العودة   مجتمع ريلاكس | للحياة نكهتنا الخاصه َ > •»|[ رِحلہْ لِصَفآء آلذِهنْ وِ الرُوِحْ ]|«• > خيمة الشعر




المواضيع الجديدة في خيمة الشعر


إضافة رد
 
LinkBack أدوات الموضوع انواع عرض الموضوع
  #1 (permalink)  
قديم 06-24-2011
الصورة الرمزية عذب الصفآت
عذب الصفآت
عُضوٌ بقَرآطُيسٌهَ
 الأوسمة و الجوائز
 آخر مواضيعي
 بينات الاتصال بالعضو
 رقم العضوية : 1914
 تاريخ التسجيل : Apr 2011
 المشاركات : المشاركات 143 [ + ]

عذب الصفآت غير متواجد حالياً
العين عن حلـو الكـرى موقهـا تـاب


السلام عليكم ورحمة الله وبركاته
اليومـ انقل بين يديكم قصيدهـ رائعه بروعة شاعرهـ
للشاعر //لافي حمود الغيداني



العين عن حلـو الكـرى موقهـا تـاب


ماتـذوق حلـو النـوم مـع ذايقيـنـه


اسباب لانه مـاش شـي ٍ بـلا أسبـاب


هكـا الغـزال اللـي ذبحنـي بزيـنـه


مـر يتخطـا .. ويتلفلـف بـالاسـلاب


وطيّـر عـن القلـب المشقـا يقيـنـه


من نظرته وقع علـى القلـب مضـراب


اشـد وقـع مـن الـرمـاح السنيـنـه


يسرق نظر عينه حذر .. مدري عجاب


وانـا منـه قلـبـي تقـطـع وتيـنـه


عرّض ومـن تعريضتـه خافقـي ذاب


وقمـت اتبعـه مغيـر عينـي بعيـنـه


واقفى عجل من نظرتـي فيـه مرتـاب


ويحـط ضـول النـاس بينـي وبينـه


اخاف يفطن لي .. وننشـب بالانشـاب


السـوق زحـمـه .. ولاوادم ذهيـنـه


واخذت عنه شوي مقفي .. والاعصـاب


متـوتـره .. مافـكـرت بتهـويـنـه


ولديـت .. ولينـه يسعـر يالاطـيـاب


عنـد الهنـود اللـي لغتهـم رطيـنـه


وارسلت يمـه نظـرة احبـاب لحبـاب


النظـره اللـي ماتركـت لـي غبينـه


وأقبـل يبـا يحطنـي عنـه مجـنـاب


وشكيت فـي ممشـاه .. علـى هوينـه


ناظرت فيه .. وضحـك النـاب للنـاب


ومن ضحكتـه حلـت علـي السكينـه


وموه على اهـل السـوق .. واشـر ب


الاهداباشـارة ٍ تبغـى قلـوب ٍ فطينـه


منها عرفت انه يبـا يعـود لـو غـاب


وان الامـر ماعـاد هـو فـي يديـنـه


وعقب غلاق اسبوع .. مر ومعه جـاب


صغـيّـر ٍ متـجـود ٍ فــي يميـنـه


صغيّـر ٍ بالـزيـن للعـقـل نـهـاب


يقـول اخـوي .. ومقصـده فاهميـنـه


قصده .. يقول انكان عنـدك أستيعـاب


علـى مـن هـذا ؟؟ ملامـح وعيـنـه


واخذت انـا ويـاه .. مـزح وتعجـاب


عقلـه رزيـن .. وكـل كلمـه رزينـه


فـي موقـع ٍ عنـه المخاليـق غيـاب


الا ملائـكـة العـمـل حاضـريـنـه


بينـي وبينـه ماوقـف غـيـر الاداب


آداب سـلــم ٍ كـلـنـا وارثـيـنـه


منه حتـرام شعـور عربيـن الانسـاب


ومنه حتـرام الرجـل نفسـه .. ودينـه


وبغى الوكاد .. وقلت هايـم ومنصـاب


حبـك .. ذبحنـي لعنـبـو والديـنـه


قال استميحك عـذر .. واقـول لعـاب


وش هالغـرام اللـي غدابـك بحيـنـه


وحلفت له .. واقسمت في رب الاربـاب


منقـذ مـن الطـوفـان راع السفيـنـه


انـي معـك صـادق ولانـي بـكـذاب


والـكـاذب الله لايـطـول سنـيـنـه


قال انت صادق .. مير سابقك خطـاب


واهلـي فـي تـال الشهـر موعدينـه


كـم لـه وهـو مغيـر ذهـاب إيـاب


لاهـم براضيـنـه .. ولا رافضيـنـه


وان كانهـا تمـت علـى يديـن كتـاب


وتـم القـران .. وروحــو كاتبيـنـه


انا تراي ابي اعتبـرك مـن الاقـراب


وعلـى النقـا .. تبقـا صلتنـا متينـه


وودع وصـارت كلمتـه تقـل مشهـاب


اركت على كبـدي (عراقـي مزينـه )


