العودة   مجتمع ريلاكس | للحياة نكهتنا الخاصه َ > •»|[ رِحلہْ لِصَفآء آلذِهنْ وِ الرُوِحْ ]|«• > قصص - روآيات - قصص ؤآقعيةة - قصص خيآليةة




المواضيع الجديدة في قصص - روآيات - قصص ؤآقعيةة - قصص خيآليةة


إضافة رد
 
LinkBack أدوات الموضوع انواع عرض الموضوع
قديم منذ /08-13-2012   #6 (permalink)

ترانيم انثى
عُضوٌ بقَرآطُيسٌهَ
 
الصورة الرمزية ترانيم انثى

عُضويتيّ 3237
مُشآركاتيَ 123
تـَمَ شٌـكٌريَ 0
شكَرتَ 0
حلاُليٍ 0






ترانيم انثى غير متواجد حالياً
افتراضي



اليوم التالي الساعه السابعه صباحا :
هاتف غرام يرن ووالدتها تناديها من خلف الباب وهي غارقه بنوم عميييق
فجاه استيقضت الساعه التاسعه ..
وتتصل على تركي ..
غرام : الوووو وهي تبكي
تركي : خير جوالك معاك بالجامعه مو قلتي ممنوع
غرام : انا مارحت الجامعه وامي هاوشتني
تركي : هههههه تستاهلين شوفيني انا شاطر رحت دوامي
غرام : والله نمت ماصحيت الا الحين
ليه ماصحيتني
تركي : اتصلت عليك مارديتي قلت يمكن صارت بالجامعه
غرام : عاد الحين امي ماتسكت تجلس تعيد الكلام عليا والله اليوم انام الساعه 9 واخليك بروحك عشان مرا ثانيه تصحيني
تركي : ههههه طيب وش رايك مااتصل عليك عشان تنامين
غرام : ههه وش يضحك رايق ع الصبح
تركي : يااه وش فيك معصبه طيب خلاص اخليك
باي
غرام : تروك تروك اووف
غرام عاودت الاتصال بتركي ولكن لايجيب على اتصالها تعبيرا على ندمها هو بكائها ..
مرت ليله كامله غرام لم تسمع صوت تركي وغفت دون حكايه او اغنيه ..
بعد عودتها من الجامعه الساعه 2 ظهرا
وجدت رساله بهاتفها ..
غروم كنتي مضايقه وماحبيت اكلمك وانتي مضايقه ومالك حس قلت اشوف انتي بخير ..
اتصلت عليه غرام :
تروك انا بخير بس ليه ماكلمتني امس والله ماقدرت انام
تركي :
ههههههههه تعودتي يعني على صوتي الكخه ههههه
غرام :
كخه بعينك وربي مو كخه هههههه


