العودة   مجتمع ريلاكس | للحياة نكهتنا الخاصه َ > •»|[ رِحلہْ لِصَفآء آلذِهنْ وِ الرُوِحْ ]|«• > خيمة الشعر




المواضيع الجديدة في خيمة الشعر


إضافة رد
 
LinkBack أدوات الموضوع انواع عرض الموضوع
  #1 (permalink)  
قديم 04-05-2011
الصورة الرمزية مهستر
مهستر
عُضوٌ بقَرآطُيسٌهَ
 الأوسمة و الجوائز
 آخر مواضيعي
 بينات الاتصال بالعضو
 رقم العضوية : 1879
 تاريخ التسجيل : Apr 2011
 المشاركات : المشاركات 109 [ + ]

مهستر غير متواجد حالياً
افتراضي قصيدة لشاب فقير خطب بنت عمه المليونير‎


سبحان من يرزق بتوع الملاييـن*** الرازق اللي ما يخيب الرجـا بـه


لي عم عنده معـرضٍ للصواليـن ***أموت واعرف بس من وين جابـه



وإذا سألته قـال بعـت الدكاكيـن***ما يدري إني ما هضمت الإجابـة



الشاهد إني رحت له قبـل يوميـن***في قصره العامـر ودقيـت بابـه



قال أرحب أرحب عدّد ورد البساتين***يا مرحبا باللـي لفـا يـا هلا بـه



قلت البقا عـدّ النفـل والرياحيـن ***يا شيخ شمل أهل الكرم والذرابـه



قال اسلم الله يحفظك لي من العين***وآمر أوامر حضرتـك مستجابـة



قلت الصراحة طالبٍ قرب غاليـن*** ودي تزوجنـي كريمتـك يـابـه



ثنّى وقال أهليـن والله وسهليـن***والكون ترخص لجل عينك رقابـه



لكن ترا عندي شـروط وقوانيـن***قلت اشرط اشرط يا حبيب الغلابـة



قال أولاً مهر العروسـة ثمانيـن***غير الرسوم وغير حق العصابـة



والثانية عمك يبي منـك سبعيـن***رسم الأبـوّة والنسـب والقرابـة



وأم العروسة حقها منـك ستيـن***عشانها ست الحسـن والمهابـة



وإخوانها كلن يبي منـك خمسيـن***عداً ونقـداً تنـدرج فـي حسابـه



وخواتها الخمس عطهن من ثلاثين***عشان تتوثـق عـروق النسابـة



وتجيب طقم عيار واحد وعشرين***وخاتم من الماس المصفى ترابـه



وأكياس متروسة كعوب وفساتيـن***ألوانهـا وأشكالهـا مـا تشابـه



وموتر بسواقـه وفيـلا بدوريـن***أثاثهـا مـن بطرتـه ينحكـى بـه



واحجز لنا قاعة بقصر السلاطيـن***واحجز بهـا رقاصتيـن وربابـه



هذي الشروط اللي على بالي الحين***وذكرني اللي ما حسبنـا حسابـه



قلت اذكر الله يا عـدو المساكيـن***واستغفـره لا يبتلـيـك بعـذابـه



الظاهر إنك منت عارف أنا ميـن ***أنا لو أرقى فـوق متـن السحابـه



ما جبت حتى نص درزن مواعيـن***واضحك بكيفك واعتبرهـا دعابـة



شروطكم هذي شـروط المجانيـن***شروطكم شغـل ابتـزاز ونهابـه



شروطكم تقصم ظهـور البعاريـن***شروطكـم همّـن وغـم وكآبـه



شروطكم والله سيوف وسكاكيـن***تذبح بنات المجتمع مـع شبابـه



وين الرضا والعطف واليسر والليـن***اللي ذكرهـا الله بمحكـم كتابـه



وين الصفات اللي أمرنا بها الديـن **وين اختفى نهج النبي والصحابـة



يا عم جعل اللي خلقنا من الطيـن**يرد عقلك مـن خطـاه لصوابـه



