العودة   مجتمع ريلاكس | للحياة نكهتنا الخاصه َ > ¬ | ♣ آلأقسآمَ الترِفيهيهَ ، | > صور منوعه - عجآئب - غرآئب - مضحكة




المواضيع الجديدة في صور منوعه - عجآئب - غرآئب - مضحكة


إضافة رد
 
LinkBack أدوات الموضوع انواع عرض الموضوع
  #1 (permalink)  
قديم 05-15-2011
أمل الحنين
سحر الأبداع
 الأوسمة و الجوائز
 آخر مواضيعي
 بينات الاتصال بالعضو
 رقم العضوية : 1883
 تاريخ التسجيل : Apr 2011
 المشاركات : المشاركات 7,077 [ + ]

أمل الحنين غير متواجد حالياً
Talking من يقول ان السلحفاة بطيئة ؟‎


منقول
من احنا صغار ونشوف ماريو يشلّع بهالسلاحف ويحذف صدفاتهم كل صوب، بصراحة شلون صاير شكل السلحفاة من غير الصدفة؟

وهل السلاحف بطيئين؟
وانا في اجازتي قبل يومين كنت منسدح واطالع كارتون ولا يحطون سلحوف صغير، السلحوف ذكرني بلعبة ماريو عالسوبر نيتندو وقعدت افكر شلون شكل السلحفاة من غير صدفتها بالصج. رحت ادور صور صجية ولا تطلع لي مجموعة بسيطة ومبين عليهم مو سلاحف طبيعيين مادري شلون صايرين، لما دورت اكثر اكتشفت الحقيقة
السحلفاة ما تطلع من الصدفة، الصدفة جزء من هيكلها العظمي ما تقدر تطلع منه، مثل واحد يقول تخيل اذا طلّعوك من عمودك الفقري ولا قفصك الصدري، راح تقول شفيه هذا يخورها ! بالضبط، لما نتخيل السلحفاة تطلع من صدفتها احنا قاعدين نخورها
شوفوا صورة الهيكل العظمي للسلحفاة:
يعني التجويف داخل الصدفة فيه الأحشاء الداخلية للسلحفاة، والأحشاء هذي متصلة مباشرة بالصدفة مو مفصولة، القشور أو الدروع اللي نشوفها مصفوفه جنب بعض هذي لازقة على جسم السلحفاة الأصلي ماكو تجويف أو فراغ بينهم بين بعض.
الصدفة مقسمة جزئين:
1- طبقة خارجية اللي تكون على الظهر - the carapace: the upper convex shell.
2- طبقة داخلية تكون جهة البطن -- the plastron: the lower concave shell.
القسمين مربوطين ببعض بجسور عظمية السلحفاة تقدر تتحكم فيهم عشان تصكر الطبقتين على بعض وتدخّل راسها وريولها للحماية من الحيوانات وأي خطر. لما تسوي جذي يعني مثل تدش داخل جسمها، مو تدش داخل صدفة فارغة.
مرات القشور الخارجية تطيح بسبب مرض جلدي أو التهاب في البشرة بس هالحالات نادرة حيل، مرات يصير تنكسر الصدفة -يعني ينكسر العظم- لما تدوسها سيارة وحزّتها يبيلها وقت علما تتعالج وترد على وضعها الأول.
عيل ليش كله عبالنا الصدفة ممكن تنفصل عنهم؟
كله من ماريو التعبان وألعابه، عشان ينقذ أميرة يمشي ويذبّح بهالسلاحف المساكين شوي وينقرضون مشكلة الحريم!
والكارتونات هم كمّلوها عطونا هالفكرة وكبرنا عليها وعبالنا صج سلاحف النينجا لازم يقدمون استقالاتهم النصابين
على طاري السلاحف، صج كلهم بطيئين؟
بس السلاحف البرية ونشوفها بطيئة لأنها بكل بساطة ما وراها شي لما تحتاج تتحرك بسرعة تلقاها طبيعية وسريعه، السلاحف المائية عاديين ونسبياً سريعين في سباحتهم. بعضهم يقولوووون السلاحف البرية بطيئة بسبب عملية الأيض البطيئة في أجسامهم وثقل الصدفة عليهم، ولأن عملية الأيض بطيئة نشوف اعمار السلاحف طويلة مقارنة بالبشر بس مادري هالكلام صح ولا بس جذي.
يمكن لأن ريولهم قصيرة تلقى خطواتهم قصيرة طبيعي يكونون بطيئين بالنسبة لحركتك البشرية. بس هم السلاحف البرية لما يكونون صغار يكونون سريعين لأن حياتهم خطرة واحتمال كبير ياكلونهم إذا ما كانوا سريعين.
وانا اكتب الموضوع لقيت هالفيديو العجيب:
معلومات سريعة:
1- أصداف السلاحف البرية تكون أثقل من السلاحف المائية، وأصداف السلاحف المائية تكون مسطحة أكثر عشان تساعدها على السباحة.
2- لون الصدفة يعكس حالة السلحفاة الصحية، مقدار الكالسيوم اللي بأكلها وشكثر تتعرض للشمس وحالة الكبد والكلية وغيره.
3- الدروع أو القشرة اللي عالصدفة هذي تتبدل خلال حياة السلحفاة، القطع تطيح ويطلع مكانها غيرها.
4- تربية السلاحف عملية خطرة لاشتهارها بنشر مرض السالمونيلا، البكتيريا اللي تسبب المرض موجودة في أمعاءها الداخلية وتطلع مع خروج السلحفاة وتنتقل للبشر إذا ماكو منتبهين.
5- السلحفاة تدفن بيضها برمل الشاطئ عشان تسخن بأشعة الشمس وتفقس السلاحف الصغيرة، يعني مو نفس الدياي يقعدون عالبيض، بس تدفن البيض وتمشي ولا تدري عنهم خلاص تروح، والسلاحف لما يطلعون سبحان الله من روحهم يدشون البحر بسرعة قبل لا تاكلهم الطيور أو أي حيوان ثاني.
6- السلاحف تتغذى على الورود والأعشاب والفواكه والفطر والأسماك والزواحف الصغيرة.
7- أكثر سلحفاة ملونة يسمونها Painted Turtle هذي صورتها:

رد مع اقتباس
قديم منذ /05-15-2011   #2 (permalink)

łŎS† ẾџЄŖΥŦhîŋğ
عُضوٌ بقَرآطُيسٌهَ
 
الصورة الرمزية łŎS† ẾџЄŖΥŦhîŋğ

عُضويتيّ 2054
مُشآركاتيَ 5,974
تـَمَ شٌـكٌريَ 2
شكَرتَ 0
حلاُليٍ 0






łŎS† ẾџЄŖΥŦhîŋğ غير متواجد حالياً
افتراضي


مشكورة خيتو امل ع المعلومه







 توقيع : łŎS† ẾџЄŖΥŦhîŋğ



  رد مع اقتباس
قديم منذ /05-15-2011   #3 (permalink)

الزعيم
عُضوٌ بقَرآطُيسٌهَ
 
الصورة الرمزية الزعيم

عُضويتيّ 1826
مُشآركاتيَ 5,107
تـَمَ شٌـكٌريَ 7
شكَرتَ 0
حلاُليٍ 0






الزعيم غير متواجد حالياً
افتراضي


سبحان الله العظيم لله في خلقه شؤون
بارك الله فيك وفي جهودك ونفع بك
دائما اختي امل الحنين تتحفينا بكل جديد ومفيد
الله يوفقك الى كل خير


تحياتي لكم الزعيم







 توقيع : الزعيم

الـزعيــمـــ
  رد مع اقتباس
قديم منذ /05-15-2011   #4 (permalink)

قاهرتهم
عُضوٌ بقَرآطُيسٌهَ
 
الصورة الرمزية قاهرتهم

عُضويتيّ 2072
مُشآركاتيَ 562
تـَمَ شٌـكٌريَ 0
شكَرتَ 0
حلاُليٍ 0






قاهرتهم غير متواجد حالياً
افتراضي


مشكور عسا الله يبعدك عن عذابه صراحه روعه







  رد مع اقتباس
قديم منذ /05-15-2011   #5 (permalink)

ارجوحة الزمن
عُضوٌ بقَرآطُيسٌهَ
 
الصورة الرمزية ارجوحة الزمن

عُضويتيّ 2008
مُشآركاتيَ 1,017
تـَمَ شٌـكٌريَ 0
شكَرتَ 0
حلاُليٍ 0






ارجوحة الزمن غير متواجد حالياً
افتراضي


مشكووره علي المعلومه
تسلم الاياادي وربي يعطيك العافيه







 توقيع : ارجوحة الزمن

  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

الانتقال السريع


الساعة الآن 07:29 PM


Powered by vBulletin® Version 3.8.8 .Copyright ©2000 - 2016, Jelsoft Enterprises Ltd
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012