تركي : توك رجعتي من الجامعه صح
غرام : يب
تركي: احس انك مضايقه فيك شي
غرام : لاتركي بس
تركي : بس شنو
غرام : بس رديت البيت لقيت امي زعلانه وابوي مو موجود سالت امي تقول اخوي لسا مارد البيت ومو في المدرسه وراح ابوي يدور عليه
تركي : طيب هدي بتلاقونه ان شاء الله يمكن طلع لبيت واحد من اصحابه لاتخافين بتلاقونه ان شاء الله
غرام : اول مرا يسوي كذا
تركي : ماعليه صدقيني بيرجع البيت بس انتي هدي ولاتضايقي
غرام : زين باروح اجلس مع امي
تركي : طيب روحي لاتخلينها بروحها بامان الله
غرام : احبببش
تركي : هههه وانا اموت فيج هههه
بعد مرور سته اشهر :
علاقة تركي وغرام كانت رائعه مازال كل منهم متمسك بالاخر رغم الظروف التي تحيط بهم الا انهم متمسكين ببعض
غرام : احست بان تركي يخفي سرا عنها حاولت مرات ان تعرف ماهو السر لاكن دون جدوى
يوم من الايام كاعادتها تحب محادثة تركي بوقت متاخر
اتصلت عليه مرات عديده ولاكن لايجيب بعد اخر اتصال اجابها
غرام :تركي وش فيك ساعه وانا اتصل ماترد
تركي : يرد عليها بلهجه الطائشين وش تبين ؟؟
غرام : وش ابي ؟ ابي اطمن عليك وبعدين وش فيه صوتك كذا ؟
تركي : يااه انتي مين ا صلا وش تبين تعرفين عني
غرام : تركي انا غرام
تركي : مين غرام ذي ماعرفها انا ؟
غرام : ترررررروك لاتجنني وشلون ماتعرفني وبعدين انت شارب لك شي ليه تتكلم كذا تركي يااويلك لو تمزح معي ترى ماني رايقه للمزح
تركي : اقو ل انا ماعرفك وش يخصك اذا شربت شي او لا يالله باي
غرام :؟؟؟
بدء الخوف يهددني بديت احس ان تركي فيه شي ويخفي سر كبير انتظرت لليوم التالي ربما اعرف ذالك السر ..
مرت ليله كاامله وتركي مختفي لايوجد أي اخبار عن احواله انتظرت وانتظرت ..
قررت الاتصال به لعلي اعلم شي عن احواله ..
السااعه السابعه مساء ..
غرام : الوو
تركي : هلا والله
غرام : شخبارك وش فيك مالك حس اليوم ؟
تركي : الحمدالله تمام ابد نايم توني صحيت
غرام : اها نايم !!
تركي : يب وش فيك ؟
غرام : لاولاشي بس خفت عليك وكذا ؟
تركي : وليه تخافين ترى رجال .
غرام : تروك بسالك سوال بس تجاوبني بصدق زين ؟
تركي : طيب قولي .
غرام : تركي امس وين كنت وش سويت ؟
تركي : غريبه ليه هالسوال اول مره تسالين ذا السوال
ماعندك ثقه فيني ؟!
غرام : مو كذا قصدي انا اثق بس البارح لمن كلمتك سمعت شي ابد ماااسرني ؟؟
تركي : وش سمعتي ؟
غرام : تبي الصدق ماتوقعت انك يوم تخبي عني شي انا دايم اخبرك حتى بتفهه اموري ..
تركي ليه نكذب على بعض البارح لمن كلمتك كنت زي السكرانين ماتدري وش اقول اقول لك تركي انا غرام تقول لي من غرام انصدمت وربي وللحين ماقدرت انام
تركي : بصوت حزين غراام .
ادري من حقك تعرفي كل شي عن اللي تحبيينه بس كان صعب اقول لك ..
غرام كنت اشوفك وش كثر تحبيني وش كثر تعشقيني كنتي دايم تقولين لي تروك انت بنظري ملاك عمري ماشفت مثله والله سكت وانا داخلي الم بس احبببك مااحبيت اقول ذا الشي ولاهو شرف اقول لك غرام تراني مدمن عيبه بحقك يابنيه بس وربك لاني اعشقك كثر ماتعشقيني خفت لامن قلت لك تخليني وانا روحي متعلقه بروحك خبيت عنك .
غرام القرار لك اذا تبين نستمر او كل منا يروح بطريق ؟!
غرام : تبكي باالم انا مازعلت انك خبيت عني زعلت لانك تأذي نفسك وانت ماتدري
تررركي وش شعور امك لمن تدري انك مدمن مدام تحبني ليه تسوي كذا
خبرني وش تستفيد قول لي يالله ..
تركي : غرام خلاص هدي تكفييين اهدي ماابي يصير لك شي وانا السبب ..
غرام : وشلون اهدء انت متى بتفهم اني مجنوووونه فيك اسمعني اذا بجد تحبني اوعدني وعد ماعاد تشرب
تركي : طيب اوعدك بس لاتبكين
غرام : مو بس كلام وعد رجال تركي
تركي : ابشري من عيوني بس لاتبكين
غرام : طيب اتفقنا .
تركي : فديتش هههه
غرام : مااالت عليش ههههه
ترى باكر عندي اختبار انقلش وانت تعرف اني خبله فيه ماعرف شي تدرسني تروكي .
تركي : هههههه مدرس خصوصي عندك طيب وش تبين ادرسك في ايش
غرام : شوف بقراء لك الكلمات وانت ترجم لي زين
تركي : اترجم ؟؟
والله مااعرف ياقلبو
تبين يعني احفظك شي والا اكتب لك تعبير من عنوني
غرام : صدق تكتب لي تعبير
