعه
عمــــــــــي...لايكون عمي
صاير له شئ...
ركضت لجوالها ودقت ع ريم
تطمنت لماسمعت صوتها يعني
مو صاير شئ..
كانت بتسألها عن رعد بس تراجعت ... وسكرت منها...
جلست فتره ساكته ثم تذكرت إن رعد مره دق عليها من جوالها..ماهي ماحفظت رقمه
دخلت المكالمات ودورت ع رقم غريب بينهم غيرالرقم اللي يدق عليها وضغطت إتصال بتردد
ظل يدق ولاسمعت رد..عادت
الإتصال..
****************
في المزرعــــــــــه...
جالس في مكانه الخاص ع طرف النافوره من أمس الليل
بعد ماشفى غليله من بندر اللي
حابسه عنده في المزرعه...
ضام راسه بإيديه مومصدق إن
إخته يطلع منها هذا كله...
ومع مين مع بندروه ولد ألد أعدائه آآآآه يالقهر..
سمع صوت جواله اللي يدق وطنشه ماله خلق أحد يحس نفسه تعبان ومو طايق شئ...
رجع يدق مره ثانيه وأخذه بدون
لايشوف المتصل ورد بصوته
الثقيل:نعم...
دق قلبها بقوه فظيعه لماسمعت صوته ببحته المميزه:رعد...
فتح عيونه بدهشه لماسمع صوتها..هذا صوتها وإلا هو قاعد
يحلم هي داقه عليه بنفسها:لميس...
تبخرت الحروف من فمها ماتدري إيش تقول ..مافكرت بهالشئ إلا إنهابتطمن عليه:..........
رعد:.............
ظلوا ساكتين وكل واحد يسمع أنفاس الثاني وقلوبهم تتسابق دقاتها.....
غرقت عيونها دموع ماتدري شفيها حاولت تتماسك وقالت:رعد....
غمض عيونه وهمس:ياعيونه....
ماسمعت إيش قال وقالت :وينك
إنت مسافر
نزل راسه وأصابع يده تتلمس جبينه وتتخلل شعره وتنهد :لا أنا في المزرعه
ركزت نظراتها ع إيدها اللي بدت
ترتجف وتنهيدته وصلت لها:إنت تعبان
رعد مدد رجوله ع الأرض وهويحس نفسه مركز في كل رنات صوتها اللي يحسه شتت تفكيره وزادت دقات قلبه بشكل جنوني :لا
لميس:مارح ترجع للبيت وإلا بتبات في المزرعه..
ماسمعت رده وجاها صوته الساخر:...........لهدرجه إشتقتي لي...
صدمها حكيه ونبرة صوته وإنقهرت وقالت بقوه:لا عمي يسأل عنك
رعد :آها ....
همس بصوته العذاب:قلت يمكن إشتقتي لي مثل ماشتفت لك...
إنصدمت وصوته ألجمها وماقدرت تقول شئ...
سمعت صوته وحسته يبتسم
:طيب أنا مشغول اللحين مع السلامه
وسكر الخط من غير لايسمع
ردها...
أبعدت الجوال عن إذنها لما أختفى صوته وإنسابت دموعها
ماتدري إيش فيها تحس برغبه
فظيعه بالبكا لماسمعت صوته...ليش ماتدري
أرتمت ع الكنبه وبكت بقوه......
**********
طلعت من غرفتها وشافت فيصل يصعد الدرج ناظرها ومشى ..
إستغربت لماشافت شكله ونادته:فيصل
ماعطاه وجه ووقف عند باب غرفة رنا ..نفسه يدخل عليها
ويخنقها بإيديه لين تلفظ أنفاسها
ويرتاح...
لولا إن رعد منعه إنه يتعرض لها
وإلا كان سواها بدون تردد...
كمل طريقه لغرفته ودخل وسكر الباب..
إستغربت ريم ماتدري شفيهم
لارعد ولا فيصل ولارنا اللي للحين ماقدرت تشوفها..
