العودة   مجتمع ريلاكس | للحياة نكهتنا الخاصه َ > •»|[ رِحلہْ لِصَفآء آلذِهنْ وِ الرُوِحْ ]|«• > قصص - روآيات - قصص ؤآقعيةة - قصص خيآليةة




المواضيع الجديدة في قصص - روآيات - قصص ؤآقعيةة - قصص خيآليةة


إضافة رد
 
LinkBack أدوات الموضوع انواع عرض الموضوع
قديم منذ /06-25-2011   #31 (permalink)

هدوء رجل
عُضوٌ بقَرآطُيسٌهَ
 
الصورة الرمزية هدوء رجل

عُضويتيّ 2018
مُشآركاتيَ 475
تـَمَ شٌـكٌريَ 0
شكَرتَ 0
حلاُليٍ 0






هدوء رجل غير متواجد حالياً
افتراضي



سعيد جدا بتفاعلكم وتشجيعكم لي
وانشآ الله يروق لكم جميع الأجزاء المتبقيه

تحياتي للجميع








 توقيع : هدوء رجل

لن اطلب منك شيئا فقط
إما أن تبادلني العشق
أو ترجع إلي قلبي
عقلي
وروحي بكل هدوء
ثم ترحل بعد ان تحاول أن تنسيني ذكرياتك الجميله~
  رد مع اقتباس
قديم منذ /06-25-2011   #32 (permalink)

أتعبني غلاك
عُضوٌ بقَرآطُيسٌهَ
 
الصورة الرمزية أتعبني غلاك

عُضويتيّ 2183
مُشآركاتيَ 36,568
تـَمَ شٌـكٌريَ 3
شكَرتَ 0
حلاُليٍ 0






أتعبني غلاك غير متواجد حالياً
افتراضي


لا تطول علينا أخوي

شوفني حاجزه كرسي وجالسه

وش صار بغلا


اهآت مغرم

لك تقديري لروعة حضورك بعدد أنفاس البشر







 توقيع : أتعبني غلاك



  رد مع اقتباس
قديم منذ /06-25-2011   #33 (permalink)

هدوء رجل
عُضوٌ بقَرآطُيسٌهَ
 
الصورة الرمزية هدوء رجل

عُضويتيّ 2018
مُشآركاتيَ 475
تـَمَ شٌـكٌريَ 0
شكَرتَ 0
حلاُليٍ 0






هدوء رجل غير متواجد حالياً
افتراضي


يسعدك ربي
دقايق وينزل الجزء الثالث
تحياتي لك







 توقيع : هدوء رجل

لن اطلب منك شيئا فقط
إما أن تبادلني العشق
أو ترجع إلي قلبي
عقلي
وروحي بكل هدوء
ثم ترحل بعد ان تحاول أن تنسيني ذكرياتك الجميله~
  رد مع اقتباس
قديم منذ /06-25-2011   #34 (permalink)

هدوء رجل
عُضوٌ بقَرآطُيسٌهَ
 
الصورة الرمزية هدوء رجل

عُضويتيّ 2018
مُشآركاتيَ 475
تـَمَ شٌـكٌريَ 0
شكَرتَ 0
حلاُليٍ 0






هدوء رجل غير متواجد حالياً
افتراضي




الفصل الثالث
الشخصيات
الجديدة

صالح : صديق الطفولة لنواف وزميل جديد في
العمل

عبير : موظفة الاستقبال ومغرمه ب
نواف

مها :
سكرتيرة تركي سابقا وفنية إحصاء حاليا

الشيخ علي : مالك
المستشفى


بسم الله
وبعد اختفاء غلا لعدة أشهر
دون أن يعلم أحد سبب تقديم الاستقالة والابتعاد عن
العمل

والغريب في الأمر ان هاتف الجوال الخاص بها
مغلق ولا يعلم أي أحد بالمستشفى ما الخبر بعد عدة أيام عاد

كل شيء لوضعه الطبيعي ولم يعد ذاك الفضول القاتل والبحث الدءوب عن سر تلك
الاستقالة الغريبة