طيب يالله اختار من هالمواضيع الثلاثه واكتب لي تعبير عنها زين
تركي : زين يالمفعوصه قولي .
غرام : الاول عن فوائد النعناع
الثاني عن ابو بكر الصديق
والثالث موضوع اختياري اللي تبي
تركي : امممم اختار الثالث
غرام : وليييه ؟
تركي : يالخبله بكتب عن الحب وذا
غرام : يالمهبول تبيني انطرد من القاعه
تركي : هههههههههه لالا امزح خلاص بكتب لك واتصل عليك واعطيك هو زين
غرام : زييييين باي
غروم نسيت اختبارها وجلست تفكر بموضوعها شي يحير تعشقه ويعشقها بس مدمن !!
شي يحير ايه ياازمن مااحد يدري وش ربنا يخبي لنا ..
طفله حايره احتارت بين حبه وادماانه قلبها الصغير لايحتمل بان ترى اميرها يخضع تحت كومه ****** بغرض الراحه وهي تقف مكتوفة الايدي .
يوم من الايام قررت وفكرت بان تصنع خطه محكمه تستدرج تركي من خلالها .
دار بينهما الحوار التالي :
الساعه 12 مساء .
غرام : مراحب
تركي : هلابك
غرام : وش فيه صوتك ؟
تركي : ولاشي بس تعبان
غرام : تعبان من شنو
تركي : ولاشي لاتخافي
غرام : من ذا السم اللي تشربه
تركي : يابنت ماشربت
غرام : بطل كذب تشرب شوف صوتك خلاص نزل الكاس من يدك ماوعدتني ماتشرب
تركي : غرام وربي قلبي يعورني مادري وش فيني
غرام : قلبببك ويلللي احد جنبك تكلم
تركي : لا لحالي في شقه خوي
غرام : طيب تركي اعطيني رقم أي احد تعرفه بس باقول له انك تعبان يجي ياخذك
تركي : طيب ذا رقم صالح صديقي خذيه وكلميه زين
غرام : زين اوريك بعدين
اقفلت الهاتف غرام وجلست تفكر هل تتصل بصالح او تفكر بخطه ثانيه ..
انتظرت وشعرت باان الزمن يسارعها حياة من تحب في خطر فلما التأجيل ..
غرام بدءت اناملها الصغيره تلامس ازار هاتفها بخوف
غرام : الوو
صالح : هلا من معي
غرام : انت صالح ؟؟
صالح : ايه امري اختي وش بغيبتي ؟
غرام : تعرف تركي مو ؟
صالح : ايه صاحبي
غرام : اها طيب هو تعبان وفي الشقه بروحه ممكن تروح له
صالح : باي شقه هوو ؟
غرام : مادري ماقال لي والله .
صالح : طيب ابشري اول ماوصل له باطمنك عليه .
غرام : مشكور خيو
صالح : العفو
ماان اقفلت سماعه الهاتف الا ونبضات قلبي تزداد خوفا ..
مكثت انتظر ساعه وساعتين لعل ياتيني خبر كما وعدني
دون جدوى فكرت هل تعاود الاتصال به ام تترك الامر على هواه ..
شعرت بالخوف فتراجعت عن الاتصال بصالح .
يومان لايوجد أي خبر عن اميري الذي شغفني حبا !!
قررت الاتصال على صالح !!
دار الحوار التالي بيننا :
غرام :مساء الخير
صالح : مساء النور
هلابك اكيد بتسالين عن تركي
غرام :يب ماله حس ابي اعرف وش اخباره وجواله مقفل
صالح : لاتطمني مافيه شي
غرام : مدام مافيه شي ليه يقفل جواله
صالح : غرام انا صديق تركي من يوم حنا صغار واعرف عنه كل شي يمكن في اشياء انتي ماتعرفينها عنه وانا صراحه مابي اتدخل بينكم
غرام : وش بقى كل شي عرفته صالح انا عرفت ان تركي مدمن وصراحه احبه واجد ولاودي اخليه ومادري شلون اساعده
تقدر تساعدني
صالح : وشلون بتساعدينه يعني
غرام : انا بقنعه يتعالج وباسوي المستحيل لااجل علاجه
وابي مساعدتك وتشرف على حالته لانك قريب منه وتشوفه دايم
صالح : طيب بس وشلون تبيني اساعده وكيف اخاف يعرف انو انتي ويصير مشكله بعدين
غرام : لا ماراح احد يعرف
اسمعني بالاول نقنع تركي يدخل مستشفى يتعالج والباقي عليا بس مابيه ييعرف اني اتواصل معك زين
صالح : طيب ابشري
غرام : يالله في امان الله
صالح : مع السلامه
غرام بدت تفكر وشلون تقنع تركي حاولت تقنعه مرات كثيره مع انه رفض وبدء يتهمها بانها ماعشقته ولابد يجي يوم وتكرهه لانه مدمن ..
حاولت تفهمه انها تحبه وتريد مساعدته ولكن دون جدوى
عاودت الاتصال بصالح ..
لعله يجد حل لتلك المشكله .
غرام : الو
صالح : هلا
غرام : اسفه ادري ازعجتك
صالح: لاابد لاازعاج ولاشي
غرام : والله ماادري وش اقول
ولادري من وين ابتدي حاولت اقنع تركي بس رفض وقال لي انتي ماتحبيني لاني مدمن ..
صالح : ولايهمك اوعدك احل المشكله انا باكلمه واقنعه ان شاء الله
غرام : ياليييت خبرني وش يصير معك
صالح : ان شاء الله
بعد غياب اسبوع واختفت اخبار ذالك الامير الذي مازال يسكن وجداني ..
رن هاتفي الساعه 11 مساء يوم الجمعه