ويجعل نصيبي عند غيرك قل آمين**ويحسن عزا الصابر ويجزل ثوابه



قال أنت لو فكرت تفكير صاحيـن***ما شفت في مجمل شروطي غرابه



حنا بعصـر العولمـة والمزاييـن *** ماهوب عصر الفلسفة والخطابـة



الناس تسعى للرتـب والنياشيـن***وأنت اهتمامك بالشعـر والكتابـة



والشعر ما ينفعك لو هو دواويـن***ما دام جيبك مثـل بيـت الخرابـة



يا بوك لا تسمع كلام المصاخيـن***واسأل مجرب عاش في وسط غابه



قلت الله أكبر يا محـرر فلسطيـن ***من يسمعك يحسبك ذيـب الذيابـه



تراك شايب رأس مالـك رياليـن ***والبنت ما تسوى جنـاح الذبابـة



قال انقلع مالت على وجهك الشين****لا عاد أشوفـك عندنـا يالزلابـه
قلت ابشر أبشر لكن الباب من وين**وأقفيت من عنده على صوت بابـه

رد مع اقتباس
قديم منذ /04-05-2011   #2 (permalink)

غـــــ عمري ـــلا الرياض
 
الصورة الرمزية غـــــ عمري ـــلا الرياض

عُضويتيّ 1829
مُشآركاتيَ 3,020
تـَمَ شٌـكٌريَ 0
شكَرتَ 0
حلاُليٍ 0






غـــــ عمري ـــلا الرياض غير متواجد حالياً
افتراضي


مشكوووووور والله يعطيك الف عافيه







  رد مع اقتباس
قديم منذ /04-06-2011   #3 (permalink)

دلع القصيم
عُضوٌ بقَرآطُيسٌهَ
 
الصورة الرمزية دلع القصيم

عُضويتيّ 1824
مُشآركاتيَ 6,766
تـَمَ شٌـكٌريَ 0
شكَرتَ 0
حلاُليٍ 0






دلع القصيم غير متواجد حالياً
افتراضي


الله يعطيك الف عافيه ع الطرح







 توقيع : دلع القصيم


يسلمووووووو اخوي النجم الساطع :w15:
  رد مع اقتباس
قديم منذ /04-14-2011   #4 (permalink)

وينك ياغلاي
* ؤشمَ ريلإكِسسَ .. !
 
الصورة الرمزية وينك ياغلاي

عُضويتيّ 1822
مُشآركاتيَ 23,885
تـَمَ شٌـكٌريَ 2
شكَرتَ 0
حلاُليٍ 0






وينك ياغلاي غير متواجد حالياً
افتراضي


يسعدك ربي على القصيدة الجميلة
بجد تروقني كثير
احسها معبره كثير
وفيها حس فكاهي جميل رغم ماتحمله من معاني جميلة
وتجسد واقع مرير يعانيه الكثير من الشباب في ظل الضروف المعيشية الصعبة
دامة ذائقتك ورقيك







 توقيع : وينك ياغلاي

انتي فعلا خيال
سلمت اناملك سيدتي
  رد مع اقتباس
قديم منذ /04-14-2011   #5 (permalink)

غـــلا
سحر الأبداع
 
الصورة الرمزية غـــلا

عُضويتيّ 1830
مُشآركاتيَ 731
تـَمَ شٌـكٌريَ 0
شكَرتَ 0
حلاُليٍ 0






غـــلا غير متواجد حالياً
افتراضي


صح لسانك ولسان كاتبها
يعطيك العافيه
ماننحرم جديدك







 توقيع : غـــلا




تفارقنـا وصـرنا يـا حبيبـي بالزمـان أغـراااب

وتاهت في دروب الشوق يا عمـري خطاوينـا

  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

الانتقال السريع


الساعة الآن 11:55 PM


Powered by vBulletin® Version 3.8.8 .Copyright ©2000 - 2016, Jelsoft Enterprises Ltd
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012