العودة   مجتمع ريلاكس | للحياة نكهتنا الخاصه َ > •»|[ رِحلہْ لِصَفآء آلذِهنْ وِ الرُوِحْ ]|«• > قصص - روآيات - قصص ؤآقعيةة - قصص خيآليةة




المواضيع الجديدة في قصص - روآيات - قصص ؤآقعيةة - قصص خيآليةة


إضافة رد
 
LinkBack أدوات الموضوع انواع عرض الموضوع
قديم منذ /11-04-2012   #6 (permalink)

صالح بن خالد
كبااًر شخصياًت
 
الصورة الرمزية صالح بن خالد

عُضويتيّ 4211
مُشآركاتيَ 2,065
تـَمَ شٌـكٌريَ 10
شكَرتَ 8
حلاُليٍ 0






صالح بن خالد غير متواجد حالياً
افتراضي



كومار ليه انت زعلان رفيق انا في ملعووم هذا سر بغبغ
انا يجلس عشر سنه ع شان يعرف هذا سر
ناصر يحك خشمه ويقول يا ليل الليل اقول يارفيق خلص علي ترى من جد ريحة الدههن صقعت في راسي كرهتني في الدهن والزواج
كومار : شووف صديق انا في معلوم سر بغبغ ومافي معلووم
ناصر : شننننو انا طاق مشوار من السعوديه الى اليابان لين ماوصلت هنا وانت قاعد تتفلس علي الزبده تعرف الزبده السر تعرفه ولا ماتعرفه
كومار : انا معلووم وين هذا زبد ه هذا زبده في بقاله وفي مركز تجاري ويجي من بقر
ناصر : والله قول قسم الزبده في البقاله وتجي من البقر تصدق شي غريب اقول لاتنكت لا فقع وجهك
كومار: زين زين صديق بس انتا مافي سوي جنجال انا معلوم من يعرف سر البغبغ
قاطعه ناصر:يعني ماتعرفه وانت من الليل جالس تتفلسف ع مخي
كومار: بس انا يعرف نفر هو معلووم هذا سر بغبغ
ناصر :وينه في هذا نفر عندكم في الهند
كومار : لا صديق هذا نفر في السعوديه في جده اسم هو محمد اسلم اندنوسي
هو معلوم هذا سر
ناصر: طيب عطني العنوان محمد اسلم
كومار: هذا عنوان صديق صديق مافي ينسى صديق مال انا ع شان يجي شغل في السعوديه
ناصر :احلق شوواربي ان شم صديقك ريحة السعوديه
كومار: ومايدري بمعنى كلام ناصر رد شكرآ صديق انت نفر واجد كويس
ناصر :اي هين يا الله مع السلامه يابو دهن
كومار: مع السلامه
ناصر ذهب الى المطارر متجهآ الى جده والحزن يرافقه
ماذا سيحدث لناصر وهل سيكشف محمد اسلم لناصر السر ؟!
هذا ماسنعرفه قريبآ ابقوو معنا








  رد مع اقتباس
قديم منذ /11-04-2012   #7 (permalink)

