العودة   مجتمع ريلاكس | للحياة نكهتنا الخاصه َ > ¬ | رَيلآكسَ الرياضه والرجلُ ✿ ، > عالم الرجل - ماركات رجاليةة - ملابس شباب




المواضيع الجديدة في عالم الرجل - ماركات رجاليةة - ملابس شباب


إضافة رد
 
LinkBack أدوات الموضوع انواع عرض الموضوع
قديم منذ /02-06-2013   #56 (permalink)

imported_mafcotrade
عُضوٌ بقَرآطُيسٌهَ

عُضويتيّ 1700
مُشآركاتيَ 0
تـَمَ شٌـكٌريَ 0
شكَرتَ 0
حلاُليٍ 0






imported_mafcotrade غير متواجد حالياً
افتراضي



‏*‏
‏*‏
*****************

دخل الصاله:السلام عليكم

نقزت من مكانها بفرحه وراحت
له..ضمته وسلمت عليه..

سلم ع زوجته وجلس:وين رنا
والعيال

ريم قامت:بروح أناديهم

صعدت فوق ودقت باب غرفة
فيصل وسمعت صوته..

فتحت الباب شافته جالس ع
مكتبه واللابتوب قدامه وبإيده
أوراق:هلا ريم

ريم:أبوي تحت ويبغاكم

قام فيصل وطلع معاها نزل
وهي راحت تنادي عادل اللي
كان متمدد ع سريره بينام..

دخل فيصل الصاله وسلم ع أبوه وجلس..

دخلت بعده ريم معاها عادل
وخلفهم رنا..سلموا وجلسوا..

سولفوا شوي ثم قال أبورعد:بكره معزومين كلنا

أم رعد ماستغربت لأنها كانت تروح معاه لحفلات وعزايم
في قصور رجال الأعمال أصحاب زوجها واللي بينه وبينهم أعمال وتجاره..وبما
أنهاسيدة أعمال كانت تحب تهتم
في عمل زوجها ودعمه..

ريم:وين

أبورعد:في بيت سامي ال....

ريم بدهشه:أبو مــــرام

أبورعد:أيوه إنتي تعرفي بنته

ريم:أيوه

أم رعد:الحفله كبيره

أبورعد:أيوه كبيره...كسبنا صفقات مشتركه بيننا الأسبوع
اللي راح وحب أبومرام نحتفل
في بيته...

أم رعد:رعد عارف

أبو رعد:طبعا عنده خبر هو اللي
كان ماسك الصفقات والحمدلله
ولدي ذيب بيض وجهي قدام الناس

فيصل:أحم..أحم..نحن هنا ياعرب

ضحكت ريم:ههههههههه أنا شامه ريحة غيره

أبورعد أبتسم:بس فيصل لويشيل العناد عنه ويداوم مع
أخوه كان مافيه أحسن منه

فيصل:لايبه الله يطولي في عمرك أخوي ماشاءالله عليه
ماسك المجموعه كلها والحمد
لله ماشيه زي ماتحب وأكثر أنا ليش أرز فيسي عنده وبعدين
يبه أنا أبغى أشتغل في مجال
دراستي هندسه

أبورعد:هذا حلالك ولازم تعرف
كل صغيره وكبيره فيه...وإذا ع مجال دراستك ميخالف إشتغل
في مجال دراستك كل شئ متوفر مالك عذر..

فيصل:إن شاء الله مايصير خاطرك إلا طيب...

***************

كانت متمدده ع سريرها ومغمضه عيونها بهدوء والسكون يعم حولها...
تعودت ع الهدوء والوحده من صغرها لدرجة ماصارت تقدر
تتخيل نفسها عايشه مع أحد
أو عندها أحد طول الوقت..
تحس هالشئ خلق منها إنسانه
غير إجتماعيه..غيرمباليه..متبلده..
وأوقات لا.. تحس هالتبلد واللامبالاه يختفي ويذوووب لما
تشوف موقف حاني أبوي بين
أبوها وإختها..يخلق منها كتله من
الأحزان والآلآم شعورها وإحساسها يختلف ويفيض...
الوحده اللي تعودت عليها تقتلها
تحطمها في ذيك اللحظات..

قطع السكون والهدوء أصوات
مزعجه تنبعث من خارج الغرفه..

نزلت من سريرها وطلت من الشباك للحديقه..

انصدمت لماشافت الحديقه مقلوبه فوق تحت وطالعه روعه

الأنوار في كل مكان والطاولات متوزعه بشكل منسق ومرتب
والورد موزع في كل بقعه..
كل شئ متغير ميه وثمانين درجه..

عرفت وأيقنت إن بكره بيعم القصر الضجه والإزعاج وأصوات
الضيوف ..بيرجع فيه الحياة وبيرجع ألمها وقهرها يكبر داخلها..عرفت بكره تكبر وحدتها..بكره حبسها من كل شئ
كالعاده..

*******************

دخلت البيت ومالقت أحد في الصاله...والTV‏ شغال ..

نادت بصوت عالي:لموووووس..
ياأهل البيــــت

طلعت من غرفتها بفرحه لما
سمعت صوتها:ريــــم

سلمت عليها:ويــــنك

لميس:كنت أصلي..إيش المفاجأه الحلوه

ضحكت ريم وجلست:إشتقت
لك وتسحبت زي الفار وجيتك

لميس ضحكت:إيش تشربي

ريم:إممم أي شئ با ا ا ارد

راحت لميس للمطبخ ولحقتها
ريم..

صبت لهم عصير فراوله في
كاسات...وأخذت صينية فطاير..

وطلعوا في الحديقه وجلسوا ع
الكراسي عند الشلال اللي كله أنوار خافته رومانسيه
وطالع المكان ساحر ...

ريم:إيش راح تلبسي بكره

لميس حطت الكاسه ع الطاوله باستغراب:For what

ريم بتعجب:ليه رعد ماقالك إن
بكره فيه حفله في بيت أبومرام
سامي ال.....

لميس بهمس:لا

إنقهرت ريم من أخوها اللي مهمشها وشكله مايجلس معاها
أبدا ..رق قلبها ع لميس وقالت
بمرح:أووبس شكلي سبقته...

لميس:الحفله كبيره

ريم وهي تشرب:يب

لميس باستغراب:غريبه...إنتو
رحتوا لهم قبل...

ريم:لا أول مره نروح لهم...
ها ماقلتي لي إيش راح تلبسي

لمس:‎ I dont know you surprise me

ريم:حتى مافي وقت نروح للسوق.....إيش هالحفله إلامانعرف عنها إلا بالوقت الضائع

قامت ريم ومسكت إيد لميس
وسحبتها معاها:تعالي نشوف
إيش راح تلبسي عاد إنتي عروس لازم تصيري نجمة الحفله وتغطي ع بنته مرام

ضحكت لميس واختفت ضحكتها لمادخلت ريم غرفة رعد........

*****************

طلع من المجلس.ومعاه جواله
توه مسكر من المستشفى طالبينه بعد مااستأذن من عمه ...

سمع حركه ورفع راسه وانصدم....

دق قلبه بوله وشوق لماشاف
اللي حرمت عيونه النوم...
لماشاف حبه من طفولته وقلبه
طالعه من بوابة المدخل..

ببنطلون جينز أزرق وبلوزه أنيقه
فوشي ...وشعرها الأسود اللامع منسدل ع أكتافها بنعومه
ودلع...

سماعات الآيبود في أذانها ..وتمشي بدلع ع أنغام الموسيقى...ومانتبهت له كعادتها

بس هالمره رفعت عيونها الناعسه لعيونه وتفاجأت لماشافته ...

لفت بسرعه ودخلت داخل بعد
ماأخذت قلبه وعقله معاها..

دخل جواله في جيب ثوبه الأبيض وطلع ..

*************

تأففت بلامبالاة وعدلت السماعات ع أذانها.....

فجأه إنسحبت السماعات عن
أذانها والتفتت شافت فيصل واقف وفي إيده السماعات.....

رنا:خيــــر

فيصل دخل السماعات في جيب
بنطلونه الأسود :إرحمي نفسك
واتقي الله أربع وعشرين ساعه
السماعات في أذانك

رنا:وإنت إيش دخلك... كيفي أنا
حره

فيصل:لا مانتي حره...الظاهر
إنك تبغي خاتمتك ع أغاني...


رنا طنشته وقالت:عطني سماعاتي

فيصل:لا هالمره أخذت السماعات المره الثانيه الآيبود

مشى وطنشها ..إنقهرت منه
مووت ..شافت أمها طالعه من
الصاله:يمه شوفي ولدك
أخذ سماعاتي

أم رعد:ميخالف أخوك يبغى مصلحتك

سمعت ضحكة فيصل وإنقهرت
لفت معصبه وشافته واقف يحكي في الجوال..

سكر الجوال وقال:يمه وين أبوي

أم رعد:في المجلس مع خالــــد ولد عمــــك

رفعت حاجبها رنا ...وسمعت نغمة جوالها اللي حاطتها لبندر
وطلعت جوالها بكريستالاته الفوشيه وإبتسمت بفرحه وصعدت فوق لغرفتها تحاكيه.....

أم رعد عقدت حواجبها بحيره:إلا وين إختك ريم

فيصل بحيره:مادري....(ثم ضحك)...أكيد في بيت رعد عند لميس

أم رعد عصبت ودقت عليها وسمعت صوت جوالها في الصاله يعني ماخذته معاها

**************

سحبتها من إيدهابتطلعها من غرفته:تعالي مولازم
البس أي فستان

ريم:لا لا وشو أي فستان...إنتي عروس ماتلبسي أي فستان

لميس ماقدرت إلا تقولها :طيب
تعالي ملابسي مو هنا

ريم :أجل وين

لميس:في الغرفه الثانيه...

إنصفــــق وجه ريم لمااستوعبت وضعهم...

وطلعت بدون لا تقول شئ
وهي مقهوره منهم وبالأخص رعد ...

لميس ماقالت شئ لأنها لاحظت
صدمة ريم ع وجهها لأنها أكيد
ماتوقعت وضعهم كذا ....

دخلت غرفتها وبدت ريم مهمة
البحث عن فستان يليق بعروس..

طلعت فستان أخضر فاتح ممسوك بكريستالات برتقاليه وموديله فخم وغريب :هذا يجنن
بيطلع عليك

عجبها لميس الفستان وقررت
تلبسه..

طلعوا وجلسوا في الصاله..

ريم:شفتي الدور اللي فوق

لميس:لا مسكر

ريم:أيوه رعد مسكره يقول ماله داعي يفتحه البيت كبير ودور واحد يكفينا يقول إذا صار
عندي عيال فتحته

إختقت إبتسامة لميس لماسمعت حكيها....

:أووووو ريومي عندنا
وأنا أقول البيت منور

قامت ريم وسلمت عليه

رعدإبتسم:اللحين ليه تسلمي
وإنتي شايفتني الظهر

ضحكت:إشتقت لك ...خلاص بسحب سلامي

إبتسم وجلس ناظر في لميس:تعشيتوا

لميس طاح قلبها لأنها ماسوت عشا إنشغلت مع ريم

لميس:لا

رفع حاجبه وعرفت إنه معصب

ريم:شبعانين ...إلاصح رعد ليه
ماجبت خدامه

رعد بخز:وليه أجيب وعندي لميس دامها تعرف تطبخ وتغسل مايحتاج أعتقد إنها متعوده ع الشغل والخدمه...

إنصدمت لميس وكبتت دموعها
عرفت قصده.....

طلعت ريم من عندهم...

ودخلت لميس للمطبخ وطلعت
خضار تقطعها ودموعها متحجره في عيونها...

سمعت صوته واقف ع باب المطبخ:إيش قاعده تسوين

ماردت عليه لأنها لوبترد بتبكي...

لاحظ إرتجاف يدها وحست فيه
خلفها وإيده تاخذ السكين من يدها:أنا متعشي ماله داعي تسوين

فار دمها بقوه بقهر ودمعتها نزلت ع خدها ومسحتها بكل قهروألم..إذا متعشي ليه يخزها
في الحكي عند ريم؟؟ليه يجرحــها؟؟ريم واضح إنها
فهمت قصده لأنها تعودت تسمع
الخز بالحكي عليها من رنا...
ليه لازم تنهــــان؟؟؟

كانت لسى معطيته ظهرها وعيونهاآلمتها من حبسها لدموعها ..وهو لازال واقف خلفها بدون حركه ..تحسه يستمتع لمايجرحها ويهينها..ويشوف دموعها...

تماسكت بقوه ماتبغى تفرحه
في ضعفها....

فتحت المويه وغسلت إيدها
وهي تحس فيه واقف مكانه

إنقهرت وفار دمها وتفجرت دموعها لماشافته واقف و ع وجهه إبتسامة سخريه ونظرة عيونه المستهزأه...

ضربته بكل قوتها ع صدره وهي
خلا ا ا ا ا ا اص ماعاد هي متحمله حياتها....

إنهارت تبكي وهي تضربه ع صدره:ليــــــــه تسوي فيني كذا...ليــــــــه إذبحنــــــــي...إذبحنــــي وريحنــــي من تجريحك...

ضمهــــا لصدره وهي تحاول
تبعد عنه وتضربه وهو ماتحرك
من مكانه ضمها بقوه ...

لميس ببكا لماستسلمت لحضنه:ليــــــــه تعذبنــــي ليــــــــه
مارد عليها وظل ضامها ثم أبعدها عنه وأشر ع صدره:مثل
ماعذبتي هذا

تركها وراح لغرفته...

*****************

أمل منسدحه ع سريرها تفكر
في فيصل..

معقوله يحبني..لا فيصل مستحيل يحبني....

إنقلبت للجهه الثانيه....طيب إيش
معنى تصرفاتها واهدائــــه..

