العودة   مجتمع ريلاكس | للحياة نكهتنا الخاصه َ > •»|[ رِحلہْ لِصَفآء آلذِهنْ وِ الرُوِحْ ]|«• > خيمة الشعر




المواضيع الجديدة في خيمة الشعر


إضافة رد
 
LinkBack أدوات الموضوع انواع عرض الموضوع
  #1 (permalink)  
قديم 11-03-2011
الصورة الرمزية نوني
نوني
عُضوٌ بقَرآطُيسٌهَ
 الأوسمة و الجوائز
 آخر مواضيعي
 بينات الاتصال بالعضو
 رقم العضوية : 2590
 تاريخ التسجيل : Nov 2011
 المشاركات : المشاركات 542 [ + ]

نوني غير متواجد حالياً
Post من لاعرف ( معنى الوفا ) مايقدر يحب بـ ضمير !




لو طال ( سجن الضيق ) والابواب عيّت تستدير ؟
مافوق حكم الله حكم ! ولا دون باب الله , باب




يا حظ لوّ ماكنت عثره .. في طريق المستجير ؟

ما والله اقنع بـ النجوم ! ولا بما دون السحاب ,




( كبير ) لكن الوقت : ماميّز بين كبير ولا صغير

وعظيم ! لكن الدهر : ماعزّ ( ذربين الجناب )




اهلّ من غبه قصيدي (عقد لولو ) .. وفير !

وأصنع من الفاظي ( حلي ) تغيري طويلات الرقاب




أصوغ من فكري ( ذهب ) واحيك من جرحي حرير

وأشعل من إحساسي ( وهج ) واسكب من خموري شراب




غني قلم .. ندي عطا .. مروي ظما .. نافخ عبير !

( مرموق ) .. وآلبس ( بنات الفكر ) غالية الثياب




سئمت من (رتم الحياه ) وصرت لـ أحلامي أسير !

ومليت من .. ( تخاذل اقرابي ) .. وحبيت الغياب




أثر محاتاه المصير ؟ تزوّد غموض المصير !

واللي ( تأمل ) في أكتئابه ؟ لا صحى زاد اكتئاب




( طاح البعير ) ! ومكثر الطعنات لا طاح البعير

. ورآح الزهاب .. ومكبر الحسرات لا راح الزهاب




ما يظهر الرجل الكبير .. الا اذا جا اليوم الكبير

.. ولا يبيّن في الصعاب ؟ الا من اعتاد الصعاب




لوّ معي ( مخيّله هوغو ) و ( نظره فولوتير ) ؟

. يكفي معي : ( سحر البيان ) وعندي فنون الخطاب




ومدام معي سيف ( خالد ) ! بنطح الجمع الغفير

..وماعاد لي بك لـزم في مغزاي ! يا شلفا ذياب ,




في نظرتي ان : اطيب الاوقات ( خلوه مع ضمير )

ييصفي بها الذهن المدي , ويشفي بها القلب المصاب




وانادم أقوامٍ في نجوى الكتب .. والذكر اليسير !

.... ماغابت الا اشخاصهم عني ! وطاري الهم ما غاب




من لا يجود بما يجود به الزمان ؟ ولا يجير ؟

. محروم .. لوّ يملك ( كنوز الارض ) وكنوزه تراب




ما اقدر احب انسان كان بيوم ! للعالم ( حصير )

عودٍ عليه ( الما ) ماهو ينفع يكون لـ ( إحتطاب )




رغم احتياجي لـ ( الحنان الجم) والعطف الغزير ؟

...لازلت اشعر : بـ لذّه الاحساس حتى في العذاب




رغم انكساري !! من ظروف الوقت والحال المرير ؟

لازلت واثق !! وألمح ( الاحلام ) حتى في السراب




رغم إبتعادي عن ( جميع البيض ) و الوصف المثير ؟

لا زلت متذوق ! .. وأعرف الحسن من خلف النقاب !!




رغم إعتزالي ( ساحه الشعر ) و ( مساحات الاثير ) ؟

لا زال فيني : ألف معنى .. ماتضمّن في ( كتاب ) !




في خاطري ! اشياء كثيره .. واملك الشي الكثير

لكن : فاقد حاجه أكثر ! بينها وبيني ( حجاب )




ماهو لزوم إني ( جميل ) ؟ اهم شي اني بصير !

