العودة   مجتمع ريلاكس | للحياة نكهتنا الخاصه َ > •»|[ رِحلہْ لِصَفآء آلذِهنْ وِ الرُوِحْ ]|«• > خيمة الشعر




المواضيع الجديدة في خيمة الشعر


إضافة رد
 
LinkBack أدوات الموضوع انواع عرض الموضوع
  #1 (permalink)  
قديم 09-14-2012
الصورة الرمزية ميرال
ميرال
عُضوٌ بقَرآطُيسٌهَ
 الأوسمة و الجوائز
 آخر مواضيعي
 بينات الاتصال بالعضو
 رقم العضوية : 3474
 تاريخ التسجيل : Sep 2012
 المشاركات : المشاركات 2,237 [ + ]

ميرال غير متواجد حالياً
افتراضي 14 شمعة من روائع الشموع.. للشاعر سالم سيار






الشمـــ ع ـــة الـــ { 1 } :



يفوح العود من [ جمره ]

وستر اجسادنا من [ ابره ]..!!

ومن ذرة رمل هذا الجبل ياصاحبي كبره ,

اذا ماصرت انت الورد || خلك دايما عطره...!!

مثل شاعر يكون النحل..~ وتكون الناس

كل الناس هي زهره..!!

ويجيب من الكلام "اشكال..

شعر صافي لاصار الحب هو قدره...

وحياتك انت..تنهيها وتبديها..

ترى بـ فكرة .....!!!!



*


الشمـــ ع ـــة الـــ { 2 } :


حنا تأذينا كثير...
حنا القلوب الطيبه........!!!~
نمشي بأحاسيس ونسير..كل شي نشوفه نجذبه..
والمشكله ان الزمان || ثابت وحنا به ندور..


نجرح بعضنا ونعتذر ..نجرح بعضنا ثم نقول..
هذا الزمن مابه شعور..
كل شئ حولك للأسف..
اشياءه كلها مؤلمه...
وحنا "القلوب الطيبه" ..
كل شئ نشوفه نجذبه ..
..................الله يعين الطيبين.. ~~
أهل القلوب المفعمه...
بالرحمة والحب الكبير...
بس مابقى إلا سؤال..
هذي البشر..
هل هيّ فعلا
مسلمه...!!



*


الشمـــ ع ـــة الـــ { 3 } :


إذا أنت عالي باحساسك .. وكل إنسان من حولك بليد شعور

لا تقعد تفكر أو تلف وتدور

بمعنى أجمل الاشياء

هو الأحسااااس

واذا الاحساس مو موجود في ناسك .. يعين الله

إشعل فكرك وسافر

عن الواقع لـ كراسك

ومن الأوراق اصنع لك جناحين .. وقبل لاتروح لاتنسى تغمض بالخيال

وطير .......


*

الشمـــ ع ـــة الـــ { 4 } :
ولاتحزن بعد هذا المسا { ياخوك تهندم ..!
تعلم تمشي فوق الجرح ،
ورآ كل ليل ياخي صبح ..!
حزين وليش كل هذا !؟
تلفت شوف في بالك .. منو اللي فكر يجي لك .!
ويسأل وش هي أحوالك ..!
ولا أحــــد ..!!
إذا ما في أحد يستاهل أحزانك
أو تكرم حياته بـ حسرة أو دمعه من أجفانك
ولا واحد أكيد يحس ..
خلك دوم .. خلك دوم فوق النفس ..!


*


الشمـــ ع ـــة الـــ { 5 } :


ياطـــــــيب وين رايح وين..!

تمهل قبل هذا الوقت يجرحك بسكاكينه..

اخذ مني .. ترى كذب الكلام يبان..

ولا تصدق كثير من الكلام بذوق يحلونه!

واعرفك طيب وحساس .. تصدق كل شيء ادري

تحب الناس ع النيه ... معاهم وين ماراحوا ع النيه

ولكن التفت لحظه ..!

واخذ مني .. { ترى الطيب في هذا الوقت..

لو تدري بـ رمشة عين.. بـ رمشة عين يبيعونه ..!