تصرفاته غريبه معاها مرات يحسسها إنه يحبها ومرات لا
يحب يقهرها...

غمضت عيونها وضمت مخدتها
لها وابتسمت لماتذكرت الإهداء
فيصل يحبها مثل ماهي تحبه..

فتحت عيونها ..أحبه..أيوه أحبه

ساره تراقبها:أمول

أمل انتبهت لها:نعم

ساره تعدلت بجلستها ع السرير
:شفيك تبتسمين

أمل:ها...عادي شفيها

ساره بخبث:لاموعادي...يالله
قولي إيش قصة الإهداء ها..

أمل انهبلت:ا...أي إهداء

ساره ضحكت:هههههههه لا
تحاولين تسوي نفسك ماتعرفين
لأنك واضحه وفصول واضح

أمل:فيصل

ساره:هههههه أيوه فيصل حبيب
القلب

أمل تفاجأت وسكتت ماتدري
إيش تقول ووجهها قلب أحمر

ساره تستهبل:حرام عليك حسي
فيه وفكري فيه تراكي حلمه

أمل انحرجت وأخذت المخده
ورمتها ع ساره:بايخــــــــه

ساره مسكت المخده قبل
تضرب في وجهها وهي تضحك

أمل غطت نفسها باللحاف كلها
وقالت:تصبحي ع خير

ساره:هههههههه وإنتي من أهله
ياجولييت

وقامت تسكر النور..

أمل وجهها محترق إحراج..معقوله أنا واضحه بس أنا عمري ماوضحت أني أحبه بالعكس أنا وفيصل دايما نتهاوش سبحان الله ساره دايما
فاهمتني....

*****************

صحت الصباح ع نغمة جوالها
وردت وهي يالله تفتح عيونها
:هلا ريم

ريم بشهقه:للحيــــن نايمــــه

لميس بنعاس:أيوه

ريم :اصحــــي يالله مافي وقت
الساعه ثلاث اللحين..

انصدمت وناظرت الساعه قامت
بسرعه وهي خايفه نامت كل
هالوقت ياويلها من رعد ...أوووو
وووو ماصلت الظهر ياربــــي

سكرت من ريم بسرعه ودخلت
الحمام ...غسلت وجهها وتوضت
وطلعت وهي تستغفر لأنها أخرت الصلاة وضاق صدرها..

صلت وطلعت من غرفتها شافت
غرفة رعد مفتوحه وشكله مو
موجود ..

تفاجأت فيه جالس في الصاله
لابس بنطلون جينز أبيض وتي شيرت أسود وقدامه اللاب يشتغل فيه وجنبه
ملفات...

رفع راسه وناظرها رفع حاجبه:صح النوم

مشت للمطبخ وقلبها يرقع خافت
يكون هذا هدوء ماقبل العاصفه

سوت لها كوب نسكافيه وناظرت
فيه مستغربه من هدوءه ..
طنشته ودخلت غرفتها ..

*******************

قامت بطفش:يعني لازم نروح

أم خالد:أيوه لازم..أبوك مارح
يرد عمك

تأففت بضيق:والله مالي خلق

دخل لابس بنطلون أسود وتي شيرت بحري وفي إيده كيس:شفيها السندريلا أمل ماتبغى تحضر حفلة الأمير تشارلي
وإلا مالقت لها فستان...

أمل رفعت حاجبها:أيوه خفف دمك وإنت بس ماعليك إلاتلبس
الثوب وتمشي..لاوراك فستان ولا شعر ولامكياج...

ضحك:خلاص بس هذا اللي شايله همه جيبي عدتك وأنا أحط لك مكياج وازين شعرك

أمل:لاوالله بايعه عمري أنا
والله ماني ناقصه بعد تدخل الكحل
في عيني زي الخبله ساره مادري وش اللي خلاها تخليك
تحط لها

رفع حاجبه بضحكه: بلاها مطفوقه

أم خالد:رائد جبت اللي وصيتك عليه

رائد:آفا آفا بس..الغاليه توصيني
ع شئ ولا أجيبه طبعا جبته

عطاها الكيس وأمل قالت:إيش
فيه الكيس

رائد جلس جنب أمه وضمها:يمه لاتقولين لها أسرار بين الأم وولدها

أمل:إمحق أسرار

حرك حواجبه بغيضها وهمس
في إذن أمه بحكي وأمه تضحك
ع هبال ولدها..

قامت أمل:الحمدلله والشكر

طلعت من الصاله ودخل خالد
:السلام عليكم

:وعليكم السلام

باس راس أمه وجلس بتعب

أم خالد بحنان:شفيك يمه..تعبان
تبغى أحط لك غداك

خالد نزل شماغه :لايمه أكلت
في المستشفى ..

رائد:اليوم شكلك تافل العافيه

خالد:مرره ..اليوم عندي عمليتين
وكلها إستغرقت وقت طويل
هذا غير الحالات الثانيه

أم خالد:يعطيك ألف عافيه يمه

خالد:الله يعافيك

رائد:بترجع للمستشفى بعد

خالد قام:أكيد بروح أنام شوي
وصحوني الساعه ثمان

رائد:مارح تحضر العزيمه اليوم

خالد:إلا إن شاء الله بحضر

إستأذن منهم وطلع لغرفته ..

تمدد ع سريره وغمض عيونه
جت في باله حبيبته وأخذ المخده
وحطها ع راسه مايبغى يفكر
هلكان ويبغى ينام ...

****************

لبست فستانها بعد ماطلعت من
عندها الكوفيره وخلصت مكياجها وشعرها...

كانت حاطه لها ميك أب ناعم
وشعرها مخليته مفكوك ويفي
وماسكه خصل منه ع جنب
بكريستال برتقالي ع أخضر..

تعطرت ولبست صندلها العالي
وتذكرت طقمها الألماس الناعم

وطلعته من علبته ...

هاجمتها ريحة عطره ورفعت عيونها شافت صورته المنعكسه
ع المرايه واقف ع باب الغرفه لابس ثوب أبيض وغتره بيضاء
كان كشششخه بساعته جفنشي السودا وجزمه السود

ناظرها بتأمل:خلصتي

نزلت عيونها لماأربكتها عيونه
وهي تحاول تسكر العقد ماتدري شفيها ماقدرت تسكره

حست فيه واقف خلفها وإيديه
تبعد إيديها يسكر لها العقد...

حبست أنفاسها لمامرت أصابعه
ع رقبتها وخصل شعرها...

رفعت عيونها وتجمدت كل خليه
فيها وقلبها دقاته تحس إنه يسمعها من قوتها لماشافت
نظرة عيونه اللي قلبتها ....

حط إيديه ع أكتافها ولفها ناحيته

توسعت عيونها بصدمه لما
باس جبينها وظل للحظات...
وهي ماقدرت تتحرك أو تبعده
تحس بحراره أنفاسه اللي حرقتها..

أبعد عنها وكأنه ندم مافهمت عليه ولا ع نظرته..

مشى بيطلع من الغرفه وهو
يقول ببحه:أنتظرك في السياره

حطت إيدها ع وجهها وغمضت
عيونها وهي تحس بحرارة
وجهها..تنهدت بضيق..

ليــــه ترتبك وينقلب حالها لما
يقرب منها...
ليــــه تتجمد وماتقدر تتحرك
لمايحط عيونه في عيونها وآآآآآه
من عيونــــه..

لبست عباتها وطلعت ...

فتح لها السواق الباب وركبت
جنبه وهي ساكته..حتى هو
جالس في صمت...

*****************

ناظرت في شكلها تتأكد من إنها
Perfect ..

كانت لابسه فستان أحمر بذهبي
قصير مرره روعه وحاطه ميك
أب نعوم وشعرها فاكته بحيويه
ع أكتافها بشكل ملفت ...

إبتسمت برضا وطلعت من غرفتها

فتحت باب غرفة إختها بقوه وشافتها جالسه ع سريرها بصمت..

ناظرتها باحتقار ورفعت أنفها
بغرور وتكبروقالت:أعتقد إنك عارفه إن اليوم حفله في بيتــــي فمايحتاج أقولك ماأشوف
رقعة وجهك القبيح هذا فيها
أوحتى أسمع لك نفس سامعه
وإلا حسابك معاي بيكون عسير

مشت بغرور ودلع وقالت:لأن
مايشرف سامي ال.... يكون
عنده بنت مثلك..سامي ال..
ماعنده بنت غيري أنا..أنا اللي
أشرفه أنا وبس...

طلعت من الغرفه وسكرت الباب...

عيونها ظلت تناظرفي الفراغ
نزلت عيونها وضمت إيديها ...
نزلت دموعها بدون لاتلامس خدها....

**************


نزلت تحت وهي تبتسم بانتصار

شافت زياد وريان واقفين ع
باب المدخل يحكوا مع أبوها...

إنجنت ع أشكالهم كانوا مرره
وسامه وكشخه....

ناظرت في زياد اللي كان متعمد
مايناظر فيها بعكس ريان اللي
بياكلها بنظراته....

وقفت عند أبوها اللي لماشافها
ضمها له:ياهلا والله بحبيبة أبوها

إبتسمت بدلع:هلافيك يالغالي ....

زياد عاقد حاجبه بقهر من عمه
اللي ماكأن عنده بنت غيرها
هي الكل بالكل عنده لوتطلب
القمرجابه لها...والمسكينه اللي
فوق مومعترف حتى بوجودها

مرام طرطعت من القهر لماشافته يناظر في الدرج وعرفت إن عقله مع تولين

قالت بصوت كله غنج ودلع:زيــــاد

ناظرفيها:نعم

دلال بنفس الغنج وهي تلعب بخصل شعرها: مارح تروح للمستشفى اليوم صح

ناظرفيها رافع حاجبه:أيوه ليه

ناظرت ريان بنفس الخبث والوضع:لأن بابا بيكون لوحده مع ريان حرام تعب ع ريان فلازم تصير معاه وبعدين هذي
حفله ضروري تحضرها..

ريان خق عندها بعكس زياد
اللي وده يخنقها عارف حركاتها
الخبيثه...

أبومرام حط إيده ع كتف مرام:
طبعا حبيبتي ماراح يداوم لأنهم
مثل عيالي ولازم يوقفون معاي

زياد موقادر يتحمل خاله وبنته
اللحين إعترف ببنتك اللي راميها
بدون ماتسأل عنها بعدين إعتبرنا
مثل عيالك..

أستأذن وطلع وطلع خلفه أبومرام ....وطبعا فضى الجو لمرام وريان...

قرب منها ولف إيده ع خصرها
:إيش هالحلا والجمال هذا كله
ياقلبي..

بعدت عنه وهي تقول بدلع:ريــــان مو وقته تبغى أبوي
يشوفنا...

ريان:آآآآخ بس والله إشتقت لك
متى بس نجتمع في بيت واحد

باست خده بسرعه وهي تقول:
لسى بدري حبيبي...

مشت بسرعه وتركته ...

ناظرت في شكلها في المرايه
وقالت:لسى بدري ع الحكي
أنا مصره أجيب راس زياد وبجيبه هو اللي أبغاه وبجيبه مثل ماجبتك...

*****************

في الحفلــــه:

لميس جالسه مع بنات عمها
وتفكيرها كله عند رعد....
نفضت أفكارها...مايستاهل أفكر فيه....

التفتت تناظرالناس ووقفت نظراتها ع مرام وظلت تناظرفيها

هالبنت هذي أبدا مارتحت لها

:إيش عندك تبحلقي فيها لايكون
بتخطبيها لأحد

التفتت لأمل وقالت:ومين أخطب له

أمل لاحظت الحزن كسى وجهها
وقالت بسرعه وهي تسحبها
معاها:تعالي نرقص

ريم شافت أمل ماسكه يد لميس وترقص معاها وإنقهرت:
الخــــونه مانادوني معاهم

ساره ضحكت:روحي لازم
يعني دعوه

أمل:تقومي معاي

ساره:لا مالي خلق أبي أجلس

ريم حركت حواجبها:أجل إنتي
ناويه تعنسي قومي وترززي
علشان تخطبك وحده من هالعجز لولدها

ساره:لا ا ا ا اوالله ليــــه جالسه
فوق راسك

ضحكت ريم:أيوه أبغى أتطمن
عليك

ساره:تطمني ع نفسك قبل وبعدين فكري فينا

ضحكت ريم:لاتخافين متطمنه

ساره رفعت حاجبها بشك:بنــــت

ضحكت ريم:إلا صدق ليه جايبين عجز في الحفله

ساره:وإنتي وش عليك قومي
طلعيهم أحسن

ريم:يمــــه منك ماحد يقولك
شئ أروح أتمشى أحسن

قامت وساره ضحكت عليها...

****************

عند الشباب...

جلس رائد جنب فيصل وبسام

وقال فيصل:أشوفك رجعت مو
كأنك قبل شوي تقول مابيكم

رائد كشر:من زين سوالف خالد
وزياد أجلس معاهم كل حكيهم
عن العمليات والأمراض والله
أحس بغثيان منهم مادري كيف يتحملوا هالمناظر...

بسام ضحك:والله عاد هذي
مهنتهم ومتعودين عليها...
ومادخلوها إلا قلوبهم قويه..

رائد ناظره من طرف عينه:وش
قصدك يعني وش قصدك..أنا قلبي ضعيف وخواف..

بسام ضحك:إذا بس سمعتهم
يحكوا حسيت بغثيان أجل لو
إنت مثلهم تشوف وش بتسوي

رائدبهبال:أغمــــض

:هههههههههههه

رائد إتكى ع المركى وإيده ع دقنه:إلا الأخ عبدالله شعنده لاصق في الأخ ريان ماشاءالله
من متى المعرفه..