أصبح نواف في مجال عمله بارز جدا وله علاقة طيبه بالجميع وله حضور رائع
لفت انتباه كثير من فتيات المستشفى

حوله ولكن لم يتعلق قلبه
بأية منهم وإنما كان هدفه التحدث والضحك لا أكثر

كل الأمر بالنسبة له زمالة
تنتهي بانتهاء فترة عمله فقط

لم يكن ذاك الشخص المحافظ
جداً وأنما كان يمتلك مبداء ان اي علاقة في مثل هذا المجتمع لن تضيف له وأنما
ستخسره أكثر ولذلك استمر فترة من الزمن في صراع نفسي بين ما ترى عينه وفرص متاحه
له وبين ما يحمل في داخله من قناعات

نواف :
صالح

صالح : هلا نواف وش عندك هنا
سلامات

نواف : عاش من شافك وينك من سنين فاقدتك نسيت ولد جيرانكم يا دب حتى رقم
تلفون لك ما عندي اسأل عنك كثير كل الشباب واوصل لك معهم سلامي بصراحة ما حبيتها
منك هالقطاعة

صالح : أقول اصبر علي شوي وأقولك كل سالفتي المهم قلي أنت و عندك في
المستشفى عسى مانت تعبان

نواف : لا ابشرك بخير أنا موظف
هنا وأنت سلامات وش فيك

صالح : جد أنت موظف هنا حتى أنا
الحين توظفت اليوم عندكم

نواف : تستهبل علي أنت توك داخل
من الباب من قابلت عشان يوظفك تعال نروح لتركي خويي واكلمه لك
يضبطك

صالح : لا ما يحتاج تكلم أحد أنا صديقي د. خالد كل ليله معه بالأستراحه
ولعب بلوت لا تخاف علي ظهري هوي هههه

نواف : إذا كذا مقدر أقول شي
والله لك وله يا صالح تذكر أول أيام الحارة واللعب والمدارس بس من صار عندك سيارة
وأنت قاطع مرت سنين مالك أثر نسمع فيك بس
مانشوفك

صالح :
يوه يا نواف والله أيام ما أنساها بس أنت خابر السوالف اللي صارت مع الشباب في
الفترة الأخيرة وأربعه منهم عادوني وكل يوم مسوين لي مشكله قلت أبتعد عن الحارة
كلها ابرك لي

نواف : أقولك لو أدري ما سألتك
خل عنك المواجع الحين وسوالف المراهقة وقم نروح
الديوانية

صالح : ديوانيه وين أقولك أنا توني جديد لا تخربني يادب وظفوني على قسم
المحاسبة أداوم فيه

ما عرفت إلا مديري بس ما
بعد حتى اجلس على مكتبي تخليني اهرب من الدوام
الحين

نواف : ههههههه لا يا شيخ الديوانية اللي أقولك عليها هي
مكتبي

يا ابن الحلال أنا حولت
مكتبي مجلس بوحمدان فاتحه للكل اللي يبي قهوة ولا في خاطره سالفة ولا وده يريح شوي
مكتبي مفتوح له كل الموظفين بتعرفهم عن طريق مكتبي
ههههه

صالح : دقايق بقول لمدير القسم
ونروح

نواف : طيب
مها : هلا نواف كيف
حالك

نواف : هلا مها تمام وأنتي
مها : الحمد لله ، فيه إحصائيات
أبيك تسلمها الوزارة

نواف : ولا يهمك تأمرين يا
غالية كم مها عندنا ، تدرين مها من تقولي إحصائيات أتذكر غلا مع أني ما تعاملت
وياها إلا أسبوع واحد تقريبا بس إنسانه لها ذكرى طيبه
عندي

مها :
والله البنت طيوبه حيل وأخلاقها عاليها الكل ندمان عليها بس أنا الحين يعني ما
أشبه هههههههههه

نواف : لا مهاوي أنتي ع العين والرأس والله بس تذكرتها ، صحيح أنا مفهي
ههههههه نسيت أعرفك بالموظف الجديد وصديق الطفولة صالح موظف في الإدارة
المالية