*

الشمـــ ع ـــة الـــ { 6 } :

أكبر شتيمة بهـالزمن كلمة هلا...
ياكبرها بهـالوقت وياقل الفعل
أدري أنا لسانك يـرحب بالملا...
وقلبك يشتم كل من عندك وصل..

ترحيبتك دايم تجي هلاااا وغلا...ومفارقك كل الغـلا يـا بن الاصل..
لا أنت كبر هذي الهلا وأيضًا ولا...كبر الغلا واثري الحكي عندك سهل .. !!!

أكبر شتيمة بهـالزمن كلمة هلا...
ياكبرها بهـالوقت وياقل الفعل !!!!!!!!!!!!


*


الشمـــ ع ـــة الـــ { 7 } :


صاحبت بالدنيا كثير منهو صفالك منهم...!

لاينشغل بالك ابد..

ولاتجيييييييهم كلهم..

لاتلتفت للي مضى .. عينك على باكر...

قو العزيمة وانتفض

واصرخ........................ انا قــــــادر

واصنع حياتك بالقرار... وبدل ظلامك بالنهار..


وان كان ودك في اخو ... صاحب يعينك بالطريق..

لاتلتفت للناس ابـــــد....

خلك مع نفسك اخو... النفس هي صاحب!


*

الشمـــ ع ـــة الـــ { 8 } :

ارقى على جروحك غصب... لاتشتكي للناس ابد.. !!
الناس مشغوله....واللي تبي تقوله...اصلا اهو بالناس...
مثلك ومجروحه..كل ٍ لثم بوحه....
ما راح تلقى لك احد....
العز هو شمعك...
ارفع عيونك فوق...واوقد امل عمرك...من قلبك وصبرك...
بالك تطفي العز...كل ما انتثر دمعك...
ولاتشتت افكارك..."إنــــت" كثير اشياء..بس فكر بجمعك..
وكمل حياتك صح...............!

*


الشمـــ ع ـــة الـــ { 9 } :


تصدق عاد ..

طلعت العب على الحبلين..!

انا من اثنين دنيا و دين

يعني الذاكرة نصفين ..

صلاة وأدعية في صوب .. وشعر واغنيات بـ صوب ..!

تصدق عاد || أنا إنسان مرضي ربي وخايف.. ولا أدري ليش ..؟!

ولا ادري شلون انا اتكيف مع الدنيا عشان اعيش..؟!

يـــارب

يارب وحدني في راسي ..

عشان اسمو .................. عشان اعيش

*

الشمـــ ع ـــة الـــ { 10 } :

ماتفهمين...!!! كم قلت لك لاتكتبين ...
البعض يبحث عن صور ... يبي يغذي ناظره ...
يا مســافره لدار الأدب....
البعض الاخر وإن قرأ ... يقرأ سطر أو نص سطر....
انقلبت الاوضاع ثم صار الأدب..قلة أدب
|| أو قلة الأدب أدب...
وإنتي ذهب...أدري بخيالك متعبة..
وتفكرين وتنزفين...من فكره لفكره..
يسافر بك قلم...ألم ..
محد يمر وينتبه ....وش كثر انتي مرهقة....
وكم تتألمين.....
لاتسألين ..
الحـــل
الحل بس قولي معي.....الله يعين ..!

*

الشمـــ ع ـــة الـــ { 11 } :


هذا "الوضع الراهن" صعب..

كل شئ صادق اصبح كذب..

وكل شئ كاذب اصبح صدق..

محروقه هالدنيا حرق..

وأكبر كذبه بعالمنا ... لما نصدق كذبتنا..

وخصوصًا لما يقولون.. في شاشات التلفزيون..

كل أموال الشعب تكون .......... لهذا الشعب..!!

كمل يالمسؤول تمون .. ياراعي البشت المصيون..

قلبك عايش بس للحب..

إتحب كل شئ إلا الشعب !!