فيصل:صاحبــــه

رائد رفع حاجبه:من متى ماشاءالله أمداه يصاحبه

فيصل:عاد روح إسأله

رائد:قوموا قوموا خلونا نطلع
صكني راسي من إزعاجهم

بسام:مين

رائد:مشافيح السوق

بسام ضحك لماعرف قصده..
رجال الأعمال..

قاموا وطلعوا برى...

****************

ماقدرت تقاوم فضولها ورغبتها
وقامت للشباك.....

أبعدت الستاره وطلت..
وكان شباك غرفتها ع الحديقه الرئيسيه اللي قريبه للرجال وبعيده عن حديقة الحريم...

دورت بعيونها ع زياد مالقته
موجود. أكيد داخل...

كان يضحك ورفع راسه فجأه
وشافها ...

تولين لماانتبهت له يناظرها وعاقد حواجبه أبعدت بسرعه عن الشباك...

جلست ع السرير وقلبها يدق بقوه خافت مرره ..

وبنفس الوقت ودها تعرف من
يكون ..

**************

كانت تتمشى وتتفرج ع الناس

شافت مرام جالسه مع رنا
وتسولف معاها بكل غرور
كانت جالسه في مكان بارز
وكأنها نجمة الحفله....

كشرت من غرورها وكملت
طريقها...

لفت إنتباهها الخدامه تمشي
معاها صينيه فيها أكل..

ذبحها الفضول لأن الصينيه
اللي معاها تختلف عن صنايا
التقديم وفيها أكل يعني مو شي
يقدم...

راحت لها ووقفتها:execus me

:أيوه

حلو تحكي عربي أشوه :أ...كيف
حالك

:كويس

ريم:هذا أكل حق مين

:هادا هق تولين.....

قطعت حكيها لماشافت خدامه
ثانيه تخزها بنظراتها بتوعد وتحذير..

جت الخدامه الثانيه:سووري
روهي يالله

راحت الخدامه اللي معاها الصينيه وقالت الثانيه:يبغى شئ
مدام

ريم انقهرت..مدام في عينك إنتي وهالخشه:لا

مشت مقهوره ووقفت فجأه....

مين تكون تولين هذي وليه
ماجت هنا...

حطت إيدها ع فمها تكتم شهقتها ونظراتها ع مرام....
معقــــــــولــــه...

*****************

صحى من النوم وراسه مصدع
أخذ له شور ينشطه...

ولبس بنطلون أسود وتي شيرت
كت أبيض فيه صورة سفينه
مشط شعره المبلول ع ورى

ونزل تحت شاف أمه جالسه
تتقهوى مع إخته ..

جلس معاهم وصبت له أمه
قهوه...

منى:صح النوم مارح تداوم
اليوم...

راكان:لا ماخذ إجازه

منى:ليه سلامات

راكان:برتاح لي شوي الأيام
اللي فاتت مضغوطين مرره
بالشغل...

رفع راسه وناظرأمه:يمه
بسافر بكره مع الشباب..

أم راكان:وين

راكان:بنروح لدبي وبنجلس
كم يوم ونرجع يعني مارح أطول

أم راكان وشكلها ماتقبلت السالفه:اللي يريحك يمه..

سولفوا شوي وقالت منى:يمه
دريتي ماجد ولد عمي
خطب دلال بنت محمدال....

أم راكان بفرحه:ماشاءالله وإنتي مين
قالك

منى ناظرت في أخوها اللي
يناظر في جواله:سميه قالت لي
أمس..أول ماعرفت علطول خبرتني بس لسى ماقالوا لأحد

حست فيه صارمو ع بعضه لما
سمعت إسمها...

أم راكان:الله يوفقه إن شاءالله

منى :آمين عقبال ماتفرحي
إنتي في راكان

رفع راسه وناظرها بقوه...

أم راكان:آمين ياربي أفرح فيكم
كلكم....

منى ماهمها راكان وأصلا
قاصده قالت:وفيه ناس متكلمين
ع سميه بنت عمي وشكلهم
بيخطبوها..

وكأن عقرب لسعته ناظر في
إخته نظرات أرعبتها وعروق وجهه إنشدت والجوال تحس إنه
بيتهشم في إيده من قوة ضغطه
عليه..ولا فاتتها نظرة الصدمه
والألم...

قام ورمى الفنجان ع الصينيه
وطلع ...

ركب سيارته وضرب في الباب
بكل قوته..

حط إيديه ع راسه وسنده ع
الدركسون..

وطلعت منه آآآهه من قلبه...

مستحيل سميه تصير لغيري
مستحيل...معقوله توافق إذا
إنخطبت لغيري ...معقوله..

وليش ما توافق وأنا اللي تركتها
آآآآآآآآآه ياربي آآآآآآآه...
دمعت عيونه يحس نفسه
بيبكي ...ليــــه يصير فيه كذا
ليــــه...إستغفرالله....ياليــــته ماكتشف
حقيقته وظل ع عماه ياليته
ولا خسرها....غصب عنه خسرها مايبي يظلمها معاه
مايبي يظلمها مع واحد ..

لا أصــــــــل ولا فصــــل

مايدري من يكون أومن أبوه
آآآآآه ياربي ....أحبــــها أحبــــها
وماني قادر أنساها ولاني قادر
أقرب لها....

***********

:كللللوش
ألــــف ألــــف مبروووك
ياأخوي

ماجد ضحك بفرحه:الله يبارك
فيك يارب

شهد:اللحين إنتي ليه فرحانه
وش به...

سديم:خالك ماجد بيتزوج

طيرت عيونها فيه:بتا ا ا ا ا اخذ
أم عصاقيل الفاصخه..

سديم إنقلب لونها وخافت
لماعرفت إنها تقصد دلال..
وقالت بتسكتها لماشافت ماجد
عاقد حاجبه مستغربه وبحيره

سديم:بياخذ داليا اللي إختها دانه

شهد:إيــــه أشوه علبالي ذيك
أم عصاقيل المايعه وووع
والله لو تصير زوجتك لا أمصع
عصاقيلها....

سديم إنقهرت من لسان شهد
:إنقلعي روحي العبي هناك

شهد بحقران:كيــــفي وش دخلتس

ماجد ناظر في سديم ومي:إيش
تقول هذي مين تقصد

سديم:ماعليك منها هذي ثرثاره
أهم شئ خلنا فيك ياعريس..

إبتسم:خير

سديم:متى الملكه..

ماجد:لسى ماحددنا..بس
إن شاءالله قريب
في خلال الأسابيع الجايه

سديم:إخس حار يافول ماعندك
وقت....بعدين ليه إخترت داليا
بالذات ها ...

ماجد إبتسم:ليه ماتبغينها وإلا
موعاجبتك

سديم:بلى والله فرحت لما
عرفت إنك بتاخذ داليا ياحبيلها
بس ليه هي بالذات ماخليت
أمي تختار لك..لايكون شايفها

ماجد:ياكثر أسألتك ياسدوم
أنا عندي موعد اللحين مع السلامه

راح وتركها

سديم:مجــــو و و و و و ود
لا ا ا ا ا تتهــــرب...

**********








  رد مع اقتباس
قديم منذ /02-10-2013   #57 (permalink)

imported_mafcotrade
عُضوٌ بقَرآطُيسٌهَ

عُضويتيّ 1700
مُشآركاتيَ 0
تـَمَ شٌـكٌريَ 0
شكَرتَ 0
حلاُليٍ 0






imported_mafcotrade غير متواجد حالياً
افتراضي


*‏
‏*‏
‏*‏
‏*‏
‏*‏
‏*‏
‏*‏
‏*‏
‏*‏
‏*‏
**********

دخل للصاله وشاف ريم جالسه
وشكلها سرحانه....

إبتسم بخبث وراح من خلفها:
بــــــــــــو و و و و و و و و

شهقت بروعه ولفت وشافته
واقف وميت ضحك ع شكلها

رمت عليه الخداده بعصبيه:
فصــــــــو و و ول و و و وجــــع

جلس جنبها يضحك:والله شكلك
مضحك

ضربته من كتفه:حرام عليك
والله خرعتني أففف

فيصل بابتسامه:إيش فيك سرحانه وفي عالم آخر

سكتت ريم لماتذكرت اللي
تفكر فيه....

فيصل:ريم

ريم ناظرته:تصدق أمس صار
شئ غريب في الحفله...

فيصل عقد حواجبه:وشو

دخل عادل الصاله:أوهايــــوا

جلس عندهم:إيش عندكم

فيصل:مادري عن إختك

ريم:والله جد

عادل:شفيكم

ريم قالت لهم اللي صار معاها

عادل عقد حاجبه:متأكده

ريم :والله

فيصل يفكر:أنا لمحت وحده
تطل من شباك غرفه ..

ريم شهقت:صدق..

فيصل:أيوه بس ماشفتها زين
بس لمحتها..

ريم:معقوله يكون اللي قالوه
صحيح

عادل:مين وإيش قالوا

ريم:سمعت إن أبومرام عنده
بنت ثانيه كان متزوج بالسر

فيصل:مين قالك

عادل:وبعدين لو كان عنده
بنت كان عرفنا أكيد إشاعات

ريم:ياسلام والبنت اللي شافها
فيصل وتقول عنها الخدامه

فيصل يفكر:أحس في الموضوع شئ بس إيش مادري

*************

دخلت الغرفه وعليها عباتها:كللللللللللللللللللللوش ألــــف ألــــف مبرو و و و وك

ضمتها:الله يبارك فيــــك...

حست فيها تبكي وبعدتها عنها:بنــــت إيش فيك

مسحت دموعها بكف يدها:والله
مانــــي مصدقه للحين

بكت وضمتها ..مسحت ع ظهرها
:داليــــا خلاص .. قولي الحمد
الله..

بعدتها عنها وضربت كتفها:والله
وتحقق حلمــــك يابنت..بتاخذي
حبيب الألب..

ضحكت داليا:والله ياأمل كنت
خايفه يكون عبدالإله اللي
خطبني لماقالت لي أمي..
كنت خايفه يكون ماجد مافكر
فيني..

ضحكت أمل:هههههه لا الحمد
لله جاك ع حصانه الأبيض يخطبك...المفروض روحي
تبوسي المطبخ اللي جمعك
فيه بعد الله...

ضحكت داليا:ههههههه تصدقين
إني كنت كارهته لأن تصير لي
مواقف بايخه مع ماجد..وصرت
ماحب أدخله...

أمل بأسف:لا لا لا حرام عليك
تكسرين في خاطره ...ترى
ماأرضى عليه...

داليا:ههههههههههههههههه

*****************

ريم:والله كان ودي أروح أبارك لها اليوم..

لميس:كلمتيها

ريم:يب كلمتها وباركت لها بس
لازم أبارك لها face to face

لميس:متى بيملكــوا

ريم:مادري ...المهم جهزتي
للجامعه..

لميس:لا إنتي متى بتروحي للسوق

ريم:إممم شرايك نروح بكره

لميس:مادري عن رعد إذا بيوافق أو لا

ريم:لا إن شاءالله بيرضى

قامت لميس:يالله باي بروح للبيت

ريم ناظرت الساعه:تونا بدري

لميس:لا يالله يمدي أسوي
العشى قبل يجي..

ريم:إيش بتسوين

لميس أحتارت:مادري أي شئ

ريم:أقولك سوي كبسه

لميس:كبسه بس أخاف مايحبها

ريم:لا لاتخافين الشباب السعودي يقدسون شئ إسمه
كبسه..بس إنتي تعرفين

لميس:يب أكيد أعرف

ريم:أوك خلاص سويها...تبين
أجي أساعدك

لميس:لاشكرا ....أخاف خالتي
تزعل ...يالله باي


ريم ماعارضت وهي ودها رعد
يجيب للميس خدامه تريحها..

طلعت وراحت بيتها بدلت لبسها
ولبست برمودا بيج وبلوزه ورديه
كت...لمت شعرها ذيل حصان...

دخلت للمطبخ وبدت تجهز اللي
تحتاجه...

****************

سكرت أم خالدالسماعه...
وقال رائد:يمه مين اللي تباركي
لها

أم خالد:عمتك أم ماجد تبشرنا
إن ماجد خطب داليا بنت أبومحمد

رائد:ماشاءالله الله يوفقه...

دخل خالد وسمع آخر حكيه:مين اللي تدعيله

رائد:ماجد ولد عمتي خطب

خالد:ماشاءالله ..بس أنا أراويه
يخطب ولا يعلمني

أم خالد:عقبال ماأفرح فيك
إن شاءالله..

خالد إبتسم:آمين

رائد رفع حاجبه:إحم إحم تراي
ولدك مو ولد البطه السودا

ضحكت أم ماجد:كلكم إن شاء
الله أفرح فيكم

رائد:إيييييه إنطر ياحمار لين
يجيك الربيع..هذا إذا تزوج ولدك
العانس

خالد رفع حاجبه:خير إيش هذي
عانس شايفني بنت

رائد:أول شئ عانس تتطلق
ع الولد والبنت ثانيا بصراحه
تنطبق عليك شوف كم عمرك
ولين اللحين مانتا راضي تعتق نفسك وتعتقنا لوجه الله

ضحك خالد:أول شئ أنا ماني كبير مره توني شباب مادخلت الثلاثين..ثانيا
إيه بين ع حقيقتك
تبغاني أتزوج علشان يفضى لك
الجو وتتزوج

رائد:أيوووه هذاك فهمتها

أم خالد ضحكت ع عيالها وناظرت خالد:هايمه ماتبي تفرحنا وتتزوج

قام خالد بابتسامه وباس راس أمه:قريب يمه قريب إن شاءالله

وطلع من الصاله....