نزلت تحت وشافت عادل داخل
:هلا عدول
عادل:هلاريم
ريم رفعت حاجبها:وين كنت مافي جامعه اليوم ...اليوم خميس
عادل تلفت باستهبال:قولي قسم بالله إحلفي إن اليوم الخميس...تصدقين توي أدري
ريم ضحكت:بلا إستهبال
عادل تنهد:أبد والله تعرفين أخوك ماشاءالله ‏businessman‏ كل وقته busy
ريم:إحلف عاد...
عادل:إلا غريبه ماسمعنا صفارة الإنذار اليوم
ريم ضحكت:نايم إصبر شوي
وترن
**************
بعد أيــــــــــام...
تفاجأ الكل من خبر خطوبة رنا
لخالد...
حتى ريم تفاجأت لأن إختها كانت قبل رافضه بتاتا وفجأه تغير رايها..
أما رنـــــا فكانت محبوسه في غرفتها ولاطلعت من البيت من ذاك اليوم ...
ودايماتبكي بسبب صدمتها ببندر
وخطوبتها من خالد لأنها ماتبغاه

ونفسيتها زفت ..تعصب ع كل شئ ولماتشوف فيصل تبلع لسانها وتنكتم..نظراته المحتقره
والمشمئزه منها تلجمها حتى نظرات التوعد والغضب تخليها تبلع لسانها ...
زارتها دلال وخبرتها رنا باللي صار طبعا دلال إنبسطت باللي
سمعته لأنها تكره غرور رنا وتكبرها...بس ما وضحت...
رعــــد سافر علطول من المزرعه وبعد ماتأكد من خطوبة رنا...
بنـــــــدر ذاق أشد التعذيب من
رجال رعد في يومين وسفره
رعد لأبوه ومنع دخوله للسعوديه ....
خالــــــد الفرحه مو سايعته
أخيرا بياخذ حبيبته وروحه...ومسوي حاله طوارئ في البيت
أما توليــــــــــن محبوسه في
غرفتها يوم تاكل فيه وجبه وحده ويالله تشبعها ويوم تنام
جوعانه هذا غير الضرب اللي
يجيها من مرام...
جسمها ضعف ووجههاذبل ماعادت تبغى حياتها...
************
كان جالس مع الشباب في الكورنيش لمادق
جواله وشاف المتصل لقاها فرح..كشر بضيق البنت هذي مو
راضيه تفك عنه..
مد الجوال لفيصل:خذ قول لها
أي شئ
فيصل باستغراب:ليش إنت ماتحاكيها..
رائد:مالي خلقها البنت هذي ناشبه في بلعومي مو راضيه تفهم إني خلاص قطعت علاقتي فيها...تكفى صرفها
إبتسم فيصل من قلبه ع حكي ولد عمه وأخذه:أبشر...بس عادي أقول لها رائد مات
رائد طيرعيونه:بسم الله علي لاتفاول علي
ضحك فيصل والشباب انفجروا
ضحك...
فيصل:ألو
فرح بسرعه ولهفه:هلا حبيبي
وينك ماترد علي..
فيصل انقلب وجهه وتنحنح:إحم
إحم لوسمحتي مين تبغين
فرح:هـ...هذا موجوال رائد..
فيصل:لا إختي موجواله
فرح باصرار:إلا متأكده هذا جواله عطني بحاكيه
فيصل عصب:يابنت الناس قلتلك
مورقمه أنا شريت الرقم هذا من مده ولوسمحتي لاعاد تدقين مره ثانيه...
وسكر الخط في وجهها....
الشباب:هههههههه
أخذ رائد الجوال:ثانكس
فيصل:ههههههه
رائد:شفيك
فيصل:هههه قالت لي(يقلد صوتها)هلاحبيبي وينك ماترد
الشباب ماتوا ضحك:هههههههههه
رائد إنقلب لونه وضحك...
فيصل:بغيت أتفل بوجهها
رائد:زين مشكور ع الخدمه
فيصل:رائد من صدقك بتقطع
علاقاتك
رائد:طبعا من جدي بصراحه
انا معترف إني غلطان واللي
أسويه هذا حرام وكنت أتسلى
ورجعت لعقلي
سامي:صدقت ياماسمعنا قصص كثيره صارت واحد يكلم
بنات ويكتشف إن خواته لهم علاقات مع شباب..
بسام ساكت وحكيهم ضرب ع
الوترالحساس ..