*

الشمـــ ع ـــة الـــ { 12 } :

الدنيا فيها شيئين ..شيئين يكونوا بالناس..
سلبي والاخر ايجابي ..السلبي لو قلت الصدق..
كل الصدق بقلب ودين..محد صدقني بـ يصدق..
لو تحلف لو شنهو تسوي..
مليوووووون خاين وكذاب..مروا أشكال والوان..
خانو أُمة في أكلمها..
يعني تبغى الناس الحين.. إتصدق بس إنت الصادق..!!!!!!
لو الناس تصير لسان .. صوت لسان الناس يقول.. :
فارق فارق فارق فارق...
والإيجابي لاشك أنه..إن للحين الناس بخير..
ومصدقه في هذا الشئ.. لازالت في خير وتــؤمن..
إن الله الحق المؤمن..
وإن رسول الله محمد..هو رسول الله الصادق..!!


*

الشمـــ ع ـــة الـــ { 13 } :
اذيت نفســـك ليه..؟!
....... ومنهو عليه اذيتها !!!
للي تــــــرك وراح , للي نساك وراح ..!
شوفه مع احبابه
مستانس ومبسوط..!
وإنت تعيش الاسأله :
يمكن يجي أو ما يجي..؟!
|| والعمر ولى وراح... !!!!!!!



*

الشمـــ ع ـــة الـــ { 14 } :

مبروك إلى كل العرب ..~
مبروك لـ لأقصى الشريف
من بعد ما ذقنا القهر .. و الموت بـ أنواع اللهب
اليوم اجتمعوا الرجال..
مشايخ الدين العظام .. وأهل الثقافة والكتب ..
مع كل رؤساء العرب ..,


طبعا وتم الإتفاق على اختراع القائد الصعب الهمام ,
اللي إكتشف شي يداري ذلنا ...!!!!
شي يخلينا نموت || أحياء لكن في سلام !
"تم اكتشاف القنلبة "
هو مصطلح : [ ناشط سلام ] ..,

رد مع اقتباس
قديم منذ /09-15-2012   #2 (permalink)

وينك ياغلاي
* ؤشمَ ريلإكِسسَ .. !
 
الصورة الرمزية وينك ياغلاي

عُضويتيّ 1822
مُشآركاتيَ 23,885
تـَمَ شٌـكٌريَ 2
شكَرتَ 0
حلاُليٍ 0






وينك ياغلاي غير متواجد حالياً
افتراضي رد: 14 شمعة من روائع الشموع.. للشاعر سالم سيار


ابيات رائعة

تألقتي في اختيارك سيدتي

تقديري لروعة جهودك







 توقيع : وينك ياغلاي

انتي فعلا خيال
سلمت اناملك سيدتي
  رد مع اقتباس
قديم منذ /09-15-2012   #3 (permalink)

أتعبني غلاك
عُضوٌ بقَرآطُيسٌهَ
 
الصورة الرمزية أتعبني غلاك

عُضويتيّ 2183
مُشآركاتيَ 36,568
تـَمَ شٌـكٌريَ 3
شكَرتَ 0
حلاُليٍ 0






أتعبني غلاك غير متواجد حالياً
افتراضي رد: 14 شمعة من روائع الشموع.. للشاعر سالم سيار


احاسيس رائعه
وحضور راقي ومميز
سلم نبضك وجميل احساسك
لك التقدير ولروحك الورد







 توقيع : أتعبني غلاك



  رد مع اقتباس
قديم منذ /09-15-2012   #4 (permalink)

ميرال
عُضوٌ بقَرآطُيسٌهَ
 
الصورة الرمزية ميرال

عُضويتيّ 3474
مُشآركاتيَ 2,237
تـَمَ شٌـكٌريَ 0
شكَرتَ 0
حلاُليٍ 0






ميرال غير متواجد حالياً
افتراضي رد: 14 شمعة من روائع الشموع.. للشاعر سالم سيار


شكرا لكم ولحضوركم الكريم

اسعدتني اطلالتكم العطرة

ودي







  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

الانتقال السريع


الساعة الآن 02:29 AM


Powered by vBulletin® Version 3.8.8 .Copyright ©2000 - 2016, Jelsoft Enterprises Ltd
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012