****************

دخل للبيت بجيب بعض الأوراق
ياخذها لأبوه وانتبه للميس في
المطبخ معطيته ظهرها...
واستغرب لبسها هي متعمده
تلبس عنده جلابيات ولبس ساتر
واللحين شكلها خطيــــر بالبرمودا الضيقه وبلوزتها الماسكه ع جسمها ومحليته
أكثر....

إنتبهت عليه لميس وشافته واقف
ويناظرها أول ماشاف إنها أنتبهت له راح لمكتبه ..

أما لميس ناظرت الساعه...
غريبه جاي بدري حتى مارمى
السلام علطول لغرفته...

تذكرت لبسها وناظرته طنشت
ورجعت تكمل شغلها لأنها عارفه إنه بيطلع لأن هذا الوقت
في شركة عمها....

طلع من مكتبه معاه ملفات
ووقف للحظه ثم طلع جواله
ودق ع رقم:هلا عيسى تعال لي ع البيت...

في المطبخ

سمعت لميس صوت الباب وعرفت إنه طلع....

بعد دقايق ..

تفاجأت فيه يدخل للمطبخ
ولابس بنطلون جينز أزرق غامق
وقميص أبيض مفتوحه أزاريره
اللي عند صدره....

وتفاجأت أكثر لماجلس ع الطاوله ...

ناظرت فيه مستغربه:تبي شي

ناظرها من فوق لتحت:لازم
يعني أبي شئ إذا جلست عندك
في المطبخ

عطته ظهرها وقلبها يرقع سبت
نفسها لماماغيرت لبسها....

سمعت صوته:إيش قاعده تسوين...

حست فيه نزل من ع الطاوله
وقرب عندها ووقف جنبها..

بعدت عنه لماحست بريحة عطره بتخنقها من قوتها وشكله
جذبها ..

رفع حاجبه وناظرها:كبسه

ناظرته باستفهام:ماتحبها

ناظر في عيونها وهمس:بلى أحبها

بعدت عيونها عنه وقلبها بيطلع من مكانه ماتدري ليه حسته
مايقصد الكبسه من عيونه...

نفضت أفكارها ع صوته وهو
يتسند ع الطاوله قبالها:تعرفين
تسويها وإلا تجربين

رفعت حاجبها:طبعا أعرف

رعد:أساعدك

تفاجأت وناظرته باحتقار:ماأعتقد إنك تسوي شغل الخدم

رفع حاجبه من ردها ورجع جلس ع الطاوله:كيفك حبيت أعرض خدماتي

رجعت تكمل شغلها:لاشكرا

ماقدرت تشتغل وعيونه تراقبها
وتراقب كل تحركاتها ...
تمنت يطلع يشغل نفسه بأي
شي ويفكها من التوتر اللي عايشته.....

ماقدرت تتحمل ولفت له:رعد

ناظرها وع وجهه إبتسامه:هلا

إرتبكت زياده وقالت:ماعندك
شغل تسويه

رعد:ليه؟؟ مضايقك وجودي وبعدين أنا عرضت عليك خدماتي ومارضيتي

كلك ع بعضك مضايقني قالت بتفك نفسها:تعرف تسوي عصير

ناظرها باستغراب:وفيه أحد مايعرف

لميس فرحت ع الأقل لقت شئ يشغله عنها:خلاص صلحه إذا
للحين حاب تعرض خدماتك

ناظرها بنفس نظرتها:بس ع
ما أعتقد إنك رفضتيها...

سكتت وعطته ظهرها تكمل
شغلها:أجل إطلع برى المطبخ
لأني ماني عارفه أشتغل وفي
أحد يراقبني...

إبتسم داخله كان عارف إن نظراته مضايقتها من حركاتها
بس عاند وجلس ...

إنقهرت مرره وحاولت تستعجل
بسرعه....

سمعت صوت جواله وطلع يحكي برى ..

تنهدت بقوه...أخيــــرا..اففففف

***********

:متــــى يعنــــي تراني تعبت
من الإنتظار

رنا خافت بندر يمل منها فقالت
بسرعه:خلاص بشوف أقرب
يوم أكون فاضيه فيه وأقولك

بندر:متى يعني

رنا:مادري للحين لأني بصير
مشغوله الأيام هذي بالتجهيز
للجامعه..ماعاد بقى ع الدراسه
إلا أسبوع وبعدها نطلع للمكان
اللي تحب خلاص حبيبي

بندر إبتسم بخبث:أي مكان ..أوك
بنتظر علشان مع إني ميت من
الشوق علشان أشوفك ياقلبي..
من شفتك وأنتي موراضيه
تفارقي خيالي..

ضحكت براحه :أوك إتفقنا حبيبي

سكر منها وناظر صاحبه وع
وجهه إبتسامة خبث ونصر:
موعد الإنتقام قرب ..

ضحك صاحبه:والمكان موجود

بندر:حلو...أهم شئ الضربه
تصير قويه وأنزل راسهم للتراب
آآآخ بس لو يصير كل شئ زي
ماأبي أعطيك اللي تبيه

صاحبه:بس مانت خايف من رعد بعد اللي تسويــه...

بندر:طبعا لا ..مايهمني دامي
أشوف وجيهم مغموره بالتراب
أحلى يوم في حياتي...

صاحبه:شخبار أبوك

بندر:بخير للحين في استراليا

صاحبه:بيرجع هنا

بندر:ماعتقد أبدا بعد اللي سواه
مشاري وعياله ماعتقد يقدر
يحط رجله ع السعوديه..بس هيين إما وريتهم إن محمد جاب اللي ياخذ حقه ماكون بندر

**************

جلسوا يتعشوا في الحديقه
ساكتين.....

لميس:رعد

ناظرها:هلا

لميس شافت شكله وتصرفاته
اليوم وحست إنه رايق فشافتها
فرصه وقالت:بكره ريم بتروح
للسوق وأبي أروح معاها نجهز
للجامعه...

ظل ساكت ثم قال:متى..

لميس:ع المغرب

رعد:أوك أنا اللي باخذكم..

سكتت ولاقالت شئ تحسه يتعمد هو اللي ياخذها لكل شئ علشان يصير مراقب عليها
كرهت الطلعه بس علشان ريم
ماحبت تكنسل..

إنسدت نفسها وقامت ..

رعد:ع وين

لميس وهي ماشيه: شبعت

دخلت داخل وسمعت صوت
التلفون راحت له وردت:هالو

سمعت نفس الصوت الرجالي:
هلا والله حبيبتي

لميس خافت:مين معي

:أفا يالموس قلبي ماعرفتي
روحك

أظلم وجهها بخوف لماسمعت
إسمها وسكرت السماعه بخوف
وانتبهت لرعد..
وانقلب لونها...

ناظرها رعد بشك:مين تحاكين

ناظرت في بخوف وقالت:ما...حد

خافت من نظرته لأن حس إنها
مو ع بعضها لماشافته وزاد شكه والشك لعب براسه قرب منها وصرخ فيها وهو ماسك ذراعها بقوه:إحكــــي

إرتجفت من صراخه وقالت و
دموعها تهدد بالنزول ومقهوره من شكه:قلت لك
ماكنت أحاكي أحد...

دخلت غرفتها وسكرت الباب
بقوه وقفلته وبكت خوفها من
اللي يعرف إسمها وكل يوم يدق على التلفون ويعيد نفس الحكي ..وخوفها من رعد وقهرها من شكوكه فيها...

*********

:ماقدر أخطبها اللحين وإختها
اللي أكبر منها ماتزوجت أصلا
ماراح يرضوا

عبدالله:طيب حاكي خالتي وقولي لها إني أبيها علشان مايعطوها أحد غيري...

دلال باحتقار:الله وعاد اللي
الخطاب طابور عند باب بيتهم
يبونها...وبعدين هذا إذا وافقوا
ع واحد مايرجع إلا آخر الليل من
سهرته وهو.....

عبدالله قاطعها:دلا ا ا ا ا ال

سكتت وقامت مقهوره وطلعت

عبدالله:ها يمــــه إيش قلتي

أم عبدالله:خلاص بحاكيها إن شاءالله...

عبدالله إبتسم بفرحه لأنه بيضمن إنها له....

***********

جالسه بغرفتها كالعاده...

سمعت صوت دق ع باب غرفتها

وقامت قربت من الباب:مين

سمعت صوت الخدامه وفتحته:نعم

خبرتها إن زياد يبغاها تحت..

إستغربت وطلعت معاها..

شافته جالس ولماشافها وقف:هلا تولين

تولين:تقول الخدامه إنك تبغاني

زياد:أيوه تعالي إجلسي

كانت خايفه ومتردده قرب منها ومسك يدها وجلسها قريب منه

زياد:كيفك اليوم

تولين:عادي زي كل يوم...

ناظرها بحنان وفتح فمه بيتكلم
قطع حكيه صوت خاله..

:توليــــــــن

‏*‏*************

ريم:كيــــف

لميس:مارضى

ريم:أيوه بس كيف تجهزي للجامعه..

لميس:عادي عندي اللي يكفيني

ريم انقهرت من أخوها وماحبت تزيد عليها وغيرت السالفه...

شافوا رنا دخلت للبيت معاها أكياس توها جايه من السوق
ومعاها علبه كبيره حمرا وع
وجهها إبتسامه ....

أول ماشافت لميس كشرت وتأففت وصعدت فوق ...

ماعلقوا ع تصرفها لأنهم تعودوا.....

‏*‏*************

مسكها من يدها وطاح فيها ضرب قوي وسب وهو يصارخ عليها:أيــــا ال###### ‏....‎ ‎ ‎

حاول زياد يفكها من يدين أبوها
اللي حسه بيذبحها وسحب خاله
عنها:إتركها ياخال أرجوك..البنت
بتموت بين إيديك...

أبومرام تفل عليها ورفسها:خلها
تموت ال#### ولاتسود وجهي
قدام الناس ال#### أنا الغلطان اللي ماذبحتها من هي
صغيره وافتكيت من سوادها..

حاول زياد يهدي خاله ويبعده عن تولين اللي أغمى عليها من قوة ضربه بمقارنة جسمها الصغير والضعيف واللي ماتحمل قوة ضربه...

أبومرام نادى الخدم بصراخ
وجو يركضوا خوفا من صوته

وأشر ع تولين:ال#### هذي
ماأبــــي أشوفها طالعه من غرفتها وإلا معتبه بابه وإلا والله
لا تشوفوا شئ عمركم ماشفتوه خذوها عن وجهي واحبسوها في غرفتها وأبغى مفتاحها عندي اللحين

إنصدم زياد..وشالوها الخدم
لفوق ...

زياد:ليه خال إيش سوت تولين
علشان تسوي فيها كذا...

أبومرام صرخ عليه:إنت جــــب
ولا كلمــــه أنا ماقلت مابي أشوفك عندها إنت ماتفهم

جت الخدامه تركض وعطتها
المفتاح وأخذه وطلع..

زياد شاف مرام واقفه وتناظره
و ع وجهها إبتسامة خبث ونصر
والفرحه في عيونها..

ناظرها بقهر:أيش سويتي يالخبيثه إيش قلتي له وافتريتي
ع هالمسكينه وخليتيه يضربها زي الحيوان...

ناظرته بقهر وقالت:لأنها حيوان..
وإذا ع اللي قلته سالفة المجلس
أعتقد إنك تذكرها..وليه سويت
اللي سويته...

قربت منه وشوي تلصق فيه
وقالت وهي تلعب بأزرار قميصه:علشانك إنت..طول ماإنت قريب منها وإلا جبت طاريها...وما
نفذت اللي أبغاه منك...صدقني
بسوي اللي أعظم منه...

دفها بقوه بعيد عنه لين طاحت ع الأرض:إحلمــــي يال####
إنت وحده لاتعرفي الحيا ولا
الدين تبغيني أناظر فيك...

تفل عليها من القهر :إنتي ماتسوينها....

طلع وتركها مصدومــــــــه ....

*************

يــــوم ملكــــة ماجد وداليا...

البنات إجتمعوا عندها بدري فرحانين لها..
باستثناء لميس طبعا اللي من صار اللي صار ورعد حابسها في البيت...

داليا لبست فستان نيلي بفضي
روعه عليها وشعرها سوته تسريحه ناعمه ومكياجها ناعم..

كانت جالسه بغرفتها وحولها البنات ....

سديم بفرحه:ماني مصدقه
إنك بتصيري زوجة أخوي...

إبتسمت داليا ..والتفتت لريم
اللي كانت جالسه وفي إيدها جوالها وواضح إنها متضايقه..

داليا همست لها:ريم شفيك

ريم إبتسمت:سلامتك مافيني
شئ

داليا:وين لميس تأخرت

ريم تغير وجههابضيق وقالت
بابتسامه:لا تخافي إن شاءالله
بتجي بس يمكن رعد تأخر في
الشركه...

داليا:ماودي أنزف وهي مو موجوده...

سكتت ريم بضيق ..خايفه رعد
يرفض تروح منقهره من أخوها
ومعاملته للميس ..
تدق ع لميس وماترد عليها...

**********

تسحبت معاها جوالها للمجلس
وقفلت عليها الباب...

ومعاها النوته حقت الأرقام ودورت ع رقمه وإيدهاترتجف
خايفه تنكشف ودقت عليه...

مارد عليها ودقت عليه مره ثانيه
وسمعت صوته الخشن:ألو

:بابا زياد...

زياد عقد حواجبه:أيوه..مين معي

:أنا سووري خدامه هق بيت بابا
مرام

زياد باستغراب:أيوه
إيش فيه

:بابا أنا دقي باب هق بيبي تولين
مافيه ردي أنا خوف هو تأبان

تذكر زياد تولين وسكر الجوال
بسرعه وفسخ البالطو الأبيض
ورماه وأخذ مفاتيحه ونزل بسرعه لــparking المستشفى

وركب سيارته لبيت خاله***

*******

دخل البيت بسرعه وجاته الخدامه تركض:بابا

طنشها وصعد ركض ع غرفتها

قابلته مرام اللي عصبت لماشافته:خـيــــــــر

ماعطاها وجه ودق باب غرفة
تولين بقوه:توليــــــــن
توليــــــــن ردي علي....