وهذي الأخت مها فنية
الإحصاء في المستشفى

صالح : هلا بك أخت مها تشرفت
بمعرفتك

مها :
أهلن أستاذ صالح على كذا أنت بكلريوس محاسبه

صالح : ايوه وجيت هنا أبغى آخذ
خبره عمليه لفترة مؤقتة سنه أو سنتين وبعدها راح
انسحب

نواف : أش رأيك تقول قصة حياتك لها
ههههههه

صالح : الله يا الإحراج وجع لا تصير جلف توني جديد

مها : لا صالح خلك من نواف هو
كذا تعودنا عليه يحب يعطيك بنص الجبهة

صالح : أنا عارفه بس ما توقعت
يسويها هنا في المستشفى والوقت هذا

نواف : ههههههههه لا توقع أي شي
عزيزي صالح ، من بعد أذنك مها طالعين مكتبي اذا ودك تشربي دخان مكتبي مسموح فيه
هههه

مها :
هههههه خليتها لك خذو راحتكم أنا راح أحط الختم على الإحصائيات وأجيبها
لمكتبك

نواف : وهو كذالك في انتظارك
صالح : نويف يا الدب وش
ذا

نواف : وش فيك
صويلح

صالح : وش ذا البنت الخقه و ذا الدلع اثاريك طايح بربيع وأخوك لاهي مع ذا
التماسيح

نواف : ههههههههههااي توك يادب هذا أول يوم لك تعود على الورد ألجوري
تراه منتشر بكل مكان

صالح : لا نويف الجوريه هذي غير
بس شكلك كلك مكوش على قلبها

نواف : لا فديتك خذها لك ما
أبيها لاهي ولا غيرها ماني مكوش على حد كلها ضحكه ومزحه ومع
السلامة

صالح : نويف أنا أكبر منك بسنه يعني افهم أكثر منك ترى البنت ميتة
عليك

نواف : لا يا ياخبرة انت وش ذا التفكير بس عمل لا أكثر

صالح : أقولك البنت معجبة فيك
بس كلك كرتون ما تفهمها ع الطاير

نواف : أنا كرتون يا ماوكلي
أقولك انا بصراحة مالي اهتمام ومافيه إلا وحده ناشبة لي في الحلق كل يوم تزين لي
كافي ولاشاي وتجي تستخف دمها وتسوي حركات قلت يا الله اجبر بخاطرها وأقولها كلمتين
حلوين

صالح : ياعيني عليك ياروميو
انت ماشفت وجهك في
المراية عشان تصير مغرور عليها

غيرك يحلم بالعظم وانت اللحم عندك
وترفضة

وين هي خلني أشوفها يمكن اعلق قلبها بدالك
يالقفل

نواف : فديتني اكيد روميو امي دايم تمدحني وتقول اني حلو

هههههه

ماهية موجودة الحين في
الفترة الثانية تداوم إذا جت بتشوف بنفسك

صالح : القرد بعين امه غزال
هههههههه

سلم لي على أمك وبوس راسها يافالح
تكفى
أول ما تداوم ورني هي قلي بسرعة وش اسمها ؟ هي خقه مثل مها
؟

نواف : خذ الجد فديتك تصدق صالح
إني ندمان قلت لها كلمه حلوه المسكينة

صالح : بطل المبادئ والمثل حقتك
وقلي وش اسمها

نواف : اسمها عبير بس وربي أتكلم جد إني نادم وأحس إني حطيت نفسي بالنص
ماني عارف وش أسوي وأبعدها عن طريقي حاولت أكثر من مره بدون نتيجة والمصيبة الأكبر
ماني حاب العب في مشاعرها بكلام ماني صادق
فيه

صالح : من جدك أنت ، توك من شوي تقول ما صار لك خمس شهور داومت هنا قدرت
تكون علاقة حب وتندم عليها بعد