أما فيصل بعد بالمثل...
*******************
واقفه قدامه المرايا لابسه
فستان بيج ع سكري ضيق وقصير لتحت الركبه وتحت الصدر شريطه سودا شكلها غريب...
وشعرها تاركته مفكوك وفارقته من الجنب وصاير من جهه أكثر من الجهه الثانيه وماسكه الشعر الخفيف بورده سودا...
وخاطه شادوا أسود وقلوس لحمي طالعه تخبل....
أخذت شنطتها وطلعت للصاله
اليوم عزيمة لرغد في بيت عمها
وقفت مصدومه لماشافته قدامها واقف ببدلته الرسميه السودا اللي محليته ...
ماقدرت تتحرك من مكانها
إشتاقــــــــــت له كثيــــــــــر
الأيام اللي فاتت فقدته بشكل
كبير..فقدت صوته..عيونه.. حتى
خناقها معاها فقدته ...
عمرها ماتخيلت إنها بتشتاق له
همست :الحمدلله ع السلامه
حبس أنفاسه لماشافها والله
قمر قليله في حقها ...
ياناس لحد يلومه يعشق هالجمال يعشق هالملا ا اك
شكلها هز مشاعره هز ..
مشتاق لها الأيام هذي وكأنهم دهر إشتاق لوجهها اللي ماغاب عنه لحظه وحده بس موقادر يقرب لها موقادر يعبر لها عن عشقه
كل شئ يصده عنها ...
قادته رجوله ناحيتها ورجعت خطوه ع ورى...
بتهرب من مشاعرها ومنه
مسكها من يدها وهمس:ماتبغي تسلمي علي
نزلت راسها وتحس الهوا حار
حولها..
حضنها لصدره يطفي شوقه
لها...وإيده تخلل شعرها...
رفع راسها وعيونه تتأملها
عيونها تضعفه تشتت قوته
قرب منها وباس شفاتها بشوق
وضعف......
بعدت عنه ودخلت غرفتها
إرتمت ع سريرها وهي تبكي
تحبــــــــــه ومستحيل تنكر حبها له...
الأيام اللي فاتت إكتشفت إنها
تمووت في هواه تعشقه رغم
كل اللي سواه فيها تعشقه...
عشقته غصب عنها ....
*****************

*****************
تأففت بضيق وهي تحاول تسكر سحاب فستانها الليلكي القصير لنص فخذها وتحته بنطلون أسود .:أففف هذا مو راضي يتسكر ليه هو أنا سمنت وإلا إيش..
وأخيرا تسكر طالعت في جسمها هذا هو ماتغير أجل ليش ماتسكر...
تأففت وهي تاخذ المشط تسرح شعرها الملفلف أمس ما
نامت زين وهي تسمع صوت بكا إختها المكتوم...
أمس جوا عندهم بنات عمهم
سالم وظلوا يخزون إختها بالحكي والتريقه لأن راكان تركها وطلعوا لهم ألف سبب وسبب وكل واحد أخس من الثاني...
أففف نفسها تمسك راكان وتخنقه وتقطعه بإيديها لأنه سبب تعاسة إختها...
تركت المشط ع الطاوله وعيونها
الحاقده ع راكان وبنات عمها متسمره ع وجهها...
رمشت بعيونها لما جا في بالها
رائد....
إبتسمت لماتذكرته وإختفت إبتسامتها بقهر ....أنا إيش قاعده
أفكر فيه...
سحبت شنطتها وعباتها وطلعت
من غرفتها ونزلت تحت ...مرت
غرفة مي وقبل تدخل سمعت
صوت زوجها...حمدت ربها إنها
مادخلت علطول....
رجعت للصاله وشافت سميه جالسه ع الصوفا وشكلها سرحانه..
راحت لها:سوسو....
رفعت راسها:هلا...
:إيش قاعده تسوين أهلي طلعوا وإنتي جالسه
قامت معاها ولبسوا عباياتهم وطلعوا لماجد اللي ينتظرهم برى....
**************
كانت جالسه بين البنات وحاطه
رجل ع رجل وتهز رجلها بعصبيه
وهي تسمع حكي رشا المايع
عن فيصل ...بطولاته معاها لماكانت صغيره....