صالح بن خالد
كبااًر شخصياًت
 
الصورة الرمزية صالح بن خالد

عُضويتيّ 4211
مُشآركاتيَ 2,065
تـَمَ شٌـكٌريَ 10
شكَرتَ 8
حلاُليٍ 0






صالح بن خالد غير متواجد حالياً
افتراضي


وهو يفكر في سر البغبغ ويفكر في جده المنسم ليه اختاره هوبذات وهو في تفكيره نام ناصر نوم عميق لين ماوصلت الطياره
الى مطار جده ركب تاكسي متجه الى عنوان محمد اسلم ويوم وصل الحاره شاف
الكل يركض في الحاره ناصر تعجب ناصر من هذا المشهد وبعد ان هدى الوضع ذهب الى بقاله موجوده في الحاره سأل الهندي الموجود فيها عن الناس اللي يركضوون <<<ملقووف وش دخلك فيهم
وش السبب عرف ان الجوزات كانت عندهم مداهمه للحاره واللي كانو يركضوون هم الاجانب
ترك ناصر راعي البقاله وذهب الى للعماره اللي ساكن فيها محمد اسلم وسأل عنه هندي
ناصر : مرحبا يارفيق
رفيق : مرحبا بابا
ناصر : يارفيق تعرف محمد اسلم
رفيق : انا مافي مسلم نهي مسلم انا يعبد بقر معلوم انت بقر
ناصر: يارفيق يارفيق وش دخلني انا فيك عساك تعبد الحجر وش علي منك انا اقولك في اندونسي ساكن هنا نفر ساكن هنا سيم انتا سيم انا انسان اسمه محمد اسلم انت معلوم ولا لا
رفيق :انا جديد في هازا حاره بس انا يسأل صديق مال انا
نا صر: طيب اسال صديقك
رفيق :مهتاب كم كم يكرندي ماهوتب كور مىتلاءوكئةلاء رزةوءةشرشوظظئةءلالا ؤوؤ<<<كلام بين هنود هع
ناصر : واقف يشوف الفم الهندي اللي ينعرض قدامه ويوم طفش من الهذره
ناصر : وبعدين ماصارت لك انت وياه ربع ساعه وانتم تسولفون والله لو تتكلمون في ذره كان خلصتم يارفيق انت مع صديقك مهتاب تعرفون محمد اسلم ولا لا
رفيق : بابا صديق مال انا هو كلا م هذا محمد اسلم مافي هنا في جده هذا يروح الشرقيه شغل درايفر في بيت نفر واجد كوويس
ناصر:وش دخلني فيه ان كان اللي يشتغل عنده كويس او لا المهم يا الهندي تعرف عنوان محمد اسلم او لا
رفيق :ايوه صديق انا معلوم هذا عنوان
ناصر: طيب حلات الفرق اللي ع راسك عطني العنوان يارفيق
رفيق: بابا انا مافي يكتب عربي انا يكتب هذا عنوان هندي بعدين انتا يروح هذا دمام ويسأل اي نفر هندي هناك بعدين في معلوم وين بيت محمد اسلم
ناصر :تسلم يارفيق
ترك ناصر رفيق واتجه الى النقل الجماعي متجهآ الى الدمام والحزن والاسى يسافر معه وهل سيكتشف ناصر السر هذا ماسنكشفه في الايام القادمه
سراب عاشق







  رد مع اقتباس
قديم منذ /11-04-2012   #8 (permalink)

