مجتمع ريلاكس | للحياة نكهتنا الخاصه َ

مجتمع ريلاكس | للحياة نكهتنا الخاصه َ (http://www.r-x0.com/vb/)
-   خيمة الشعر (http://www.r-x0.com/vb/f159)
-   -   لحظة لحظه أسمعيني مو أخوك اسمه وليد (http://www.r-x0.com/vb/r-x025476)

حَحَبيتُ جَرحكٌـُ.., 11-09-2011 10:42 AM

لحظة لحظه أسمعيني مو أخوك اسمه وليد
 
http://up.graaam.com/uploads/imag-6/...1981de08c6.png
صدفه جتني طالعتني من بعيد اليابعيد

من كثر ماهي تطالع قمت اطالعها واصد



ماوعيت الا برهبه كن نبضاتي تزيد
كنت اطالعها وخايف كنت اقرب وابتعد


قمت افكر واتذكر قمت اردد قمت اعيد
زاد خوفي ..وارتباكي خوفي لا يدري احد


الا هي .. قامت تنادي انت فيصل ؟؟ قلت اكيد
وانتي منهو جاوبت من دار ابو فيصل فهد



طالع بعيني وشوف في عيوني شي فريد
وين حبك ..وين وعدك... ان حبي للابد


ياخساره ايش صاير ليه كذا صاير بليد
وين ياحب السوالف والمحبه والعهد


لحظه .. لحظه اسمعيني مواخوك اسمه وليد
لا . ياحظي لا ياقلبي انا اخوي اسمه سعد


قمت اخربط في كلامي صار في قلبي وقيد
قمت اعدد انتي ساره ..والا نوره.. والا ريم اوشهد


ياخساره كنت اظن اسمي مدون بالوريد
ماحسبت احساس قلبك يسكنه هذاالعدد


ليه تخدعني؟ بحبك وانت لي كنت الوحيد
كنت اسافر في عيونك مايرافقني احد


كان يعجبني عنادك كنت اسميك العنيد
كنت احب اروع صفاتك يوم تعلنها ابد


كنت تاخذ من فؤادي كنت اجيلك بالمزيد
كنت تسبقني لقلبي يوم تصرخ ياوعد


كنت اصارع فيك حبي وانت حبك مايحيد
كنت اشوف الكون كله في عيونك لي بلد


كنت تاخذ من شعوري كلما تبغى وتريد
كنت مدري تحتويني كنت اظنك لي سند


كنت غير الناس عندي كنت لي شيخ وسيد
اذكراني كنت اسولف في غيابك حق سعد


واشتكي من طول بعدك وانت فيني موبعيد
ليتني ماقلت احبك ليت قلبي ما نولد


ياكثر ماكنت احبك شوفتك لي يوم عيد
ياكثر ماصرت اكره نبض قلبي للابد


اسمعيني .. لوسمحتي واسمعي الراي السديد
من ثمان سنين كنتي في حياتي ياوعد


واذكراني كنت احبك واذكر اني كنت اشيد
في محبه ماذكر انه عاشها مثلي احد


ماختلفنا !! بس عودي لازمن امس البعيد
فيه كان الناس تخشى في العشق جزر ومد


كنت اشوفك في خيالي في حروفي والقصيد
رغم بعدك عن عيوني وبيننا حاجز وسد


رغم بعدك وابتعادك كنت احس اني سعيد
كنت اراضي فيك قلبي كنت اخف عنه واشد


كن حبي والمشاعر والاماني كالعبيد
نرتمي بحضان قلبك لين ماذاب الوعد


ياوعد الوقت عدى وصرت انا وانتي نعيد
عهد مدري كيف عدى المهم نفس العهد


تذكري وش كنت اسوي لانتهى عندي الرصيد
كنت اشوف الليل مظلم وارجع لعينك وارد


ارتمي في حضن همسك وابتدي لك من جديد
من كثر ماكنت اسولف كنت احس اني اسد

ياوعد.. شكلك تغير بعد هالعمر المديد
تدري اني من تركتك صار لي بنت وولد ...
رآقــت لي ، http://www.v30v.com/vb/images/n-s/243.gif

مالك القلوب 11-09-2011 12:57 PM

تسلم على القصيده ...

وينك ياغلاي 11-09-2011 01:44 PM

زيف الحب آفه شوهت كل معانيه الجميله
ابيات رائعة صورت لنا الزيف والخداع اليومي بأسم الحب
والتلاعب بالمشاعر والأحاسيس
نزف ابداعك راقني
وحضورك الحافل والمميز جذبني
استمري على ما انتي عليه
مودتي

أتعبني غلاك 11-09-2011 04:13 PM

صح لسان شاعرها وسلم خفوقك يا عطر
قصيده راقت لي كما راقت لكِ.. لديكِ ذائقه ترصه بالذهب
فهنيئاً لنا بما يروق لكِ
تختم القصيده& تقيم
لقلبك الجوري

ɜ ȥ ғ ♥ 11-10-2011 12:43 AM

صَح لِسَانُك وَلِسَان قَايَلْهَا
و الْلَّهيُعْطِيَك الْعَافِيَه وَتُسَلِّم يَدَيْك عَلَى الانْتِقَاء الْمُمَيِّز
بِانْتِظَار جَدِيْدُك بِشَوْق
أَرَق التَّحَايَا لِرُوْحِك
وَوُدِّيوَبَاقَات وَرْدِي


الساعة الآن 08:20 PM

Powered by vBulletin® Copyright ©2000 - 2018, Jelsoft Enterprises Ltd.
TranZ By Almuhajir
مجتمع ريلاكس
Relax V. 1.0 © 2012
new notificatio by 9adq_ala7sas
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
site_map RSS RSS2 urllist ROR J-S PHP HTML XML Sitemap info tags

Relax : Relax V. 1.0 © 2012