لنّ ( الجمال بلا نظر ) ! مثل ( السؤال بلا جواب )




واذا قدرت ؟ افهم الغاويين .. وش معنى الغرير ؟

. بالله .. كيف أفهم المخطين ؟ وش معنى الصواب




من لا يعرف معنى ( الوفا ) مايقدر يحبّ بـ ضمير !

. ومن لا رقى ( فوق الجبل ) ؟ مايقدر يشوف الهضاب




ظنّي كبير .. ومؤمن بربّي .. و ( متفائل بخير ) !

وان خاب ظني في البحر ؟ ماخاب ظني في السحاب




يا ( زهره الروض الحزينه ) لاتحاتين الهجير !

( فراشه الحقل ) إهتدت صوبك .. وضيّعها الضباب




الجرح الاول طاب ! بس الموت ( بالجرح الاخير ) ؟

ما يندمل .. لوّ خاطري ؟ من كل مايبغيه ( طاب ) !




ماني بـ محتاج لـ ( رغد دنيا ) ولا ( مجدٍ نظير ) !

. ( محتاج لي إنسان ) يفهم .. بـ هدوء .. وإنسياب




زرعت لـجل أكون بـ ( الفيّ ) وتحمّلت السعير !

الغصن غصني ! .. والثمر غيري خذاه بلا حساب





وشلون بلقى لي ( وطن ) ؟ وبداخلي ( منفى كبير ) !

.... وشلون ببني بيت لـ ( آمالي ) .. وبعماقي ( خرااااب ) ؟




ماهو أليم ( إحساسي بغربه ) ؟ ولا حولي ( عشير ) ؟

... بس الاليم ! انّي ( مع احبابي ) وعايش ( بإغتراب ) !!!

.

رد مع اقتباس
قديم منذ /11-03-2011   #2 (permalink)

مالك القلوب
عُضوٌ بقَرآطُيسٌهَ
 
الصورة الرمزية مالك القلوب

عُضويتيّ 2234
مُشآركاتيَ 15,816
تـَمَ شٌـكٌريَ 4
شكَرتَ 0
حلاُليٍ 0






مالك القلوب غير متواجد حالياً
افتراضي


تسلم على القصيده ...







 توقيع : مالك القلوب




Insta : YahyaSadiq
  رد مع اقتباس
قديم منذ /11-03-2011   #3 (permalink)

نوني
عُضوٌ بقَرآطُيسٌهَ
 
الصورة الرمزية نوني

عُضويتيّ 2590
مُشآركاتيَ 542
تـَمَ شٌـكٌريَ 0
شكَرتَ 0
حلاُليٍ 0






نوني غير متواجد حالياً
افتراضي


شكرا على المرور الجميل
واسعدتني الأطلاله الراقيه
لك شكري وتقديري







  رد مع اقتباس
قديم منذ /11-03-2011   #4 (permalink)

ساندرين
عُضوٌ بقَرآطُيسٌهَ
 
الصورة الرمزية ساندرين

عُضويتيّ 1890
مُشآركاتيَ 1,921
تـَمَ شٌـكٌريَ 0
شكَرتَ 0
حلاُليٍ 0






ساندرين غير متواجد حالياً
افتراضي


ماهو أليم ( إحساسي بغربه ) ؟ ولا حولي ( عشير ) ؟
... بس الاليم ! انّي ( مع احبابي ) وعايش ( بإغتراب ) !!!


صح لسانك ولسان قايلها
يعطيك العافيه على هذا الطرح المميز







 توقيع : ساندرين

ان فقدتوا وجودي بالمنتدى فادعولي بالتوفيق ...
  رد مع اقتباس
قديم منذ /11-03-2011   #5 (permalink)

غيوم
عُضوٌ بقَرآطُيسٌهَ
 
الصورة الرمزية غيوم

عُضويتيّ 2206
مُشآركاتيَ 36,335
تـَمَ شٌـكٌريَ 5
شكَرتَ 0
حلاُليٍ 0






غيوم غير متواجد حالياً
افتراضي


كلماتٌ رائعة

وفائقة الجمال


سلــمت اناملك الذهبيــة

وأتـمنى لكِـ التــوفيــق دائــمــا

نــنتظر جـديــدك







 توقيع : غيوم


آآنآآ الحلآ وُ آلنآآس حوًلـــي ولآ شي
مثْلٍ الجآآلكَسـٍـي بيـــن توِفي وغندور ً
  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

الانتقال السريع


الساعة الآن 01:42 PM


Powered by vBulletin® Version 3.8.8 .Copyright ©2000 - 2016, Jelsoft Enterprises Ltd
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012