غرام : الوو
صالح : هلا
غرام : طمني وش صار
صالح : الامور بخير
غرام : يعني تركي اقتنع
صالح : ايه اقتنع بس المشكله في فلوس العلاج
غرام : يعني كم التكلفه
صالح : ماادري والله ماعندي خلفيه عن الموضوع
غرام : يااشيخ تفداه فلوسي مدامه اقتنع
شوف ترى ماعندي الا مكافاتي 1000 ريال من الجامعه
كل شهر لمن تنزل لي باحولها لك دايم ابوي يعطيني اللي ابي ماراح احتاج شي ان شاء الله
اتفقنا
صالح : بس والله مادري كيف بتحولين لي
غرام : اعطني رقم حسابك وماعليك الا الفلوس تجيك
صالح : خلاص انشهد انك بنت اجوديه
غرام : ربنا يسعدك يالله مع السلامه
صالح : في امان الله
هذه هي مسيره حياه الطفله غرام ضحت في سبيل حبها لااميرها فاصبحت كل شهر تحول مبلغ قدره 1000 ريال لحساب صالح لعلاج اميرها الذي تنتظره بشوق
مرت سته اشهر وغرام كل ليله امل صغير يراودها باان ترى تركي حتى لو بعد حيين ..
قضت ليالي مظلمه من دون حبها الوحيد فقدت صوته
قصصه الخرافيه اغانيه عتابه كل مايتعلق بذالك الجسد
رباااه كم انا عااشقه به فاطلبك لاتحرمني وجوده ..