وبقيت في وضع ٍ تحير ابـه الاطبـاب


ايسـت منـه وحالـة اليـاس شيـنـه


واخذت وقـت احسـب ايامـه حسـاب


وقلبـي علـى شوفـه تزايـد حنيـنـه


احيان .. اقول انشد عنه بعض الاصحاب


ويجيـك بالعلـم المـوكـد ( جهيـنـه)


واحيان اقول اصبر على جور الاتعـاب


ورزق الفتى وأجله كتـب فـي جبينـه


وسكت .. ماودي عليـه افتـح ابـواب


للهرج مـن نـاس ٍ ماهـم راحميـنـه


وصبرت .. مير الصبر طـول ولاثـاب


ومـن طـال صبـره يالله انـك تعينـه


ويوم ان راسي من طويل الصبر شـاب


قـررت عنـه انشـد حـدا مجاورينـه


ونشدت عنـه وقـال راحوبـه أجنـاب


ومن قريتـه شـدّ .. وسكـن بالمدينـه


قلت ايه .. مادام اهلـه عندنـا يجـاب


امـا بعيـد الفـطـر .. والا حتيـنـه


قال اهله معه رحلـو .. قلـت ياشـاب


يعـنـي لازايـركـم .. ولازايريـنـه


قال ايه .. مير انسـه والايـام هـراب


تطـول .. وتنسـي ضنيـن ٍ ضنيـنـه


قبلي .. وقبلك خلت اصحابنـا حـزاب


وكم فرقـت بيـن الخديـن .. وخدينـه


ماعاد في شوفـه طلايـب .. وطـلاب


تـرى مـاعـاد الا يــدرج جنيـنـه


وش تطلبه .. وحبالـه بكـف قضـاب


احذر .. لاينصب لـك زمانـك كمينـه


قلـت الرجـال مفتلـة روس الاشنـاب


لقسـى الظـروف حسابهـم حاسبينـه


وقفيت من عنده على الغلـب .. غـلاب


اكن غيـض القلـب .. واجحـد ونينـه


واعلنت ياسي .. وانطوت صفحة كتـاب


مــن البـدايـه للنهـايـه حزيـنـه


واقــول يالله لاتـبـارك بالاسـبـاب


اللـي رمتنـي بيـن حبـه .. وبيـنـه



,,ممآراق لي ,,


ســــلـــطآن




__________________


رد مع اقتباس
قديم منذ /06-24-2011   #2 (permalink)

شوووق
 
الصورة الرمزية شوووق

عُضويتيّ 2095
مُشآركاتيَ 3,269
تـَمَ شٌـكٌريَ 1
شكَرتَ 0
حلاُليٍ 0






شوووق غير متواجد حالياً
افتراضي











 توقيع : شوووق

:s9:
  رد مع اقتباس
قديم منذ /06-24-2011   #3 (permalink)

عذب الصفآت
عُضوٌ بقَرآطُيسٌهَ
 
الصورة الرمزية عذب الصفآت

عُضويتيّ 1914
مُشآركاتيَ 143
تـَمَ شٌـكٌريَ 0
شكَرتَ 0
حلاُليٍ 0






عذب الصفآت غير متواجد حالياً
افتراضي


آخيتي شوق
,,نورتي هنآ,,
آكتملت الروعه بتواجدك ومروركـ الرائع
مآآننحرمـ من وجودكـ غـــلآتي
تحيتي الــ ع ــــطــرهــ لكــ
ســلــطآن







 توقيع : عذب الصفآت



  رد مع اقتباس
قديم منذ /06-24-2011   #4 (permalink)

ɜ ȥ ғ ♥
عُضوٌ بقَرآطُيسٌهَ
 
الصورة الرمزية ɜ ȥ ғ ♥

عُضويتيّ 2169
مُشآركاتيَ 21,241
تـَمَ شٌـكٌريَ 8
شكَرتَ 0
حلاُليٍ 0






ɜ ȥ ғ ♥ غير متواجد حالياً
افتراضي


عذب الصفآت
قصيدة رآآآئعه
صح السان شاعرها وسلمت يمين ناقلها

مشاركة متميزة وتستحق الإشادة بها
لك مني طوف الياسمين







  رد مع اقتباس
قديم منذ /06-26-2011   #5 (permalink)

أميرة كيانو
سحر الأبداع
 
الصورة الرمزية أميرة كيانو

عُضويتيّ 1841
مُشآركاتيَ 4,909
تـَمَ شٌـكٌريَ 0
شكَرتَ 0
حلاُليٍ 0






أميرة كيانو غير متواجد حالياً
افتراضي


وفقت في نقل الابيات الروعه

كروعتك اخوي عذب ..

واااصل فنحن بشوووق لجديدك







 توقيع : أميرة كيانو









  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

الانتقال السريع


الساعة الآن 04:02 AM


Powered by vBulletin® Version 3.8.8 .Copyright ©2000 - 2016, Jelsoft Enterprises Ltd
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012