تشوف لمعة الحب والهيام تنطق من عيونها وهي تحكي عنه بدلع ...
نفسها تخنقها ا ا ا ا ا ا ا وتطلع
الحب من عيونها....
يانا ا ا ا اس تكرهها تكرهها ا ا ا
حمدت ربها إن دخول لميس
قطع حكيها الماصخ وقاموا البنات يسلمون عليها ولا كان ثورت فيها....
رشا بمصاخه:شفيك أموله ساكته ومو ع بعضك تحسين بشئ.....
بفجــــــــــررررر فيها ا ا ا ا
الحما ا ا ا ا اره....
إغتصبت إبتسامه:لا مافيني شئ
يتهيأ لك...
رفعت حاجبهاوقالت:يمكن....
أشغلت نفسها بالسوالف مع
البنات قبل تفضح نفسها.....
أما لميس فكانت مو مع البنات
أبدا...تفكيرها كله في رعد من
صاراللي صار وهو ساكت وصلها لبيت عمها بصمت وشكله
مو ع بعضه كأنه معصب أو
ندمان ع اللي سواه...
أماهي للحين تحس بقلبها يرجف داخل ضلوعها...بعد
الإعتراف اللي إعترفته ع نفسها
بحبه...
هل غلطت لماحبته ..وإلا فتحت
ع نفسها باب ونوع جديد من
العذاب...
قطع حبل أفكارها صوت لمياء
:وا ا او فستانك مره روعه يالميس..من وين شاريته..
إبتسمت وهي تشوف نظرات
دلال المحتقره وقالت:رعد أهداني إياه لماكنا في شهر العسل...
كانت بتضحك لماشافت شكل
دلال إللي كأنها شوي وتذبحها...
لأنهاببساطه تكذب بس تبغى
تحرها...
صرخت لمياء برومانسيه:وا ا ا او
من فرنسا أرض العشاق.....
ضحكت سديم:هههههه طبعا
مايروح لها إلا العشاق...
وغمزت للميس...
إبتسمت لميس لماشافت إحمرار وجه دلال ... أما البنات بدوا يحكوا عن باريس ..وكل وحده تتمنى تروح لها شهرعسلها..مادروا إنها ذاقت الويل فيها...
قامت من عندهم وجلست عند
رغد اللي كانت حايسه بسعود
اللي بدى يبكي كالعاده....
وأخذته منها ياحرام رحمتها مره
كان واضح إنها طفشت من بكاها وموقادره تسكته....
ضمته لها وقامت تتمشى فيه
لعله يسكت ويوقف بكا....
طلعت رشا من الغرفه وسمعت
صوت فيصل ينادي شافتها فرصه وراحت قريب من الباب وقالت بكل نعومه:هلا فيصل
بغيت شئ...
فيصل ماعرفها بس قال:هلا
الله يعافيك ياليت لو تقولين لهم
يعطوني التوأم ...
إبتسمت بنفس النعومه:إن شاءالله ....
راحت لرغد وأخذت منها رند لأن
سعود مع لميس وراحت بسرعه للباب بعد ماتغطت باهمال ...
مدت رند له:تفضل....هذي رنوده...
فيصل تفاجأ إنها جابتها هي له
وانحرج ياخذها منها كذا تلفت حوله يمكن يلقى أحد بس المكان فاضي...
أخذها منها وإبتسم تلقائي لما
طاحت عيونه ع وجه رنوده البرئ والناعم ....
ورشا دايخه عليه وشوي تلصق
عيونها فيه...
طلعت من المجلس وإنصدمت
لماشافت رشا مع فيصل ولوحدهم ولابعد فيصل شاق الإبتسامه ويشكرها والإبتسامه ع وجهه وهي ترد عليه بكل غنج ودلع ...
بسرعه قياسيه الدموع غرقت
عيونها وحست بكتمه فظيعه..
رجعت خلفها قبل لاتشوفها رشا
ودخلت دورة المياه...
صحيح رشا مانتبهت لها بس اللي انتبه لها دلااااال...
طلعت جوالها من شنطتها وإبتسمت لماشافت المتصل
رفعت عيونها لداليا الجالسه قدامها وبإيدها كاس عصير
تشرب منه :داليا إنتي مقفله
جوالك...
