العودة   مجتمع ريلاكس | للحياة نكهتنا الخاصه َ > •»|[ رِحلہْ لِصَفآء آلذِهنْ وِ الرُوِحْ ]|«• > خيمة الشعر




المواضيع الجديدة في خيمة الشعر


إضافة رد
 
LinkBack أدوات الموضوع انواع عرض الموضوع
  #1 (permalink)  
قديم 11-28-2011
الصورة الرمزية غالية
غالية
عُضوٌ بقَرآطُيسٌهَ
 الأوسمة و الجوائز
 آخر مواضيعي
 بينات الاتصال بالعضو
 رقم العضوية : 2630
 تاريخ التسجيل : Nov 2011
 المشاركات : المشاركات 1,339 [ + ]

غالية غير متواجد حالياً
Post وحدي وغديت انت .... الزحام



يا حزن .. أنا.. و أنت ..و الهوجاس في غُرفه
.................... نسولف و" دفتر النسيان " يكتبنا

دوّر لنا في جدار الليل ذا شُرفه
.................... نطلع بها من "كلام ٍ ما يوجّبنا"

تعبان انا .. و " الكلام الحلو" ما أعرفه
.................... و الحزن كاس ٍ به الأوجاع تسكبنا

" أمارس " الحزن و أخشى منه و أحترفه
.................... وأقاربه و أبتعد منْه و يقاربنا !

مفتاح قلبه معي و القفل في حرفه
.................... أفتح به أبواب صمت ٍ ما يناسبنا




أبكتب اسمك على كلّ الشجر و الزجاج
............ حتى على الظلّ .. و الما و الصُوَر و الهجير

وأقول أحبّك .. بصوووت ٍ يشبه الإبتهاج
............ لو كان حتى الصدى يرجع لصوتي كسير !

أنا بضيع إمسك يديني ... "يدينك سراج"
............ لا تترك الليل يجرفني معه للأخير

بيني و بينك مسافات و زمان و سياج
............ لكنّ ما غيرك لباقي سنيني خشير

أنت السما و المشارق .. لحظة الإنبلاج
............ وأنت الهوا .. و الطيور اللي فـ صبحي تطير

إختارني لو مصيرك قرّر الإحتجاج
............ محتاج أكون إختيارك رغم راي المصير



إنتي حُبّك .. طفل يركض ..
كسّر أضلاعي سعف نخْل... و غُصون أشجار ..
أسمعه " يبكي" ... و ينقض ..
كلّ دمعة تحت جفني ..
و كلّ باب ....... و كلّ دار ..
و كلّ ساري تحت جلدي !
[ هارب ] الليله .. من آخر ليل ..
لــ حدود النهار ..

و ما لهذا الـ ليل آخر .. و ما لهذا الـ قلب قلب ٍ يعشقك و يموت ثاني ؟
يا بعد صوت البواخر .. و الـ مرافي و السواحل و المواني ..

كلّ وجه ٍ ... فيه. أشوفك ..
و كلّ شارع .. فيهـ أشوفك ..
وكلّ .. بسمه ... و كلّ دمعة ... و كل ّ عيد
.... و كلّ عام ...!!
طفلك الـ ضايع أنا .. أنقذيني من الـ زُحام !




شرّع ستاير دفترك للبوح ..
و في سطر .. أو مشهد ..
احجز لهذا الحزن مقعد ..
~ قصّ التذاكر من جروح ..
إملى الجيوب .. دموع .. !
إرجع .. من أعماقك بحزن ,
كان يمديك الرجوع ..

ملامحي ..
قصايدي .. مسارحي ..
صوت الجماهير..
خلف الحنايا .. نوح ..
آسف على التغريب ..
و الحزن .. و التعذيب ..
آسف على هذا السكوت ..
فيني الكلام .. يموت ,


أمشي و حزني طفل متمسّك بثوبي
............... يمسح ندى دمعته بأطراف وجداني

وقفت في مفترق .. ضاعت به دروبي
........................ واللي رجع بي من الأحزان .. ودّاني !

روحي وطن و الجروح أغراب ضاعوا بي
....................... ولا لقوا درب يخرجهم من أحزاني

لو كلّ فرحة تمرّ بتلتفت صوبي
........................ ما ذقت طعم الكلام المرّ بلساني

ما كنّي إلا ورق .. و النّاس شبّوا بي
......................... و عن بارد الليل أبدفيهم بقيفاني

الشعر هذا نصيبي و أجمل ذنوبي
................. لو تبت عنّه قضيت العمر .. وحداني



حنّا لهذا الياس مرهونين
............ لو دارت الأرض بدوايرنا !

أوجاعنا ما تقبل التلوين
............ و النور ما يلمس ستايرنا

مدري لوين دروبنا و لوين
............ إبنحلم أحلام ٍ تغايرنا !