صالح بن خالد
كبااًر شخصياًت
 
الصورة الرمزية صالح بن خالد

عُضويتيّ 4211
مُشآركاتيَ 2,065
تـَمَ شٌـكٌريَ 10
شكَرتَ 8
حلاُليٍ 0






صالح بن خالد غير متواجد حالياً
افتراضي


وصل نا صر الدمام واول ماوصل الدمام دخل على بوفيه راعيها هندي يعرف يتكلم عربي
مرحبا صديق ممكن تقرا لي العنوان هذا
وبعد ان قرأ الهندي العنوان لناصر
اخذ ناصر يبحث عن عنوان احمد اسلم
وعندما طرق الباب ردت عليه الخدامه
الخدامه منو عند الباب
ناصر انا اسمي ناصر وابي محمد اسلم
الخدامه محمد اسلم يروح مع ماما مها وماما امل سوق الشعبي للحريم لان مامايبيع هناك طواقي وملابس داخليه رجاليه و اقط لبن خرووف
ناصر طيب ممكن اعرف وين مكان سوق الحريم
وبعد ماعطت الخدامه ناصر العنوان المكان اللي تبسط فيه امل ومها ذهب الى هناك وبعد ان تعبت رجلين ناصر من البحث
وجد محمد اسلم
ناصر : سلام انت محمد اسلم
محمد : نعم انا احمد اسلم ايش يبي
ناصر : الحمدالله طيب يابعدي ابي اعرف وش معنى البغبغ
محمد : انتا يبي يعرف سر البغبغ انا مافي يعرف هذا سر
ناصر وش تقووووووووووووول يعني رفيق يكذب علي وانا طاقن مشوار على الفاضي
محمد انا يقول اني مافي يعرف هذا عنوان بس ماما يعرف هذا سر
ناصر لاحول وش يوديني اندونيسا طيب امك عندها رقم
محمد: لابابا ماما هي كفيله مال انا اسمها مها
ناصر اووف الحمدالله وينها اجل ع شان اسألها
محمد: هذي ماما هناك
ناصر طيب خلني اروح واسألها
ناصر سلام اختي
مها هلابك اخوي عندنا طواقي عندنا ملابس داخليه واقط الطاقيه الحبه ع عشره والملابس الداخليه الفانيله فيه اللي ع عشره وفيه اللي ع تسعه وفيه اللي على احدعشر والسراويل ع تسعه
والاقط اللي عندنا يذوب في لسانك
ناصر قاطع مها الاقط اجل يذوب من قاص عليك وقالك انك تبيعين جالكسي ههههه
مها شكلك يامعصقل منتب شاري اذا منت بشاري طس عن وجهي
ناصر يضحك اختي اختي هدي اعصابك انا جاي اسألك سؤال
مها متى المعرفه ياطيب لايكون انت من الشباب اللي يغازلون والله لو انك منهم ترى الجزمه اللي عندي جديده راح اخليها تسلم عليك
ناصر وهو مصدوم من كلام مها ويقول في قلبه حشى حشى والله موب بنت هذي اسمعي يابنت الناس انا مااني راعي مغازل انا جيت اسألك عن سر البغبغ وجدي قبل مايموت وصاني اني اكشف السر
مها سر البغبغ ماغيره كان قلت من اول انك تبي تعرف السر طيب وانا اختك يقولك مافي شي في الحياه مجانآ وبسهوله كانك تبي تعرف وش سر البغبغ ابيك تربحني
ناصر وشلون اربحك ترني مو فاهم وش تقصدين
مها يعني يا المعصقل انك تشتري مني علشان اقولك وش سر البغبغ
ناصر اوووف يعني بتسرقيني عيني عينك
مها خلاص انقلع وماني قايله لك شي ويلااا طس طس عن وجهي
ناصر طيب طيب لاحول هدي اعصابك اممم عطيني طاقيه
مها وبعد
ناصر بس
مها والله انك بخيل تبخل ع نفسك تشترى لنفسك ملابس داخليه ترى الملابسس عندي مريحه ومن القطن الاصلي
ناصر طيب عطيني ملابس داخليه
مها وماودك باقط ترى الاقط عندنا غير عن كل الاقط اللي حوالينا
ناصر ومن داخله مقهوور طيب طيب عطيني اقط
وخذي هذي فلووس الاغراض
والحين شريت منك وشهو معنى البغبغ
مها اهااا تبي تعرف السر سر والله مابعد اكتشف وشهو و اللي يعرف السر واحد اسمه عبدالله يبيع مساويك عند الكورنيش
ناصر يا بنت ÷*&^%^&&**))))(___*&^لإ^^%%%%قاعد يسب ههه
الحين مابقى شي ماشريته من عندك وفي الاخر تقولين ماتعرفين حسافه انك بنت ولا كان دست على راسك ولعبت براسك بولنق يابنت **&^^((__^))
مها جرب يابعدي
ناصر لااجرب ولاشي انتي بنت بس ان شاء الله تحترقين انتي وبسطتك وما احد يجي يساعدك وبعد مايكتشفوون الحريق الاانك محروقه مايفرقون بينك وبين اغراضك
وجات امل مها وش يبي ذا الرجال مها ماعليك منه وانا اختك الرجال هذا مسكين مهوب صاحي امل الله يشفيك اخوي
ناصر الله يشفيني انا انا وعبدالله يبيع مساويك ووووين فيه في الكورنيش شكلي خلا ص بستخف قبل مااكتشف هالسر
و ترك ناصر مها وهو مقهور منها وذهب الى الكورنيش من اجل ان يكتشف سر البغبغ من عبدالله بياع المساويك
هل سيكتشف ناصر السر من بياع المساويك هذا ماسنكتشفه مع الايام القادمه
سراب عاشق







  رد مع اقتباس
قديم منذ /11-04-2012   #9 (permalink)