ما تكفي الخمس شهور انك
تحس أحساس الحب حتى

نواف : أنا ما حسيت بالحب وياها
هي اللي كل يوم تسوي شغله من ثاني شهر داومت فيه يوم كافي يوم حلا يوم ورده وكل
يوم تعطيني كلمه وأنا اسمع منها وادلعها بردود حلوه لقيت البنت تعلق قلبها وعاشت
الدور تطور الأمر انها ترسل مسجات صوتية حب وغزل على تحويلة مكتبي من الخوف حطيت
رقم سري ماحد يقدر يسمعها غيري ولا كان
فضيحة

صالح : طالما هي تحبك كل ها الحب أنت ليه ندمان المفروض تكون سعيد لان هي
اللي تحبك وتركض ورآك

نواف : بقولك السبب بس بأمانه
تفهم موقفي وماتلومني كفايه لومي لنفسي

صالح : هات ما عندك يا الحنون
ههههه

نواف : شوف صالح أول شيء البنت متزوجة وعندها طفلين وهذا سبب رئيسي اني
ابتعد واندم بشكل تام ما ابي يعاقبني ربي على خراب
بيوت

ثاني حاجه من سوالفي مع البنت عرفت أخوهاوطلع
صديق لناس احترمهم كثير وجمعني فيه مكان واحد اكثر من مرة وهذا اللي قهرني
أكثر

صالح : اوف يعني أخوها من اصدقاك
نواف : ماهو مناصدقاي لزم لكن
الرجال جلست وياه كثير في بيت واحد من أصحابنا كل ما زرته لقيت أخوها جالس عندهم
يحترمني ويقدرني كثير الرجل

صالح : إذا مو صاحبك وهي متزوجة
ومستعدة أنها تخون زوجها أنت وش دخلك عش جوك
يعمي

اكيد فاقدة حنان وزوجها مقصر معها حيل لكذا لجأة
لك

نواف:
والله انك إبليس بدل ما تخليني أتراجع تقولي اقرب ، تدري صالح أحيان أفكر مثلك
أقول والله ها البنت مسكينة ربي رزقها بزوج ما يخاف الله أحيان تداوم وعلى طول
تتصل علي من مكتبها تبكي اما ضربها او سبها او كدر خاطرها وانا اكون الصدر الحنون
اللي يطبطب عليها ويشيل اللي داخل قلبها

صالح : ليه وش فيها وليه زوجها
ما يخاف الله

نواف : زوجها يا صالح مدمن حشيش وخمر وكل يوم يتعاطه وإذا فقد عقله
يضربها ويبهدلها وكل يوم هذا حالة لما يفقد عقلة تكون هي محط التسلية قدامة ويمارس
معها انواع التعذيب والأجرام لدرجة انها اكثر من مرة تفكر
تنتحر

صالح : لا يا ابن ...... ليت يدي تطوله هذا تعامله مع بنت الناس هذا
الاحترام والتقدير وين أخوها هذا اللي تقول عنه وين أبوها وين أخوانها
الباقين

نواف : عجزوا معه حتى الضرب وصل بينهم شكاوي ومحاكم لكن من بكره يرجع
يتعاطه ولا كأنه صار شيء وهي خوفها على أطفالها يصبرها عليه
اكثر

والأدهى من هذا كله أنه مريض بالشك ، دوم يشك
فيها ويحس أنها تخونه وهي عنده في البيت لو تكلم أمها يجي يضربها يقول أنتي تكلمي
واحد مع أن عمرها ما خانته ، الحين صار عند البنت شبه تفكير عدواني تحب تنتقم منه
با الخيانة وتبي تطبق هالشي مع اخوك المسكين

صالح : والله مسكينة كسرت خاطري
الله يكون بعونها يآ رب

لكن طريقة تفكريها وانتقامها غلط يمكن تخسر بيتها
او حياتها بالتصرف هذا انصحها وثبتها احسن

نواف : انا متعاطف مع مشكلتها
واحن عليها ما حبيت الظلم اللي هي فيه لكن هي فهمت تعاطفي على انه حب من
عندي

واللي خوفني أكثر إني أصارحها وما أحبها ولا
لي رغبة فيها تتأزم نفسيا أكثر

أقولك يا شين قرب ينتهي الدوام وحنا مو حاسين
يا الله نروح نوقع خروج والفترة المسائية
نلتقي

