العودة   مجتمع ريلاكس | للحياة نكهتنا الخاصه َ > •»|[ رِحلہْ لِصَفآء آلذِهنْ وِ الرُوِحْ ]|«• > خيمة الشعر




المواضيع الجديدة في خيمة الشعر


إضافة رد
 
LinkBack أدوات الموضوع انواع عرض الموضوع
  #1 (permalink)  
قديم 08-19-2011
الصورة الرمزية ~{مآيهـــزها الآعـــزها}~
~{مآيهـــزها الآعـــزها}~
عُضوٌ بقَرآطُيسٌهَ
 الأوسمة و الجوائز
 آخر مواضيعي
 بينات الاتصال بالعضو
 رقم العضوية : 2383
 تاريخ التسجيل : Aug 2011
 المشاركات : المشاركات 101 [ + ]

~{مآيهـــزها الآعـــزها}~ غير متواجد حالياً
يا زماني وقـّـف اصبر,,,,,, لي معك وقفه طويله‎




















يا زماني وقـّـف اصبر لي معك وقفه طويله
,,, و لو تكرّم يا زماني عطني من وقتك ثواني



يعني يوم اني قنوع ٍ غايتي حاجه قليله
,,, تذبح الحلم فبرود و تقبره وسط المحاني ؟


اطرد الياس و تجيبه ..؟ و ارسم الحلم و تزيله .؟
,,, و الامل ويـّـا السعاده .؟ و الهنا ويـّـا الاماني


و الفرح و الذكريات .. اللي على خبري جميله
,,, ياخي خذهم كل ابوهم . و اترك الباقي عشاني


لا سرقت احلام غيري و لا خذيت الحب حيله
,,, ولو تدقق " فالمَعاني " ترحم بحال " المُعاني "


الامل جاب الالم و الحلم حمل ٍ ما نشيله
,,, و الهنا اصبح عنا وش باقي اخسر يا زماني ؟


يا زمن و انت الذي شتمك .. حرام و ما ابي له
,,, و الا لنـّـي ماقدر اشتم صرت متغطرس و اناني


عشت عمري في عفاف و غيري يلعب بالرذيله
,,, تترك الجاني طليق .. و تقلب المظلوم .. جاني


ما نهيت النفس خوف و لا تردّد او فشيله
,,, بس عندي قلب ْ ... ياخي مستعيف و ما يداني ..


آآه وينك يالمواني .. تااه بحرك مع دليله
,,, ضعت يالقلب المسالم .. آآه وينك يالمواني


لا متى و الهم غيم ٍ ماطر ٍ .. لو ما استخيله
,,, لا متى و الجرح بير ٍ يجذب احبال السواني


قمت لحظه عن مكاني .. بشتري صبر ْ و اجي له
,,, جيت راجع ما لقيت الا .. العنا جالس مكاني


لا الصبر ينفع معااك و لا الرجاوي فيك حيله
,,, و ان بغيت ابيع همـّـي . حن ّ .. همي و اشتراني


ليت هم القلب يجلي لو تعزويت بقبيله
,,, كم شخصٍ لو نخيته جاك متفرعن و " طاني ْ "


ياااه يا سرع الضياع .. و ياااه يا نفس ٍ ثقيله
,,, و ياااه يا كبر البلا لو صد ّ مجدول العناني


رُبّما الأيام ُ مَمّا حل ّ يا قلبي ْ كفيله ْ ..
,,, .. انـّـها تُعطي ْ .. لسوء ِ الحظ ْ من حُسن ِ البياني ْ


مدري ايامي بخيله و الا اقداري بخيله
,,, لا دعيت الزين راح و لا طلبت الشين جاني


اففف يا ليل العنا . يا ليل قلّي من انت ليله
,,, اسود ٍ وجهك عليـّـه ليتك ابيض ياسمراني


علمتني دنيتي ان الشعر اصدق وسيله
,,, مثل ما للدمع بعيوني تعابير و معاني


و الخيال ان طش ّ و اعلن للصحاري عن هميله
,,, تنبت افكار القصايد .. سدر ٍ اخضر و احمراني


يا غصون السدر طلـّـي و ارحمي ذيك الفسيله
,,, اللي نبـّـشها الحمام و كاهل البرد ْ اعتراني


سج ّ بالي بهالحمام و قمت اهوجس مع هديله
,,, قلت لو عندي جناحه كيف ابرضا بالطماني


رفـّـي فرعك للحمامه .. علـّـها ترحل ذليله
,,, و ادن ْ بظلالك عليـّـه يا غصن .. عل ّ و عساني


انثر اجروحي على كف التراب و اشتكي له
,,, و اسأله عن هالجفاف اللي غمرني و ما سقاني


و اسأله عني و عن طفل ٍ تلاقى مع رحيله
,,, الا قبل انسى على طاري الجفاف و ما عطاني


شوف ذااك الطفل يضحك في برااءه .. ياا حليييله
,,, وش جرا به يا زماني ووش بلاه ووش بلاني