 توقيع : ترانيم انثى

  رد مع اقتباس
قديم منذ /08-13-2012   #7 (permalink)

ترانيم انثى
عُضوٌ بقَرآطُيسٌهَ
 
الصورة الرمزية ترانيم انثى

عُضويتيّ 3237
مُشآركاتيَ 123
تـَمَ شٌـكٌريَ 0
شكَرتَ 0
حلاُليٍ 0






ترانيم انثى غير متواجد حالياً
افتراضي




تحملت بان اعيش من دون طيفه بحياتي ..بديل عن
ذالك الصوت اصبحت دمعات تهاجمني من الصباح وحتى اغفى وانا ابكي ..
حقيقه مؤلمه فقدان من تحب !!

حين تدمن حضوره حين تدمن سماع نبرات صوته التي عشقتها حد الهيام وفجاه يختفي كل ذالك وتنحكم لمصير الاقدار ..
رباه لااريد دنيا دوونه ولااريد نبض داخلي يخفق دوونه ..
رباه اسعدني باتحقيق امنيه واحده باان اراه قريبا ..

بعد ان خيم الظلام واستوطن على عرش مدينتي الصغيره بدء دبيب الشوق يعلو جسدي الصغير مرات اشعر باالم يكااد يفقدني صوابي ومرات اشعر بحزن يمزق كياني ..
مشاعر صغيره يتبعها ذرات من الشوق تكاد تنهي حياتي ..
فانا هاايمه وضايعه دوونه ..
السااعه 2 مساء يوم الاربعاء ..
شعرت باالم فضيع يسيطر على جسدي المنهك ولم استطيع الحراك ..
سمعت نغمه هاتفي التي لطالما اشتقت لها
امسكت هاتفي بيد منهكه ..
غرام : الو بصوت كسره الحزن
تركي : هلا فيك
غرام : من معي ماعرفت صوتك
تركي : ليه صوتي تغير نسيتني ؟
غرام : انا ماانسى اللي مسكنه وسط الحنايا
تركي : غروم انا طلعت من المستشفى الظهر بس انشغلت وتوني فضيت واتصلت اخبرك انو انا صرت بخير وراح الادمان مني .
غرام : قول والله وربي فرحت يالبااش
تركي : اشتقت لك يالمهبوله
غرومه انتي فيك شي صوتك موعاجبني
غرام : لاياروحي بس نايمه وصحيت على الجوال
تركي : اها ازعجتك انا اسف
غرام : لا وربي اشتقت لاازعاجك وكل شي يحتويك ..
تركي : ااه يااحبني لش
غرام : هههه يقلد ااااه يااجبني لج ههه
تركي : طيب روحي اخليك تكملي نوم اهم شي تطمنتي عليا اكلمك الصباح واطمن عليك زين
غرام : زييين تصبح على خير
تركي : وانتي بخير انتبهي لنفسك بامان الله
غرام : طيب بايات ..
بعد عوده ذالك الامير الذي خطف قلب اميرة روايتنا
بدت حياتهما رائعه الامور مازلت مستقره ..
تركي في كل ليله عند محادثته لااميرته الصغيره يشعر بتأنيب ضميره ويشعر بان غرام الطفله تستحق رجل افضل منه ..