صالح بن خالد
كبااًر شخصياًت
 
الصورة الرمزية صالح بن خالد

عُضويتيّ 4211
مُشآركاتيَ 2,065
تـَمَ شٌـكٌريَ 10
شكَرتَ 8
حلاُليٍ 0






صالح بن خالد غير متواجد حالياً
افتراضي


وبعد مابحث ناصر عن عبدالله لقاه قاعد وجنبه ذيك المساويك وهو كبير في السن يمكن في حدود 60او 65سنه ولابس ثوب نوم
ناصر سلام
عبدالله : وعليكم السلام سم كم مسواك تبي
ناصر:الله يسلمك انا جاي اسألك سؤال وماشي
عبدالله :تفضل ياولدي وش بغيت
ناصر : ابي اعرف وشهو سر البغبغ
عبدالله : وشهوله تبي تعرف السر
ناصر :جدي محمود الله يرحمه موصيني اني اكتشف سرالبغبغ وليت تكشفلي السر تراني دخت من الشمس صاقعه براسي
عبدالله : اهااااا طيب تامر ياوليدي بس ابيك تجي هنا بعد صلاة العصر ع شان اكشفلك سر البغبغ
ناصر : ان شاء الله يا عم
وبعد ماصلى ناصر في المسجد اتجه الى مكان عبدالله
ناصر : السلام عليكم يا عم انا جيت في الموعد ياليت تكشفلي سر البغبغ
عبدالله: ماشاء الله عليكم ياشباب هاليومين تبون كل شي بسرعه طيب ياولدي ولايهمك ابقولك بس انت جاهز ع شان اكشفلك السر
ناصر : اكيد جاهز ومتشوق اني اعرف وش معنى سر البغبغ
عبدالله طيب ياولدي انت مثلك شايف انا رجال عجوز وماقدر امشي ولازم روح مكان خاص ع شان اقولك سر
ناصر : اي والله صادق طيب ياعم والحل وليه ماتقولي بسر هنا
عبدالله : مقدر اقولك سر هنا و الحل انك تشيلني ع ظهرك لين المكان اللي بقولك فيه عن السر
ناصر: طيب ياعم لازم نروح مكان اللي تقول عليه ليه ماتقولي السر هنا موب احسن
عبدالله :ماينفع اني اقولك سر هنا لازم نروح المكان خا ص ع شان اقولك بمعنى سرالبغبغ ولا ماتبي تعرف سر
ناصر : ااااكيييد ابي اعرف سر تامر امر ياعم طيب تعال اركب ع ظهرري اووووف ياعم عبدالله والله انك ثقيل
عبدالله : اقوول وانا عمك امش وانت ساكت ازينلك ترى ارجع مكاني ومااقولك
سر
ناصر لا لا الله يخليك ثقلك عندي اهون مليون مره من انك ماتقولي السر
وبعد ماوصل ناصر المكان المطلووب
هل سيكشف عبدالله لناصر السرهذا ماسنكتشفه قريبآ







  رد مع اقتباس
قديم منذ /11-04-2012   #10 (permalink)