سحبته من ذراعه بقهر:إطلــــع برى مالك دخل فيهــــا

مسكها من ذراعها بقوه آلمتها:إحكــــــــي ويــــن المفتــــاح

مرام بقهر صرخت فيه والنيران
بتاكلها أكل:إتركنــــــــي

زياد عصب والغضب أعماه وهو
مو عارف حالة تولين داخل
وهي ماترد عليه:إحكــــي
وإلا قســــم بالله مايصير لك
خيــــر

مرام أرعبها صوته العالي بخشونته وقالت بصراخ:إتركنــــي المفتــــاح مع أبوي
وأبوي مسافر

فتح عيونه بوسعها بصدمه من
خاله...مجنوووون ضاربها لين
تكسرت وفقدت وعيها وقافل
عليها باب غرفتها ومسافر ومعاه
المفتاح...لا هذا أكيد إنجن مو صاحي بيذبح البنت مستحيل يكون له قلب....

دفهــــا بكل قوته وهو مايشوف
قدامه وضرب ظهرها بالجدار
وصرخت:آ آ آ آ آ آه

راح ركض لمكتب عمه وفتحه
دخل وقعد يفتش بالأدراج بشكل جنونــــي.....

أما مرام طايحه ع الأرض وظهرها يآلمها ودموعها متحجره قهر وغضب وألم...

شافته جاي يركض وقعد يضرب
الباب بكتفه بكل قوته لما مالقى
المفتاح ومرام منصدمه من تصرفه ووجهه اللي صاير أحمر
من الخوف ع تولين والقهر..

يحبهــــــــــــا يحبهــــــــا...

كانت منصدمه ومقهوره...

كســــر الباب ودخل ووقف متجمد مكانــــه لماشــــاف
توليــــن جثــــــــه ع الأرض....

**************







  رد مع اقتباس
قديم منذ /02-10-2013   #58 (permalink)

imported_mafcotrade
عُضوٌ بقَرآطُيسٌهَ

عُضويتيّ 1700
مُشآركاتيَ 0
تـَمَ شٌـكٌريَ 0
شكَرتَ 0
حلاُليٍ 0






imported_mafcotrade غير متواجد حالياً
افتراضي


*‏
‏*‏
‏*‏
‏*‏
‏*‏
‏*‏
‏*‏
‏*‏
‏*‏
**************


جالسه ع سريرها مقهوره و
تناظر جوالها بعيون دامعه..

ريم أكثر من عشرين مره تدق
عليها ولاردت عليها ..

ترد عليها إيش تقول ..أخوك
مارضى أروح وحابسني في البيت....

غمضت عيونها وانسابت دموعها
بقهر وحزن...ليه يعاملها كأنها
حيوان حتى الحيوان يحس ..

بكت وضمت نفسها وهي تتذكر
حكيه اللامبالي والساخر..

يقول بكل عجرفه :دقي عليها
وإعتذري منها قولي لها أي
شئ بس روحه مانتي رايحه...

هذا غير الحكي اللي ماودها تتذكره..

تدق عليها إيش تقول إيش تعتذر
.......ماتدري إيش تقول لها
حرام البنت خلاص واثقه إنها
راح تحضر ياربــــي إيش أسوي

إرتمت في سريرها تبكي وتبكي
لين نامت...

***************

أخذت جوالها ودقت ع فيصل...

جاها صوته :هلا

ريم:هلافيصل...فيصل دق ع رعد شوف وينه أدق عليه مقفل
جواله...

فيصل باستغراب :رعد....رعد هنا موجود ..

إنصدمــــت ..يعني سواها وحبسها ..

قالت بقهر:عطني إياه بحاكيه..

فيصل:ماقدر أعطيه الجوال..جالس مع الرجال ..

ريم عصبت:أجل قوله يفتح جواله بحاكيه بسرعه...

ناظرفيصل في جواله بحيره من
عصبيتها ودخله في جيبه وراح لرعد لماشافه قام من عند الرجال..

فيصل:رعد

رعد:هلا فيصل

فيصل:ليه ماترد ع جوالك ريم
تدق عليك ..

طلع رعد جواله وناظر فيه لقاه
مغلق:مافيه‎ charge ‎

عطاه فيصل جواله :أجل دق عليها بغت تاكلني قبل شوي
الله يعينك..

أخذ رعد الجوال ورفع حاجبه
لماعرف ليه تبغاه..

راح فيصل للشباب ورعد طنش
ريم ماله خلق وجع راس..غير
الألم والصداع اللي يضرب في
راسه..

عقد حواجبه ولمس جبينه:مو وقتك..

***************

في المستشفـــــــــى...

طلع الدكتور من غرفتها ووجهه
متغير..

طاح قلبه بخوف لماشاف وجه
الدكتور..

قام له: ها دكتور كيفها...

فسخ الدكتور نظارته:والله ماأدري إيش أقول لك يادكتور
بس البنت حالتها خطيره..

زياد بخوف:كيف يعني

الدكتور:الظاهر إنها تعرضت
لإعتداء بالضرب وسبب لها كسور في يدها ورجلها ورضوض في جسمها هذا غير
النزيف اللي في راسها..

زياد بصدمه:نزيـــــــــف..

الدكتور باستغراب:إنت مالاحظت
النزيف وقميصك كله دم..

ناظر زياد في قميصه اللي كل
دم بصدمـــــــــه ورعـــــــــب

من خوفـــــــــه عليهـــــــــا وجنونـــــــــه إنها ممكن تكون
ماتت مالاحظ الدم اللي في راسها وفي قميصـــــــــه...
معقــــــــــــــــــولـــــــــه

خوفه عليها ماخلاه يلاحظ كل
هـــــــــذا...

الدكتور:لو كنت متأخر أكثر من
كذا كان فقدناها بس الحمدلله
ربك ستر ...وقدرنا بعد الله ننقذها...

زياد غطى وجهه في إيديه
وجلس ع الكرسي وقلبه يدق
بقوه وإيده ترتجف...

حط الدكتور إيده ع كتفه يطمنه
ويهديه...

ثم قال:أنا مضطر أبلغ الشرطه

رفع زياد راسه بسرعه:لا يادكتور

الدكتور:أعتقد إنك دكتور وفاهم
القوانين وهذا شئ ماينسكت عنه البنت كانت بتموت لولا لطف الله ورحمته..

زياد حاول يثنيه عن رايه لأن
خاله مارح يسكت وبيطلع منها..
وكل شئ بيجي ع راس هالمسكينه تولين..
هوماهمه نفسه يسوي خاله
اللي يسويه..
بس تولين لا والله مايتركها ويذبحها ...خاله وعارفه ينتظر أي
شئ علشان يتخلص منها..
وهو ماصدق إنها عايشه ماماتت..

**************

إنزفت داليا بعد ماوقعت ع العقد

والبنات فرحوا لها مع إنها كان
نفسها تكون لميس موجوده..

بس ريم قالت لها إن لميس
تعبانه وماقدرت..ماقدرت إلا تقول لها كذا ..

جت أم رعد لريم:ريم

ريم:هلايمه

أم رعد معصبه:زوجة أخوك ليه ماجت

ريم هذا اللي خايفه منه:تعبانه
يمه ماقدرت تجي..

أم رعد :حتى لوتعبانه تجي وتسلم وتبارك وتطلع ماقلنا تقعد

تدخلت أم عبدالله:تلاقينها مو تعبانه بس دلع ...

ريم منقهره من خالتها إلي بتزيد
النار حطب وقالت:تعبانه وأخذها رعد للمستشفى وقالوا
لها لازم ترتاح..

أم عبدالله:ولو مارح يضرها لو
جت شوي وراحت...واخزياه
الناس تسأل عنها تقول وين زوجة رعد ماشفناها فشلتنا وفشلت أمك...حتى ياكافي ما
إعتذرت لأم ماجد اللي بحسبة
أم زوجها إنها ماراح تجي لهدرجه
ماتعرف الأصول...

ريم شوي تخنق خالتها وتكفخها
لأن واضح إن أمها زاد غضبها
من حكي خالتها وعرفت تزيد
النار حطب...

ريم:يمكن تكون حامل وإنتي
تعرفين ياخاله الحامل في
شهورها الأولى ماتتعب نفسها

لاحظت ريم إنقلاب لون أم عبدالله وانكتامه لماسمعت حكيها وإبتسمت:عن أذنك يمه
بروح أشوف داليا...

راحت عند البنات وهي داخلها
ع خالتها...الله يسامحك يارعد..

دلال كانت مبسوطه لما ما
شافت لميس موجوده وباصمه
ع العشره إن خالتها بتعصب
ع لميس لأنها ماجت..

وطارت من الفرحه لماشافت
خالتها معصبه وسمعت حكي
أمها اللي زاد الطين بله...

بس تبخـــــــــر هذا كله
لماسمعت حكي ريم...

معقولـــــــــه تكون حامـــــــــل...

لا لا لا لا مستحيـــــــــل
تكون حامـــــــــل وتجيب ولد
رعد كذا بيروح عليها كل شـــــــــئ ....

إنقلب وجهها وتغير حالها بقهر
وخوف...

****************

عنـــــــــد داليـــــــــا **

اللي شعورها ماينوصف من
فرحتها وسعادتها بهاليوم**

حلمها تحقق وخلاص صار
من نصيبها وصارت من نصيبه

قامت مع أم ماجد وأمها لما
قالوا لها تروح للمجلس لأن ماجد مارضى يدخل عند الحريم...

دخلت وشافته جالس بثوبه الأبيض وغترته البيضا مرره
كان غيـــــــــر..

رفع راسه لما حس بأحد دخل
المجلس...

وارتسمت ع وجهه إبتسامه لما
شاف قلبـــــــــه بجمالها وفتنتها
قدامه...

وقف وراح لها لماشافها واقفه
بحيا وخوف ومنزله راسها...

مد إيده بيصافحها وما انتبهت
ليده..

إبتسم:ماتبين تسلمين..

رفعت راسها لماسمعت صوته
وقلبها يخفق وانتبهت لإيده...

مدت إيدها وصافحته وتجمدت
مكانها لماباس جبينها:مبروك ياقلبي...

غمضت عيونها وهي منزله راسها لماسمعت كلمته وهي تحس بالحر...

أم ماجد:مبروك ياولدي..

سلم ع أمه وباس راسها وسلم
ع خالته أم محمد ...

دخلوا البنات:أوووه العرسان ليه
واقفين...

مسك إيد داليا وجلس وجلسها
جنبه...

سلموا عليه البنات وباركوا له..

صورتهم سديم وهي تقول:تجننوا لايقين ع بعض...

شهد قربت من ماجد بفستانها
الوردي المنفوش وسلمت عليه
:أشوه ما أخذت أم عصاقيل
وإلا كان نتفت شوشتها...

رفعت داليا راسها باستغراب..

وماجد ضحك وهو مو فاهم شئ..

سحبتها سميه وطلعتها برى بالغصب وهي فتحت مناحتها
تبغى تدخل لين دخلتها أم ماجد
لاتفضحهم بالناس...

شهد ودموعها ع خدها تناظر
سميه بحقد:موب ع كيفك تطلعيني إذا صار عرستس ذيك الساعه تحكمي...

تغير وجهها سميه وناظرت في
ماجد وودها تذبح شهد وتقص
لسانها...شافته يناظرها ويبتسم

عطته أمه الشبكه وأخذ العقد
وقرب من داليا يلبسها إياه والبنات يصوروا..

لف إيديه حول رقبتها يسكره
وهو يبتسم ع إحمرار وجه داليا
وخوفها...

كانت حابسه أنفاسها من قربه
وبتمووت من الحيا ...

لبسها الخاتم وباس يدها..
البنات ضحكوا لما شافوا وجه
داليا ..

الله ياخذ بليسك مو قدام البنات
...أخذت الخاتم بيد مرتجفه ولبسته إياه ولفت وجهها عنه..

لبسوها البنات باقي الشبكه وباركوا لهم وطلعوا يتركونهم
لوحدهم...

*************

ضامه إيديها اللي تحسها ترتجف
وقلبها يدق بقوه ومستحيه منه
مرره...ودها تبعد عنه بس مو
قادره تتحرك...

حست فيه يناظرها ماتت من
الإرتباك..

ماجد بابتسامه:مبروك داليا

همست:الله يبارك فيك

إبتسم:وأنا مالي مبروك

شدت قبضتها ع إيدها وإبتسمت
بارتباك....

ضحك وهو يتأملها من الفرحه
نسى إيش بيقول..

رفع يده وأبعد خصل شعرها
عن وجهها وهي بعدت عنه لا
إرادي..ضحك ع حركتها وهي
تفشلت..

ماجد:لاتخافين ماراح آكلك..

نزلت راسها ووجهها يشع حراره

دخلت شهد :خالـــــــــو

همس:إنا لله جت البلشه

سمعته داليا وضحكت داخلها..

شهد وقفت عنده:تقووول أمي
خلاص إطلع..

فتح عيونه:أطلع

شهد وعيونهاتلمع شقاوه:إيييه
إطلع. خلاص شفتها خلاص..

دخلت لنا بفستانها الأبيض المنفوش مستحيه ...

ماجد همس:كملت

ماجد:ياهلا والله بالحلوه...

ناظرته شهد بقوه...وقربت
لنا منه وسلمت عليه..

باس خدها وقال:إيش الحلاوه
هذي يالنا فستانك مرره حلو

إبتسمت لنا بحيا....