يوم الاحد الساعه 5 عصرا :
تركي يحاول الاتصال بغرام لاكن تبدو بانها منهكه وخلدت لنوم
حين استيقظت غرام وجدت 10 مكالمات من تركي
احست بان هناك امر مهم
عاودت الاتصال بتركي .
غرام : هلا تروك اسفه كنت نايمه لاتزعل
تركي : هلا فيك لاعادي وليه ازعل
غرام : شخبارك
تركي : يعني ماني بخير الصدق
غرام : يممممممه ليه وش فيك ؟؟
تركي : بالاول غرومه كليتي شي والا لا ؟
غرام : لاوالله توني صاحيه
تركي : طيب روحي كلي زين وارجعي بنتظرك واقول لك وش فيني .
غرام : مابي حبي اصلا مااحب اكل وانا توني صاحيه
قول لي وبعدين اذا خلصنا سوالف باروح اكل
تركي : طيب باقول لك
اممممممممم غرام وش كثر تحبيني ؟
غرام : لو حبك ينكتب بحبر الاقلام كتبته شعر ولو قلبي يبوح ويتكلم لوصف حبك تركي اصلا حبك ماااله وصف عندي كثر البحر زي مايقولون الاطفال او قد الدنيا لالالا وربي قليل احبببببك كثر مااحب ذاااتي وزووود ..
تركي : غروم تصدقين انتي وحده طيببببببه حيييل عمري وحياتي مااشفت احد بكثر طيبتك
تستااهلين كل خير غرام صدقيني انا مااصلح اكون حبيبك صدقيني ماستااهل ذره حب منك انتي تساهلي واحد يعيشك ملكه مايغلط عليك يوم ولايجرحك يوم ولاينزل دمعتك على خدك في لحظه
اصلا انا واحد صايع ,, ماااامني فايده ,, اكلمك واكلم عشر بنات غيرك صدقيني واشرب خمر وادخن قولي لي وش تبين فيني كل ذا وتحبيني .
غرام : ؟؟ تركي ليه تقول هالكلام ؟
تركي : غرام صدقيني احبك بس ظلمتك معي كثير انا دايم اسبب لك الالم واخليك تتعذبين غرام قرار لمصلحتك خلي انا ماعاد مني رجاء
خليك مني وعيشي حيااتك باكر يجيك واحد يحطك بعيونه انا ابد ماني من مستواك ولامستوى اهلك
غرام : تروك صار لعقلك شي ليه هالكلام طيب كل اللي قلته مااهمني انا احبك يعني احبببك ولاني مخليتك
تركي : غرام شريت رقم جديد باغير رقمي وانتي الله يستر عليك والله باظل ادعي لك من كل قلبي واتمنى يوم اسمع اخبار عنك حلووه
احرصي على رووحك وماابي تزعلين ولاتحزنين لاني خليتك ابيك تعرفين انه لمصلحتك
يالله غرام اوادعك ..
غراام : ترررررررررروك لاتقفل ..
ترروك طيب مافكرت وشلون باعيش من دونك أي مصلحه تركي لو كل منا بيفكر بمصلحته كل ابونا غلطانين بس انا مااقدر اعيش من دونك والله يصير فيني شي
تركي : غرام ذا قراري وماني متراجع يالله باقفل عندي شويه اشغال مع السلامه غرام .
غرام : تركي طيب مااقدر اجبرك بس رقمي عندك لايوم احتجتني اتصل وكلمني
الله معك ..
غرام بدات في جوله من البكاء القت كل ماتحمل بيدها
شعرت باان فراق لاعوده شعرت بان شي غالي كان بحوزتها ودون سبب ذهب عنها ..
تدهور مستواها الدراسي وحالتها النفسيه اصبحت ضايعه في دنيا تحتويها ..
يوم الجمعه الساعه 11 مساء
مر اسبوع على فراق تركي وغرام الحزن يكسوها وقفت امام مراتها الصغيره كاعاتدها تستعد لجامعتها فجأه تشعر باالم يداهم اطرافها الصغيره وتسقط على ارض حجرتها تصرخ مناديه والدتها ..
فزع والدها يطرق باب حجرتها واخوتها السته ينادونها من خلف الباب ولاكن غرام لاتجيب اضطر والدها كسر باب حجرتها ..
فشاهدو فتاتهم الوحيده ملاقاه على الارض







 توقيع : ترانيم انثى

  رد مع اقتباس
قديم منذ /08-13-2012   #8 (permalink)