صالح بن خالد
كبااًر شخصياًت
 
الصورة الرمزية صالح بن خالد

عُضويتيّ 4211
مُشآركاتيَ 2,065
تـَمَ شٌـكٌريَ 10
شكَرتَ 8
حلاُليٍ 0






صالح بن خالد غير متواجد حالياً
افتراضي


وبعد ماوصل ناصر المكان المطلووب
نزل عبدالله من على ظهره
ناصر : هذا حنا وصلنا المكان اللي بتكشف لي السر فيه
عبدالله : ماشاء الله عليكم ياشباب هاليومين دوم مستعجلين
ناصر: ياعم انا فار الكره الارضيه علشان اعرف السر اكيد بكون مستعجل علشان اكشفه ع العموم ننظر وش ورانا
دام بتكشف السر ..
وبعد ثلاث ساعات
ناصر : ياعم تراني طفشت من الانتظار وتعبت بتقولي وش السر ولا اتوكل ع الله
عبدالله : ناصر تشوف علبه البيبسي اللي هناك
ناصر: ايه اشوفها ياعم وبعدين وش دخل علبه البيبسي في سر البغبغ ؟
عبدالله : طيب ولا عليك امر ياولدي روح جيب لي العلبه
وبعد ماجاب ناصر العلبه لعبدالله رماه عبدالله في البحر
ناصر : انت من جدك رايح وجايب لك العلبه علشان ترميها في البحر
شكلك ماتعرف سر البغبغ ..!!
عبدالله: اللحين راح اكشف لك سر البغبغ وراح اكشف لك سبب وجودنا في المكان هذا
قريب من عند البحر بس قبل مااكشف لك السر ابيك تجيب علبه بيبسي ثانيه وتكون فارغه مافيها شي
وبعد ماجاب ناصر اللي طلبه عبدلله
عبدالله : شوف ياولدي ناصر كأنك تبي تعرف السر خلك قريب من عند البحر وتحديدآآ في المكان اللي برمي
العلبه فيه
ناصر : طيب ياعم
وبعد مارمى عبدالله العلبه
ناصر: وبعدين ..؟ وش الحكمه من اللي انت سويته .؟
عبدالله : يوم اني رميت العلبه ماسمعت صوت للعلبه وهي تنزل في الماء
ناصر : الا سمعت صوت بغ بغ بغ
عبدالله : طيب مبروك انت اللحين اكتشفت السر
ناصر : قووووول قسم والله لو انك مانت بكبر ابوي كآن رميتك في البحر علشان افهم معنى كلامك
عبدالله : سر البغبغ انك لارميت علبه في البحر تقول بغ بغ وهذا صوت الماء لاجاء يملي العلبه الفارغه ..
ناصر: لاوالله انا فار ودايخ السبع دوخات علشان سر تافه مثل هذا !!
ع العموم مشكور ياعم وخلني امشي قبل ارميك واسمع صوت بغ بغ تطلع من خشمك
ترك ناصر عبدالله متجهه الى بيته وفي الطريق وهو يفكر في جده محمود
وليه جده المنسم محمود خلاه يدوخ السبع دوخات علشان سر مايسوى
وعندما وصل للبيت قابل ابوه
ابوه : بشر ياناصر عساك اكتشفت السر ؟
ناصر: ايه يبه اكتشفت السر وياليتني مااكتشفته وعرفت اللحين بس ان جدي يكرهني وحتى وهو ميت
ابوه : الحمدلله انك اكتشفته وجدك ياناصر مايكرهك
والدليل في الوصيه الثانيه اللي ماعطيتك اياها
ناصر: اي وصيه ثانيه لايكون بس يبيني اكتشف سر دجاج كنتاكي ترى كذب عليه
اللي قال اني محقق كونان
ابوه وهو يضحك :اقرآ الويه الثانيه وتعرف اذ جدك يحبك ولا يكرهك
ناصر: طيب عطني الوصيه
فتح ناصر الوصيه وكان المكتوب فيها ( مرحبا ياولد ولدي يانويصر هه هه هه هه شكلك وانا جدك
ماذقت طعم النوم لك ايام ايه كذا الرجال المهم ندخل بالزبده ادري بك دايم مستعجل وماتحب انتظار الا المهم
انا يوم اقولك اكتشف سر البغبغ كنت ابي اعلمك ان انسان لاكان ينظر لهدف لازم يسعى له ويتعب علشان يحقق الهدف
وانا جدك اللي يجي بسهوله يروح بسهوله
والرجل اللي ما يتعب ويسعى من اجل ان يحقق هدفه ماهوب كفو يكون رجال
وطبعآآ انا هدفي الاول من سر بغبغ بغيتك تتعلم ان مافي شي في هالدنيا يجي بسهوله وان الاحلام ماتتحقق بيوم وليله لازم الانسان
يتعب ويصبر ويتحمل علشان يحقق مراده
<< ناصر بينه وبين نفسه >> تتفلسف بعد ياجدي يحق لك ميت ماانت موجود ولا كان صارت بيننا علوم ثانيه
وكمل ناصر قرايته للوصيه
وياولد ولدي انا تركت لك 15 مليون ريال ابيك تشتغل فيها وتزيدها
ولكن بعد ماتنتهي دراستك بالجامعه وترى الفلوس كلها حلال عليك
وتذكر ان الحلم مايتحقق الا بالعمل والسعي والمثابره وصبر وحتى لو تنكسر حاول توقف ع رجولك مره ثانيه وتكون قوي
والله يوفقك
ومااوصيك يانويصر انك تمر على قبري كل جمعه وتقرآ علي قرآآن
وترحم علي>و كثر من الترحم علي
انتهى ..


ناصر << يبكي بقوه
ابوه :وش فيك ياناصر وش فيك ياولدي ليه تبكي .؟
ناصر: جدي مات يبه جدي محمود مات جدي محمود يبه مات
الله يرحمه الله يرحمه <<<<<لا والله هع

النهااااااااااايه ..
بقلم صالح بن خالد







  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

الانتقال السريع


الساعة الآن 05:00 AM


Powered by vBulletin® Version 3.8.8 .Copyright ©2000 - 2016, Jelsoft Enterprises Ltd
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012