وحيد أنا .. وحيد أنا الليله ..
إلا من أوجاعي ..
وحيّد حتّى من الوحده ...
و من الناس .. و الأرض .. و الأنفاس ..

القلب يكتب .. و التعب قرطاس ..
وكم سطر ما قدرت أتجاوزه/ خوف !


ما أدري ..
أيّ حزن يناسبني ..
و أي ّ عزله ..
و أيّ إحساس ..


تركت أيّامي ورق محروق .
أشوف ملامحي و نحفي في أطرافه .!
لا رماد . لا لون . ولا حتى خرافه .
لا تاريخ . لا ذكرى . لا وجه يشبهني .
ولا شيّ أشوفه ما أخافه !


يا ترى .
لو بغيب . فيه أحد بيبكيني و يندم عليّ .!


جيت وحيد من الناس .
وبروح وحيد من نفسي .!



وين أنت ياللي " تجاهلني و تعرفني "
........... لي عام و اللي بقى لي منك حرماني

لي عام و الحزن " يقتلني و يسعفني "
........... لي عام ما لامس النسيان وجداني

يا محجر الدمع كيف [الدمع يذرفني] ؟؟
........... كيف اجمع أوراقي اللي منك و [ ألقاني ]!

شفني على كثر ما أرجي جيّتك شفني
........... أحيان أحسّ الزمن ملّ و تعداني ! ؟

يؤسفني إنّك تجاهلني و يؤسفني
........... إني " إلى الآن أحبّك " رغم ما جاني


إثنين..

يمشون بلّلْهم مطر .. مثل الكلام

إن مرّ في

............ حنجرة شاعر حزين !!

مثل السنين .

مثل الجروح اللي تصيح .. و ما تبين .. !



إثنين .. مرّوا .. مثل ,

ما تعبر البسمه من شْفاهي .. و تموت ..

مثل السكووت ..

مثل الأماني , و الأغاني , و البيوت !



شوفي وش بعد السما عنّا ..

كم غيمة ٍ مثل الحَمَام .. مْهاجره ..

والله أنا أحبّك ..

كثر السما و الغمام ..!



أحس إني" أبكبر كثر هالدنيا" و أحبْ صغـري
.................. صغير ٍ ما عرفت البس شماغي و أوزن عقالـي

أحسّ اني كبرت و صارت جروح الزمن كبري
.................. وحنيت لـ حنان أمي و ريحـة جـدّي الغالـي

أشوف العمر عدّى.. و المقابيل اصبحت عذري
.................. وانا كثر السنين اللي خذلتنـي وش بيبقالـي ؟

أبحرق كلّ حلم ٍ قد بنيتـه من وَرَق و أدري
.................. بإني لـو حرقتـه بنتصـر لسيـوف عذّالـي

ولكن لا متى بمشي و أنا أشوف القدر يجـري
.................. تعبت امشي و صوتي يختنق في كـفّ موالـي



المواجع .. تطيّرها النسانيس
............... و الأماني .. تموت من النحافه !

ودّي آطير مع سرب الأحاسيس
............... صعبه أموت فالأرض بسخافه !

لي سما رحبة ٍ خلف القراطيس
............... ما بها شي ٍ مشوّه أخافه

أحلم .. أعشق .. و أركض فالكراريس
............... دون ما أحسب زماني و المسافه


قدّ إيش أحبّك ؟
قدّ ما أحس إن الأماني قيد
قدّ ما " أريد "
قد ما هالناس غابوا
وقد ما هالشمس تطلع من جديد
و قدّ ما ولّعت من ضيّ الكلام .. شموع
و قدّ ما طيّرت سرب من التناهيد
و الدموع
وقدّ ما حسيت بإن الحلم تافه
وقد ّ ما تسقط مسافة
وقدّ ما أهرب و
.... يطردني انهزامي
و قدّ ما أوقّف على أيّامي .. و يقتلني إنقسامي
وقدّ كلّ اللي مضى من عمرنا
و قدّ الأسامي !




أحسّ ماني بأنا .. ماني بأنا يعني !
.................... أحس ّ بإني فـ حلم أزريت تكذيبه

بروح لأبعد مدى .. يا صاحبي " دعني "
.................... عمر ٍ ما هو سرمديّ الـ نور وش لي به !!

أهرب من الحزن .. و أرجع له و يصفعني
.................... بعض المواجع سفرها مثل تغريبه !

أحبابي آسف عجزت آموت .. و أطْلعني
.................... من سالفة حزني اللي صرت أهذريبه !