وشهد طيرت عيونها :و و و و و و و و وع موب حلو فستاني أنا
أحلــــى منها...

ماجد مطنشها ويحكي مع لنا:مين مسوي شعرك مره حلو

لنا إبتسمت بطفوله:ماما...

عصبت شهد والغيره طلعت
من عيونها ...دفت لنا عن ماجد:
إنقلعــــــي صدقت عاد تراني
أحلى منك يا يا حليب لنا..

بكت لنا وإيدها الصغيره ع
وجهها ..

ماجد ناظر في شهد:شهـــد عيب عليك

مسكت لنا يسكتها ..

وشهد ناظرته بطرف عينها:هالدلوعه هذي علطول فتحت
كشرتها البزر

دخلت سميه:إيش فيها لنو

ماجد:خذيها لأمها..

لنا ببكا:آآه شهد ضربتني

شهد طارت عيونها وشهقت:يالكذابـــــــــه بس دفيتك لاتكذبين

سميه:وليه تدفينها ها...

شهد بلعانه:تستاهل أحسن

مشت بغرور وطلعت...

ضحكت سميه لماشافت أخوها
متأزم لأنهم خربوا عليه..

شالت لنا وقالت:ههههه خربوا
عليكم الجو..

ماجد إبتسم وناظر في داليا
اللي منحرجه..

ماجد:والله شكلي بطلع بكرامتي قبل تدخلون بزارين
العايلهم كلهم..

ضحكت سميه وطلعت..

ماجد أخذ رقمها ودق ع جوالها
دقه علشان تخزن رقمه...
سلم عليها وطلع....

***************

دخل للبيت وكان ظلام مافيه
شئ مفتوح وكأنه مهجور..

جلس ع الكنب وسند راسه ع
ورى وغمض عيونه وإيده ع
راسه...

رفع راسه وناظر في باب غرفتها...

قام وفتح الباب وشاف نايمه
بعرض السرير..

قرب منها وظل يناظرها للحظات..والصداع في راسه يزيد..

انحنى ورفعها ببطئ ومددها
زين وغطاها ..أبعد خصل
شعرها عن وجهها وتجمد إيده
ونظراته تتأمل وجهها الفاتن..

غمض عيونها وعقد حواجبه..
فتحها وقرب منها..

باس خدها وغطاها..

سكر النور وطلع ..

ودخل غرفته...

**************

تمددت ع سريرها وضمت مخدتها وعيونها تناظر في الفراغ...

من قالت لها منى إن راكان سافر وهي تحس بضيقه وكتمه...

غمضت عيونها وانسابت دموعها...

دفنت وجهها في مخدتها وشهقت...

آآآه بس لو تعرف ليه تركها
ليه هرب وخلاها...

معقولها مايحبنــــــي معقوله
كان يخدعنـــــــــي...

مستحيـــــــــل عيونــــه ماكانت تكذب ماكانت تكذب...

كنت أشوف الحب في عيونه
في حكيه في صوته في كل شئ...

طيب ليــــه تركها ليـــــــــه
بتنجن مستحيل تركها كذا..

أكيـــــــــد في شئ ولازم
تعرفه حتى لو كان يقتلها ويحطمها لازم تعرفـــــــــه
....

قامت وغسلت وجهها وتوضت
صلت ركعتي تهدي نفسها وتدعي ربها اللي أعلم بكل شئ
...

تمددت ع سجادتها وغمضت
عيونها..

اليوم لما شافت فرحة ماجد وداليا ..

تمنت لو هي مكانهم..تمنت
لو ماصار اللي صار...

تذكرت يوم ملكتها اللي ماتم...
كان ممكن يكون مثل هاليوم
أو أحلى منه...

كان ممكن فرحتها أكبر من فرحتهم...

كان اللحين هي زوجته وحبيبته...

كان أحلامها تحققـــــــــت

لكن أحلامها كانت تلاشـــــــــت***

*****************

واقفـــــــــه قدام شباك غرفتها
والنار تاكلها بكل قهر وغيظ

وجوالها في إيدها تضغط عليه
بقوه وكان بيتهشم ....

لماتتذكر اللي صار اليوم...

نظرات زياد الخايفه والعاشقه
لتولين ذبحتها...

خوفها لماشالها وركض فيها
لسيارته قهرتها وشبت النار
في جوفها...

إيش شايف فيها علشان يحبها
أنا أحلى منها وأجمل منها..
أنا متعلمه وهي جاهله..
أنا أرقى منها وأكشخ منهاوهي
بيئه وold fashing‏ ‏
أنا ألبس أحسن منها وهي لبسها
مثل عدمه ماتعرف حتى شئ
إسمه موضه...

ليـــــــــه يحبهـــــــــا هي
ليـــــــــه.....

أكرههـــــــــا أكرههـــــــــا...

*************

طلعت من غرفتها وشافت باب
غرفته مسكر...

راحت للمطبخ وسوت لها
كوب كوفي...

طلعت وجلست في الصاله

فتحت جوالها وشافت إتصالات ريم..

إنقهرت وزاد قهرها لماتذكرت
إنها ماحضرت حفلة الملكه..

ترددت تدق ع ريم وإلا تخليها
بعدين ..

دقت ع داليا ولاردت..أكيد نايمه

كل البنات في بعد حفلة الملكه
مايصحوا بدري..

يكونوا سهرانين يحاكوا أزواجهم
تكون هذي احلى أيام حياتهم......

إبتسمت باستهزاء لماتذكرت يوم ملكتها...

كان يوم عزى مو فرح...

إحساسها ماكان إحساس عروس وحب عروس ..

تشوف من زوجها الحب والحنان
والإحترام..

هي إنقلبت عندها الموازين كلها
شافت عكس هذا كله..

الله يوفقك ياداليا وجعلك ماتشوفي اللي شفته.....

ناظرت الشئ الأسود اللي لمسته إيدها ....

وشافت جوال رعد...إستغربت

معقوله ماراح للشركه.للحين..

أخذت جواله وناظرت فيه ...

أصابعها غصب فتحته...

وطلع لها الإستديوا مفتوح..
وعلى صوره معينه فتحتها...

وتوسعت عيونها بصدمه لما
شافت الشخص اللي بالصوره....

**************

دخلت غرفة إختها وشافتها
جالسه ترتب ملابسها...

قالت بضحكه:إحم إحم حبيب
القلب روميو تحت...

رفعت راسها وكبتت إبتسامتها
وتصنعت الغباء:أي حبيب

جلست ع السرير ورفعت حاجبها:هو فيه غيره فصولي

لفت وجهها وقالت ببرود:ومين
لعب عليك وقال لك إني أحبه...

ساره:العصفوره قالت لي إن
إختك عاشقه وتحب ولد عمك
بس تكابر...

أمل:إنقلعي إطلعي خليني أكمل
شغلي وبلا تفاهات..

ساره وقفت:كيفك أنا حبيت أعلمك بس...

طلعت من الغرفه..

وأمل كملت شغلها تشغل نفسها

ماقدرت وتركت أغراضها ونزلت
تحت...

قربت من المجلس تبغى تسمع
صوته من زمان عنه تحس للحين متضايق منها..

ماسمعت صوت أحد وطلت بشويش وشافت المجلس فاضي إنقهرت ...

:ماشاءالله أشوفك جيتي طايره
يا أم التفاهات

انهبلت ولفت شافت إختها ساره
واقفه ومتخصره وتناظرها بخبث..

تلخبطت وارتبكت وقالت:خير
إيش سويت بعد...حرام يعني
أروح للمجلس

ساره:عاد مالقيتي إلا المجلس
هذا

أمل تخصرت:وإيش فيه المجلس بعد

ساره:أبد مافيه شئ بس حبيب القلب كان جالس فيه..

أمل باندفاع:وأنا شدراني إنه
كان جالس فيه عدي كم مجلس
هنا..

ساره ضحكت لماطاحت إختها أمل في مطب:ههههههه
يعني تعترفين إنه حبيب القلب

أمل عصبت:أيـــوه عندك مانع

ساره ضحكت:لا ماعندي مانع
بس ليه تنكرين...عادي قولي
إنك تحبين فصول

أمل عصبت: أيوووه أحب فيصل
أحبه ....إرتحتي اللحين لماعرفتي

ساره رفعت حاجبها:ليه مو إنتي ماتحبين أي أحد وإلا نسيتي

أمل:وفيصل مو أي أحد

وطلعت من المجلس لغرفتها
مقهوره من إختها ...

ماانتبهـــــــــت لروميـــــــــو
اللي واقف بصدمه من اللي سمعه....

أمـــــــــل تحبنـــــــــي.....

***************







  رد مع اقتباس
قديم منذ /02-10-2013   #59 (permalink)

imported_mafcotrade
عُضوٌ بقَرآطُيسٌهَ

عُضويتيّ 1700
مُشآركاتيَ 0
تـَمَ شٌـكٌريَ 0
شكَرتَ 0
حلاُليٍ 0






imported_mafcotrade غير متواجد حالياً
افتراضي



*‏
‏*‏
‏*‏
‏*‏
‏*‏
‏*‏
**********


فتحت عيونها وغمضتها لماسطح ألم في راسها...

فتحتها ولفت وجهها لماضايقها النور..

تعلقت نظراتها فيه...

قرب منها وإبتسم:الحمدلله ع
السلامه...

لفت وجهها تناظر في الفراغ
ودموعها انسابت بصمت..

ناظرها بصمت و قلبه يآلمه عليها لماشاف دموعها
مو سهل أبدا اللي صار لها..
أبوها دخلها المستشفى بقسوته....

طلع من غرفتها وشاف خالد
جاي..

خالد:سلامات دكتور...

زياد:الله يسلمك...

خالد:الأهل فيهم شئ..

جلس زياد ع الكرسي وحط إيده ع راسه..

حس بإيد خالد ع كتفه:تعال معاي...

جلسوا في كافتيريا المستشفى
وأخذ لهم خالد كوب كوفي..

قاله زياد اللي صار وخالد متفاجأ...

خالد:لا حول ولا قوة إلا بالله..و
كيفها اللحين..

زياد:. جسديا أحسن ونفسيا
متدهوره..

خالد:مو سهل اللي صارلها..
معقوله فيه أب يسوي في بنته
كذا..ودخلها المستشفى ..

زياد :هي جت ع أبوها بس..
أنا أفكر أخليها في المستشفى
أبغى أبعدها عن إختها وعن البيت ..

خالد:بس مصيرها بترجع له
أبوها مارح يتركها هنا...

زياد:ع الأقل ترتاح نفسيتها كم
يوم وبعدها يصيرخير..

***********

للحين بصدمتها وإيدها ترتجف
ونظراتها متعلقه...

بصورتهــــــــــــــــــــــــا...

إيش جاب صورتها لجوالــــه..
وواضح إنه هو اللي مصورها..

كانت في اليوم اللي شافت فيه
البيت..

واقفه في الحديقه عند الورد
لابسه فستان وردي قصير وبإيدها ورده حمرا...

كيــــــف صورها ومانتبهت له؟؟

والسؤال الأهــــــــم...

ليــــــــــــــــــــــــــــــــه؟؟؟

إنتبهت ع نغمة جواله وشافت
الإسم...

عمــــــــــــــــي....

ناظرت في الساعه..أكيد بيعرف
ليه ماراح للشركه للحين...

كانت بترد بس خافت يقبرها...

قامت وقربت من باب غرفته..

ناظرت في صورتها بحيره..

ودقت الباب ماسمعت رد
فتحت الباب بشويش و إستقبلتها
ريحة عطره اللي تدوخها..

طلت وشافت الغرفه ظلام وبارده..

قربت من سريره وتفاجأت
لماشافته متمدد ع بطنه وماعليه بلوزته وحاط المخده
ع راسه ويشد عليها..

إستغربت من حالته حتى مانتبه لوجودها..

همست بخوف غريب:رعد

بعد المخده عنه ورفع راسه
وناظر فيها...

صنمت لماشافت شكله..
شعره الأسود مبعثر ع جبينه
وفاتح عيونه الناعسه بتعب و
يناظر فيها..

رفعت جواله بإيدها بارتباك
وقالت:عمي دق عليك....

تعدل وجلس ..أخذ منها الجوال

ولاحظت إنه عاقد حواجبه وكأن
نور الشاشه مضايقه..

مدلها الجوال وقال بصوت مبحوح:دقي ع أبوي...

أخذت منه الجوال وطلعت رقمه
من المكالمات وضغطت ع إتصال..

مدت له الجوال وأخذه..

لاحظت أصابع إيده اللي تضغط
ع جبينه وحاجبه المعقود وهو
يحاكي عمها ويقول إنه ماراح
يروح للشركه اليوم..سمعت
صوت عمها الخايف وهويسمع
صوت ولده التعبان...

سكرالجوال وحطه ع الكومدينه
جنبه..ورجع تمدد ع وضعه..

طلعت من الغرفه..

ووقفت في الصاله...ماطاوعها
قلبها تخليه..حتى لو قسى عليها
شئ داخلها خلاها تروح للمطبخ
...

سخنت مويه دافيه..وأخذت بنادول وراحت لغرفته...

دخلت وحطت المويه ع الكومدينه..

مدت يدهابتردد وأبعدت المخده
وهي تقول:رعد..

رفع راسه وناظرها ...

مدت له البنادول ..وناظرها باستغراب..

أخذه منها وصبت له كاسة مويه
..

مدتها له وتجمدت مكانها لماحست بدفا إيده ع إيدها..
حط إيده ع إيدها يمسك الكاس
وقربه من فمه وشربه...

ورجع تمدد هالمره ع ظهره
وعيونه متعلقه فيها...

مع إن نور الأباجوره خفيف إلا
إنها لاحظت نظرة عيونه اللي
أربكتها...