صالح : أنا وش وظفني معك على كذا مراح اشتغل كل يوم دق حنك ومع السلامة
يالعمل

نواف : هههههههههههههاااي والله ما طول الهرج إلا أنت أقول طس لأمك وتغدا
ابرك لك أشوفك الساعة 6 المغرب

صالح : وهو
كذلك

تركي : نواف كيف حالك أنت بالمكتب الحين تعال بسرعة أبيك ضروري اترك اللي
بيدك وتعال

نواف : تركي سلامات وش فيك تكلم حبه حبه خلني أرد
عليك

تركي : أقولك لا تطول هرج تعال المكتب عندي لك مفاجئه
حلوووووه

نواف : وش مفاجأته ما ورآك إلا القلق دقايق اخلص اللي بيدي
وأجيلك

تركي : أقولك اترك اللي بيدك وتعال في إنسان عزيز عندي بالمكتب يسأل عنك
تعال بسرعة لا تطير المفاجئة

نواف : طيب ثواني وأكون
عندك

السلام
عليكم

اووووووووه مين غلا الدبة ، وينك ، وين
الغيبة ، ليه أختفيتي فجاه ، وش صاير ، سلامات ، والله فقدناك من جد عتبان عليك
رحتي حتى سلام علينا ماقلتيه

غلا : أهلن نواف أنت أخبارك
والله كلكم وحشتوني فقدتكم حيل لكن الظروف كانت اقوى مني بس الأكيد غالين وكل يوم
تطرون علي ولا انسى ايامي معكم

تركي : من شوي يانواف تقولي
تكلم شوي شوي وتستعبط علي

ليه
أني أسرعت في الكلام والحين أنت وشف كم سؤال قلته لغلا ، عرفت إن المفاجئة حلوه
تخليك تتكلم كثير وبسرعة ههههههه

نواف : أي والله انك صادق ما
ألومك الحين ، أخبارك غلاوي كيف صحتك وكيف الأهل طمنيني
عنكم

غلا :
الحمد لله يا غالي كلهم طيبين ويسلمون عليكم

نواف : و قصة استقالتك نفسي
أعرف ليه والله الفضول قاتلني بجد كانت غريبة
حيل

تركي : خل البنت تأخذ نفس وبلا
أسألتك السامجه انطم وانثبر مكانك

غلا : هههههههههه ظروف نواف
خلها على الله ، بس تعال وين الولد الخجول اللي اسمه نواف الحين أوف واحد لسانه
طويل و غير عن اللي اعرفة اول ما توظف معنى

نواف : من عاشر القوم صار منهم
،وبعدين انا قلت لك عطيني اسبوع انتي الله يجزاك خير خليتيها
شهور.

أقولك سر أنا أول يوم دخلت المستشفى كان أيام شتاء
والله من الخجل والرهبة من الاحتكاك والتعامل بالعنصر النسائي كنت محتاج أقوى
تكييف من الحر اللي أحسه داخلي ولو حصل مسبح من الثلج ما
يمنع

غلا :
ههههههههه والحين طيب

تركي : الحين يتصل عليهم يقولهم
توني واصل وقهوة أمي طازجة تعالي خذو فنجال ع الماشي ويجع كل بنات المستشفى عنده
بالمكتب ويعطل الشغل

نواف : ما أسويها يا نصاب هم
يجو من حالهم

غلا :
هههههههههههههههه أكيد نواف هم يجو ولا أنت تتصل اعترف سرك في بير ما اعلم
احد

تدري نواف أول مره جيت أنت المستشفى حسيتك
واثق من نفسك ومغرورش كلك يوحي لكذا

نواف : انا لا حرام عليك

صح ناس كثير تقول انت مغرور لكن والله ماني
كذا هههههه

غلا:
بس لما عرفتك أكثر ودام انت صاحب تركي لا حسيت انك طيوب مره وقلبك أبيض وتحب كل
الناس