داليا باستغراب:ليه...
إبتسمت وهي ترفع الجوال في
وجهها علشان تشوف المتصل..
وإنقلب لونها داليا أحمررر..
ضحكت سديم وهي تبعد الجوال عن وجهها:حرام عليك
ليه معذبه أخوي..
ردت عليه وهي تضحك ع
شكل داليا المنحرج...وسمعت
صوته وشكله معصب:عطيني إياها..
ضحكت سديم ورمت ع داليا الجوال وقامت علشان ترد غصب....
عضت شفتها بحرج وردت:ألو
سمعته يتنهد:آآه ياقلبي ..حرام
تحرميني من هالصوت...
إبتسمت وسمعته يقول بإصرار:
إفتحي جوالك بدق عليك اللحين
ماقدرت تقول شئ لأنه سكر الخط ...طلعت جوالها من شنطتها وأول مافتحته إلا هو يدق..
قامت وهي ترد عليه وتطلع من
المجلس ...
دخلت ريم وعيونها تدور ع أمل
:وين أمل..
لمياء:مادري
طلعت من المجلس وهي مستغربه وين تكون...
طلعت من الحمام بعد ماغسلت
وجهها من الدموع وشافت رشا
واقفه عند المغاسل تعدل شعرها قدام المرايا..
رشا وهي تشوف أمل تسحب مناديل تجفف إيديها:شفيه وجهك أمول كنتي تبكين...
إنصدمت منها وكان ودها تقطع شعرها اللي فرحانه فيه وقالت وهي ترفع حاجبها:لا ليش..
رشا بابتسامه تدعي اللامبالاه وهي ترتب خصل شعرها:عيونك محمره...
أمل:أبد كنت أغسل وجهي بصابون والرغوه دخلت جوا عيني...بس ولا تشيلين همي
ماتآلمني اللحين...
وطلعت تاركتها تبتسم بانتصار
مع إن حكيها الأخير ماعجبها...
بس الأهم إنها تأكدت إنها أصابت الهدف.....
جالسه بقرف من حكي البنات
عن تحديد ملكتها وإيش بسوون
....وحكيهم عن خالد ....
مقهوره موت ماتبغى خالد ولا
تبغى تسمع عنه أي شئ وهذول صجوا راسها فيه...
قامت من عندهم وراحت عند
البنات وجلست جنب دلال...
بعد العزيمه..
دخل رعد في غرفة رغد وكانت
متمدده وجنبها رند نايمه ...وشاف لميس واقفه وبحضنها
سعود..
جلس ع الصوفا ..ولميس منحرجه من رغد لأن الأخ ماشال عينه عنها..
رعد:رنوده نامت..
رغد:أيوه نامت::
قام رعد وقرب من لميس و
هو يناظر سعود...نزل راسه يبوس سعود ..ولميس حبست
أنفاسها لأنه قريب منها وريحة
عطره حاصرتها..
بكا سعود ورغد قالت بملل:رعد
الله يهديك ماصدقنا يسكت
رعد وهو يرجع لمكانه:والله
شسوي إذا ولدك دلوع..
دخلت ريم بعد مابدلت لبسها لبجامه:ماسكت جرس الإنذار
رغد:وجع ريمووه.. قولي ماشاءالله لايجي ولدي شئ..
ريم:ههههه ماشاءالله ..بس صدق لوع كبدي من اليوم و
هو يبكي..فشلنا عند الناس...
قربت من رند:ياحبيل رنوده اللي
صايره مثل خالتها هاديه وحبوبه
رغد:أيوه مررره ع خالته..
ريم:أيوه أنا يوم كنت صغيره
ماكنت أبكي مثله..








 توقيع : MeM




سوف يأتي يوم لا اكون معكم ,
وسوف تدخلون لـ تقرأو ما كتبت
فان وجدتم ما يؤجرني انشروه
وان وجدتم ما يؤثمني اتركوه
  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

الانتقال السريع


الساعة الآن 10:59 AM


Powered by vBulletin® Version 3.8.8 .Copyright ©2000 - 2016, Jelsoft Enterprises Ltd
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012