كانت بتطلع وتنسى اللي بتسويه..

جلست بتردد جنبه ع طرف السرير..وهوأبعد شوي علشان
تجلس وهولازال يناظرها...

قلبها يدق بقوه ووجهها تحسه
يشتعل وهي تشوفه متمدد جنبها وخالع بلوزته ونظراته الغريبه متعلقه فيها كان نفسها
ترفع اللحاف وتغطيه..

لفت وجهها وعيونها تروح للباب
تبغى تهرب منه وتهرب من المشاعرالغريبه اللي تحس فيها...

كانت مستغربه من نفسها
المفروض ماتناظرفيه وتتركه
بعد اللي سواه فيها بس الشئ
الغريب اللي داخلها مانعها...

سوت له مساج لرقبته وراسه..

لين حسته إسترخا ونام...

غطته وعيونها تناظر فيه ...

مدت أيدهابتردد وأبعدت خصل
شعره عن جبينه...

عقدت حواجبها...أنا إيـــــش
قاعده أســــــــوي...

طلعت من غرفته وسكرت الباب
...

دخلت غرفتها وإرتمت في سريرها وغمضت عيونها...

تحس بقهرمن نفسها ...ليــــــــه راحت له ؟؟ليـــــــــه
ماخلته يذوق العذاب اللي
ذوقها إياه ليـــــــــه؟؟...

أخذت المخده وحطتها ع راسها
تمنع تفكيرها ...وقلبهايدق كأنه
يسابق الزمن وهي تتذكر نظراته....

***************

من سمعها وهي تعترف في
حبه وهو طايرمن الفرحه...

كان متوقع إنهاماتحمل له أي
مشاعر...

من تصرفاتها وحكيهامعاه...

إبتسم وإيده تلعب بشعره
أجل كذا ياأمول هيـــــــن
والله لاأطلع هالحب من عيونك...

بطلع العذاب اللي عيشتيني إياه
بعد حكيك في السوق من
عيونـــــــــــك...

:إيـــــــش عنده الأخ غرقان
في التفكيروالإبتسامه شاق
الوجه.....ياعساها دوم.....

ترك شعره والتفت لها:حرام
الإبتسامه...الإبتسامه في وجه
أخيك صدقه...

رفعت حاجبها:أيوه بس ماشوف
قدامك أحد تبتسم له...

فيصل:خلاص بكشر ولا يهمك

ضحكت وراحت له وجلست جنبه:لا ليه تكشر...عسى البسمه دوم في شفاتك..بس
عاد قولي إيش سرحان فيه...

"إييييه هين أقولك علشان تجيبين
العيد"....

فيصل:سرحان في الدنيا...

رفعت حاجبها بخبث:متأكد..يعني
موسرحان في حلم حياتك اللي قست عليك ولافكرت فيك ..

تفاجأ منها وقال بيصرف:ما أشوفك رحتي للميس وإلا عرفتي معنى كلمة ياوجه
إستح..

حست بضيق لماتذكرت لميس
وقالت:حرام عليك أنا ماروح
لها إلا إذا رعد موموجود وإذا
رجع رجعت للبيت..

فيصل:أيوه حتى ولو تشغلينها
عن شغلها ..وبعدين يمكنها بتدق ع رعد وتتغزل فيه إيش عرفك

"أيوه مرره":أقول استح بس

ضحك وقام...

ريم:ويـــن ويــــن..

فيصل أخذ جواله:بمر بسام
وبروح للشركه...

إبتسمت لماسمعت إسمه..
وتذكرت لميس..

ناظرت في الساعه..أكيد رعد
موموجود اللحين في الشركه..

قامت وأخذت جوالها معاها وطلعت رايحه لبيت رعد...

***************

نزل تحت وهو يحاكي فرح
:أوك حبيبتي أنا جاي اللحين..

سكر الجوال ودخله في جيب
بنطلونه الجينز وناظر في شكله
في المرايا...

نزل نظارته اللي ع شعره ع
عيونه ومشى بيطلع..

سمع صوت أمل:ويــــــن
ع الله..

ناظر فيها:تبغين شئ..

أمل تكتفت:لا بس أشوفك كاشخ ومحلق وتقول معرس
إيش عندك...

رائد:الحمدلله من زمان وأنا
مهتم في شكلي موأول مره...

ناظرفي بيجامتها السودا وشعرها المرفوع بعشوائيه:
مومثل بعض الناس ...وبعدين
تعالي ...(مسك طرف بلوزتها)إيش هاللون الكئيب هذا رايحه
عزا إنتي...أنا أذكر البنات يلبسون
وردي ألوان بناتيه مو أسود إلعن
أبوالكآبه اللي عايشتها...

رفعت حاجبها:ها أخ رائد أشوفك كشخت وصرنا موعاجبينك...

رائد:من زمان ياعمري وإنتي
جايبه لي الكآبه بهاللون..

أمل:عناد فيك كل يوم بلبسها
ياتوم كروز أووو أقصد براد بيت...

رائد:لاتكفين ياكيتي هولمز أووو
أقصد أنجليناجولي...

دفهامن جبينها وطلع...

دخل خالد وشافها مكشره:خير
إيش فيه الحلو زعلان...

إبتسمت:يعني ماشفت رائد
توه طالع...

ضحك:وأنتو مستحيل تشوفوا
بعض وماتتناقروا...

أمل مسكت ذراعه:خلك منه
بس وقولي..إيش سويت في
الهوسبتل اليوم..

ضحك:إيش عندها الإخت تسأل
لايكون تبغين تصيري دكتوره..

أمل:وليش لا...

خالد:بروح أرتاح شوي بعدين
السوالف...إلا ويــن الوالده..

أمل:في المطبخ...

**********

سلمت عليها وجلسوا في الحديقه...

ريم تجنبت تسألها عن سبب
عدم حضورها للملكه علشان
ماتحرجها أو تضايقها...

وهي أصلا عارفه السبب....

سولفت معاها عن اللي صار
في الملكه....

دق جواله ريم وشافت المتصل
أمها...عرفت إنها تبغاها ترجع..

قامت ريم:لموس تعالي دام
رعد موموجود وإذا جا وقت
رجعته إرجعي...

لميس:لا ماقدر رعد ماداوم
اليوم في الشركه ...

ريم باستغراب:ماداوم ليه...

لميس:تعبان شوي ونايم اللحين

ريم بخوف:ليه إيش فيه..

لميس:لاتخافين مافيه شئ
بس صداع...

ريم:صداع هو رجع له...

لميس باستغراب:ليه هوكان يجيه صداع قبل..

ريم:أيوه من ضغط الشغل إذا
ضغط نفسه في الشغل يجيه
الصداع...

لميس سكتت...وريم قالت:سلامته مايشوف شر...أنا مضطره أروح اللحين إذا صحى
خبريني...

لميس:أوك...

طلعت ريم ولميس راحت للمطبخ تصلح له شئ ياكله إذا
صحى لأنه ماتغدى ولا أفطر...

**************

دخل ع صاحبه مبسوط:قرب
الموعد...

صاحبه:متى..

بندرغمزله:الخميس ...

صاحبه:حلو....

بندر:أهم شئ الشقه جاهزه

صاحبه:كل شئ جاهز بس لو
تشيل هالفكره المجنونه اللي
في راسك..تراك تسهل لهم
نفسك...

إبتسم باصرار:مايهمني أهم
شئ اللي في راسي بسويه..
أنا لو أشوف روسهم في التراب
أحلى يوم في حياتي...بوريهم
التربيه اللي فرحانين فيها...

صاحبه:كيفك بس أنا ترى مالي
دخل في شئ أنا موقدهم...

بندرباستهزا:لاتخاف عارفك
تخاف من ظلك...

صاحبه:من خاف سلم...بعدين
تعال إنت كيف أقنعتها تطلع
معاك للشقه...

بندر إبتسم:ياحبيبي أنا مايصعب
علي شئ....شوية غزل وتخويف
إني بتركها ..تجي معاك علطول
ماضيعت ثلاث سنين علشان
تروح هباء كان بإمكاني من أول
سنه أطلب منها هالطلب...
بس حبيت أزيد ثقتها فيني وتعلقها فيني وهذاها تموت فيني وماتستغنى وأنا واعدها
بالزواج بس قلت لها لين يرجع
الوالد وأخطبها عاد هي غبيه وتصدق كل شئ ....

صاحبه:مانت هيــــن...

*********

إنتبهت عليه واقف ع باب المطبخ
لابس بنطلون أسود تي شيرت
كت أسود وشعره مبلول
ويناظرفيها....

ظلت تناظرفيه ثم لفت وجهها
تكمل شغلها مطنشته ماتبغى
توضح له إنها مهتمه ....

حست فيه يقرب منها ولفها ناحيته...

حبست أنفاسها لما مد إيده
وابعد خصل شعرها عن وجهها
وهمس وعينه في عينها:ليه..

إستغربت منه وشافت نظرته
غريبه عقد حاجبه كأنه متألم
أو حزن أوقهر مافهمتها إيش بالضبط من هالثلاث.....

توسعت عيونها لماشافت نفسها
في حضنه وإيديه تحاوطها...

دفن وجهه في شعرها وهمس
بعذاب:ليه تعذبينــــي.......

سكتت بدهشه وغمضت عيونها
وقلبها يغوص داخل ضلوعها...
ماتدري ليه تمنت ماتبعد عن
حضنه وصورتها في جواله في
راسها....

كانت تحس بأصابعه تنغرس
فيها ...

بعدها عنه وباس جبينها وطلع
بدون لايناظر فيه...

دخل مكتبه وجلس ع الكنبه...

ضم راسه بإيديه وهمس:آآآآه
ياربــــي.....

***************

دخل ع أهله في الصاله وجلس
معاهم ....

سولفوا شوي وقال خالد فجأه:
إنتو تعرفون بنات سامي ال....

أمل:أيوه بس عنده بنت وحده

خالد :توليــــن

أمل:لا مرام..

خالد:أيوه بس هو عنده أصغر
منها إسمها تولين...

ناظروا ساره وأمل في بعض
باستغراب:من قالك..إحنا اللي
نعرفه إن عنده وحده وبس

قالهم خالد اللي عرفه والكل
مصدوم.....

أمل:معقــــــــوله

ساره:ياعمري كيفها اللحين...

خالد:بخير الحمدلله...

أمل ماقدرت تصبر وراحت تخبر
ريم.....

********

ريم:إحلفـــــــي..

أمل:أنامثلك ماصدقت لماقالنا
خالد..

ريم:يعني اللي سمعناه صحيح
والبنت اللي قالت عنها الخدامه
بنتهم

أمل:أيوه..والله كسرت خاطري
شرايك نروح نزورها بكره..

ريم:أوك مومشكله..

******

حطت العشا ع الطاوله..وراحت
تناديه ..

دقت باب المكتب وفتحته...

شافته جالس ع كرسي مكتبه
وقدامه ملفات وبإيده قلم يرسم
ع ورقه وشكله سرحان...

رفع راسه لماانتبه لها وناظرها..

لميس:العشا..

قام من كرسيه ورمى القلم
ع المكتب وطلع خلفها..

جلسوا يتعشوا بصمت..

وقطع صمتهم صوت جواله
قام ودخل غرفته..

طلع ومعاه الجوال يحكي..وعرفت إنه يحاكي عمها..

جلس بعد ماسكر الجوال وقال:
جهزي شنطنا بنروح بكره للمزرعه...

لميس باستغراب:مزرعه...

رعد:أيوه..

لميس:بنطول ..

رعد:لا يومين ونرجع لأن الأسبوع الجاي دراسه ..

سكتت وماعلقت..

ناظرها:ذكريني لمانرجع آخذك
للسوق علشان تجهزي للجامعه
..

لميس:أوك..

قام ودخل لمكتبه وهي دخلت
تنظف المطبخ...

سمعت صوت التلفون..وخافت
يكون المزعج اللي يدق عليها
وراحت بسرعه ترد قبل يرد
رعد وتصيرمصيبه..

لميس:هالو...

طاح قلبها من الخوف لماسمعت
صوته..وقلبها يرجف..عيونها
راحت لباب المكتب بخوف...

سكرت السماعه في وجهه..
وهي خايفه من هالشخص

مين هو إيش يبغى منها...ماهي
ناقصه مشاكل...

********

تأجلت زيارة البنات لتولين لبعد
مايرجعوا من المزرعه...

الشباب تجمعوا في الإستراحه
ومالاكأنهم بيصحوا بكره بدري
ووراهم طريق..

فيصل ورائد جالسين ع الأرض
متابعين المباراه ومتحمسين
وأصواتهم عاليـــــــه**

بسام يضحك ع أشكالهم المتحمسه:أعصابكم شوي تدخلون في الشاشه...

رائد:يا ا ا اليت كان وريتهم كيف
اللعب الصح...

بسام:ياواثق..

رائد:تراني في الكوره حريف..

بسام:كان دخلت في أحد الأنديه
دامك حريف..

رائد يتميلح:يـــــــو و وه كل
النوادي يبغوني ألعب عندهم
بس أنا اللي رافض تدري أخاف
ع عمري أتكسر...

بسام:أيوه بسم الله عليك..
موتقول حريف ومادري شنو

صرخ فيصل فجأه:قـــــــو و و و و و ول...

رائد نط من مكانه:شوي شوي

فيصل:ياخي تراك صجيتنا إذا
صارت الكوره ماتهمك قم وفكنا...

بسام:تهمني بس مومثلكم كذا
عصبيه...

رائد:خله بس هذا حق الفلسفه الزايده..

بسام:فلسفه بعينك..بعدين تعالوا مو وراكم بكره طريق
روحوا ناموا وريحوا روسكم..