تركي : تركي أنا اللي علمته ولا هو ما هو لحيت طيب وحنيه
ههههههههه

نواف : تسلمين غلا هذا من ذوقك ، وأنت يا أسود الوجه وش قصتك معي اليوم
كأنك شاد حيلك على ليكون تبي تبين عضلاتك علي قدام غلا تراك تعرفني لساني طويل
أقولك اهجد ههههه

تركي : لا فديتك خلاص ااااسف تكفى بجد وش يفكنى من لسانه خليه راكد، نواف
أنت صديقي وحبيبي وأخوي وقدوتي بالحياة
ههههه

غلا :
تركي ورآك صرت نصاب وبياع حكي كل هذا من كلمه قالها
لك

نواف : ناس ما تجي إلا بالعين
الحمراء ههههه ، غلاوي يا الله قولي جيتك اليوم عوده للعمل ولا زيارة
بس

غلا : أنت وش
ودك

نواف : أكيد الأولى
غلا : أنا بصراحة جيت أشوف
الوضع هم اتصلوا علي ألف مره يبون أرجع و د. خالد اخذ رقم البيت من ملفي وكلم حتى
أمي يطلب منها تقنعني ارجع لان فيه إحصائيات أداريه صاحب المستشفى يطلبها بشكل
أسبوعي ومن رحت وهي متعطلة والشيخ علي يضغط عليهم بسببها ولكذا اتصلوا يبون أرجع
اخلصهم من مشكلتها

نواف : وأنتي وش قرارك الحين
غلا : أنا صار لي موقف هنا ما
أحب اذكره لأحد ولكن عشان الشيخ قابلني بنفسه في مكتب الدكتورخالد ما قدرت ارفض
طلبه ولكن حطيت شروط وهو وافق عليها بس أنا ما أقدم على خطوه إلا بعد ما أشاور
أهلي إذا رحت البيت بقولهم عن اللي صار معي اليوم وإذا وافقوا ارجع راح ارجع وإذا
لا مقدر أخالفهم

نواف : انشآ الله ترجعين ويرجع ينور المستشفى من جديد

تركي : آآآآآيه أنت صرت تعرف
تغلزل وتغازل في البنت وقدامي بعد مخصوم منك
يومين

غلا :
هههههههه من ذوقك نواف لا تزعل منه اطراء اخوي وش غزل الله يهديك
انت

نواف : أي غزل الله يا استاذي ،
هذي كلمة حق تقال في حقها يعني خشتي ولا خشتك بتنور المستشفى أكيد لا
طبعا

تركي : هههههههههه والله انك صادق
غلا : تسلمون من ذوقك
ياغالين

فمان الله أنا أروح البيت الحين وبكره راح اتصل فيك
أستاذ تركي

وأقولك عن قراري وانت بدورك وصلة
للأدارة




بهذا يكون انتهى
الفصل هذا من القصة

ترقبوني في فصل جديد عن
قريب

تحياتي للجميع









 توقيع : هدوء رجل

لن اطلب منك شيئا فقط
إما أن تبادلني العشق
أو ترجع إلي قلبي
عقلي
وروحي بكل هدوء
ثم ترحل بعد ان تحاول أن تنسيني ذكرياتك الجميله~
  رد مع اقتباس
قديم منذ /06-25-2011   #35 (permalink)

الرقم الصعب
 
الصورة الرمزية الرقم الصعب

عُضويتيّ 1838
مُشآركاتيَ 11,788
تـَمَ شٌـكٌريَ 0
شكَرتَ 0
حلاُليٍ 0






الرقم الصعب غير متواجد حالياً
افتراضي


يالله

وربي القصه جدا مشوقه
مؤلف خطير والله بس في انتقاد بسيط جدا
لا تستخدم كلمه يادوب في القصه

ويالله
خلتنا اتشوق اكثر







 توقيع : الرقم الصعب















  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

الانتقال السريع


الساعة الآن 01:47 AM


Powered by vBulletin® Version 3.8.8 .Copyright ©2000 - 2016, Jelsoft Enterprises Ltd
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012