مجتمع ريلاكس | للحياة نكهتنا الخاصه َ

مجتمع ريلاكس | للحياة نكهتنا الخاصه َ (http://www.r-x0.com/vb/)
-   خيمة الشعر (http://www.r-x0.com/vb/f159)
-   -   انا أبسط طموحاتي تهدّم عالي ركونك . ! (http://www.r-x0.com/vb/r-x067332)

فَاتِنّهہ 05-18-2013 11:19 PM

انا أبسط طموحاتي تهدّم عالي ركونك . !
 

إذا ظنك ملايينك تسوي من العدم رجّال
انا أبسط طموحاتي تهدّم عالي ركونك

واذا انك تب تحاصرني بزيفك والذهب والمال
فانا الكنز الذي مثله ابد ما طالت جفونك

واذا تحاول تضيعني عن اللي بالخفا ينقال
انا أدهى من افكارك واساليبك ومضمونك

ولامنك بغيت اللي على راسك تحط عقال
تفضل شيلتي يمكن يشوفوها ويشرونك

بلا ما تتعب متونك وتقطع في هواي اميال
انا بدري على مثلك يا مدري وش يسمونك

لأني مهرة(ن) أبطا يشد حبالها خيال
إذا توطيت مضماري عسى الله يكون في عونك

طليقة راي في فكري وبافعالي وسيعة بال
فقيرة حب لكني أعيش بعزتي دونك

أسير بمنطق(ن) سامي واخلي القيل واللي قال
واقول اعداك يا دربي شظايا لا يهمونك

فلا زالت قناعاتي وإيماني بعد ما زال
وانت ما تخليني أدوس الذات لعيونك

برددها على مهلي واكررها كذا أدبال
انت/ما/تخليني/أدوس/الذات/لعيونك

ولو طالت متاهاتي ولو ضاقت بي الأحوال
ولو خانتني الدنيا حياتي ما تبي عونك

على قد الصدف واقسى مواعيد القدر والفال
اثاري الناس يا قلبي بعدهم ما يعرفونك

كبيرة كنت من صغري وأكره لعبة الأطفال
تحراني وانا حرمه ابلعب؟ خابت ظنونك

لزوم تحس مقدارك وتسمع كلمتين ثقال
"أنـآ" أكبر من احلامك يا مدري وش يسمونك

MeM 05-19-2013 03:28 PM

رد: انا أبسط طموحاتي تهدّم عالي ركونك . !
 
دائما راقيه في اختياركـ غلاتي ه1ه1

أتعبني الشوق 05-19-2013 04:09 PM

رد: انا أبسط طموحاتي تهدّم عالي ركونك . !
 
http://im16.gulfup.com/2012-04-17/1334673009821.gif

ابيآت قمــه في الرووعه
صح لسآن شآعرهآ و يسلم لنآ
ذووووق نآقلـهآ .

احتًراٌميٍ وُتحًيآتِيَ
ـآتَعُبٌنُيًٍ ــآلشًـٍـًٍـًٍـوٌُوٌُوٍُقٌٍُ

فَاتِنّهہ 05-19-2013 08:57 PM

رد: انا أبسط طموحاتي تهدّم عالي ركونك . !
 
آستضــآء آلمكــآن لقدوومــكم
لآحرمنآ آلله آطلآلتـــكم آلرقيقه
بحجم الكون اوجه ألشكر من اعمآق قلبي...
لكل من شاركني في هذه المساحه ....
لــِ روحكـم قُلائد فُرح ..

فَرح 05-19-2013 09:00 PM

رد: انا أبسط طموحاتي تهدّم عالي ركونك . !
 
_

بلا ما تتعب متونك وتقطع في هواي اميال
انا بدري على مثلك يا مدري وش يسمونك


قَصِيدهه جَميلهه ، :خقق:
رآآقَتْ لِي ق4:197:
يَعَطيككْ الف عآفيهه يَ عَسسلْ
وِدي

(:ورد:)


الساعة الآن 12:48 AM

Powered by vBulletin® Copyright ©2000 - 2018, Jelsoft Enterprises Ltd.
TranZ By Almuhajir
مجتمع ريلاكس
Relax V. 1.0 © 2012
new notificatio by 9adq_ala7sas
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012