ماردوا عليه لأنهم إندمجوا مع
المباراة لين خلصت والفوز من
نصيبهم

*********

وصل الكل للمزرعه ماعدا رعد
ولميس لأن رعد راح للشركه..

البنات جلسوا بجهه عند الحريم..

دلال لابسه برمودا أسود وبلوزه
حمرا أنيقه وفتحة ظهرها كبيره..
مع إن أمها قالت لها إن الجو راح
يكون بارد بس هي مارضت
إلا يشوفها رعد فيه كانت تظن
إنها تقدر تجذبه لها مادرت
إنها تخليه يستحقرها...

دلال همست لرنا:متى رعد بيجي

رنا:.مادري..

دلال تظنين هالزفته بتجي معاه

رنا:أكيد إيش هالسؤال..

دلال إنقهرت:أفف ياكرهها

جتهم أم رعدوخبرتهم إن زوجة
خالها وعيالها بيجونهم..

ريم شهقت:إيـــــــش..بس مالنا خلق تونا واصلين ليه مايجون بكره...

أم رعد:عيب ياريم..أبوك عازمهم

سميه:ياربيـــــــه ماصدقنا نطلع وناخذ راحتنا إلا يجون

سديم:وش هالحظ النحس..

أم رعد:روحي ياريم قولي للخدم يجهزوا قهوه وشاهي زياده

قامت ريم وهي متضايقه من
توقيتهم الخطأ..

أم رعد:وإنتي سديم الله يعافيك
روحي شيكي ع خيمة الرجال
وإذا مو مرتبه قولي للخدم يرتبوها..

سديم:بس أخاف الرجال موجودين فيها..

أم رعد:لا الشباب كلهم عند الإسطبلات..

قامت سديم وقالت سميه:أساعدك

سديم:لا إذا جيتي بجلس أرتب
وراك..

سميه.:مالت هذا وأنا أبغى أساعدك

ضحكت سديم وراحت للخيمه..

*****

دخلت للخيمه وراحت للتلفزيون
تقصره لأن صوته عالي..

قصرته ودقت ع الخدم يجيبوا
بخور يبخرونه..

ومانتبهت للعيون المصدومه
اللي تراقبها..

لفت بتطلع وشهقت بروعه
لماشافته...وركضت
طالعه من الخيمه....

************








  رد مع اقتباس
قديم منذ /02-10-2013   #60 (permalink)

imported_mafcotrade
عُضوٌ بقَرآطُيسٌهَ

عُضويتيّ 1700
مُشآركاتيَ 0
تـَمَ شٌـكٌريَ 0
شكَرتَ 0
حلاُليٍ 0






imported_mafcotrade غير متواجد حالياً
افتراضي


>
<
>
<
>
<
>
<
>
<
>
<
>
<
>











************

دخلت للخيمه وهي تنادي:سديـــــــم

كانت بترجع لماشافته ..بس وقفت لماشافت إنه أخوها...
بس إستغربت لماشافته سرحان ولاانتبه لوجودها:رائد

انتبه عليها :هلا

أمل:إيش فيك جالس لوحدك...

رائد:جالس أنتظرجوالي يخلص
شحنه....إنتي اللي إيش جايبك
هنا افرضي الشباب هنا وإنتي
داخله كذا...

أمل:أصلا ماجيت هنا إلا إني
متأكده إن مافيه أحد..

رائد:لاوالله إيش عرفك...

أمل:لأن سديم كانت هنا...

رائد تفاجأ:سديم بنت عمتي...

أمل:أيوه...بس شكلها طلعت
من زمان...يالله تشاو

طلعت ورائد وإبتسم لأنه عرفها
....
سديم بنت عمتي..ياحليلها والله
طالعه قمر....

**************

لبست فستان ناعم أسود قصير
ولبست بوت أسود طويل ..
وشعرها تركته مفتوح ستريت
وكان مره روعه مناسبها..

رسمت عيونها بكحل أسود ثقيل
وقلوس لحمي...وبلاشرخوخي..

لبست عباتها وطلعت..

شافت رعد يحكي في الجوال لابس ثوب أسود وغتره بيضا...

بردت أطرافها لماشافته وماقدرت تشيل عيونها عنه...

رفع رعد عيونه وأشر لها وطلعوا....

طلعت جوالها من شنطتها
لماسمعته يدق وردت....

لميس:هالو......هلا هند...

لاحظت رعد التفت يناظره لما
سمع إسم هند وعرف إنها إخت
بدر...

لميس انقهرت لأنها عرفت اللي
يدور في راسه...

سولفت معاه شوي وسكرت
وتعمدت تشغل نفسها بشئ
علشان ماتعطيه فرصه يحاكيها
وتصير مشكله..

*********

همست لها:إيش فيك سرحانه..

سديم:مافيني شئ..

أمل:أشوفك مو لم الناس وش
تفكرين فيه...

سديم وواضح إنهامتضايقه:
قلتلك مافيني شئ...

إستغربت أمل وتركتها براحتها...

دلال تحاكي رنا:الجو بارد...

رنا:أكيد بيكون بارد وإنتي لابسه
كذا..البسي جاكيت..

دلال بردانه ومقهوره لأن رعد
تأخر:لامولازم..

رنا:كيفك علشان تمرضي ولاتنبسطي ...

أم رعد:دلال روحي البسي لك
شئ الجو بارد عليك...

دلال إستحت تقول لا وقامت:إن
شاءالله..

قامت تجيب لها جاكيت...وسميه
همست لريم:غريبه صايره مطيعه..

ريم:هههه لأن أمي اللي قالت
لها لوأمها كان طنشت...

**************

وصلوا للمزرعه وجت لهم ريم..

ريم:الحمدلله ع السلامه...

رعد وهو ينزل الشنط من السياره:وصلي لميس لغرفتنا..

أخذتها ريم ووصلتها للغرفه ..ورجعت للحريم...

دخلت لميس للغرفه وفسخت
عباتها ووقفت عند المرايه
تعدل شعرها وتتعطر..

إنتبهت للباب ينفتح وشافت رعد
داخل ومعاه الشنط...

حط رعد الشنط ع الأرض ورفع
راسه وانصدم لماشافها..

لميس إرتبكت من نظراته و
قلبها يدق بقوه رهيبه تسابق
دقات قلبه..

أثر شكلها بالفستان عليه..
من زمان ماشافها بفستان..

أخذت لميس شنطتها ومشت
ناحيته علشان تطلع وهي متعمده تشغل نفسها بشنطتها
علشان ماتناظره....

لما مرت من جنبه...مسك يدها
بخفه..

رفعت عيونها تناظره وتعلقت
بعيونه للحظه حستها دهر...

شد ع إيدها ونزلت عيونها وبلعت
ريقها بخوف من مشاعرها الغريبه لماتحط عينها في عينه...

وقالت بارتباك:بطلع...

إبتسم وقال بصوت دافي:إنتظريني بسلم ع جدتي وعماتي...

سحبت يدها وطلعت تنتظره برى...

أول ماطلعت زفرت بقوه وكأنها
كانت مكتومه...

طلع رعد ومشت معاه ...

دلال انهبلت لماشافته وإنقهرت
لماشافت لميس جايه معاه و
إبتسامتها ع وجهها...

نجلاء:ماشاءالله لايقين ع بعض

ضحكت سميه لماشافت وجه
دلال...

سلم رعد ع جدته أم محمد"أم
أمه"الجايه من الرياض...
وطبعا أم محمد الجده..تصير
إخت أبو أم خالد زوجة أبو خالد
ومرضعتها ...

أم محمد:ياهلا والله يمه شلونك

رعد:بخير يالغاليه..إنتي شلونك
وكيف صحتك..

أم محمد:الحمد لله بخير وين
زوجتك...

أبعد رعد عن لميس وحط إيده
خلف ظهرها يقربها من جدته:هذي لميس يمه...

سلمت لميس عليها وباست راسها:كيفك يمه...

أم محمد:ماشاءالله تبارك الله
وش هالزين...تعالي يمه اقعدي
جنبي..

جلست جنبها وهي مستحيه منها
..

أم محمد:شلونتس يمها عساتس طيبه..

سلم رعد ع عماته وخالته وراح
عند الرجال...

دلال تناظر لميس مقهوره
منهالأن جدتها حبتها وصارت تسولف معاها وقالت لجدتها بدلع:يمه أشوفك نسيتينا يوم
جت..تراني أغار عليك..

أم محمد :وليه تغارين..هذي
زوجة الغالي بغلات رعد..

البنات كتموا ضحكتهم ع شكل
دلال اللي تفشلت من رد جدتها

************

عند الرجال...

رائد وفيصل وعبدالله وفارس جالسين بعيد عن الرجال
يلعبوا بلوت..

الجد:تعالوا اقعدوا عند الرجال
وخلوا عنكم هاللعب...

رائد :تبي تلعب يبه تراها زينه

الجد:مابقى إلا العب هالعبه
آخر عمري..

:هههههههه

رائد:عادي يبه تشبب توك صغير

الجد:أدري إني صغير بس مو
حق هالعب..

فيصل همس لرائد:مو كأنه قبل
شوي يقول آخرعمري

رائد ضحك:هههههه شئ طبيعي

رعد:ماعليك منهم يبه خلهم
المراهقين...

رائد انهبل:لا والله يالكبير مو كأنك تلعبها..

فيصل:خله بس الأخ متزوج وشاف نفسه

رائد:وإذا تزوج يعني..

الجد:لأنه رجال...

رائد:آفا يبه يعني إحنا مو رجال

الجد:تزوج وتصير رجال..

رائد:يعني الرجوله تقاس عندك
بالزواج..(التقت لأبوه)يبه زوجني...

فيصل:هههههههه

الجد:حنا يوم إنا كبرك وحنا عندنا
عيال بس أنتم ياعيال هالوقت
ماتبون يربطكم العرس..

رائد:أيوه تونا ندرس...

الجد:إعرس وإنت تدرس مافيها
شئ

فيصل:يعني ياجدي العزيز
إنت متزوج وإنت صغير..

الجد:إيه ولاضرن هذاني الحمد
لله عندي عيال وأحفاد..

رائد:بس زمان أول يختلف عن
اللحين..

الجد:لامايختلف انتم اللي ماتبون
المسؤوليه

رائد بضحكه:خلاص أنا ماعندي
مانع تزوجوني..

فيصل:ههههههه عاد إنت ماصدقت...

عبدالله:اللحين.إنتظر خل خالد
يتزوج بعدين يجيك دورك

رائد:مو هذي المشكله...

خالد:عناد فيك ماراح أتزوج
موت بحسرتك...

:هههههههههه

************

بعد العشا ..

البنات تجمعوا في غرفه سهرانين..

سميه:نجوله ليه نجود ماجت..

نجلاء:مسافره لأهل زوجها
عندهم زواج...

ريم همست للميس:لميس روحي لغرفتك يمكن رعد يكون
موجود...

لميس هذا اللي خايفه منه
لأنها بتصير معاه في غرفه وحده:وإذا...مافيني نوم..

ريم:روحي إيش تبغين يقولون
عنك تاركه زوجها وسهرانه مع
البنات...

لميس فكرت فيها وشافت إنها
موحلوه في حقها..

قامت:تصبحون ع خير...

أمل:تونا إجلسي شوي..

لميس بتقهر دلال اللي من جت وهي تناظرها بحقد:لا ماقدر
رعد مايقدر ينام إلا وأنا معاه
أخاف يزعل..

أمل إبتسمت:أجل روحي له..

طلعت ودلال طرطعت من القهر وهي تدعي عليها تطيح
وتتكسر ولا تروح له...

مشت لغرفتها وهي خايفه لأن
الدنيا ظلام وهدوء الكل نايم
في غرفته..

أسرعت في خطواتها ودخلت
الغرفه وسكرت الباب ..

مالقت رعد في الغرفه..

فتحت شنطتها وطلعت لها بيجامه ..

دخلت للحمام وبدلت ولما طلعت لقت رعد متمدد ع السرير وحاط إيده خلف راسه
ومتسند ع وراه...

ولماانتبه لها رفع عيونه وناظرها

نزلت عيونها وجلست ع الكرسي
قدام المرايه تمشط شعرها و
حاسه بنظرات رعد اللي تراقبها..

سمعته يقول:شعرك طال..

لمت شعرها بحركه لا إراديه
وقالت:بقصه ماراح أخليه طويل

رعد:لا لاتقصينه خليه كذا حلو

إستغربت منه وقالت:شعري
وفوق راسي أسوي فيه اللي
يعجبني...

رعد أخفى ضحكته ع تعبيرها
الطفولي وقال بجديه:بس إنتي
زوجتي وأنا أبي شعرك كذا

لميس بسخريه:زوجتك....إنت
آخر واحد آخذ رايه في شئ
يخصني...

رعد ناظرها بحده :نعم إيش
قلتي..

طنشته لأنها خافت من نبرة
صوته وهي مالها خلقه..

أخذت لها مخده من السرير
ولحاف من الدولاب وتمددت
ع الكنبه مطنشته..

**********

دخل غرفتها وشافها جالسه
ع السرير ولابسه عباتها...

زياد:ع وين..

تولين ببرود:برجع للبيت...

زياد:بس إنتي تعبانه..

قامت:ماني تعبانه...

حاول فيها وهو مستغرب من إصرارها ...

لكنها رفضت وماقدر يمنعها...

وأخذها معاه يوصلها للبيت...

دخلت للبيت وخلفها زياد...

صعدت الدرج وتجمدت مكانها
لماشافت أبوها واقف في أعلى
الدرج وجنبه مرام تناظرها بحقد.....

***************







  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

الانتقال السريع


الساعة الآن 05:17 AM


Powered by vBulletin® Version 3.8.8 .Copyright ©2000 - 2016, Jelsoft Enterprises Ltd
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012