ترانيم انثى
عُضوٌ بقَرآطُيسٌهَ
 
الصورة الرمزية ترانيم انثى

عُضويتيّ 3237
مُشآركاتيَ 123
تـَمَ شٌـكٌريَ 0
شكَرتَ 0
حلاُليٍ 0






ترانيم انثى غير متواجد حالياً
افتراضي




وصلت تلك الجثه الصغيره ووطت اطراف اناملي البرئيه ارض المستشفى ليخبرني طبيبي بصدمه مخيفه تهدد حياتي الضعيفه بااانك مصابه بمرض في الدم والاسبوع القادم تبدء جوله علاجك هنا !!
استلقيت بحضن والدتي باكيه فقدت الامل وتجمع علي كومه حزن والم يكسو ذالك الجسد النحيل ..
حين عودتي للمنزل اخبرتني والدتي بان لااقفل باب حجرتي حتى تستطيع والدتي الاطمئنان علي ..
عندما استلقيت على سريري الصغير الذي سأفتقده 6 اشهر ..
بديت اتامل حجرتي كاني اول مره ادخلها خزانه ملابسي ..
ادوات التجميل ,, صندوقي البالي ,, طاولة الدراسه ,, كمبيوتري المحمول ..
تسللت ببطء دون شعور احد ذهبت لرؤيه اخوتي الذين سأشتاق لشجارهم حولي لضحكاتهم لهمسهم حقيقه لااوجههم الجميله ..
مر يوم ويومين وغرام تستعد لتخضع تحت ابر وايدي طبيه لاتعرف لرحمه طعم ..
تمنت سماع صوت اميرها الذي افتقدته اسبوع ويومان ولاكن دون جدوى
يوم الجمعه الساعه 10 مساء
والدة غرام تجهز اغراضها وتضعها في الحقيبه وغرام تجمع ذكرياتها وتودع احبابها ..
بعد مغادره والدة غرام الحجره ..
استلقت غرام على سريرها فأّذا بهاتفها يرن ..
حين تجيب على الاتصال :
غرام : الو
تركي : هلا غرام
غرام : ترركي يتبعها دمعات ..
تركي : ليه تبكين ماقلت لك مابيك تبكين ؟
غرام : لادموع فرحه يوم سمعت صوتك
تركي : شخبارج ؟
غرام : انا .... الحمدالله
تركي : تصدقين حسيت ان فيك شي قلت اتصل اطمن عليك
غرام : حسييييت بشنو ؟
تركي : والله غرومه حلمت حلم اعوذ بالله
ماابي اذكره بس فيك وفزعت من نومي قلت اشوفك
غرومه فيك شي بس تخبين عليا تكلمي قولي وش فيك ؟
غرام : تركي انا باكر باروح المستشفى ؟
تركي : اششش لاتبكين ليييه وش فيك ؟
غرام : الدكتور يقول عندي مرض بالدم ومن باكر باكون هناك ومده العلاج 6 شهور
تركي : ياااويلي 6 شهور بتعيشي هناك
غرام : يب قال لي كذا
تركي : غرام حبيبتي ..لاتخاافين
غرام : حبيبتك ؟
تركي : يب حبيبتي انا احبببك
يالله ريحي ونامي باكر وراك موعد جوالك بيكون معاك غرام والا كيف اطمن عليك
غرام : ؟؟؟ يب بيكون معي
تركي : حلو اقل شي اطمن عليك يالله نااامي
غرام : طيييب
تركي : لاتبكين زين
غرام : طيب
تركي : احبببببببببج
غرام : وانا احبببببببببش
تركي : باامان الله
غرام : الله معك
بعد تلك المكالمه تدحرجت احرف تمنيت سماعها طويلا
ا ح ب ك شعور مؤلم عندما تسمعها بوقت يستوجب عليك الذهاااب ومغادره شخص يكن لك الكثير .
ولاكن هي تلك الاقدر تبعدنا تاره وتقربنا تااره
ربااه اعني على فراقه ..







 توقيع : ترانيم انثى

  رد مع اقتباس
قديم منذ /08-13-2012   #9 (permalink)

ترانيم انثى
عُضوٌ بقَرآطُيسٌهَ
 
الصورة الرمزية ترانيم انثى

عُضويتيّ 3237
مُشآركاتيَ 123
تـَمَ شٌـكٌريَ 0
شكَرتَ 0
حلاُليٍ 0






ترانيم انثى غير متواجد حالياً
افتراضي


السبت الساعه السابعه صباحا :
غرام تستعد لذهاب لوطن تسكنه بعيدا عن احبابها والانكسار يعلو كل خطوه من خطواتها الهزيله ..