وش بقا له بالحياه .. الا كفاحه مع عويله
,,, و انتظاره للجفاف اللي احتواه و احتواني


وشوف ذاك الطفل يدمع .. و ان بكا ..؟ يا ويل وييله
,,, تـمـتـم بشهقات ..ما .. ما .. وانفجر دمع و بكاني


مدري يبغى .. ماء .. و الا .. أم .. تحضنه و تشيله
,,, قلت انا مثلك بعد و اللي خذا فرحك خذاني


مع كل " سنتيمتر" يطول بجسم ٍ اضلاعه هزيله
,,, مات مع " هالصانتي " حلم و امل عمر و اماني


حتى ذييييك الذكريات اللي على خبرك قتيله
,,, رااح باحلا الذكريات و تارك اشينها عشاني


يا زماني رح .. توكّل .. و ادري الرحله طويله
,,,, و ادري ان الوقت يمشي .. و ادري انه ماحتراني


و البَخت لو شح ّ و قرّر يرتكي لي .. برتكي له
,,,, و ان حصل لي ألتقي به .. جيت له و العلم ثاني


خلني اشفي غليلي ... و اتركه يشفي غليله ..
,,, .. يا يزين الحال ..؟ و الا العمر لو هو طال فاني



وسلاآآآمتكمـ جميعآآآ ,,










__________________
رد مع اقتباس
قديم منذ /08-19-2011   #2 (permalink)

الرقم الصعب
 
الصورة الرمزية الرقم الصعب

عُضويتيّ 1838
مُشآركاتيَ 11,788
تـَمَ شٌـكٌريَ 0
شكَرتَ 0
حلاُليٍ 0






الرقم الصعب غير متواجد حالياً
افتراضي


يعطيك العافيه غلاتي
على هذا الطرح المميز والجميل
ودمتي بهذا العطاء الجميل والرائع
وتقبلي منى مروري وودي







 توقيع : الرقم الصعب















  رد مع اقتباس
قديم منذ /08-19-2011   #3 (permalink)

الدبة
عُضوٌ بقَرآطُيسٌهَ
 
الصورة الرمزية الدبة

عُضويتيّ 2056
مُشآركاتيَ 277
تـَمَ شٌـكٌريَ 0
شكَرتَ 0
حلاُليٍ 0






الدبة غير متواجد حالياً
افتراضي


ياااه يا سرع الضياع .. و ياااه يا نفس ٍ ثقيله
,,, و ياااه يا كبر البلا لو صد ّ مجدول العناني


طرح رااااااااائع وصح لسااانك
ورفع ربي من شااااااااانك







  رد مع اقتباس
قديم منذ /08-19-2011   #4 (permalink)

~{مآيهـــزها الآعـــزها}~
عُضوٌ بقَرآطُيسٌهَ
 
الصورة الرمزية ~{مآيهـــزها الآعـــزها}~

عُضويتيّ 2383
مُشآركاتيَ 101
تـَمَ شٌـكٌريَ 0
شكَرتَ 0
حلاُليٍ 0






~{مآيهـــزها الآعـــزها}~ غير متواجد حالياً
افتراضي


الله يع ـــافيك يالغلا
ويسلمووو هذا كله من ذوقك يالرقم الصعب







 توقيع : ~{مآيهـــزها الآعـــزها}~

  رد مع اقتباس
قديم منذ /08-19-2011   #5 (permalink)

ابيك وما ابيهم
عُضوٌ بقَرآطُيسٌهَ
 
الصورة الرمزية ابيك وما ابيهم

عُضويتيّ 2313
مُشآركاتيَ 2,364
تـَمَ شٌـكٌريَ 0
شكَرتَ 0
حلاُليٍ 0






ابيك وما ابيهم غير متواجد حالياً
افتراضي


يعطيك الف عافيه
وتسلم الأيادي المتألقه
على روعة جلبها وانتقائها الراقي
بإنتظار روائعك

القادمه بشوووق . .







 توقيع : ابيك وما ابيهم

احترامي للغير يعني
" احترامي لـ نفسي " ✓
فحينما أبتسم لشخص و أساله عن حاله
وأمد بيدي لمصافحته بعد إساءته لي
لا يعني أن الحياة لا تمشي بدونه
بل يعني شيئاً واحداً , أننيّ نشأت على يد
( رجل عظيم - وإمرأه عظيمة )
علموني أن لا أدير ظهري بمن جُمعنا
بهم عشرة ♡
فَ البعض يُفسر أدبك خوفاً
لأنه لم يتربى على الاحترام بحياته ..
والبعض يُفسر طيبتك غباء .̓.̓
لأنه لم يعتاد إلا على سواد قلبه
  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

الانتقال السريع


الساعة الآن 05:32 PM


Powered by vBulletin® Version 3.8.8 .Copyright ©2000 - 2016, Jelsoft Enterprises Ltd
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012