محتاج لي غيبة ٍ ما هي ترجّعني
.................... ملّيت هذا الحضور الممتلي ريبه



حزني وطن يحتاج للتهجير
............ مثل ما يحتاج الشعِر لـ غياب

أريد أطفّي شمعتي و آطير
........... و أطيّر الدنيا سما و تراب

أريد أشقّق دفتر التأخير
............ اللي يشيل اسمي مع الغيّاب

أريد أسافر للمدى و آسير
............ في درب يهربّ بي عن الأبواب !

أريد .. أريد أبعد .. و أريد آصير
............ سيرة جميلة تنذكر بكتاب


أنا قلبي طفل ٍ أشقر
ضاع زوله في سواحل
وجهك المليان .. تيْه !
وجهك اللي يغرق النسيان فيه !
وجهك اللي يختزل كلّ الـ وجيه !
وجهك اللي لو يغيب
غاب عُمري مثل شمس الأمس
ومثل ما بتغيب شمس اليوم !
بلا طيور مهاجرة و بلا مراجيح و غيوم
أنا قلبي طفل ٍ أشقر
فوق هذي الأرض .. ما يشبه جروحه
عتب الهبوب
على الصحاري الجرد
ورَق الخريف .. حزن البرد !
دمعة تسافر فوق خد
و ألف مكتوبٍ يهاجر .. و ما يجي له رد






مَنْ تعّب أقدامي ؟! ..
من يقتل أحلامي ؟! ..
بشع .. بشع هذا الحزن ..
هذا الحزن فاجر ..
يشبه جنوني ..
يشبه طريقي .. و انقسامي ..
مَنْ يَحْسب آلامي !؟
أوجاعنا شارع .. أيّامنا أمتار ..
والعُمر مشوار ..



كلمات لامست احساسي

__________________
"سُحقَـا لِـ مشَآعرَ تقَودنيَ إلَىا ؛ حَآفـةَ الجنَـوِون!!
رد مع اقتباس
قديم منذ /11-28-2011   #2 (permalink)

انتهينا
 
الصورة الرمزية انتهينا

عُضويتيّ 1881
مُشآركاتيَ 8,288
تـَمَ شٌـكٌريَ 0
شكَرتَ 0
حلاُليٍ 0






انتهينا غير متواجد حالياً
افتراضي


حزني وطن يحتاج للتهجير
............ مثل ما يحتاج الشعِر لـ غياب

أريد أطفّي شمعتي و آطير
........... و أطيّر الدنيا سما و تراب


كل الشكر لشخصك الكريم
طرح رااائع وجميل عانق السحاب
ووووودي لكي وتقديري







 توقيع : انتهينا



  رد مع اقتباس
قديم منذ /11-28-2011   #3 (permalink)

مالك القلوب
عُضوٌ بقَرآطُيسٌهَ
 
الصورة الرمزية مالك القلوب

عُضويتيّ 2234
مُشآركاتيَ 15,816
تـَمَ شٌـكٌريَ 4
شكَرتَ 0
حلاُليٍ 0






مالك القلوب غير متواجد حالياً
افتراضي


مشكوورهـ

على القصيده ...







 توقيع : مالك القلوب




Insta : YahyaSadiq
  رد مع اقتباس
قديم منذ /11-28-2011   #4 (permalink)

ɜ ȥ ғ ♥
عُضوٌ بقَرآطُيسٌهَ
 
الصورة الرمزية ɜ ȥ ғ ♥

عُضويتيّ 2169
مُشآركاتيَ 21,241
تـَمَ شٌـكٌريَ 8
شكَرتَ 0
حلاُليٍ 0






ɜ ȥ ғ ♥ غير متواجد حالياً
افتراضي


لغة الحزن كانت تشدو بها ابيـآتك..
رغم الحزن الا ان الابداع واضح في القصيدة..
آحسًـآسَ
رآئع وآنتقآء موفــًق

هنيئاً لنآا ذآئقتتككَ

دمتِ رائعة بكل ما ينبض به احساسك ..







  رد مع اقتباس
قديم منذ /11-28-2011   #5 (permalink)

غيوم
عُضوٌ بقَرآطُيسٌهَ
 
الصورة الرمزية غيوم

عُضويتيّ 2206
مُشآركاتيَ 36,335
تـَمَ شٌـكٌريَ 5
شكَرتَ 0
حلاُليٍ 0






غيوم غير متواجد حالياً
افتراضي


صح لسان اللى قايلها واللى ناقلها

يسلموالغلا على النقل المميز

والذوق النايس







 توقيع : غيوم


آآنآآ الحلآ وُ آلنآآس حوًلـــي ولآ شي
مثْلٍ الجآآلكَسـٍـي بيـــن توِفي وغندور ً
  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

الانتقال السريع


الساعة الآن 12:04 PM


Powered by vBulletin® Version 3.8.8 .Copyright ©2000 - 2016, Jelsoft Enterprises Ltd
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012