البسوني لون ابيض يكسوني ويعلوني حجما ..
ادخلوني حجره ملئيه بالاجهزه وانا غافله واتسأل هل تلك الاجهزه ستوضع على جسدي
اخبروني بان ذالك السرير الابيض سريرك
وتلك النافذه هي المتنزه الذي تملكينه فقط ..
صمت والالم يجمع شتااات جسمي المنهك ضممت حقيبتي لصدري حادثت الممرضه بهدوء هاتفي الصغير اسمحي له بالقاء جانبي ..
اجابتني ياثر على حاالتك ..
صمت وناظرتها بحزن ..
وش حيله اللي يبي وصلك وعجز عنه ..
بعده محااوله طويله اقتنعت الممرضه بان تترك هاتفي بحوزتي ..

خضعت لااول جرعه من الدواء ..
استنزفت كل قواي واصبحت طفله ساكنه وسط ذالك السرير ..
امله بااتصال واحد يعيد لي القليل من الثقه بنفسي والامان ..

الساااعه 9 مساء يوم الاثنين :
هاتفي يرن احسست باانه اميري اشتاق لي :
حين اجبت على الاتصال :
غرام : الوو
تركي : غروومه شخبارك
غرام : مدامني سمعت هالصوت انا بخير
تركي: ياعسااه دووم
يالله حكيني وش صار معك
غرام : ويلي ياتروك كل يوم ابرتين والله يداتي تعورني ماعاد ابي اجلس هنا ابي اطلع
تركي : يااروحي وش تبين تسوين عاد ذا ابتلاء من الله تصبري عفيه وان شاء الله تطيبين وتطلعين وشوفي عاد انا بجلس معك كل يوم واكلمك عشان ماتحسين بملل اعرف المستشفى ملل .
غرام : جد بتجلس معي كل يوم طيب حلو اتصل فيني زي ذا الوقت طيب
تركي : من عيوني انتي تامرين
هاا كليتي اليوم والا لا ؟
غرام : لا عطوني مغذي مالي خلق اكل
تركي : غرام صوتك يقطع قلبي وربي احس من جد فيك تعب مو طبيعي
غرام : ماعليك اذا انت معي بتحمل عشانك
تركي : طيب يانونو تبعي ههه نامي وارتاحي مابي اطول عليك بعد كم ساعه اتصل واطمن عليك
غرام : طيب انتبه لنفسك اوكي
تركي : يااروحي حتى وانتي مريضه تحاتيني لاتخافين انا بخير اهم شي انتي
غرام : طيب الله معك
تركي : ربي يحفظك







 توقيع : ترانيم انثى

  رد مع اقتباس
قديم منذ /08-13-2012   #10 (permalink)

ترانيم انثى
عُضوٌ بقَرآطُيسٌهَ
 
الصورة الرمزية ترانيم انثى

عُضويتيّ 3237
مُشآركاتيَ 123
تـَمَ شٌـكٌريَ 0
شكَرتَ 0
حلاُليٍ 0






ترانيم انثى غير متواجد حالياً
افتراضي


تركي بعد ماغادر صوت اميرته مسامعه بدء يشعر بحزن بدء يشعر باان سبب تلك الالام التي تهاجم جسد طفلته الصغيره ناتجه منه ..
اخفى ذالك مرات عن صديقه صالح
بعد مده طويله فقد تلك الضحكات منها فقد همس صوتها بسبب مرضها اصبحت تتناول منومات يوميا ومهدات لسيطره على الالم ..
مكث تحت سماء الشرقيه مسترجع كل ايامه معها ..
متخيلا لو يوم غادرت الدنيا واستقرت في مكان بعيد عنه وانحرم من شوفتها وصوتها ..
دون شعور دموع سرعان ماتنهمر على خد رجل عاش طول عمره قوي ..







 توقيع : ترانيم انثى

  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

الانتقال السريع


الساعة الآن 05:33 PM


Powered by vBulletin® Version 3.8.8 .Copyright ©2000 - 2016, Jelsoft Enterprises Ltd
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012